【龔成問答信箱】（Q21441-Q21460）

Q21441：

老師你好，有d關於創業同投資嘅事情想請教你。

1. 當我已經諗到我嘅生意做咩之後，應該從咩各度思考？

2. 點先可以有效宣傳自己的企業？

3. 我好想行岀第一步，但我唔係好知應該做d 咩好。

4. 如果我有個idea 但就無實行idea嘅能力，身邊有無咩人有咁嘅能力，有d咩方法？

最後想多謝老師你，我上年先開始投資，好幸運一開始接觸到老師嘅fb page 同書，認識到價值投資法，令我覺得睇年報，了解一間公司營運模式非常有趣，

因此作為投資初哥，我完全無試過炒賣，雖然而家賺嘅錢唔多，但已經感覺交小唔小學費。我定左個目標，就係希望有1日可以去交港交所敲鑼

龔成老師︰

1) 開始寫一份給自己的商業計劃書，規劃出未來發展大方向。但唔需要太仔細，只要有個大方向即可。

因為商業社會，每日變化都好大，寫得太仔細，反而會限制左自己發展。

做生意，「執行力」是關鍵位，我成日都聽到有人話：「早知我就…」、「這生意我一早想到啦，只是佢快過我」等等，這類說話。

做生意，最重要是「做」，之後先慢慢再調整。

2) 要睇你業務性質，和對應什麼客戶群。例如你做補習，你就要去多學生和家長出現的地方去宣傳。

你要「找出市場」去宣傳，不要亂用力去宣傳。

3) 你要做，就係先行出第一步。好多人就係顧慮太多，唔敢行第一步，令到自己只停留空想狀態。

其實做生意，好多時都係摸石過河，邊行邊試，有時唔需要諗太多。只要有大方向，做就可以了。

4) 你就去睇下，市場上有無類似的成功人士，去模仿他，學習他。或者，你去做或學一些，可以幫到你實踐IDEA的工作和課程。

記住，你投資方面，現時只係起步。你要一直保持學習，投資回報才會好。

期待見到在港交所敲鑼的你！

------------------------------------------------

Q21442：

老師你好，本人現有200萬流動cash, 還有其他大保份cash放左保險公司saving plan, 回報大約3.2% 但一本lock死5 to 20年。

今年年頭ipo市況好，賺到75000已經非常開心，但3 to 5月連蝕番66000,主要因為本來10萬買左 AMC升(12.8 入但13.x走左)賺到d, 但佢升到30後我50萬元反手手沽空，

1.5分鐘蝕足50000，之前又500000萬買左9959,24.25炒賣左幾轉有得賺又賣左，跟住佢跌到又買番，以為自己好醒，點知隻野跌到18已cut loss,

