昨天在街邊食雪糕的時候, 有路人不禁停下來和肥LU聊了幾句，當女友人問起肥LU有冇掛住爸爸嘅時候,可能因為眼瞓底, 再加上女友人個男友人成身紋身有D似爸爸😂, LU突然情緒失控, 扁曬嘴話：掛住爸爸呀～～～ (少少震音😆）最後仲滴左一行眼淚出嚟。別怪老母笑得太浮誇，因為老母冇諗過LU會有這樣的反應，實在是太可愛了❤️

[連環圖] 幾名速龍部隊 突然情緒失控 於防線內跑出來 亂槍平射示威者 #728

電話Siri無啦啦開咗(4)：【很久不見】 . .同女朋友嚟到阿公屋企樓下，突然間佢停低咗郁都唔郁… . .「做咩事啊？」我問。 .「不如算啦，都係唔好上去…」小豆。 .「點解啊？隻女鬼纏住妳喎。」 .「上次阿公都話幫你處理啦，結果咪又見返佢。」 . .我拖住女朋友，但佢扁晒嘴唔肯行。 .「哦哦哦哦！我知喇！妳驚飲香爐灰水係咪呢～哈哈！老實講，我飲咗咁多杯，到而家都係…習慣唔到，好難飲！但隻女鬼開始接近妳，都係飲幾杯好啲，苦口良藥嘛。」 . .「佢出現過幾次啫，最近都無見到佢，可能你聽錯啲錄音呢。」小豆。 .「行啦～至多我幫妳頂半杯啦！」 . .半推半就上到阿公屋企，我將件事話返畀阿公聽，佢摸一摸小豆額頭，又聽吓脈搏。阿公皺眉話：.「有啲難攪…」 . .「吓？！唔係嘛，點難搞法？」我問。 .「照你哋頭先咁講，隻女鬼唔係想害死妳啊。」阿公。 .「咁都唔係好難搞啫，佢…好似啲小朋友靈體咁貪玩望幾眼啫可？」 . .「唔係啊！」阿公望住小豆，神情凝重：「佢一直都跟住妳，接近妳嘅生活，慢慢吸緊妳陽氣，然後替代妳嘅身份，咁樣仲大獲過要害妳啊…」 . .我同女朋友都聽到呆咗。 .阿公畀咗道符佢掛喺身，又不斷用燒著咗嘅符圍住佢周圍畫咒，過程中小豆雙目無神，全身流晒大汗。最後，當然唔少得嘅係香爐灰水啦。 . .女朋友皺晒眉望住我… .「乖啦，飲咗佢啦，頭先妳都聽到阿公講啦，好危險啊。」 . .飲完杯灰水，阿公叫我哋留喺度食飯，小豆全程一句嘢都無講過，不停食不停食，阿公留意住佢一舉一動。 . .食完飯，幫阿公洗碗時，阿公走埋嚟細細聲同我講：「呢排睇住佢，有咩事打畀我。」 . .執好晒所有嘢，我就送小豆返屋企。 .「我有啲肚痛…」小豆突然間捂住個肚。 .「咁妳去埋先啦，我等妳。」可能係啲灰水有效，回想當時～我晚晚都屙㗎！ . .搞掂晒落到樓下，我拖住小豆一邊行，佢隻手好凍，臉色又麻麻，於是我就問佢：「點啊，個肚唔舒服啊？」 . .「無事啊…」 .之後，佢一粒聲都無出，行到巴士站，小豆突然間推開我：「唔使送我，你自己返去。」 . .「吓？做咩事啊？」 .「我一早講咗唔上去㗎啦，我成身又寒又想嘔，好辛苦啊。」小豆一邊講仲喊咗出嚟。 .「我驚妳有事嘛，咁不如帶妳去睇醫生啦。」 .「唔使你理我啊！我都唔明，你成日上阿公屋企做乜？你唔係同我講你信佢嘛？我哋個個當故仔咁聽咋。」 . .「咁上次…」 .「下次佢叫我食蠟燭，你係咪又逼我食啊！」小豆發晒脾氣咁鬧我。 .「唔好嬲啦，至多下次睇定啲先上去囉好無？」 .「我自己返屋企啊，你唔好再跟住我。」 . .「喂…喂！」巴士啱啱到站，小豆一支箭咁上咗巴士，望都唔望我一眼。 . .雖然小豆嬲咗我，又成日唔聽我電話，但我每日都堅持接佢放工，送到佢返屋企先離開。但係佢行為有少少奇怪，我分唔出佢係仲嬲緊我定係有事… . .有時小豆好似特登避開我咁，用其他出口離開公司，我等到成十點鐘，膽粗粗上佢office先知全公司都走晒。 . .有時送佢搭車返屋企，佢會突然間衝落車大嗌，又或者半夜佢會偷偷哋出街，然後打畀我叫我出去接佢。佢屋企人仲同我講，佢成日都自己一個喺間房度，對住塊鏡笑。 . .我身心被佢折騰得好攰，但我唔敢有一刻鬆懈，我怕只要有一次偷懶無送佢返屋企，佢就會出事。 有一晚，喺巴士上面電話響起，係阿公打黎。 . .「點啊？呢幾日佢點？」阿公。 .「呃…」我望住小豆，佢好嬲咁望住我：「…佢無咩事，我每日都有送佢返屋企，佢都話無再見過隻鬼出現啦，阿公你真係掂！」 . .「咁就好啦，有咩事搵我。」 .「知道。」 . .收咗線之後，小豆先即刻笑返，仲撓實我隻手：「算你啦。」 . .嗰晚之後，女朋友比之前正常咗好多，無再突然大嗌，無突然情緒失控爆喊。我望住伏喺我膊頭，好安靜咁訓緊嘅小豆。 . .我真係唔知咁樣，到底屬唔屬於正常… . .可能隻女鬼見我日日陪住佢，就無再騷擾佢啦。小豆仲主動約我出街，前排佢除咗返工之外就唔肯出門口。 . .佢話想去長洲過一晚夜燒嘢食踩單車，我即刻請假陪佢去啦。點知，喺碼頭見到佢出現時我嚇咗一跳，佢後面嘅頭髮扎咗五、六條好長嘅辮，個妝仲化到好濃，搽咗鮮紅色唇膏。 . .「點啊？靚唔靚？」佢問我。 .「靚…換吓新型象都幾好吖…」 .小豆一手拖住我，我留意到佢仲搽咗紅色指甲油，我心一寒：「嘩大熱天時，妳隻手咁凍嘅？係咪唔舒服啊？不如今日我哋唔好入長洲，去第度玩啦？」 .（太多字，下幅圖貼埋）