《無異之局》荒村異聞（三）
　　
【韋家聰視角】時間返去一個鐘頭前。當時我坐緊無二嘅小型貨車，準備前往「城寨幫」搵一位叫做凌永岳嘅人……希望可以同佢聯手對付狄陀。
　
「阿聰，我知你而家應該係一頭霧水……但放心喇，一程車絕對夠幫你搞清楚狀況。」無二邊踩盡油門邊解釋：「你仲記唔記得有段時間我去咗外國搵關於惡魔同詛咒嘅資料？」
　
「嗯……尾東樓事件之前。」
　
「雖然喺嗰邊只係搵到啲殘缺資料，研究到一半又要趕返嚟救你哋……」無二嘆咗口氣，「但之後我都有搵過唔同嘅專家做分析，包括我師父。」
　
無二其實甚少提起佢師父，對上一次已經係啱啱開始做助手嘅時候（即係半年前）……冇記錯係叫做黃天定，而家好似身處英國過緊退休生活。
　
「最後我得出一個結論──狄陀係古老惡魔，佢同普通惡魔唔同。喺一般情況下，就算你有本事消滅佢嘅本體，佢嘅靈魂依然接近永恆存在。只要佢同其他人類仲有契約連結又或者詛咒未解除，一段時間之後就可以復活……」
　
＝＝＝＝＝＝＝＝＝
《荒村異聞》連載中：
https://www.facebook.com/pg/Echo.of.Heart/photos/?tab=album&album_id=2067100083421797
　
《惡夢島》全集：
https://www.facebook.com/pg/Echo.of.Heart/photos/?tab=album&album_id=1861298627335278
　
《極樂謊園》全集：
https://www.facebook.com/pg/Echo.of.Heart/photos/?tab=album&album_id=1736011713197304
　
【廣告】《無異之初》、《無異之地》各大書局有售！
＝＝＝＝＝＝＝＝＝
　　
「你咁講……即係我哋要先知道狄陀同過咩人訂立契約，再逐一幫呢班人解除連繫……最後先可以消滅佢？」
　
先唔好講成個過程好似大海撈針，就算搵到呢班人，都唔知可以用咩方法解釋連繫。退一百步講，假設真係做到，無二應該早就幫咗我同華哥。
　
「其實唔一定諗計解除，只要殺晒呢批人，然後再殺狄陀亦係一種解決方法。」我透過後鏡見到無二露出一個壞笑。
　
「你……應該唔會咁做？」我唔太確認咁問。
　
「如果我會咁做，仲洗唔洗冒住俾差佬影快相嘅危機揸到咁快？」無二反問：「我之所以帶你去『城寨幫』，就係因為我發現到更有效率嘅方法……」
　
「嗰個凌永岳……真係咁有本事？」
　
「佢嘅實力我其實唔清楚，我只係知佢手上有件特殊工具可以幫到我哋──叫做『斷緣玉』。
　
「斷緣玉？」我腦海浮現一個綠色玉鐲嘅模樣。
　
「傳說中嘅『神器』之一，可以用嚟創造出一個同外界完全斷絕因果連繫嘅結界。只要將狄陀困喺裡面再殺死佢……就可以斷絕所有復活嘅可能性，完完全全咁消滅佢。」
　
「即係最後都要有人喺裡面消滅佢……」
　
「呢層自然會有人負責。」雖然冇講清，但無二明顯指佢
自己。
　
「但我哋貿貿然闖入去，會唔會好似『極樂園』嗰陣咁……受到不歡迎對待？」
　
「所以我先會揀呢個時間，減低俾外人發現嘅風險。」無二解釋：「至於凌永岳最後會點決定……就要睇佢想唔想報仇喇。」
　
「吓？」我不解。
　
「因為『城寨幫』嘅上任幫主就係俾狄陀殺死……而呢個人正好係佢親生老豆。所以無論在公在私，佢都係應該要報仇。」
　
既然係殺父仇人，咁照計佢願意幫手嘅可能性應該好大。但經歷完「極樂園」一事之後，都係唔好事前抱有太大期望比較好。
　
講到呢度，無二已經揸到入界限街。再轉多兩個街口之後，就隨便搵個位置停低落嚟。
　
「大致係咁多……你有冇嘢想問？」落車之際佢突然問。
　
老實講，我腦海裡面嘅疑問足夠寫滿一張紙。但最想搞清楚嘅，當然只有一條。
　
「你突然消失咗一個星期，到底係發生咗咩事？」
　　
雖然一星期話長唔長，但對我嚟講卻係相當煎熬。
　
最初見到佢寫「離港數天」，頭兩日都仲係可以好理性，覺得無二真係有急事所以先行開。但到咗第三第四日，就會開始擔心……佢係咪出咗咩意外？會唔會係「白色秩序」班人終於搵上佢？抑或我喺「極樂園」呢件事上面激嬲咗佢？
　
到咗最後幾日，擔心終於轉化成為恐懼。如果無二真係消失咗永遠唔會再出現，咁即係我要一個人面對狄陀……面對呢個隨時都有能力殺死我嘅惡魔。
　
恐懼感，就係隨住呢個想法越趨強烈。但我擔心嘅唔係自己嘅生命安全，而係如初……我甚至有晚發夢夢見自己去返「極樂園」嘅VIP房，聽到如初喺門嘅另一邊崩潰大喊……
