熱門Ptt文章

[爆卦]痴撚線英文是什麼？優點缺點精華區懶人包

雖然這篇痴撚線英文鄉民發文沒有被收入到精華區：在痴撚線英文這個話題中，我們另外找到其它相關的精選爆讚文章

在 痴撚線英文產品中有32篇Facebook貼文，粉絲數超過0的網紅，也在其Facebook貼文中提到， ［巴塞帝國興亡史］5000幾字，不過應唔算難明。又，原文仲長，唔關我事。循例利申：唔捧巴塞，但亦唔憎巴塞。畢竟我在魯營入場睇美斯。 TLDR： 西瓜共蟹，唔識莫買。呢篇真係極長。但你要搵人鬧嘅，好簡單，Bartomeu就係屌靶。條友完全唔識足球，亦唔識足球嘅生意。自己唔識都算，又唔知人善任。全歐洲...

　同時也有4部Youtube影片，追蹤數超過14萬的網紅Patrick C，也在其Youtube影片中提到，======================================================== 如果大家有興趣學英文可以去下面d既網站睇下架！ ▸Lingoda 網站: http://bit.ly/PatrickC_LingodaSprint 優惠CODE: CHANGE28 ($...

「痴撚線英文」的推薦目錄

痴撚線英文 在 電影狂人-影評情報交流平台 Instagram 的精選貼文

2020-09-07 17:49:21

【#狂迷投稿】 文： 謝信 「如果房嚇×金都，結果會不會各自有好報：男人係咪咁撚無用」 ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ 先問大家一條電影常識題，上一套以Room做戲名嘅電影係咩 . 係2016年嘅《抖室...

痴撚線英文 在 嘟嘟鼠漫畫? (張芊穗) Instagram 的最佳解答

2020-08-22 04:41:19

我女朋友係個痴線西，而我對冬瓜珍忍唔住射咗 自19年六月，我開始上連登討論區，係成人台睇到個女仔自拍裸上身，tg咗無耐就做咗男女朋友，因為土地問題無地方扑嘢，好快就租咗劏房唔駛再租時鐘。阿欣平平無奇，外表都唔係我啲女之中最靚嘅，但勝在易話為好相處，我叫佢做乜都唔會say no。 同居之後我發現佢...

痴撚線英文 在 藍橘子 Instagram 的最佳解答

2020-05-13 10:11:06

是咁的，我阿媽一直都係用緊撳撳電話，但最近佢電話撳到壞咗，咪諗住買部小米佢玩吓囉。你知啦，近排咁多斬人案，有咩事都可以丟出去當手榴彈嘛。 不過估唔到，惡夢就係咁發生。 「仔，記住今晚老豆生日，準時返黎食飯啊！」我老豆係嚴父一名，超大男人，但又好鍚我阿媽。 「知啦Mum～」 當日我趕住出門口，同女朋...

  • 痴撚線英文 在 Facebook 的精選貼文

    2021-08-09 00:39:52
    有 796 人按讚

    ［巴塞帝國興亡史］5000幾字，不過應唔算難明。又，原文仲長，唔關我事。循例利申：唔捧巴塞，但亦唔憎巴塞。畢竟我在魯營入場睇美斯。

    TLDR： 西瓜共蟹，唔識莫買。呢篇真係極長。但你要搵人鬧嘅，好簡單，Bartomeu就係屌靶。條友完全唔識足球，亦唔識足球嘅生意。自己唔識都算，又唔知人善任。全歐洲都知佢係水魚，玩到佢謝。尼馬嗰2.2億歐羅，最後去咗邊？另外，買親人都畀貴價，簽親都水貨，人工又畀得高，唔死就奇。但話說回頭，邊個選佢上去架呢？聽講巴塞唔係老細足球油王波喎，咩人選佢上去？最後，美斯份糧亦有一定嘅角色，當然佢係落場征戰嗰個，貪錢嗰個好似係佢老豆，冇乜人會怪佢。同場加映 多蒙特同彭美拉斯點樣玩到Bartomeu謝，笑死無命賠。

    ＝＝＝＝＝＝＝＝＝＝＝＝＝＝
    一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
    ＝＝＝＝＝＝＝＝＝＝＝＝＝＝

