【我是現場 音樂會 001】 6月就係《我是現場》系列嘅第一場演出喇，打頭陣係邊兩個音樂單位呢？ 疫情下所有現場演出都延期同取消，無show睇嘅時代要完結喇!!! 2021年6月開始，一齊將呢個句號變為省略號 ⋯⋯ #詳情即將公佈 #畫公仔畫出腸 #準備好搶飛未 #我是現場 #thisislive #太陽娛樂 #棋人娛樂 #POPM #ends

卷二作文最後提示 整體提示 😌記得要在封面寫上正確的試題編號，並在內頁的試題編號方格填寫「X」號，以標示所選答的題號。 😌如果題目給予開首段落／句子要求續寫，為慎重起見，最好在文章開頭抄寫；同樣地，若題目提供收結全文的段落／句子，亦宜於在文章結尾抄寫。 😌須跟從人名規定，不要自己亂作名，例如：小明、家明。 😌不宜以時下流行曲歌詞、電視劇對白、潮流或網絡用語（如：炒車、學霸、媽寶等）入文。 😌同學寫作文章時可以引用卷一甲部範文的內容，但切忌胡亂套用，牽強附會，反導致扣題不緊。又，不必刻意以卷一白話文篇章的題材入文。 😌破折號、省略號必須以兩格書寫。 😌文首的鋪敘及引入是否有意義，端視乎其與文章內容及意旨有否關聯及呼應。同學往往喜以長篇幅的景物描寫入文，但其放諸任何題目皆無分別、與後文毫無關聯，自會予人堆砌之感。 記敘： 😌留意扣題字眼，下筆之前，想想字眼的涵義、應該如何表達出字眼的涵義。例如2020《最能體現「嚴以律己，寬以待人」》，考生須兼顧「對己」以及「待人」兩者的描述，不可只回應其中一項。同時也可以自己或他人的言行作襯托，或以他人對人物的評價來突出人物為人的可貴之處，以扣連「最能體現」一語。 😌留意題目句式，當中往往提示了分句之間的邏輯關係，例如2015《沒有手機的一天》，「……，因而……」標示分句之間存有因果關係，即不一樣的經歷和體會必須因沒有帶手機而產生。又如2016《熱鬧過後》，「……，…卻……」標示分句之間存有轉折關係。 😌注意一些看似minor的字眼，2019年要寫「一句話」，故在文中不應呈現讓「我」記上一輩子的說話多於一句，例如呈現「我」對於老師多年來的各種教誨銘記於心，則並非集中記述「一句話」，亦有違題目要求。 😌宜先判斷題目為線性式記敘文或散列式記敘文。若為線性式記敘文，如2014《必要的沉默》，應集中記敘某一件事情，枝節不宜太多；若為散列式記敘文，如2012《唐老師》、2015《沒有手機的一天》、2018《重遊舊地所見有感》、2020《最能體驗「嚴以律己，寬以待人」》，通篇宜以約三個片段貫穿。 😌必須要有昇華，注意事項有三：一、昇華不宜過短，或只抒發感受，而無領悟或體會；二、昇華要與文中所記述的事情或經歷有關；三、昇華要與題目有關，如果昇華可以代入其他題目、故事，就不算是一個好的昇華。 😌如文章涉及轉折，應有足夠情節鋪敘，以營造自然的轉折，當中須交代合理原因說明改變的原因，例如2014由本來想力陳己見變為保持沉默，須明確交代觸發點，以說明沉默的原因。在「個人所見畫面」與「旁人提醒」兩種常見的觸發點中，以「個人所見畫面」為佳，「旁人提醒」為次選。 😌同樣關乎轉折，同學應留意觸發轉折的事物／契機是否合理，否則難以讓人信服。例如2017《終於解開了心結》，人若處於持續良久的鬱結或困惑之中，大抵不會因為忽然想明白了、在電視看到一幕、或偶爾看到美麗風景而頃刻豁然開朗，如此轉折急而突兀。 論說： 😌留意扣題字眼，由於題目字眼或與推論過程的前設與條件相關，因此須留意字眼與其近義詞之間的分別。例如2016《傳統往往是創新的包袱》，「傳統」 並不等同「舊事物」；2018《談知己／談敵人》，「知己」的概念並不等同「朋友」，「敵人」亦不等於「壞人」。