　
我真係好驚自己會先走一步，然後剩低佢一個孤苦伶仃。
　
「反正仲有啲時間，應該夠解釋埋。」無二本身已經想推門出去，但最後又收返手，「我去咗救阿杏。」
　
「救杏姐？」我驚訝。
　
「佢之前咪話自己喺『惡夢島』做緊嘢……結果嗰邊出意外搞到一鑊粥要我執手尾。」
　
「即係呢張紙係佢留低？」我喺銀包裡面拎出當日貼喺辦公室門口嘅紙條，然後遞俾無二睇。
　
「既然畫得心心，咁九成係。」無二無奈咁講：「雖然話救，但成個過程我都係半被迫嘅狀況下幫手，所以就連電話都用唔到……大致係咁，要完完整整解釋嘅話應該要講到天光。」
　
「嗯……」
　
「咁你呢個星期有冇偷懶冇練習？」無二所指嘅當然係「萬化紙」。
　
「你畀我嗰本已經用完……本來已經準備上辦公室拎本新嘅。」我回應。
　
呢個係事實。無二消失嘅呢段時間，我只有練習嗰陣先可以清空思緒。我想盡快提高自己嘅實力……等喺最壞情況來臨嘅時候有能力一博。
　
「嗱，呢度仲有半本，遇到特殊情況就用住先。」無二喺車箱裡面拎出半本然後交俾我，「行喇。」
　
「但咁夜會唔會驚搵佢唔到？」
　
「哈哈，冇問題喇……我直覺認為佢同我哋一樣都係夜鬼嚟。」
　
畫面一轉，我哋已經嚟到寨城公園外圍。因為已經就快凌晨十二點，所以周圍基本上係一個人都冇。而寨城公園過咗十一點係會關閘，所以正常係入唔到去。
　
「我哋係咪要偷入去？」我望向圍欄裡面，「唔知裡面有冇保安睇住……」
　
「唔需要，我哋喺外圍入去就得。」無二將一個酒杯墊交俾我，「你先背咗呢組數字，等我搵個合適嘅入口。」
　
等我接過杯墊之後，佢邊行邊繼續解釋：「『城寨幫』本身係一個大型結界，每晚十二點就會更改一次『通行密碼』，如果唔知密碼格硬闖入去嘅話應該馬上就會俾人發現……情況就好似上次『極樂園』咁樣。」
　
「係杏姐畀呢個密碼你？」我嘗試將前面提到嘅事串連埋一齊，最後得出呢個想法。
　
「嗯。」無二點頭回應，伸手掂落一道石牆，「應該係呢度喇。你過嚟，好似我咁做。」
　　
我行過去，學佢咁伸出左手掂落石牆，一開始係完全冇事發生。好彩附近冇人，唔係夜媽媽睇落成個畫面應該係幾詭異。
　
「密碼係咪已經記住咗？」佢問。
　　
「記得……4117891。」我喺佢面前背一次，「一陣我哋係咪會穿過呢道牆？」
　
「穿過？」無二一笑，「當然唔係，你唔好放手……慢慢擰轉頭望下後面。」
　
我轉身一望，赫然發現身後公園居然變成一片空曠嘅大平地，而且前方一望無際，一棟建築都見唔到。當我仲驚嘆緊變化太大嘅時候，左手嘅粗糙觸感突然起變化。
　　
望返正面，可以見到石牆開始化成飛灰，最後眼前出現一條道路，而路嘅左右兩側係約莫十層高嘅舊式樓宇。抬頭一望，仲可以見到大廈外圍鋪滿咗鐵皮、廣告牌、左穿右插嘅電線以及各式各類好似隨時都會跌落嚟嘅僭建物。
　
「佢哋……」我一睇到呢度即刻恍然大悟，「將成個城寨複製咗喺結界裡面？」
　
「冇錯。」無二將一包香口膠遞俾我，「你拎一舊咬住，呢個係用嚟隱藏氣息。今次太趕……等有機會我再教你點樣唔用道具自己做到。」
　
準備就緒後，我哋開始沿住大街深入「城寨」嘅中心。
　
「你呢個年紀……應該啱睇唔到舊城寨嘅清拆。」
　
「嗯。」我行咗陣終於注意到有路牌，上面寫住「大井街」，「你呢？」
　
「我嗰陣喺孤兒院同外界隔絕所以都完全唔知呢件事……係十幾年之後先有機會睇返『城寨幫』嘅發展史。」無二開始娓娓道來：「當年中英兩個政府傾緊要拆城寨嘅時候，內部當然有好多不滿聲音。但見呢件事似係勢在必行，所以當時勢力最大嘅凌氏同董氏決定放低分歧，再聯合其他派別組成一個大幫會，決心進行『拯救方案』。佢哋花咗一堆人力物力，邀請咗好多有能人士，過程中仲死咗唔少人……結果用咗一年時間，喺清拆開始前將成個九龍城寨完美複製喺一個結界裡面。」
　
我哋由大井街轉入龍津路，可以見到兩側都有唔少騎樓。一種猶如去咗片場嘅感覺油然而生，又彷彿好似回到過去咁。可惜係夜晚而且燈光唔夠，唔係肯定可以發挖到更多特別嘅地方。
　
「如果係當年，呢條街道應該時時刻刻都係好熱鬧。」無二繼續解說：「因為當年政府有做好安置計劃，所以大部分原居民就算知道有個複製城寨，實際願意留低嘅人都唔多……反而後期吸引咗唔少喺外地逃難嚟嘅人住喺度，一路加加減減，而且應該有五六百人仲住喺度。」
　
講到呢度，佢再轉入一條窄巷。因為呢條巷更加暗，所以感覺無二係有確實目標先會選擇呢條路。
