昨天感受特別深，好想將佢寫低。 琴日是我從影以來最辛苦的，但亦是令我最興奮，最深刻，最難忘嘅。成個腦，成個人很多思緒情感湧現。 體驗到做一位打功夫的角色一D都唔容易，比我想像中難好多。短時間內要記熟招式，馬步，功架，對白，情緒，思維，其中一樣錯都唔得，仲要配合機器，燈光，有限嘅時間和唔夠瞓嘅狀態。 第一好感動嘅，身邊對手好主動教我和幫我，令我演得更有信心，我真是好開心，講真每一次同演得之人合作，我都有點壓力，冇諗過開劇依兩日已經開始有嗰團火和默契，真是好鼓舞，見到佢哋真係覺得自己嘅阿爹同埋家姐，好多謝KK，定欣，YoYo，康仔。 同埋開始同幕後工作人員越來越熟，成個工作環境氣氛好舒服同融洽，知大家想點做，呢個感覺係好正嘅，多謝上一次喺《特技人》合作過導演森哥比好大嘅自由度我，武指大師兄，Parco ，博，佩珉和竹音，多謝你哋嘅指導同包容我，好多高難度嘅套路真係唔易做，都係為咗有好嘅畫面，你地鍥而不捨盡力去做，非常欣賞同尊敬你地的尊業！ 今晚是個好挑戰，完全考驗我，講真中途都有D挫敗，始終武功底子唔夠好，雖然有上到堂，但係都唔夠，好忟點解自己做唔到，我想完美，想每一個鏡頭都做到導演和武指嘅要求，成日同自己講一係唔做一做一定要做到最好，唔好嘥每一次機會同埋大家嘅時間，而且加上好鍾意今次嘅角色，好鍾意古裝，從來都未試過打，好想做得好，但係明白經驗真係要累積，嬲自己都冇用，嗰刻我淨係諗，不斷專注專注，跌低要即刻調整心理起翻身，忍唔住痛流出來的眼淚要即刻克服，唔俾自己軟弱，原來曹星如講嗰種我已經盡全力喇，係依個感覺，好感恩有咁嘅經歷。 雖然而家周身痛，但內心仍然好激動，除咗因為覺得突破自己，真是做到嗰下個滿足感好大，同埋同有共同目標的團隊一齊做嘢超爽同開心，莊監製又不時嚟睇我哋，呢個氣氛會令你好想俾心機去做，越嚟越鍾意喺TVB拍劇。總之琴晚嘅感覺真係好正！ 真心講，全部嘅劇真係好比心機拍出嚟，每一部誕生真係好唔容易！我會用再多啲嘅時間做好演員嘅功課，湯曉晨，火鳳凰，我會為你加油。 📸 by @choyanakwok #包青天 #包青天之再起風雲 #莊偉建 #關頌玲 #湯曉晨 #火鳳凰 #相撲 #摔跤 💪