又如2020《微笑以對》，「微笑」有別於呵呵大笑、苦笑、冷笑。 😌留意題目句式，如因果、條件、選擇關係等，例如：2014「不做第一，也不做最後」為並列關係、2015「獨學而無友，則孤陋而寡聞」為因果關係等，論述時須注意能否回應分句之間的邏輯關係。 😌如果題目提供寓言故事，要求考生就故事所帶來的啟發，撰文探討對特定事理或如何應對某種狀況的看法（如2012《刺蝟的故事》、2013《母女的對話》），則同學必須緊扣相關內容發揮論點，不應脫離寓言故事之意。 😌舉出例子論證時，不要永遠只有一種套路：例如人物面對困境、限制、不斷努力、成功，這種套路通常都反映同學忽略了某些重要的扣題字眼，必須十分小心審視例子是否扣題發揮。 😌假若題目要求指出認同兩項看法中的哪一者，通篇均須展現兼論及比較意識。 開放題： 😌如題目中指「以『ＸＸ』為題寫作文一篇」，則一般為開放題。這類題目文章體裁不限，同學可以用記敘文或論說文的方式寫作，評分會按照所選文體的要求評閱，並無差異。至於以雜文或夾敘夾議的方式寫作開放題亦可接受，惟同學須小心避免佈局混亂、內容零碎蕪雜、敘事或論述空泛等問題。 😌「足印／禁區」一類題目可以是實指，亦可以是虛指，後者往往牽涉事物的內在意涵或象徵意義。同學欲取得較理想的分數，則文章的立意須回應虛指的部分。例如：同學敘事或論述時不應只停留於描述留在地面的足印，而應當扣連足印的虛指，就曾走過的路所得來的經驗等立論。 😌題目若輔以參考資料，然後要求考生就其所帶來的啟發，或就個人對其的體會或聯想，以「ＸＸ」為題寫作文章一篇（如：2013《成長》引述了一段話、2014《陽光與陰影》附有圖片、2019《想想別人》引述了一首詩歌），同學切忌完全不理會所提供的內容，空談個人對「ＸＸ」的體會。

有睇四台聯播嘅你，唔知有冇同我一樣有啲感動熱血嘅感覺呢？⁣ ⁣ 戴返個頭盔先，因為我今日要RN interview，所以琴晚睇埋試當真條片就去咗温書，温到點幾兩點。今朝起身第一件事就係追返小薯茄同FHproductionhk嘅片，睇完之後有種莫名嘅感動，覺得成件事真係好正好熱血呀喂！特別係聽到熊仔頭話「希望香港攞套野出去係可以同全世界嘅片打」，我完全唔覺得係天馬行空嘅幻想，反而真係睇到香港電影，又或者話香港創作嘅未來係充滿希望。⁣ ⁣ 唔知由幾時開始，睇港產電影變咗係一件好奇怪，完全唔合乎主流嘅事。唔計近幾年多返人支持返香港嘅創作，至少由我有記憶以來開始，每次聽人講去睇戲，都係睇啲荷里活猛片呀雲集國際巨星嘅大製作⋯如果你話去睇港產片？聽得最多嘅回應可能係「下，最近有上呢套電影咩？」、「未聽過嘅」、「冇見過有賣廣告嘅」、「啲明星全部唔識嘅」⋯但明明周星馳嘅電影好多香港人都睇到可以背返啲對白出來，又或者王家衛嘅電影係深受世界各地嘅觀眾欣賞，點解由唔知幾時開始，港產片連香港人自己都唔太留意，更加唔好講支持呢？⁣ ⁣ 其中一大原因一定係資源問題。一直以來，好多創作人都好努力去製作可以代表香港本土文化嘅電影，但咩都要錢，演員要錢拍攝要錢；經費有限，政府又咁「重視」香港嘅創意產業，唯有用有限嘅資源盡力拍最好嘅野出來。請出名嘅明星要好高片酬，不如索性發掘下啲新人，但觀眾見啲演員個個都生面口，新晉導演嘅名又未聽過，又可能冇咗想睇嘅意欲⋯搞完一大輪，付出好多心機，最後可能換來淡薄嘅票房收入。喂，下下都蝕錢，仲點繼續拍香港電影呀？