　
「你真係知道凌永岳而家喺邊？」
　
「身為一個老闆，每次見客前當然係做足準備。」無二轉彎走入其中一座大廈嘅後門。
　
我哋先上一層，再行完筆直嘅長走廊，最後嚟到大廈嘅中庭位。其實我離遠已經見到一個疑似攀石場嘅巨型石板，直到行近先更加確認自己冇睇錯……
　
「但呢度唔係攀石場咩？你會唔會搵錯地方……」我不安咁問。
　
「放心喇，阿聰，係呢度冇錯。」無二微笑道：「嗱，佢果然喺度。」
　
當我行到可以見到攀石場正面嘅位置，終於見到有個著住黑衫嘅後生男人，呢刻佢單手握實岩點，一注意到我同無二就即刻鬆開手直接跌落地面，明明離地差唔多四五米高，但佢卻沉穩落地。單憑呢一下，我已經肯定佢唔係普通人……
　
換轉係我，肯定已經斷腳起唔返身……諗到呢度，我不禁回想起中學打籃球俾人踢斷腳嘅不愉快經歷。
　
「我知道你係邊個。」男人抬起頭望向無二，「你就係無二。」
　
「冇錯。」無二回應：「城寨嘅少幫主凌永岳，我今次嚟係想搵你傾下合作。」
　
「合作……做啲咩？」凌永岳皺起眉頭問。
　
「對付我哋嘅共同仇人……狄陀。」
　
凌永岳聽完眉頭皺得更深，隔咗陣先再講：「呢幾年我已經聽過類似嘅說話差唔多十次……幾乎每一個人嘅目的都係想利用我。」
　
「你既然知我係邊個，就應該清楚我同其他人唔一樣。」無二接住講，雖然佢一臉自信，但從我角度睇其實係好冇說服力。
　
凌永岳聽完並冇即時回應，而係行埋去執起地下嘅水樽，再從旁邊嘅樓梯行上嚟，最後嚟到我哋面前盯實無二講：
　
「齋講係冇用，我只會憑自己雙眼睇清楚你係咪可信。」
　
「咁你即管望呀。」
　
佢哋再次盯實對方，呢刻氣氛突然變到咁僵，等我仲以為呢個計劃又會失敗收場，但我錯了……
　
幾秒後，凌永岳轉身行入走廊同時講：「跟我嚟。」
　
雖然好意外，但我當然冇發呆企喺度，跟住佢同無二繼續行。
　
「你哋點解會知道『城寨』嘅密碼？」凌永岳突然問。
　
頭先近距離再望清楚，可以確定佢嘅年紀應該比我細，大約係二十出頭……難怪會叫做「少幫主」。雖然唔知佢要面對啲咩，但感覺壓力肯定係相當大。
　
「係仇雪杏俾我。」無二如誠回答。
　
「杏姐？」從佢呢個反應，證明佢都係識得杏姐，「我同佢對上一次聯絡已經兩年前，佢呢期過得好唔好？」
　
「唔計俾人開槍射中嘅話，都算係過得唔錯嘅。」
　
「吓？」凌永岳一臉錯愕，「點解嘅？」
　
其實我嘅反應都係一樣，睇嚟「惡夢島」發生嘅事應該係相當嚴重……
　
「一匹布咁長，我建議你主動打畀佢……佢而家應該幾得閒，應該好方便同人傾電話。」
　
「哼，」凌永岳打側身望咗我一眼，「咁你旁邊呢個人係邊個？」
　
「韋家聰，我嘅助手。」無二回應：「佢就係狄陀想解決嘅對象。」
　
「唔好怪我直接，感覺阿聰並唔算係一個特別嘅人……點解你會想幫佢？」
　　
「對你嚟講唔特別，但對我仲有其他人嚟講就唔同。」
　
「無二……」我聽到呢度有啲意外。
　
「至少佢平時出去做清潔係幾勤力，幫咗我唔少忙。」
　
就好似被潑冷水一樣，頭先一瞬間嘅感動當堂煙消雲散。
　
凌永岳帶我哋行返出龍津路，走咗大約半條街嚟到一座叫做義學大樓嘅地方，最後去到大樓入面嘅其中一間房。
　
呢間房並唔大，左右兩側擺咗兩個擺滿書嘅書櫃。而正前方係一張書台，雖然書台上面擺咗好多嘢相當凌亂，但我馬上就俾一張地圖吸引住……同之前喺無二辦公室見到標住「異地」嘅地圖款式係一模一樣。
　
「頭先喺外面講嘢唔太方便……呢度會好好多。」凌永岳解釋：「直接入正題喇，你哋嚟得搵我，應該係想借我嘅『斷緣玉』去對付狄陀？」
　
「冇錯。」
　
「咁我就先從結論講起……可以，但你哋要先等半個月。因為我喺『城寨』呢邊仲有事處理緊，而且『斷緣玉』呢刻都唔喺我身上。」
　
「當然冇問題，反正呢件事已經纏繞咗好耐，唔差在多半個月……」無二回應，我點頭表示同意，冇諗過事情會咁順利？
　
「但就算你哋得到『斷緣玉』，狄陀一日唔現身你哋都係解決唔到佢。」凌永岳接住講：「據我所知，佢而家根本就唔喺香港，而係身處喺外國……不斷吞噬『異地』增加實力。」
　
（待續）
　
　
解釋埋下集開始加速，暫定星期日或一有文。睇完記住幫手留個嬲同分享開去呀！
　
p.s. 實體版更正返「萬變紙」做「萬化紙」。
　
【廣告】《無異之初》、《無異之地》各大書局有售！
　
Patreon 都開咗啦，八月中正式開始！
https://www.patreon.com/echoofheart?
