用你的想像力，在這怪年怪月過上好日子 最近讀完了一本奇幻類的小說， #怪年怪月好日子 「好日子，不過是我們腦中的一抹憧憬」 在3000年後未來某位編劇的腦袋被機構開發 透過活化開發腦細胞， 創造出不同人生記憶不同結局。 有怪談、有平凡、有聒噪的，百種人生。 人生有了更開闊的空間。 而這顆持續活化腦細胞的動力 就是讓他快樂，餵養他美好的想像 像是程式電波 保持腦袋活化、給他希望、讓他樂趣⋯ 才能讓他活下去 現在人生真的蠻難的， 尤其居家防疫的日子， 生活變得簡單卻也枯燥 每天剩下公司或在家， 但我們能用想像力、正面能量、創造力， 發現更多的快樂。 「也許想像的你正在平行時空中，存在著、飄流著 也許似莊周夢蝶，人生不過是宇宙的一抹想像～～～～這樣多美❤️ 要多難、要多悲悽，累了當作遊戲就過了吧 —————————————— 回到正題，這次買的泡麵是年糕泡麵 也是國外進口店（有些超商應該買得到） $79 日清麻糬碗麵 麵條是我們吃麵攤那種寬白麵，比較有口感，搭配年糕吃，超合適的，像是味噌湯的口味，特別濃郁，還附上日本七味粉，超級道地，不出門在家吃這個很爽啊 🤗我的網址裡面有蝦皮，可以直接搜尋喔 ————————— #台中美食#台中美食獵人#台中#泡麵#居家防疫#年糕拉麵#日清年糕#日清泡麵

我嘅職業係：網絡獵人（上） . 人嘅命運係好脆弱，一個變化，就可以令你嘅生活天翻地覆。 . 三個月前，我個仔同新抱去旅行時，雙雙失蹤， . 因為搵唔到屍體，失蹤未滿七年，法律上佢地依然係「活人」。 . 而我，一個無經濟能力嘅阿婆，帶住個七歲嘅孫賓仔，果少少積蓄已經見底。 . ， 我唯有出去搵工，唔要求高人工，只係希望份工可以畀時間我湊賓仔。 . 但邊有人會請個阿婆？仲要一個阿婆帶住個細路，真係天大嘅笑話。 . 隔離屋林小姐知道我嘅困境，突然有一日，神神祕祕咁話有份工介紹畀我。 . 「可以畀我帶住賓仔番工？人工仲要咁高？」我有啲擔心：「我肯捱，但你老闆知唔知我咁大年紀？」 . 「就係需要你咁大年紀。」林小姐答：「賓仔學校放假，你可以帶住佢做野，可能賓仔仲幫到手哩。」 . 俗語有云，邊有咁大隻蛤乸隨街跳？ . 我都有諗過，係咪作奸犯科，但殺人放火又無理由搵個阿婆，我只好聲明：「藏毒走私果啲我唔做架，一陣我坐監，賓仔就無人無物。」 . 林小姐拍晒心口：「放心，絕對唔犯法。」 . ， 林小姐帶我去咗一座商業大廈嘅樓下：「我示範一次畀你睇。」仲叫我幫佢拎住部手機。 . 等咗一陣，一個壯漢行出黎，林小姐風風火火咁衝埋去，輕輕一撞個男人，自己跌低咗，然後大叫：「你撞我！」 . 「小姐，係妳自己衝埋黎。」個男人有啲無奈：「妳有無事？使唔使送妳去醫院？」 . 林小姐趴喺地下，死都唔肯起身，胡搞蠻纏咁鬧：「你分明蝦女人！特登撞我，你不得好死啊......」 . 鬧咗一輪，個男人本來好聲好氣，都激出幾分火氣，同林小姐對罵：「點啊八婆，你依加係咪想呃醫藥費？」 . 奇怪嘅係，當個男人開始發火，林小姐就無乜出聲，垂低頭係咁喊。 . 擾攘咗一輪，周圍嘅人開始圍埋黎，林小姐就一拐一瘸咁企起身，走咗。 . ， 我一頭霧水，初時我以為林小姐係「撞車黨」，但成件事由開始到結束，佢一蚊都無收過，咁即係點？ . 「黎，比我睇下拍成點？」林小姐笑瞇瞇咁出現，拎番佢部手機。 . 我唔係好明：「拍乜野？」 . 「我咪叫你用呢個角度拎住我部手機嘅，咪錄緊影囉。」 . 噢，我掛住睇林小姐表演，都無乜留意部手機。 . 我忍唔住問：「但拍條咁嘅片，有咩用？」又唔係殺人放火證據，拎去勒索都唔得啦。 . 林小姐神祕咁笑一笑，帶咗我上佢公司。 . ， 佢間公司就係一間好普通嘅辦公室，好似電視見到果啲咁，每人有部電腦忙忙碌碌。 . 「我唔係好識用電腦。」我細細聲同林小姐講，人地真係會請我？ . 林小姐將部手機畀咗個同事，剪接咗一陣，佢就叫我去睇片。 . 片中，林小姐主動撞人、鬧人果段已經唔見咗，一開始就見到個男人鬧林小姐，瘦弱嘅林小姐掩面痛哭，真係有幾分「弱女被欺凌」嘅感覺。 . 林小姐解釋：「跟住，我地會擺條片上網，加啲描述，等大家瘋傳鬧個男人。」 . 我好似明白：「有人畀錢請你地，去陷害個男人？」 . 