本人炒買股票20年，都係得果吉，可否教教本人應該怎樣？因為已經信心儘失。感激謝謝

龔成老師︰

你有「賺錢」的思維，反映你與98%的散戶想法一樣，都係停留係短炒，賺差價架模式。

短炒我見好多人都係蝕錢收場，股價中短期一定會有波動。而波動架原因可以同企業本質無關，只有長線股價才會反映企業質素，所以優質股一定要長線持有。

你見全球最賺錢架投資人巴菲特，都唔會做短炒，只會係做長線投資。所以，你要改變你投資方法，唔好再做短炒，並以長線投資優質股為目標，會對你較好。

你現時先做，就係放棄以往一直用的短炒方法。之後，再用正確的理財策略，去累積財富。

我建議你睇我架《80後百萬富翁》、《財務自由行》和《股票勝經》，當中會有一些理財和選股概念。

到你明白當中理念，才開始再計劃你投資大計，會較好。

------------------------------------------------

Q21443：

龔sir，我今年28 上年開始接觸股票 但因為咩都唔識成日都高追 一跌就好驚 輸左好多錢 依家我轉左新的一組配合持有：

9988 $228 200股
3067 $17 2000股
175 $23 1000股
6618 $174 100股
1398 $5.4 5000股

想請問我這個新組合 適合嗎？
我打算長線 唔睇股價短期波動。因為成日睇股價影響心情。

另外3067 係睇到你話潛力股可長線 我洗唔洗巴巴升返少少之後每個月加倉到3067 （因為3067指數都包括埋9988）

謝謝你龔sir
知道你平時都好忙好勤力覆大家訊息。

龔成老師：

我地最重要是建立一個長期的「財富組合」，要優質，要平衡，要適合你的年齡與風險承受程度，各行業或粳類別都要有。

但同一行業又不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

你上述持有的，都是有質素的股票，因此可以長線進行。另外，工行（1398）是收息股類別，而你年齡應該著重增值，因此收息股未必最適合。

至於恆生科指ETF（3067），你可以久不久加注，原理同月供，長期儲貨一樣，但就唔需要改變阿里（9988）的持股情況。

但你要計算翻潛力類別比例會否過多，因為「平衡組合」是好重要的。

------------------------------------------------

Q21444：

龔sir 有d問題想請教你 我買入一隻股票後，係咪升2成就要止賺，否則跌翻會無得賺。我成日聽人講要鎖定利潤。

龔成老師：

這是坊間的做法，而你睇翻全球投資最賺錢的人，巴菲特，佢無這樣做。

我地只要買入優質股後，長線持有就得。我持有比亞迪（1211）13年，就是唔理佢，長線就得。

如果你成日望住個市，成日要「止賺」，你想想，騰訊（0700）、港交所（0388）這些升值100倍的股票，你根本就賺唔到！

------------------------------------------------

Q21445：

老師，我同我先生聯名買咗間688萬3房居屋，個名已經用咗，我打算再置業，但又要比15%稅

現在層樓買咗2年，
現在有100萬積蓄，
我個人計

我每月可以儲2萬，
請問點樣可以再置業，
用幾多年時間儲和投資？
做什麼投資比較岩？

龔成老師：

如果有需要，其實可以到律師樓搞拆名，這樣你地就可以一人一個單位。

不過，你現時的現金$100萬，再加上買了物業只是2年，其實唔需要太心急不斷投資物業。

我地理財，最重要就是建立平衡的財富組合，例如物業、優質股，同時持有。

所以，你這刻可以利用每月$2萬，儲蓄投資，並利用手上現金的部分，例如$30萬，去投資股票，先將財富增值，過幾年後先投資第2個物業，這樣會較好。

你可以定一個5年計劃，投資優質，平穩增長類股。

------------------------------------------------

Q21446：

老師，我之前買$255果時入咗美團，$46入左華虹半導體，而家咁嘅市況，你會由佢跌定止賺

龔成老師︰

首先，一定要了解股價下跌的原因，基本上，股價中短期上落好正常，但如果上落太大，就要了解翻當中的事情，有無一些影響企業核心的因素。

美團點評（3690）都有質素，佢業務巨大，同時增長快，是有危有機的股票。但近期反壟斷政策，相信會對佢有一定影響。但影響有幾大，暫時無人知。

但相信只係會加強規管，而唔會係出現大改革，整體質素預期唔會大變，但增長力難免會受影響。

集團過往一直處於燒銀紙階段，至2019年才開始有少量盈利。未來是否維持，暫時都好難講，若你持股佔組合不多，可以守。

華虹半導體（1347），佢而家係部分範疇擁有技術，但並不是整個產業鏈中最重要的技術部分，所以不能定為很高質素的企業。

不過，中國政府一定會加強開發半導體技術，所以，長線發展正面，可持有。

------------------------------------------------

Q21447：