　
－－－－－－－－－－－－－－－－
　
【地方的無默媽資助計劃】（試行中）
　
近年作者生存空間越收越窄，大眾結業更加似係雪上加霜。所以推出資助計劃，希望各位可以直接課金支持。計劃並唔係強制性，一蚊可以，想繼續免費睇亦無妨，有心就可。
　
Payme 連結：
https://payme.hsbc/echoofheart
　
轉數快 FPS ID：6065460
　
計畫緣由及詳細內容：
https://bit.ly/39b5Fuw
　
－－－－－－－－－－－－－－－－－
　
IG：echoofheart

【屍人屋苑】病毒變種、喪屍橫行，一個屋苑困獸鬥的故事……
　
當世界末日來臨嘅時候，你最想同邊個一齊去面對？
　
如果可以嘅話，我當然想好似電影入面嘅男主角咁，喺某次危機入面救到落難嘅女主角。然後同佢兩個人喺災變下並肩求生，最後患難見真情……
　
但實現總係殘忍。自從「W流感」突變，喪屍成為地球主宰之後，我遇到嘅女人唔係大媽就係得幾歲嘅小妹妹。稍為靚女少少嘅，見到嗰下唔係喪屍就係準備變成喪屍，抑或就係死屍……
　
最有印象係嗰位叫做Sally嘅女模特兒，瞞住自己大腿被咬傷。等我遇到佢之後仲開心咗成晚。無預到佢瞓瞓下教會突然變成喪屍，足足追咗我幾條街。老老實實，我成世人都係第一次俾靚女咁樣「倒追」法……真係越諗就越無奈。
　
結果，經歷咗好幾次嘅同伴更替。而家同我組隊嘅，只係剩低一個叫做阿俊嘅男人──佢係少數對得住「阿俊」呢個名嘅人。除咗有型，佢仲係上市公司老闆嘅仔，毫無疑問係「前」人生贏家……
　
本身聽到佢呢個背景，我仲忍唔住心中暗爽。因為喺末日之下，就算幾有錢都係浮雲。我甚至諗過拋低佢自己求生，因為當初招攬佢加入嘅同伴而家都成為咗喪屍嘅午餐，所以我冇必要格硬再帶住佢……
　
但就喺兩日前，我下定決心想咁做嘅一晚，佢居然成功聯絡到自己老豆……然後，證明我之前嘅想法係大錯特錯──呢個世界依然係由有錢人話事。
　
－－－－－－－－－－－－－－－－－－
上集（母女篇）：
https://bit.ly/3aD2eyn
－－－－－－－－－－－－－－－－－－
　
原來，阿俊老豆早喺災難初期就同一班有錢人避到去某個安全島上面。當知道阿俊仲在生之後，佢老豆決定為佢安排一艘撤離船。但我哋有必要喺限時之內趕到紅磡碼頭，因為要載嘅人並唔止我哋……
　
見到咁嘅情況，我當然打消咗拋棄阿俊嘅念頭。只要跟住阿俊，作為當初有份救佢嘅人，我肯定可以上撤離船離開呢個人間地獄。結果，我哋簡單收拾好行裝之後，就坐車前往碼頭。
　
開車一刻，我真係有種「人生滿希望」嘅想法……但原來，等緊我嘅只係另一場永遠唔會完嘅夢魘。
　
呯！
　
一下強烈嘅碰撞聲，汽車重重咁撞埋其中一隻喪屍身上，將佢撞飛上車頂，再翻滾落地。我回頭一望，透過車尾燈，可以見到幾十隻喪屍依然窮追不捨，唔想放過我同阿俊呢兩個美味嘅晚餐。
　
「後面全部都係喪屍……」我同揸車嘅阿俊講。
　
雖然事前已經揀一條較偏僻嘅馬路行，但結果都係有一堆喪屍，迫住要喺條窄路左穿右插……
　
「唔洗你講我都知！」因為車頭嘅水潑壞咗，所以阿俊要打側頭先唔會俾車窗嘅血阻到視野，「可惡！點解佢哋唔落大路反而喺呢度？」
　
「可能有其他人都好似我哋咁諗，專登揀條小路行……」雖然我回應得好冷靜，但其實內心係驚到爆，而且已經成手汗，「結果反而引晒班喪屍過嚟……」
　
碰！又撞到另一隻喪屍，今次直接被捲落車底，成架車因為咁而上下顛簸。雖然好彩無炒起，但著地嗰下都有少少失控左搖右擺起嚟……
　　
「你可唔可以揸好少少！？」我忍唔住大嗌。
　　
「咁叻你嚟揸呀！？」阿俊反駁，下一秒即刻張開嘴巴，「嘩！？」
　
前方至少有二三十隻喪屍，佢哋一聽到聲即刻不約而同用灰白嘅臉頰望過嚟。呢下撞埋去架車就算唔停都肯定報銷，所以阿俊即刻扭軚急轉彎想轉入小路避開……但一轉入去就見到馬路上面有架反咗嘅的士。