    1. 真係英雄所見樂瞳，我諗到呢個題，然後原文Simon Kuper最後亦都係用羅馬帝國比喻巴塞。記住，你覺得篇文垃圾覺得我唔識波嘅，請你去鬧Simon Kuper，「不過鬧之前睇下人地咩料子先」。內容主要都係取材自篇文，當然有啲我個人想法，我盡量分開。一係你睇原文咯，唔使錢的（https://bit.ly/3fI5AVE），但你又唔想英文或唔鍾意睇字嘅，咁咪只能聽我講，你自己選擇的。

    2. 篇文其實嚟自Simon Kuper本新書，幾日後出（https://bit.ly/3iwl9kN）。唔記得佢係咪特別捧巴塞，但之前見佢都寫唔少巴塞或美斯文，訪問好多人，絶對有資格講。佢本書原本係寫巴塞成功史，點知寫寫下已經見到巴塞盛極轉衰，佢篇文寫嗰時都未知美斯走，但已經預言好大機會。

    3. 上篇文比較technical（https://bit.ly/37Hxr3T），而且只係講一單球員交換，講巴塞大鑊到要搞埋啲咁嘅怪雞嘢，但冇解到巴塞點搞到咁，不過個故事太過過癮。今篇我保證，易明好多。真係你打football manger都知係乜事

    4. 好似講歷史咁，遠因，近因，導火線。巴塞搞到咁大鑊，導火線當然係疫情，同埋西甲嘅salary cap，巴塞要瘦身。但差不多間間球會都受影響，點解唯獨佢地咁大鑊？

    5. 巴塞財政問題，你可以睇Twitter @Swissramble，7月尾已經講巴塞好大鑊，唔係事後孔明．但講真佢啲嘢真係純金融，唔易入口。所以你可以睇我呢篇文講。

    6. 近因係巴塞財政狀況近幾年都差，年年都只係勉強頂住，但一個疫情打落嚟咪出事。有幾差？普通人都睇得明：巴塞係全世界收入最高嘅足球會，疫情前唯一一間一年收入過10億美金嘅球會（不過，都係少過一間維他奶！）。但欠落嘅債，去到14億美金。冇錯，長命債可以慢慢還，但大鑊在啲債好多都係短債，好快要找數。咁明晒啦？

    7. 你想賣人？嘿，成班老嘢，邊有人買？況且，人人知你莫財，點會唔壓你價？就算其他人真係咁好心，亦都有心無力，其他球會都係十分水緊。好可能De Jong，Ansu Fati或Pedri之類都只能平賣。冇錢就係咁架啦（題外話：所以叫你唔好借錢買股票）

    8. 之但係，呢啲都係近因。巴塞點解搞到負債咁多？同埋點解年年蝕錢（收入高都可以蝕錢）？就係遠因。

    9. 巴塞嘅收入，疫情前一路係全球頭兩三位。固然疫情下打擊大，仲有啲贊助商又縮數，但照計唔應該咁快出事。咁收入冇問題，就梗係開支出事啦。於是你普通人都估到，球會可以有乜開支？咪就係買人出事，同埋人工出事。
    =========================================================
    10. 香港文化興搵禍首，我都明。咁今次畀定個屌靶你，肯定係前任會長Bartomeu，佢就係亡國之君。去到現任Laporta時肯定返魂乏術了。今年3月先接手，可以做乜？

    11. 陣間會慢慢鬧Bartomeu，但此人根本完全外行，唔識足球，亦都唔識足球嘅生意，絶對係一條水魚，畀人玩到佢謝。自己唔識都算，但佢又唔知人善任。

    12. 但，巴塞唔係老細足球嘛，唔係油王大陸錢，喂，會員制架喎。咁所以，第二屌咪屌啲球迷咯。唔係你同我（除非你係有份投票嘅），我地呢啲電視機球迷反而最聖潔。喂，Bartomeu係你班友選上台架嘛，咁唔係啲選民負責返？原本佢只係過渡角色，但2015年（記住呢個日子）6月巴塞在柏林對祖雲達斯，10年內第5次拎歐聯後，佢就大票數再當選。呢次亦係巴塞暫時最後一次拎歐聯。