林小姐點頭：「呢個男人同人地爭緊一個職位，好似話果個職位形象好重要，對手咪想破壞佢形象囉。」 . 「即係話，我要扮跌低，引對方鬧我，再拍片？」 . 林小姐答：「你係老人家，好多方法架，鬧人地唔讓座、唔排隊......你仲有賓仔，小朋友有啲碰撞，最易發生矛盾。」 . ， 唉，呢份工始終係害人，我初時拒絕咗。 . 但有一次，賓仔病咗，我嫌診所貴，喺公立醫院等咗成晚，愈等愈心痛。 . 如果係我自己，我寧願食少啲都唔會去害人；但我真係想畀賓仔一個更好嘅未來。 . 賓仔病好後，我就接咗呢份工。 . 林小姐安排咗個「攝影師」帶路，話我知邊個係目標，我只需要搵機會挑釁佢。 . 初時我都覺得開唔到口架，但慢慢就習慣咗，先潑婦罵街，再扮可憐。 . 有時仲會叫賓仔幫手，不時有正義嘅路人，見到目標同阿婆細路爭執，就不分由說咁幫我地，令事情更順利。 . ， 我每次出去都會換衫轉打扮，亦有叮囑個攝影師，儘量唔好影到我同賓仔塊面，生意先可以長做長有。 . 聽林小姐講，網民會集中精力，起個「惡人」嘅底，無乜人會留意受害者。 . 我就唔知咩叫起底，不過，我同賓仔嘅生活的確改善咗。 . 我諗住儲多兩年錢，等賓仔大個少少，就唔再做呢份工。 . 點知有一日，賓仔喊住放學。 . 待續... . #短故 #短篇 #小說 #陳美濤 #廣東話 #粵語 #網絡獵人 #tomatochan

僵屍唔易做（下） . 阿伯聽到都好同情我：「被逼背井離鄉係幾慘嘅，見你唔係出黎作惡，我就放你一馬啦。」 . 我眼前一亮：「救人救到底，不如你借埋錢畀我做首期。」 . 阿伯退後兩步：「你諗多咗，我自己都係住劏房咋。」 . 我唔係好信：「大師你一眼就睇得出我嘅身份，道法高深，應該財源滾滾。」 . 幾百年前我都去過啲道觀，有啲道士明明無真才實學，都收到唔少香油錢，肚滿腸肥。 . 「唉，地少人多，魎魅魍魑都少咗，都無乜人要捉鬼啦。」 阿伯大吐苦水：「我只好幫人算下命，但依加又塔羅又星座，五花八門，要脫穎而出，就要谷紅自己，出書上電視。 你睇下我呢副尊容，似會紅架咩？咪喺廟街同人爭生意。」 . ， 阿伯又問我：「生意愈黎愈難做啦，咁你呢，你有咩打算？」 . 我撓撓頭：「搵份工儲首期，唔去日本，經紀話，廿年就會買到樓，時間長啲，我都等得起嘅。」 . 「傻仔黎，等你儲咗廿年，到時樓價再升，你點儲都追唔上。 就算樓價唔升，呢廿年你住邊？要交租咪一樣儲唔到錢。」 阿伯又問：「同埋你識做咩工？」 . 我靈機一觸，我喺野外狩獵幾百年，獵人獵動物，身手絕對好過電視果啲明星。 . 「我可以拍功夫片！我有睇果個......葉問，我覺得我好打過佢。」 . 阿伯翻白眼：「甄子丹咩樣，你咩樣？ 你個樣好似遭遇車禍被火燒完再被雷劈中咁，做有錢人保鏢，人地都嫌你失禮。」 . 我唯有講：「咁我可以做其他工，由低做起，廿年唔得咪三十年。」 . 「依加做文員都要識一堆程式，做保安要有證書。」 . 我自尊心大受打擊，作為一個僵屍，我只係想買樓啫，真係咁難？ . 阿伯嘆氣：「見你咁陰公，你跟我搵食啦。」 . 「我可以做到乜野？」 . 阿伯意味深長咁笑一笑：「做番你嘅老本行，僵屍。」 . ， 從此，我就同阿伯組成咗「捉僵屍團隊」， . 即係我「扮」僵屍，半夜爬入有錢人嘅花園，跳黎跳去，跳番三五七晚， . 到佢地惶惶不可終日，阿伯就出現，話佢地屋企陰氣重，收錢驅僵屍。 . 唔係講笑，工作輕鬆之餘，真係搵到份糧架，夠我買下肉食。 . 到阿伯百年歸老，我就身兼兩職，做埋驅僵屍果個角色。 . 有時啲客問我，點解塊臉會搞成咁， . 我會答：「想當年，我同隻千年僵屍搏鬥，打到天昏地暗日月無光，終於消滅咗佢，我都被屍毒毀容。 但我一啲都無後悔，至少我為人類除一大害......」 . ， 終於有一日，我儲夠首期！ . 過咗咁多年，我「故鄉」啲樓已經起好咗，我滿心歡喜咁揀定個單位。 . 點知，我都係買唔到樓，因為職業僵屍同職業道士，都係無入息證明嘅， 過唔到壓力測試，就無得按揭。 . 即係話，我要儲夠樓價嘅100%，先可以買到樓。 . 到果一日，樓價會去到咩地步？我都唔知。 . 唉，呢個年代，做人做僵屍都唔容易啊。 . －完－ . #短故 #短篇 #小說 #陳美濤 #廣東話 #粵語 #僵屍唔易做 #tomatochan #殭屍