　
「喂避開……啊啊啊啊啊啊！！！！！」
　
雖然阿俊已經即踩急剎掣，但架車最後都係直撞埋去。一股衝力瞬間將我拋向前再抽後，好彩開車前有綁好安全帶，唔係肯定會成個人撞埋去車窗。雖然冇大礙，但我多少係感到頭暈，而且肋骨位置都被安全帶勒到有啲痛。
　
「啊……」我喺朦朧間感到有人解開我嘅安全感，再用力搖我。
　
「喂！老超，醒呀！班喪屍過緊嚟！我呢邊道門推唔開！」
　
「喪屍……」一聽到呢個字，我即刻清醒過嚟後忍住痛楚推開旁邊嘅車門。
　
「……嗚……」
　
正如阿俊所講，頭先避開嘅喪屍群果然過緊嚟，好彩都係屬於「屍變體」（死後先變成喪屍，所以行動緩慢），唔係早就追到上嚟將我哋重重包圍。
　
「仲望？走呀！」阿俊落車之後即刻想拉我走。
　
「但可以走去邊？」我先望一望四周，見到「黃埔號」就喺眼前，「我認得呢度！呢度離碼頭唔係好遠，我哋應該可以跑去……」
　
「你見唔到嗰邊全部都係喪屍咩？我哋肯定穿唔過……」
　
「咁就搵架車撞過去……」
　
「嚟唔切啦！我哋先搵個地方避一避……」
　
哐啷──對面街突然傳嚟清脆嘅爆玻璃聲，原來有喪屍衝破商場嘅玻璃櫥窗。吼叫一聲後，隻喪屍即刻將目光轉到我同阿俊身上……呢隻九成係「感染體」（感染而未死嘅情況下變成喪屍，行動迅速而且仲保留些少生前行為）。
　
反應過嚟後，阿俊即刻大喊：「唔好諗喇，跟我嚟！」
　
雖然見佢跑去反方向多少有啲唔情願，但我最後都係跟上去。雖然外表睇落唔似，但跑對我嚟講唔係一件難事，問題係目的地喺邊度？
　
轉眼間就跑咗兩條街，可以聽到身後嘅嚎叫聲越嚟越響亮。將本來死寂嘅大街變成人間煉獄。如果周圍大廈仲有人住緊，呢刻聽到肯定會覺得好心寒吧……
　
「嗄……嗄……就快……頂住呀！」
　
我哋轉入圍欄走入屋苑範圍，跑埋最後一段路終於去到某座私人屋苑嘅大閘前。阿俊毫不猶豫即刻撳大門密碼。但唔知係太過緊張定出現其他問題，所以第一次居然係密碼錯誤……
　
「快呀！」我焦急咁講，可以見到有更多喪屍出現喺屋苑四圍，有幾隻仲向我哋直奔過嚟。
　
噠噠──又一次密碼錯誤，有一瞬間我真係有諗過自己走。但生活喺喪屍國度，一秒猶豫就足以錯過最後機會。
　
「嘶啊！」
　
下一秒，距離我哋最近嘅中年男喪屍終於衝到嚟。因為只係一隻，所以我都仲勉強應付到，一腳將佢踢低落地。
　
「得喇！」阿俊總算生性解開密碼鎖，把握時間即刻拉閘門，「老超！」
　
見佢想俾我入去先，我當然老實唔客氣。為咗阻止其他喪屍闖入，阿俊入嚟嘅時候都不忘閂門，但喺最後一瞬間隻中年男喪屍居然爬到門前伸入嚟卡住道門！
　
「可惡！」雖然係咁，但阿俊依然唔肯放棄，雙手用力握緊門柄，再係咁踢喪屍隻手，試圖將佢踢返出去。
　
「哇嗚……嘶啊啊啊啊！！！」
　
說時遲那時快，有更多嘅「感染體」喪屍趕到嚟。佢哋全部一擁而上撞埋閘門，對住只有半米距離嘅阿俊張開血盤大口，畫面相當恐怖。呢股衝力令到中年男喪屍隻手開始發出「格、格、格」嘅骨裂聲。如果頂多一陣，話唔埋就可以壓斷佢隻手，再靠佢哋嘅蠻力閂埋門……
　
但事情當然唔會咁順利，下一秒又有另一隻喪屍伸手入門，今次嘅高度可以話係準確無誤。就喺冰冷而腐爛嘅喪屍手掂到阿俊手背嘅一刻，驚會俾佢抓傷嘅阿俊終於忍唔住鬆開手。
　
見狀，心知不妙嘅我即刻退後兩步。果不其然，閘門即刻俾竭盡全力想入嚟嘅中年男喪屍撐開。情況瞬間變得一發不可收拾，阿俊見勢色唔對都轉身，指住後樓梯方向大嗌：
　
「跑去後樓梯，我哋上廿五樓！」
　
雖然有好多疑問，但我都係照做。臨入後樓梯之際忍唔住望返閘門一眼。有兩隻喪屍已經率先闖入大堂成隻瞓落地，而閘門亦俾後面嘅喪屍越撐越開……
　
呢座大廈，馬上就會俾喪屍所佔據了。
　
入到後樓梯，我哋冇講任何說話就一連跑咗好幾層，阿俊更加係一馬當先。我可以聽到最底層有推門聲，繼而傳嚟喪屍嚎叫。佢哋追入嚟了，要擺脫「感染體」果然唔容易……
