#gfmurmur5940 親愛的，我知你有時會睇呢個page，唔知你會唔會睇到我為你而寫既故事呢。（長文） 我今年23歲，係一個肥女子。 男朋友20，好瘦。 熊貓與竹，呢個名就代表我同佢。 竹係我既第二個男朋友，雖然唔係我第一次拍拖，但我第一次感受到真係愛一個人係點。 我個樣都算正常女仔，但係肥，性格都幾開朗，所以身邊一直有唔少朋友，什至男多女少。但就未拍過拖，加上屋企關係，所以一直都好渴望愛情，有一個人可以成日陪自己，可以錫自己。 我第一任，係一個大叔。渴望愛情既我輕易跌入大叔既網絡陷阱，就算有 各方好友勸導，我都係執迷不悟。所以最後係悲劇收場。 我同竹，都係網上認識。仲好記得一開始因為ban哥而識。果段日子真係好開心，有d曖昧，成日痴住，一齊打機，吵吵鬧鬧咁過，雖然我地仲未見過面。 日日如是。 傾左大概一個幾月，有日我放學，你話係地鐵站等我，雖然我好驚你會介意我身材，但都唔想你失望，所以就鼓起勇氣上左地面同你見面。跟住我地就一齊左。 我好開心，因為我從來冇諗過自己一可以正常拍拖。因為我肥，所以我好自卑，就算好多人話我瘦左係女神，但自卑既根性係改唔走。 竹對我好好，係我認知中，我認為好好。成日買野比我食，好錫我，為我del哂女仔朋友。我地幾乎每日都痴住，唔見面都會傾住電話/skype。 而佢係一隻金牛男，我係獅子女。金牛有咩都中意收埋，而獅子有咩都中意講。牛唔飲水唔撳得牛頭低，河東獅吼。呢兩句，正正就代表到竹既倔強同我既強勢。 所以我同佢之前既每一次嘈交都好傷感情，而果陣竹就一直主動道歉，而我唔知佢其實係受左好多委屈。 有一次，我地去長洲過夜，點知果陣有一個係我識竹以前有過曖昧關係係男仔wtsapp搵我，竹叫我唔好理佢，但我內心好想令果個男仔難受，因為個男仔曾經既失蹤都令我難受過，所以竹果陣叫我唔好理佢，我繼續傾多幾句。 果陣我知竹會因為我同呢個男仔既關係唔開心，所以我唔敢同竹講我同個男仔去到咩地步，雖然後尾都同竹坦白左。但我冇諗過，呢件事會令竹以後會唔再信我。 之後直到我地一齊既第5個月，果陣咁岩撞正我final prj。果個月，我feel到竹對我有d唔同，有d冷淡。女人既直覺從來都好準，佢話諗左以前網戀既女仔一個月，但都應承我分手前唔會搵佢。 後來到我完左prj，去佢屋企訓，我覺得佢太奇怪，就望下佢電話，因為果排我日日都食唔到訓唔到，佢係我隔離訓，我就眼光光訓唔到。點知一睇就睇到佢搵以前網戀既女仔。果下我真係晴天霹靂，冇諗過一直咁愛我，咁錫我既人，會咁樣對我。果晚我即打比我frd，而竹訓訓下可能搵電話，發現唔見左我，都沖左出黎解釋。後來再過段時間，竹都再冇同個女仔傾計。 但之後，我地既關係就浮浮沉沉。時好時壞，由有sex變到冇sex。關係好似風暴前夕咁，平靜而淡到令我覺得好不安。竹成日都講分手。而我自從個女仔出現過後，變得好冇安全感。好似大海死捉住一舊木既感覺。我地既關係好似隔住左d野咁，我好似唔再係你既首位。我好驚有日會失去你。 琴日，定前日。你同我講你同我一齊好辛苦。 我真係諗左好多，其實我都有諗係咪應該放手，但我知道你仲中意我，咁樣放手，真係好可惜。人海裡我地難得相遇，我唔希望就咁錯過。一錯過，就好難再捉得返對方。 為修補呢段關係，其實我真係好努力，改自己d脾氣，由懶到主動，我由細到大都唔洗做家務，主動幫你洗毛巾，好多好多可能係小既野，其實我都未做過。但我願意為你去做同去試。 我唔係想講我好偉大，而係我想講，我真係願意為你去改變。 我咁大個女，都未試過愛一個人愛到望住佢訓都覺得滿足。 竹，你知唔知道。以前，同大叔一齊我從來未主動過，係對你，我會想令你愉悅。同你一齊，好多野，我係心甘情願。同埋，對唔住，我d佔有慾真係好強，希望你大人有大量就體諒下。 拿，2016既生日禮物，我淨係有個要求。 我地都就就快一年啦。我希望你可以放低以前，好好望下依家為你好努力改變緊既我。依賴我，信任我。因為我好希望日後一齊成長既路上，仍然係你。我知道如果我地都學不會放下，咁就會好難行落去。 我希望好我地似春嬌同志明咁，雖然經歷離離合合，但最後都係一齊。 竹，我其實真係好愛好愛你。 希望你感受到啦。我會繼續努力。 -- #hkig #couple #murmur