不如退而求其次，同下大陸合作，加啲普通話對白，至少揾到啲巨星撐下場，劇情唔係最重要，有畫面有特效就得架喇⋯呢啲電影出到來可能受歡迎啲，但仲係唔係純粹嘅港產片，仲係唔係本土嘅創作，就真係唔知道喇。⁣ ⁣ 不過喺近幾年，好似開始見到曙光。⁣ ⁣ 開始多人支持返港產片，睇到有啲香港電影爆晒場，票房收入破晒記錄，啲人茶餘飯後嘅話題會圍繞住啲港產片，甚至好似睇avenger咁一刷二刷再刷⋯⋯我諗唔止係因為香港人喺中共嘅壓迫下好想捍衛、支持返本土嘅創作，當中都一定因為呢啲創作都係高質嘅創作。好難食好難食嘅黃店，再黃都唔會留得到一班會再回頭嘅食客；如果係粗劣嘅創作，我諗香港人都唔會願意俾錢入場一睇再睇。所以香港嘅電影絕對有閃閃發光嘅地方，有好多好好嘅創作，有時可能只係差咗你冇俾佢一個機會呈現喺你睇前。⁣ ⁣ 講返四台聯播，我諗有睇四台聯播嘅你，可能本來都唔係四個台嘅觀眾，可能會特別鍾意某一個台。我自己本身都唔係追晒四個台：熊仔頭我由中學開始鍾意，睇到今年大學畢業，每條片都有睇（加埋我係杜以辰忠粉）；試當真我都係開咗台冇耐先開始追，愈追愈欣賞佢地（豪腎世界第一）；小薯茄我就間唔中會click入去睇一兩條片（最鍾意阿冰）；啱channel就好少睇，都係youtube彈出來見到有啲興趣嘅片先會禁入去（我細佬好鍾意阿gi🤣）。但我覺得今次四台聯播最正嘅位就係，你唔駛鍾意晒佢地四個台架，佢地就只係想一齊創作，做好一件事俾香港人睇。每個人鍾意嘅野都唔同，有人可能鍾意熊仔頭嘅星爺式幽默加細緻劇情伏筆style，有人可能好欣賞試當真嘅看似無厘頭但要自己領會其中嘅意味嘅創作，有人可能鍾意小薯茄嘅清新活潑正能量style，有人可能鍾意啱channel嘅靚畫面加集浪漫搞笑於一台嘅全面性⋯但今次四台聯播唔係為咗令多啲人鍾意睇佢地，唔係為咗吸納多啲觀眾咁簡單，而係想透過呢次合作，保留各個台嘅特色，再喺呢個基礎上一齊創作啲新嘅野，擦出火花，將佢地各自吸引人嘅特色發揮到最大，而結果出來我自己覺得好正。喺香港呢個偏向踩人多過讚人嘅社會風氣裡面，我會話佢地第一次就搞咁大壇野實會有不足嘅地方，但我睇到嘅係佢地好用心去構思、拍片，不眠不休咁剪片，最後出來嘅片都有好多驚喜，好多新嘅火花。剩係有接近三萬人一齊睇住好多人眼中只可以叫做網片嘅直播，宜家點擊率已經成唔知幾多十萬（揾唔到實質數字又懶得計），仲被各個傳媒報導咁大件事，已經係一個好大嘅突破，一個好值得紀念嘅歷史性時刻。四台聯播俾香港人睇到本土創作唔係流架，仲有一班人默默堅持創作，仲有一班人喺香港本土特色被逐漸沖淡嘅時候，仍然堅持捍衛本土嘅文化，拍香港人先睇得明嘅片，屬於香港人嘅片。可能喺好多人眼中，呢啲業餘嘅小製作同喺戲院大銀幕上映嘅正式電影仲有一段距離，但我覺得電影某程度上都係由一個構思開始，再將零碎嘅鏡頭、畫面、片段湊合成一個故事，再用配樂、聲效加以裝飾，將完整嘅一個意念呈現於觀眾眼前，由觀眾自己去思考、領略⋯而我地今日喺youtube睇嘅呢一段段以分鐘計嘅片段，雖然時間短啲，但當中創作者所花嘅心思，絕對唔比任何一套電影少。所以我相信香港嘅電影，香港嘅創作，香港嘅未來，係絕對有希望架。 最後，我畫咗呢幅畫來紀念呢個咁特別嘅日子。今次四台聯播就好似一舊有晒佢地四個台嘅元素嘅串燒咁，同平時嘅咖喱魚蛋串、燒賣串唔同，呢串野唔係將一樣野重複幾舊，而係集合晒幾個台嘅特色，係特別版來架，係百分百香港製造架。畫咗省略號係想表達，希望呢個唔係一個句號，而係一個開始，以後仲會陸續有來。 香港電影已死？就係要繼續做繼續做，你撐我撐你，24小時一定起死回生，再攞出去同全世界嘅所有片打。#staycuteprocreate