    13. 當然仲有，美斯。或者應該話美斯份糧，可能係美斯老豆。美斯有幾好波已經唔使討論，佢在賽場上絶對冇欠巴塞半分。巴塞近年戰績可能未如球迷預期，但絶對唔係巴塞財困嘅原因，畢竟巴塞唔係搞到冇歐聯踢嗰種情況。不過，美斯份糧，同埋佢對球會轉會嘅參與，似乎亦同巴塞財困有一定關係。

    14. 關於美斯，我仲想講多兩句。Simon Kuper寫過好多美斯嘅文，場上固然唔使討論，足球場外美斯並唔係一個特別鍾意權力嘅人，特別麻煩嘅人，甚至唔係一個特別貪錢嘅人（佢老豆就可能係）。美斯要嘅嘢好簡單：佢要勝利，佢要一隊戰無不勝嘅夢幻隊，就係咁簡單。「其他嘢你地幫我搞掂佢」。球員冇理由要理埋球會財政嘅嘢，關我春事。但美斯份糧，弔詭地就搞到巴塞搵唔到美斯想要嘅球員。況且球員亦都知道美斯呼風喚雨，權力好大，佢撐你，高層唔敢唔加人工。邉個高層夠膽同美斯作對？美斯唔係一個權力慾好大嘅人，但佢知自己有影響力（以上都係作者啲文講，你可以去質疑）

    15. 我目測香港巴塞球迷遠多過皇馬。但唔好忘記，在美斯嚟之前，巴塞戰績並唔係一間咁「神」嘅球會。固然巴塞more than a club，你亦可以話係中央馬德里打壓，由佛朗哥之類講起。但客觀事實係巴塞在美斯之前，只係拎過一次歐聯冠軍（當然05-06嗰次都唔多關佢事），美斯同拉馬西亞嘅黃金一代，就改變咗巴塞。但，之後呢？

    16. 既然巴塞場上表現唔係導致財困嘅原因，咁所以亦唔使鬧朗奴高文之類，歷任主帥都唔關事。球場上嘅得失冇搞到巴塞陷入困境，至於咩轉會簽人，唔係主師話到事嘅。頂多係體育總監，但實際上係Bartomeu，或者其他高層，或者美斯。朗奴高文之類，會務上冇乜say
    ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
    17. 頭先講過，巴塞2015年拎歐聯後，Bartomeu就大熱再當選。所以就由2015年講起。

    18. 正如頭先提到，2015年，巴塞如日中天，10年拎咗5次歐聯。多得拉馬西亞黃金一代，當時巴塞財政情況極好，冇人會相信巴塞有一日會冇錢，當時巴塞要乜人有乜人。但就係呢度開始出事。

    19. 巴塞嘅轉會，向來都亂嚟。董事局好多人都有唔同意見，至於教波嗰個往往係唔會知嘅。唔好忘記，仲有體育總監要講嘢，仲有……美斯。

    20. 但，始終罪魁都係Bartomeu。好簡單，因為呢條友係真係唔識的！但你地選佢上台嘛。原本佢嘅體育總監係蘇比沙列特（Zubizarreta），巴塞名宿，幫佢簽咗尼馬同蘇亞雷斯，聞風喪膽嘅MSN組合。但2015年Bartomeu就炒咗蘇比沙列特，6年換咗5個體育總監。自己唔識唔緊要，但你搵件識嘅好冇？

    21. 事後睇，2017年，就係巴塞惡夢嘅開始，但當時你都唔會估到。發生咩事？尼馬走咗。呢個未必係巴塞或者Bartomeu任何人嘅問題。況且PSG畀咗破紀錄嘅2.2億歐羅轉會費嘛。當時點睇都係PSG先係水魚，對不？巴塞拎住2.2億歐，可以買好多人

    22. 但，就係Bartomeu將呢舊錢亂咁用。有好多好好笑嘅故事，但，總之好快，全歐洲就知呢條友好多錢洗，又要好快咁用咗佢，亦知道呢條友乜都唔識。真係千載難逢嘅一條水魚，唔昆你對唔住自己球迷。

    23. 當其時嘅巴塞，在轉會市場上呼風喚雨，仲要有錢在手，冇乜球員或經理人會say no，未必單單都成，但所有人都會同你傾。2017年尼馬走後，巴塞原本有機會平價買到麥巴比同夏蘭特，但Bartomeu唔要。不過我覺得呢啲不能怪佢，總有走漏眼，況且其他人都有異議，唔係話個個都話要簽但Bartomeu一票阻止。