　
碰──上到七樓嘅時候，我冇注意到阿俊突然停低腳步，結果一嘢直撞埋佢背脊。
　
「你搞咩！？」
　
「有雜物！」阿俊望住上方由各種傢俱堆積而成嘅雜物，明顯係有心阻礙唔想俾人或者喪屍再上去，「我哋由呢層出去，行另一條後樓梯上！」
　
因為一路跑幾乎無停過，所以我開始有種脫氧嘅感覺。但下方嘅叫聲同腳步聲並冇停落嚟，而且越靠越近，猶如死亡嘅呼喚一樣……
　
我先用力吸一口氣，再跟住阿俊開門走入走廊。而家只可以祈禱另一邊冇俾雜物擋住，仲有班喪屍唔識跟住走入嚟……
　
「咦？」入到走廊再轉一個彎，阿俊突然停低腳步。
　
今次我冇撞埋去，亦都知道係咩原因令佢停落嚟──七樓其中一室嘅大門居然神奇咁開住咗，而且門外位置仲有一啲散收收嘅包裝食物。猶豫咗陣，阿俊起初應該係諗住放棄呢度繼續上廿五樓……但另一邊後樓梯突然傳嚟閂門聲。
　
「上唔到㗎喇！入去啦！」一聽到聲，我即刻第一時間走入屋。
　
阿俊聽完之後，即刻彎低身隨便執起兩包食物，再跟住走入屋。雖然今次順利閂到門，但危機並未解除，大門開始不斷傳出「碰碰碰」嘅撞門聲。我第一時間將旁邊嘅矮櫃推過嚟擋住，但唔知可以擋到幾耐……
　
「入房！」阿俊拉住我，「入到去再好似咁搵嘢頂住道門，撐得幾耐得幾耐……」
　
然後，就要聽天由命。
　
我同阿俊揀咗最遠嘅主人房。閂埋門之後即刻合力將大床推埋去門前。雖然已經兩重保護，但阿俊依然覺得唔夠，走埋去窗邊推開窗花……
　
「喂你想點！？」我壓低聲問。
　
「如果班喪屍真係入埋嚟，就只係得返呢個機會。」佢表情雖然冷靜，但都改變唔到呢個做法係荒謬嘅事實。
　
呢度係七樓，就算正正經經跳落去都係死硬，何況屋苑下面已經滿佈喪屍……
　
啪！就好似嫌我哋未夠絕望一樣，我聽到最外面嘅大門被撞破嘅聲音。
　
我即刻同阿俊做個「殊」嘅手勢。只要夠靜嘅話，或者仲有一線生機……
　
呢一瞬間，時間就好似俾人較慢咗一樣。我可以清楚聽到自己嘅心跳聲、聽到外面喪屍嘅嗚叫聲、但佢哋好似冇打算撞入嚟……
　
……要撐住……千祈唔好發現呢度……
　
……我仲未搵到自己嘅女主角……我唔可以死住……
　
……嗚……嗷……嗚……嗚嗚……嗚……
　
……嗚……嗚……嗚嗚……
　
……嗷……啊……
　
……嗚……
　
……
　
……
　
唔知過咗幾耐，外面終於靜落嚟。但我同阿俊都唔敢鬆一口氣，佢先拎出自己部手機，打咗一句字再俾我睇：
　
【確認外面安全之後，我會再聯絡老豆。】
　
我點點頭，然後指一指主人房嘅廁所，再指向自己下面。其實頭先坐車嘅時候我已經開始急尿，呢刻跑完一輪再放鬆落嚟，呢種感覺當然更加強烈。
　
【小心，同埋唔好太大聲。】
　
我用口型講咗句「唔好當我傻」之後，就放輕腳步行去廁所門前。我先拎出一枝迷你手電筒，開燈、再用最細嘅力度推開門……
　
見冇任何異樣，我慢慢行入去，再將電筒移向浴缸位置，隨即俾眼前景象嚇到倒抽一口氣……
　
呢刻，有個上半身赤裸，面青口唇白嘅女人躺喺浴缸裡面。佢合埋雙眼，喉嚨有一刀非常明顯嘅傷口，鮮血一直流到下半身……睇嚟係俾人割喉致命。
　
我再行近少少睇，眼前呢個女人年紀睇落比我大，但生前都算係一個靚女。而正如我一開始所講，我遇到嘅靚女，唔係喪屍、就係準備變成喪屍、一係就好似咁……已經係死屍。
　　
然而，因為身體未腐爛，加上血仲係濕潤未乾。所以呢個女人應該唔係死咗好耐，甚至有可能只係啱啱死……我突然有個大膽假設，唔通，頭先開另一邊後樓梯門嘅並唔係喪屍，而係殺人兇手？
　
唉，諗到呢度我不禁嘆一口氣。
　
果然，生活喺喪屍國度。最應該提防嘅唔係喪屍，而係其他人類。
　
正正係抱住呢個信念，我先可以一直生存到而家。
　
困獸鬥篇（待續）
　
　
