#含劇透注意 #金都 故事講述阿芳同男友Edward一直喺金都工作，佢哋每日睇住唔同人準備結婚。有人順利完成婚禮，有人就喺影相佈置時因為唔了解對方而大吵大鬧... . 有一日阿芳被求婚，佢好驚會比Edward知道佢以前為咗錢而假結婚，不幸嘅係中介人失蹤咗，未幫佢完成離婚程序... 為咗離婚，佢同「假老公」楊樹偉多次接觸，惹來未婚夫嘅懷疑。 . 楊嚮往自由，希望藉住結婚而攞到香港身分證，再到美國享受文明。令一邊廂，Edward同阿媽私底下決定好多嘢，無理阿芳感受，好多大小事累積成為導火線，隨時令兩個人分手... . 一套好寫實嘅電影，好多女人急著嫁，可能係屋企人或者社會嘅壓力，就算未考慮結婚嘅原因，甚至因為對方條件，好可以照顧自己而下嫁。個個都結婚，唔通個個都想結婚？ 究竟結婚係咪代表幸福？傳說中嘅幸福真係好似白雪公主咁同王子相熟雙棲幸福快樂生活落去？接下來幾十年嘅相處，兩個人一定會有大大小小嘅爭執，能唔能夠互相包容一齊解決問題先至係最重要。如果另一半根本唔係你想要嘅人，自由先至係你目前需要嘅嘢。 . 電影中4個角色嘅性格好典型，隨時係你、係我或者身邊嘅朋友。 . 1. 阿芳年少時好短視，為咗可以同朋友搬出進行假結婚，做事唔諗後果，冇諗過原來除咗犯法仲會惹一身麻煩。 就算大個咗都唔知自己想點，人哋求婚佢就應承，但慶幸佢亦努力為犯過嘅錯過嘅彌補，亦都喺過程之中搵返自我，知道自己想過自由嘅生活，唔會被老公或者奶奶牽制。 2. 典型裙腳仔Edward，無論係讀書、儲錢、結婚擺酒定買樓都無主見乜，聽曬阿媽話，而且對自己無信心，經常監視女友以及奪命追魂Call，但都女友出現困難嘅時候，淨係識得打機唔幫手。無論阿媽做D幾過分嘅事佢都會包庇，唔知道自己已經一次又一次傷害身邊人... . . 3. 社會上比較小眾嘅兩個角色，就係林二汶/楊樹偉，佢地選擇自由，唔會比傳統嘅社會定型而影響，亦都唔會隨便結婚。不過世界有時就係咁幽默，開頭唔想結婚嘅最後都屈服，放棄自由成為一家之主。 4. 影婚紗相不停嗌交嘅情侶，女方講唔出男方優點，只係話佢家境好有層樓比佢哋結婚住。或者佢哋未係好熟悉對方，好多時會喺處理繁文縟節時爭執，亦都有一部份人分手收場。 不得不讚3位主角演出，尤其係男主角朱康，演裙腳仔、廢柴男友入型入格；鮑姐「廢老」兼野蠻奶奶亦好出色，鄧麗欣繼>、之後再下一城 ，入圍多項女主角獎，今次演出一位對於男朋友同未來奶奶好無奈嘅人，成功擺脫「呀寶」嘅影子。 本地明星撐本地電影，作為本地觀眾如果你哋都唔撐，仲有邊個會支持本地電影呢？ . . 圖片來源：電影《金都》 . #金都 #myprinceedward #香港電影 #hkmovie #cantopop cantonese #hkmusic #hkword #本土電影 #鄧麗欣 #朱栢康 #鮑起靜 #林二汶 #結婚 #離婚 #假結婚 #金馬獎 #金像獎 #裙腳仔