雖然這篇生死簿查詢鄉民發文沒有被收入到精華區:在生死簿查詢這個話題中,我們另外找到其它相關的精選爆讚文章
在 生死簿查詢產品中有1篇Facebook貼文,粉絲數超過4,161的網紅陳美濤 Tomato,也在其Facebook貼文中提到, 地球保衛隊(下) 上集:http://bit.do/fxoJd 我大喝一聲:「總之,防護罩唔可以損壞!」 露絲一臉無奈咁望住我,唉,我明白,問題唔係出喺佢身上。 於是,我哋整理好防護罩嘅資料,然後我開始周遊列國,遊說政府增加撥款。 結果,A國話經濟衰退,直情要暫停撥款; ...
生死簿查詢 在 埃洛莉絲 Instagram 的最讚貼文
2021-05-30 22:31:52
❧ 綰姻緣結 這個服務是我會將情侶、欲復合的雙方之間一種特殊的線,簡稱姻緣結,纏繞好,需要雙方資料,向地府紀錄官查詢;若為外國人,則需要查詢冥府紀錄站。 因此這個服務的用意為: - 使感情長久 - 修復情感裂痕 #留意 並非所有人皆可進行,有些人因緣完結或是有其他特殊原因,比如違反對方自由...
生死簿查詢 在 陳美濤 Tomato Facebook 的最讚貼文
地球保衛隊(下)
上集:http://bit.do/fxoJd
我大喝一聲:「總之,防護罩唔可以損壞!」
露絲一臉無奈咁望住我,唉,我明白,問題唔係出喺佢身上。
於是,我哋整理好防護罩嘅資料,然後我開始周遊列國,遊說政府增加撥款。
結果,A國話經濟衰退,直情要暫停撥款;
B國話想專注番國內嘅環保問題,暫時無資金;
C國準備同D國開戰,完全無理我;
E國話保衛地球係各國嘅共同責任,既然大家都唔撥款,剩係得佢哋畀,佢哋咪好傻......
我去到F國,F國嘅總統好主動,唔單止話要增加撥款,仲話可以提供人手。
一直被冷待嘅我受寵若驚,點知總統馬上提出要求,要我哋喺防護罩上安裝呢樣嗰樣,用嚟監視,甚至攻擊佢哋嘅敵國。
我好嬲,防護罩係成個地球共有嘅,絕對唔可以畀一個國家用嚟謀取私利。
可以想像,假如我應承咗F國,呢件事揚咗,其他國家唔好話撥款,甚至會破壞防護罩。
我嘅遊說失敗咗,正當我失望之際,我仲見到一份報紙寫住:「超能力騙子高飛,再次出動,周圍呃錢!」
外星生物第一次入侵,殺死咗我嘅父母,我無喊;血與火嘅戰場中,我眼睜睜睇住兄弟戰死,我無喊。
但呢一刻,我坐喺公園嘅長椅上,絕望痛哭。
我明明記得,五十幾年前,我同各國首腦一齊商量對策,大家有錢出錢,有力出力,都盡力提供最好嘅科技。
四十年前,地球保衛隊忙住回覆各國嘅查詢,再三確保,保護罩會撐得住。
短短幾十年,我哋就變成「騙子防衛隊」。
露絲嘆氣:「依加掌權嗰一代,連外星生物都無見過,邊有可能會驚?」
我默不作聲。
露絲遞張紙巾畀我:「隊長,算啦,我哋咁大年紀,防護罩就算老化,都可以撐十年八載,到時我哋分分鐘睇唔到啦。」
「到時,可能連地球保衛隊都無埋。」然後外星生物一次過入侵,勢如破竹。
我望住來來往往嘅人羣,佢哋之中,可能有人鬧過我哋係騙子,可能好多人都唔信我哋。
但係,曾經拚命保衛嘅世界,將會毀於一旦,我真係唔捨得。
我下咗一個決定,我將保衛隊倉庫中,所有外星生物嘅零碎戰甲搵晒出嚟,再搵個做電影道具嘅老朋友幫手,砌咗一套外星戰甲......畀我。
我扮成外星生物,去到最繁榮嘅商業區,大肆破壞。
我飛上天空,拳頭狠狠擊向一棟大樓,喺我嘅鐵拳之下,大樓搖搖欲墜,無數人尖叫。
我知道,有無辜嘅人會死,但係如果無傷亡,根本唔會有人重視外星生物。
一拳接一拳,我見到灰塵見到瓦礫見到屍體。
一場災難,宛如五十幾年前,外星生物入侵。
喺我耗盡體力之前,我再次飛高,然後啟動戰甲中嘅自爆裝置。
我唔知道,我嘅計劃會唔會成功;
我亦唔知道,我為咗防衛未來可能會攻陷地球嘅外星生物,為咗保護人類,依加就去傷害無辜嘅地球人,到底係啱定唔啱。
所謂信念,就係你唔知成唔成功,都願意拚命去試。
有時候,為咗信念,甚至要做一啲違反信念嘅事。
你唔知你嘅信念啱唔啱,但你只可以,盡做。
-完-
將專頁設定為「搶先看」/ "See first",最新故仔馬上睇!
我執到一本生死簿:https://goo.gl/ztyQzU
我嘅職業係:白狐俠:http://bit.do/eJkZ4
#短故 #短篇 #小說 #陳美濤 #廣東話 #粵語 #tomatochan #地球保衛隊