    24. 咁買唔到最好嘅，冇咁好都OK啦，畢竟2.2億歐真係好多錢（雖然PSG都係分期）。問題係，巴塞結果去買嘅，係多蒙特嘅丹比利Ousmane Dembélé。應該冇乜人反對係水貨啦？仲要係用咗1.5億歐羅。

    25. 而成件事係好Q好笑的，好似拍賣會咁，明明另一高層同Bartomeu之前一早講明，我地底線只會畀8000萬歐買丹比利。入蒙地卡羅酒店房（同多蒙特傾）前仲夾好，多過呢個價我地就拍枱起身走。結果入到去，多蒙特嘅德國佬，就話冇時間傾，趕住坐飛機，唔會同你講價，1.5億，要就要唔要就拉倒。但結果？Bartomeu都係話好！咁佢係大佬嘛，另外件高層當然冇聲出。因為Bartomeu要同球迷交代，況且佢根本唔識。事後佢仲話丹比利好波過尼馬。

    26. 然後大家都知，之後巴塞亦都用咗1.6歐去買古天奴，利物浦合埋眼都識笑，居然有啲咁嘅水魚。錦上添花當然係後來借埋古天奴畀拜仁，然後拜仁歐聯大炒巴塞古天奴仲要梅開二度。我懷疑路明尼加漢尼斯一定有Whatsapp利物浦啲高層齊齊恥笑Bartomeu。至此，尼馬嘅錢已經嘔突，而丹比利同古天奴，在巴塞嘅表現，大家有目共睹。

    ======================================================

    27. 當然，某程度上巴塞係慣咗做水魚的。背後未必係佢地特別笨（Bartomeu就應該係），亦因為佢地嘅文化係「我要嘅嘢就要得到」，反正選會長個個都係拍心水「我要簽邊個邊個」，有問題留畀下手，球迷係唔會理咩財政狀況，話知你下季畀個警務署長我做，今季我就要捧盃。你搵件「理性撚」去選，同人講「我為巴塞長遠著想，我唔會簽人，因為我地再咁搞呢，5年後會爆煲，大家要接受我地未來幾年都唔會有盃捧」，我保撚證你唔使選。球迷就係咁，呢啲就係「民粹」。

    28. 又例如，de Jong應該唔算水貨，但巴塞畀7500萬歐。個問題唔係你同我覺得值唔值，最好笑係阿積士都覺得唔值，原本係出面開價3000-4000萬，但有人畀錢要志在必得獨家買斷，唔通唔要咩。

    29. 巴塞嘅文化，痴心情長劍，非君不娶。我唔會要一個「de Jong咁類型但平一半」，我就要de Jong本人，幾多錢都要。聽落好型，但你咁拎去做生意，就死得。對家一定當你水魚咁劏。公平地講，似乎呢個唔係Bartomeu年代獨有嘅事。

    =======================================================
    30. 至於美斯嗰部份，都講過下，佢份人工實在極高。當然我無意批評美斯，波一定係好到不得了，無可取代（否則巴塞就塞走佢啦），咁你可以話「全世界最好波嘅球員要加人工有乜問題？」（同意），況且，亦有話係佢老豆嘅主意，佢自己只係專心踢波，呢啲真相冇乜人會知。但反正文入面都引述巴塞高層講，美斯都唔係一個問題，最大問題係佢加，其他人又會要加，而大家都知美斯出名鍾意幫朋友，Other people’s money，有錢齊齊搵。

