[希望你可以Cls我哋😍]​ ​ 瑞生尖沙咀酒店​ 地址：尖沙咀加連威老道20號​ 價錢：$310（Agoda)​ 評分：5/10​ 入住時間：15:00-12:00​ 按金：✅ ($500)​ ​ 武漢肺炎措施：​ 🦠 入住前要量體溫​ 🦠 入住前要填健康申報表​ ​ 優點：​ 💕 酒店設計好靚，牆上面都係一啲香港特色嘅畫同裝飾​ 💕 酒店附近有好多野食，絕對唔驚冇選擇​ ​ 缺點：​ 🤷🏻‍♂️ ​ 房入面冇提供樽裝水，大家記得自備喇​ 🤷🏻‍♂️ ​ 浴室只有兩條大毛巾，冇細毛巾，而且只有洗頭水水沖涼二合一​ 🤷🏻‍♂️ ​ 枕頭太軟，訓到腰酸骨痛，用兩個都唔得​ 🤷🏻‍♂️ ​ 隔音好差，我地等lift嘅時候聽到人地房喺到叫​ 🤷🏻‍♂️ ​ 我地book左三日兩夜，但第二日食完lunch張房卡拍唔到入房​ ​ 總結：​ 復活節想搵間平平地嘅酒店做下廢人，見到呢間瑞生尖沙咀酒店平均300幾蚊一晚，所以就book左兩晚😛​ ​ 酒店位置好方便，附近好多野食選擇，隔離就係厚福街，美食集中地🤩​ ​ 入到酒店就覺得呢間酒店嘅裝修幾得意，上5樓就可以check in，過程都好快，不過前台感覺有啲hea，態度一般🤨​ ​ 入到房其實就一眼望曬，床尾就係電視，廁所就正正常常，但個地下感覺唔太乾淨😞​ ​ 房入面就乜都冇，冇樽裝水，沖涼都係二合一嘅，不過勝在房嘅設計幾得意，好有香港特色😉最正係沖廁位😂​ ​ 最差嘅我諗都係個枕頭，太軟結果訓到腰酸骨痛，男admin表示訓到身痕🙁​ ​ 同埋我地喺走廊等lift，我地聽到後面房扑緊野，仲要聽得好清楚，所以喺房基本做乜喺走廊都聽到，我諗個個都知我地全晚屠龍😂​ ​ 總結黎講，呢間酒店不過不失，冇乜特別，平平地嘅一晚😂​ ​ 題外話，尖沙咀有兩間瑞生，另一間叫瑞生嘉威，嗰到前身發生過hello kitty藏屍案，聽講好猛😨小心唔好撈亂😨​ ​ ​ 想睇更多房評同酒店優惠➡️#roomopener_room ​ 想睇情侶玩樂同餐廳推介​ ➡️@hkroomopener