上集反應有少少估唔到😳 困獸鬥篇係由我嘅夢發展而成，完埋再睇下有無機會寫屋苑其他人物嘅故事。暫定仲有兩篇，睇完記住畀嬲同分享出去呀！
　
－－－－－－－－－－－－－－－－
　
【地方的無默媽資助計劃】（試行中）
　
近年作者生存空間越收越窄，大眾結業更加似係雪上加霜。所以推出資助計劃，希望各位可以直接課金支持。計劃並唔係強制性，一蚊可以，想繼續免費睇亦無妨，有心就可。
　
Payme 連結：
https://payme.hsbc/echoofheart
　
轉數快 FPS ID：6065460
　
計畫緣由及詳細內容：
https://bit.ly/39b5Fuw
　
－－－－－－－－－－－－－－－－－
　
【廣告時間】《無異之初》、《時間守衡者》、《絕命上映》、《絕望走廊》、《絕無轉機》各大書局有售！
　
－－－－－－－－－－－－－－－－－
　
IG：echoofheart

📖《#落魄之人與世界盡頭的咖啡館》（排版、舊文重發）
　
　
灰燼如落葉般自茶色天空飄落，Illysium的水柱照常向上流動。
　
　
白衣旅者抬手，伸出指尖，觸碰天際的眼淚。
　
　
他們說天空的殘屑炙熱滾燙，可能造成生命危險——但旅者感覺不到一絲熱度，星際政府配給的太空衣阻斷了所有感官。
　
　
他放走灰燼，任其落在Illysium的銀白水路上，孤獨地順著河道流向旅者後方，穿過後面幾個排隊的旅人，直到消失在河道轉彎處，往上衝刺的巨大水柱遮掩其最後蹤跡。
　
　
旅者將視線轉回隊伍前方。暮色的半圓如布簾，覆上種植哥德式尖塔的穹頂，暗示終點站的到來。
　
　
他不確定那些尖塔在Illysium該如何稱呼，至少在地球是這麼叫的。
　
　
前方的旅人開始收拾腳邊行囊，躍下銀色道路，身影沒入兩旁漆黑的隧道。旅者好奇他們將透過水路前往銀河系的何處。
　
　
繼上一位旅人之後，他躍下水路。層疊厚重的隔離衣遲緩了他的動作；他還沒習慣Illysium的重力，落地時踉蹌了一下。
　
　
不像其他星際過客，他身無行囊，在匆促的人潮中格外突兀。
　
　
事實上，他不知道該去哪裡。
　
　
他是新創世紀以降唯一生還的地球生命體。
　
　
他蹲坐在車站角落，盡可能地蜷縮身驅。有些旅人經過時看了他幾眼，但他不在乎，反正厚重防護衣隔離了所有流言蜚語。
　
　
他不屬於這裡。他對Illysium沒有一絲歸屬感。他失去了親友，他失去了家園。
　
　
他失去了桑妮姨丈在仲夏傍晚烘烤的蘋果派，濃郁的果香會充斥整個後院；隔壁新婚的史密斯夫婦會在談吉他對唱，與蟬聲相伴。他可愛的女兒們會在庭院四處亂鑽，大聲嚷嚷，玩鬼抓人或晃著新的玩具炫耀；運氣好的話，對街的太太會抱著貓，在躺椅上享受夜間薰風；但通常她會震怒，如打雷般大罵他們破壞她的睡眠時間。
　
　
有時他會在夢中驚醒，發覺枕邊那支塵封的掀蓋式手機在震動，傳來的是昔日越戰老兵在深宵失眠的胡亂哭訴。他會聽著父親遺留的懷錶的滴答聲，陪他度過無數過孤寂荒涼的夜。他送給妻子當作結婚紀念的金屬珠寶盒，會反射著手機螢幕的微光，為幽暗漆黑的冷靜夜闌，添加搖擺不定的溫暖。
　
　
他失去了所有回憶。
　
　
他只是遼闊宇宙中的一枚塵埃。沒有記憶，不屬於任何一個團體，也無法被接納。形單影隻，如方才停留在他指尖的塵土碎屑，沒有確切的目的地，只是任由水流將其帶走，流浪於廣袤星辰的隨機一處。
　
　
他抬頭，看到對面炭黑帷幕上的一扇方形窗口。隔絕在外的是閃亮著月銀色光芒的環狀射線，如水面漣漪般擴散。
　
　
旅者想更靠近觀察。他跨越擁擠的水道，來到窗前。外頭萬丈光芒照耀在面頰上，雙眼刺痛。他抬手放在眉前，阻隔炫目光芒，勉強睜開眼睛。
　
　
那是一棟像鄉間小舍的木製雙層建築，紅磚斜屋頂的尖端向下，地基的灰色磚瓦固定在茶色的穹頂，安穩沉靜地像枝柳垂吊。旁邊的橡木標示牌也倒立著，幾乎脫落的黑色油漆寫著熟悉的英文字母。就算隔著無邊無際的飄渺星辰，他依舊能感覺到人類手寫的溫度。