    31. 當然美斯對外一直都聲稱自己只係專心踢波，但文中又引述巴塞高層講，美斯都成日背後發功。邊個先真，我都唔知。但話說2019年，尼馬同美斯講話想離開PSG，美斯應該係有大力要求巴塞去買。但巴塞真係冇錢，而且覺得唔值（即係，冇錢），PSG開價2億歐喎。結果真係不停做大龍鳳，扮到好似想買，其實只係安撫美斯，「我地盡晒力啦」。但似乎美斯冇咁好呃。最後大家都知，巴塞買咗基沙文，又係1.2億歐，美斯似乎唔多高興。當然美斯係專業嘅，冇因為咁就hea踢，但文入面話佢完全不能原諒Bartomeu。美斯並唔係一個特別鍾意權力嘅人，佢鍾意人地幫佢搞掂晒，「但我話想要邊個嚟你就幫我搞掂佢」，而由始到終佢都係想要尼馬（所以，我估佢真係一定去PSG）。至於基沙文，嚟到巴塞當然亦係唔係嗰回事，更重要係。呢1.2億歐，仲要壯大埋馬體會，反咬返巴塞。「益利物浦多蒙特都算啦，唔好益自己西甲對手嘛」

    ===================================================================
    32. 事情發展到呢度，巴塞已經好似畀白蟻蛀咁，越嚟越吃力。2014-2019年使咗10億歐羅買人（未計賣尼馬嘅收益嘅），多過任何一間球會，但成績明顯唔成正比。

    33. 去到2020年頭，蘇亞雷斯受傷，巴塞要搵人，只能夠搵啲平嘢。結果當時體育總監艾比度Abidal搵著北京國安嘅剛果/法國球員Cédric Bakambu。呢單又係一單鬧劇，剛果人收到電話，十分歡喜，卒之唔使在北京睇電視機，就坐飛機去香港，轉機去巴塞。點知嚟到香港開返電話，Abidal先同佢講：唔好意思我地改變主意，你在香港玩得開心啲。我肯定剛果人屌咗佢老母N次。最後剛果人返返北京繼續睇電視機，而家仲在國安（彩蛋：FC過，其實北京有機直航去巴塞，咁點解會去香港？可能剛果人想嚟香港去重慶大廈食咖喱，可能剛果人唔想坐國航，又或者嗰日咁啱冇機。如果係直航件事仲好笑，剛果人去到西班牙人地先同佢講唔好意思）

    34. 剛果人鬧劇之後，應該好多人都知巴塞最後簽咗乜水。丹麥人Martin Braithwaite。此人應該都算係水貨啦？呢條友米杜士堡都未踢得掂，居然去咗踢巴塞，好似話在個介紹新球員環節，條友的波晒球技都出晒醜，波都控唔到。「可能太緊張」。文入面都有講，當年連尼加同曉士（Mark Hughes）去巴塞，話有個介紹會，曉士有啲緊張，連尼加同佢，驚春咩，最多咪一百十人嚟！ —點知去到魯營有6萬人睇佢！連尼加幫曉士開脫，話巴塞嘅壓力，唔係人人受得住。

    35. 當然，Bartomeu年代嘅轉會，沒有最好笑，只有更好笑。另外有個叫Matheus Fernandes（我聽都冇聽過）嘅球員，亦係同時簽落。係由巴西彭美斯拉買嘅，仲要只係預備組，我以為係隱世球王拿度尼添。固然只係1000萬歐，散紙，但完全唔知係乜事！呢條友甚至冇一個正式介紹會。最後借咗去華拉度列，出咗幾場，返返巴塞出咗十幾分鐘，就踢咗佢返巴西。

    36. 當然只係好少錢，但畀你見到巴塞啲轉會係如何亂嚟。連彭美拉斯個體育總監都覺得神奇，「啲人話我發神經呀，叫艾比度嚟買個踢彭美拉斯預備組都冇乜點有得上場嘅小朋友，點知真係有人買喎」。果然水魚唔怕多。大家可以諗下，美斯見到Braithwaite同Fernandes，有乜感想（彩蛋：Fernandes著咗件19號波衫，因為Covid—19，冇人肯著，成件事真係19得很）

    37. 然後，就發生咗上篇文講，同祖雲達斯交換球員嘅事件。美路去祖雲達斯，巴塞簽比真歷。巴塞當時已經好唔掂，但急需要一筆「盈利」。上篇文都冇講，因為再搞唔掂，就要Bartomeu自己上身，咁佢當然諗呢啲方法。但啲蘇洲屎就留下之後嘅人解決了。
    ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
    38. 已經打咗5000字，都只係講咗巴塞轉會如何操作。買貴人嘅後果好嚴重，你賣固然蝕錢，但你唔賣一樣每年同你「折舊」，例如比真歷之類，當然cash唔使點比（同祖雲達斯offset咗嘛），但profit -wise每年都仲要拖低條數。

