疫情下多咗食外賣，今日想食得豐富d，買咗Mr. Steak嘅2人外賣自選套餐D。 個餐包咗兩碗是日餐湯，而今日就係磨菇湯。磨菇湯夠香濃，啖啖都飲到磨菇蓉。 前菜除咗湯，仲配一份意式肉丸配薯蓉同4款自款沙律冷盤。肉丸夠彈，薯蓉夠滑，加埋芝士同茄醬焗，非常香。 沙律嘅選擇豐富，可以隨意揀自己鍾意嘅款式。作為食肉獸梗係第一時間揀意式冷肉拼盤，除此之外仲揀咗蜜桃煙鴨胸沙律、地中海八爪魚仔沙律同燒野菌半乾蕃茄沙律。 主菜係英國煙肉野菌卡邦拿扁意大利麵同美國安格斯西冷牛扒。扁意粉份量十足亦都夠al dente，不過就有d乾，卡邦尼醬汁再多d就好喇。 至於西冷牛扒，以外賣黎講算係唔錯，就算拎到返屋企仍然keep到外皮焦脆，肉質稔嫩，鎖到肉汁係牛扒入面。 最後當然唔少得甜品，套餐可以揀4款甜品，我哋揀咗New York cheesecake，opera cake，brownie同抹茶瑞士卷。推薦有多層layer香濃朱古力味嘅opera cake同幼滑creamy嘅抹茶卷。 。 。 Mr. Steak 。 。