　
　
這棟建築就算話成灰了他也認得。那是在林蔭街口的咖啡館，坐立於金棕松樹和蔚藍河岸的交叉處——他最喜歡去的那家。
　
　
旅者感到無法言喻的興奮。心臟跳得比剛被救活時還快，所有血液都往他的腦袋直衝。他推開窗戶，像昆蟲破繭而出，奮力擠過窄小縫隙。手先通過，然後是頭部、腹部，最後連腳尖都脫離了建物的束縛。
　
　
他漂浮在無垠太空中。他伸手摸索背後緊急求生背包的拉鍊，緊緊捏住，奮力一拉。
　
　
如同星際難民總部說的一樣——他猛然向空中彈射，以光速向目的地衝去，背後留下一道白色迷霧。
　
　
他穿越星辰與物質，在接近咖啡館時猛力抓住橡木立牌，單手勾著。背後噴射的力道停止了。旅者前後晃蕩下半身，在擺動幅度最大的時候奮力一躍，撞破玻璃窗，躍進咖啡館裡。
　
　
玻璃碎片落在深褐色木紋地板上，但旅者在空中飄浮。
　
　
一切都是上下顛倒的。包括窗邊的老舊桌椅、粉白牆上梵谷的《星夜》、古銀櫃台上的收音機。
　
　
旅者好奇收音機有沒有反應。他旋開按鈕，沒有動靜。
　
　
他不放棄。他掙扎著漂浮，往牆邊的老舊留聲機前進。
　
　
他摸到了滑順的黑色底座，將自己拉近。到達時花些時間觀察並享受留聲機的存在。他將古金色圓筒上的每個最微小的刮痕盡收眼底，勞記於心。
　
　
盤面上有被上個世代人類遺忘的黑膠唱片。他放下唱針，響起了萬花嬉春的輕佻旋律。音符在建物空間內流轉，撞擊室內每個角落，彷彿不曾離開過。
　
　
旅者移往他最喜歡的位置，仰頭看著熟悉的擺設。以麻繩串聯的菜單像被黏住似地停在木桌上，沒有一根牙籤從罐中掉落。
　
　
他花了一些功夫坐在他最喜歡的位置上，頭下腳上，望著窗外。
　
　
眼前的事物是多麼熟悉；除了外頭的景色。閃灼星辰如繁花灑落在壙垠墨黑上，遠處有晶瑩發亮的環狀光圈，渲染著漸層異彩，如雲霞般千變萬化。
　
　
那是令人驚嘆的絢麗，地球上絕對不可能出現的美景。他是唯一有幸見證這美景的地球人類；但他心裡明白，無論宇宙再怎麼壯麗璀璨，也無法彌補他已經失去的東西。
　
　
人失去過往，就等於失去一切。
　
　
那些回憶、那些年歲，現在只能存在於他的腦海裡。
　
　
他覺得記憶的片段已經開始迤漸淡去、模糊，就像膠卷上泛黃的影格被燒出一圈又一圈的火痕。
　
　
他不願回憶被流光抹淡、被時光的洪流沖刷。他冀望歲月的流逝延宕，日與月停止交替，星辰不再轉動。
　
　
他想要一切維持原樣，就算那代表犧牲所有。
　
　
但他已經一無所有；只剩一樣東西。而有一個方法能夠停止時間。
　
　
他攫起桌邊的火柴盒，透過外星科技吸進太空衣內。他把雙手從袖管內抽出，腹部的地方有足夠的空間讓雙手活動。他在悶熱的衣物空隙裡動作，推出火柴盒，外包裝與火柴盒分離。
　
　
他撫摸包裝盒，感受紙張的觸感，試圖用指尖記憶——因為這會是最後一次。
　
　
抽出一根火柴，順著盒邊一刷。在防護衣內點火沒問題，因為內部提供了氧氣。
　
　
微小的火苗竄出，在胸前與衣物形成的窄小空間內尋求氧氣，搖曳。他屏住呼吸，深怕火種熄滅。
　
　
他努力憶起防護衣說明書上的文字，字母模糊，引導式的語句卻再清晰不過。手指放上提供大量緊急氧氣的按鈕，他頓了頓，遲疑了一會兒。
　
　
最後，他還是決定餵飽那團小火花；就像地球母親孕育他、就像咖啡館提供他休憩的場所，他決定抱以回饋，滋養那團火種。
　
　
當橘紅龍卷吞噬肉體，他會成為宇宙最美的流星，懷著昔日年華的回憶，在暮色中劃出銀白弧線。記憶的碎片將隨他燃燒殆盡；但他從不懊悔，他不再失魂落魄、不再漫無目的；他會伸展前肢，延伸、延伸、再延伸，直到那崩天裂地的震擊。
　
　
那唯一留下的，會是璀璨過後的證明，溢滿咖啡香。
　
　
（全文完）
　
　
〈2019.10.06.〉
　
#雪莉爵士 #文學 #短文 #小說