    39. 寫得太長，但以上都只係講轉會。唔好忘記，巴塞除咗轉會出手豪，人工亦出得高，美斯份糧亦係一個問題。本來就收入多開支多冇問題，但以wage as a percentage of income，巴塞都係離晒罩嘅（comment會貼圖）

    40. 固然Bartomeu任內，都簽咗Pedri返嚟，好好嘅收購，不過真係十件水貨先扑中一件掂嘅。你話拉馬西亞完全斷層，亦唔係，Ansu Fati亦都擔到大旗。但，真係遠水不能夠近火，都講過巴塞嘅問題唔係場上，係財政。你Ansu Fati踢得再好又點？巴塞似乎只能係賣走呢啲好球員，而疫情下，對家都冇乜錢，況且人人知你莫財，當然再壓你價。

    41. 爆煲？就唔似會嘅，但，照計賣走啲主力不能避免，點都要幾年調整下。

    ＝＝＝＝＝＝＝＝＝＝＝＝＝＝
    一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
    ＝＝＝＝＝＝＝＝＝＝＝＝＝＝

  • 痴撚線英文 在 Facebook 的精選貼文

    2021-07-22 11:17:30
    有 107 人按讚

    ［微風正飄過輕搖長裙～～光陰帶走了癡迷時辰～～相相抱緊～～完全地接近］賣洗衣液都賣到蝕4000萬，咩玩法？新股嘅嘢。梗係上市好美好，兩三次業績就現型。

    ＝＝＝＝＝＝＝＝＝＝＝＝＝＝
    月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
    ＝＝＝＝＝＝＝＝＝＝＝＝＝＝

    TLDR：呢篇保證全無重點，東拉西扯，十分符合我作風。

    1. 照計講大陸公司最好。古語有云：America. They want someone to love, but they want someone to hate. They want it easy（＊），實情呢，你將佢代入英國（年年射失十二碼都有屌靶，吾友話齋，白人一樣插到九彩），中國，香港，都得。全世界都係TVB文化，呢個忠嘅，呢個奸嘅，而本人就最撚高貴最撚聖潔。

    2. 雖然我一般唔玩呢啲，但，為咗拯救下收視，都要隨下俗。刁，杜琪峰都要拍《孤男寡女》啦，佐治古尼都要拍Ocean’s 唔知幾多啦，Beyond都要扮阿拉伯佬啦（而家就畀人話cultural appropriation了），你覺得我叻過黃家駒咩！

    3. 話說呢，包裝都係好重要，股票都係。近年嘅有RobinHood打著紅旗反紅旗，根本啲股東全部係華爾街基金，但就扮到反華爾街。遠少少嘅，「上海和黃」（＊＊），復星國際，好嘢，諗到呢個包裝真係好嘢。之後仲有「地產界UBER」WeWork（即係，寫字樓劏房），「美版拼多多」WISH（輸到我趴街，好彩只係買少少），甚至「印度支付寶」Paytm（仲有印度劉德華），「東南亞騰訊」SEA等等。

    4. 至於非金融嘅，好成功嘅例子，搵日再講，當然係科大將自己包裝為「三大」（當然係科大發明，唔通係港大？定浸大？）。史上最成功嘅，當然係奧地利，令大家以為莫扎特係奧地利人，而希特拉係德國人。第二成功嘅，就係「愛情傻戀啦啦啦」嘅肥妹李美林，變咗亞洲性感天后Coco Lee。

    5. OK，介紹返，今日嘅主角，藍月亮。號稱，「中國P&G」，結果就變咗「中國A&F」，或者「中國P&K」。都話，中國嘅嘢，地大勿搏，繁華娼盛。可惜呃GL（費事hate speech）話「十萬萬同胞一人買一支洗頭水都發」嘅故事，玩咗百幾年（since鴉片戰爭），已經爛晒。

    6. 我呢，就真係唔係好明，做乜解賣洗衣液洗手液都可以蝕錢，公司當然有解，但算吧啦。

    7. 而我亦都認真唔係好明，做乜賣洗衣液洗手液都咁有季節性，真心想知。19年上半年27億生意2億利潤，下半年43億生意9億利潤。20年上半年24億生意3億利潤，下半年46億生意10億利潤。

    8. Anyway，公司上市都未夠一年，股價就當然係哈哈哈。記得嗰時都有小友問，我都叫唔好買，好簡單，太貴。貴可以更貴，但個出錯空間細好多咯，咁你整啲咁嘅數，咪出事。況且，新股嘅嘢，向來都唔多可靠。
    9. 正題都講完，繼續廢話時間。公司總部黃埔區（唔係上海黃浦，更唔係紅磡，但，其實紅磡黃埔係named after黃埔船塢，which is in turn named after廣洲黃埔！），細個返廣州都去過。不過最記得唔係黃埔軍校，而係……黃埔炒蛋（有人以為係黃布炒蛋，表錯情了）。記得就十分好味，但唔知係細個啲嘢好食啲丫，定只係見識少，定只係回憶嘅味道。

    10. 呀仲有，標題嘅呢首，應該四十歲嘅無人不識，李克勤嘅《藍月亮》。很紅的說，好似當年佢做港姐表演嘉賓都係唱呢首（應該就係搞上咗盧淑儀嗰屆）。其實我原本仲有篇《酒紅色的心》講上市公司偷咗客啲紅酒。兩首歌有乜關係？安全地帶嘛。

    11. 又，唔識日文，但我個人覺得《藍月亮》係廣東話版好過日文版的。填詞啲節契幾好。理論上，你填衞斯理《紅月亮》都得的，但就係《藍月亮》順口啲。（正如大家都一定聽我講過，《遙遠的她》就梗係要「血癌已帶走她」先浪漫，變成「肺癌」甚至「乳癌」就冇咁浪漫，當年我教書可以上堂同學生講呢啲，而家實畀投訴死）

    12. 填詞嘅，係向雪懷。「向雪懷」當然係筆名，而「向雪懷」對「葉念琛」，正如「辛棄疾」對「霍去病」。講乜？「向雪懷」個初戀女友叫阿雪！話畀屋企人迫佢嫁咗去美國。於是就有呢個名！係咪好痴線呢。葉念琛都係咁上下故事。

    13. 最後一講，關於「藍月亮」，唔知向雪懷只係貪意境同啱音，定都有知道「藍月亮」在英文係rare event咁解，黑天鵝嘅friend

    14. 但成件事最痴線係，你估我由邊度知道呢樣嘢？係黑社會大佬訪問！（https://bityl.co/7x4c）。呀鬼添所講的！once in a blue moon，真係幾咁有文化！條友讀左個澳洲MBA添呀，側聞平時就睇下Economist 咁。你話讀書幾咁緊要！

    （＊）”I, Tonya＂（冰之驕女），Margot Robbie嘛，好睇。The haters always say ‘Tonya, tell the truth.’ But there’s no such thing as truth, I mean, it’s bullshit! Everyone has their own truth & life just does whatever the fuck it wants.”。 不過套戲其中一個好有趣嘅位係，你去邊度搵個可以跳凌空轉體三周半嘅人出嚟演？奧運金牌運動員喎。女主角固然唔得，替身都搵唔到，史上都係得幾丁友做到，但全部唔肯演。最後，當然係電腦搞掂。

    （＊＊）In case有人未聽過，我又回帶講一次。當年復星上市，我都有抽，仲有幾手，但係用條女嘅戶口抽。後來分咗手，就被收歸國有，應該對方諗住當係掟煲費咁。然後有一排我係不停咁睇住個股價的，心諗如果升咗幾百倍就同佢死過。幸好冇呢件事。固然由08低位到而家，復星都升咗10倍，但我唔係低位買嘛，係上市抽，冇乜升好多，咪當……掟煲費咯。

    ＝＝＝＝＝＝＝＝＝＝＝＝＝＝
    月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
    ＝＝＝＝＝＝＝＝＝＝＝＝＝＝

  • 痴撚線英文 在 Facebook 的精選貼文

    2021-04-17 14:44:00
    有 87 人按讚

    ［What we talk about when we talk about 生腸］無聊兼厭惡內容，不喜勿進。唔好話冇警告你。但維護言論空間，唔好檢舉。

    TLDR：有人話食咗好多年生腸昨日先知唔係腸，話我破壞咗佢嘅童年，You have stolen my dreams喎，吼爹夭！Sorry to hear that。不過生腸高膽固醇，唔好食咁多

    ＝＝＝＝＝＝＝＝＝＝＝＝＝＝
    2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
    ＝＝＝＝＝＝＝＝＝＝＝＝＝＝

    1. Er……..首先，有人講話夫妻肺片都唔係肺片啦，老婆餅都冇老婆，Sweetbread都唔係Bread之類，當然係冇問題的。

    2. 所以生腸唔係腸，冇問題喎，一早都知。正如賽螃蟹唔係蟹，不能報海關。

    3. 問題係，咁生腸唔係small intestine嘛，所以咁譯就唔係好準了。特別係其他嘢都譯得好準嘛，上市公司喎，衝出國際喎，反攻日本喎，梗係期望高啲。

    4. 生腸唔係腸，是好明顯的。如果係生腸，就唔會係small intestine。只係當初你見我都寫得幾有保留，因為我唔知佢嘅「生腸」係咪真係「生腸」，我冇食過，而就咁睇圖都唔肯定。咁可能人地嘅「生腸」真係small intestine喎。（不如我地另外開篇文講「粉腸」）（但，豬大腸就真係大腸，有屎的）

    5. 之不過，又有讀者（律勤（假名））報料，實地見到，譚仔分店係咁寫的。

    6. 但，都仲係未解決，因為另一讀者又話官網都係寫small intestine（https://bityl.co/6Q5o）

    7. 當然我唔會上綱上線講咩「可見啲管理幾咁混亂」。但似乎應該有個官方嘅名單，標準化，ISO，仲要譯埋日文

    8. 但我再講一次，無論如何，生腸都唔係small intestine，一係佢唔係生腸，一係佢唔係small intestine

    9. BTW，生腸係咪uterus 呢，都有啲深。應該就連埋Oviduct嘅（講英文即時好似型啲，so superficial）

    10. 關於子宮，仲有件事我都係不吐不快。中學時讀科學定生物，當然要讀生殖器官，冇乜特別。如果有人唔知生物書嘅女性生殖系統係咩樣的，請立即Google，睇教科書嘅圖得了，唔使睇真嘢。

    11. 想講嘅係，我有個中學同學（真係同學，唔係我），居然可以去cosplay扮個子宮（！！），我覺得佢應該去參加「日本扮嘢大挑戰」（＊）。點扮？佢就兩隻手伸開，每邊再夾住一個排球，然後個頭垂低咁（都話叫你Google）。可惜當年未有咩相機之類，冇得影低。否則的話老師拎同學張相拎去出卷，叫大家label 返啲部位都好（＊＊）

    （＊）如果佢夠大隻，最好兩邊唔係夾排球，而係夾兩個小朋友！就十分有「日本扮嘢大挑戰」風格了，即係足球小將次藤洋都可以左右腳同時將立花兄弟踢上天咁（＊＊＊）

    （＊＊）兩個排球就係卵巢，而呀同學嘅雙臂就係……「生腸」。佢嘅上半身咪子宮（所以要縮起個頭，除非有腫瘤），對腳咪陰道。好正經嘅嘢喎，有乜咁難啟齒？又，你留意到了，所以佢唔係cosplay個子宮，係成個女性生殖系統。

    （＊＊＊）忍唔住講多句，呢個堪稱足球小將最痴線嘅情節，後來咩米伽勒天使出場都冇咁震憾。剃刀射球撻Q呢啲太小兒科，相信我年代嘅小朋友必然試過在球場跳上門柱門楣扮立花兄弟三角射球（大個就鍾意立花里子嘅三角多啲）。話你知，住屯門元朗（痴線，當年邊有天水圍，當年天水圍仲係鱷魚潭）嘅小朋友，仲可以學立花兄弟咁隔住個月台兩邊猜波！是好撚好玩的。特別係個波唔係你嘅。至於地鐵火車有冇人玩我就唔知啦，但應該唔會吧，好難執的。

    ＝＝＝＝＝＝＝＝＝＝＝＝＝＝
    2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
    ＝＝＝＝＝＝＝＝＝＝＝＝＝＝

你可能也想看看

搜尋相關網站