老師你好， 我是一個媽媽，有四個仔女，三個出哂身，有個讀緊大學， 近年學識左點買賣股票， 呀女推介睇你的書‘50隻優質潛力股’， 現時手上的組合是以下：

（00005）9手61.37
（09988)3手223
（02628）5手16.5
（2383）3手166.7

（02318）2手90.04
（01810）10手25.5
（00659）10手6.11

（00788）25手1.1
（3309）6手5.46
（00823）10手59.43

1.想請教一下現時組合可以嗎？ 有冇一些可以從中剔除呢？

2. （02628）本人有意想賣走，應否溝一溝下貨？

3. 最後， 我成日有個心引，見到有啲賺少少就想放， 以前銀娛就係咁$59買左， 之後賺左$7000就走左， 呀女成日叫我唔好放要長揸， 話有潛力唔怕。

但我覺得如果長揸咁有咩用，啲錢袋左入袋先係自己， 而且有時會覺得見佢升幾轉， 如果自己買賣幾轉已經可以賺幾轉。

所以想問下老師你，其實而加我係咪應該長揸本身持有的股票， 等佢跌到本身持貨嘅價位/低過先再入， 慢慢草貨呢？

龔成老師︰

1)ＴＯＭ集團（2383）業務不太好。發展多年都無乜成績，近5年生意無增長，年年虧損，投資價值不高，可沽出。

希瑪眼科（3309）有質素，業務仍發展中，有一定不確定性。你可以考慮沽少少，去平衡個風險。

阿里巴巴(9988)和小米(1810)這類潛力股，雖然有潛力和質素，但同時間，個波動性都唔細。現貨可持有，但當年年紀越大，就要慢慢減少這類潛力股的比重，令個組合唔會太波動。

至於其他股，基本上都有質素的，問題唔大，但要留意，同一隻股票佔組合的比例，最好控制在15%以下。

2) 中國人壽(2628)質素較中等，近年賺錢能力係弱左，但未至於無質素。此股不建議太大注，你可以沽出部份，換至其他較股票。

3) 你有「賺錢」的思維，反映你與98%的散戶想法一樣。

你追求實在的現金，認為要賣出賺到現金，才是賺錢，但我地最重要是講求「財富最大化」。

當一隻股票上升，例如你買入價$10，現價$15，賣出可以賺$5。

但當你套現$15後，你怎樣將這個「$15」再次增值，令你的財富增長，比留在原有股，得到更大的回報？

如果原在的股票是優質股，即是我地持有優質企業，當你一直持有這股，企業長期價值向上，就會帶動我地的財富有最大增長。

簡單來說，我地是從「財富長遠最大化」的角度去想。

可能你會問，一直不賣，啲錢永遠入唔到自己袋，即係永遠無法取出財富。

我地累積財富，會用「先增值，後現金流」作策略，前者著重增值。之後就會改變策略，將已增值了的資產，轉為現金流類別，而我地就是不斷享受資產產生的現金流。

另外，你有一個想法，係想走幾轉，賺佢波幅，都係有問題。

因為我地投資，係唔應該去估走勢。你諗住而一刻已經好貴，先沽貨，但之後回調平價再入翻。但實際上，股價是否每次一定跟你預測一樣走?

若你沽貨後，佢反而不停升，你除左錯失個升市機會，而且要可能要用更高成本，才可以買回這隻好股票，成件事係得不償失。

你試想想，如果用你的方法，在過往，港交所（0388）、騰訊（0700）在這麼多年，股價上升100倍時，你的方法能賺到多少？可能連一倍都賺唔到。你怎樣能賺到100倍，就是「唔好賣」，一直持有這些優質股。

至於，是否跌至低位再入，我地唔會用你買入價，作為入貨標準。

我地係會睇翻企業本身估值，如果當時個價格水平合理，你持貨又唔多，又有充裕資金，可以加小注。到平宜區，才加大注。

記住，永遠都係睇企業本身價值，而唔係你個買入價，買入價其實意義不大。佢應該作為你買賣，或者是否持有一隻股票的指標。

------------------------------------------------

Q21448：

买左老师五年置业果本书 中间提到黄竹坑等地区系比较有潜力的。

想请问马鞍山和钻石山房产比较 是否钻石山升值潜力会相对较高？谢谢！

龔成老師︰

鑽石山優勢在於同時擁有2個鐵路線，加上較為接近香港第二個核心商業區「九龍東」。

沙田區是新界東與市區的連接位，在整個香港的地圖上，算是一個中心點，對於較常往返內地，而又想近市區的人來說，沙田區是不錯的選擇。

近年多年屯馬線，令馬鞍山交通便利度提升，都係有利發展的原因。

但從地理位置上，鑽石山都係較接近「九龍東」和港島，整體質素，會相對馬鞍山稍稍佔優。

------------------------------------------------

Q21449：

老師，想問一下小米連續幾日不斷回購股票，對於同股不同權架構，會令小股東對企業既控制權減弱嗎？同埋佢回購主要係邊類股份

龔成老師：

會有少少影響（其實好少影響）

佢現時的回購，是回購出面市場的股票（即是小股東的）。

即是小米這間公司回購，間接會令大股東佢地的控制權增加。

但說到尾，由一開始，佢同股不同權的模式，已是大股東佢地玩晒，因此分別唔太大（因為大股東在投票權方面，一向都過半）。

------------------------------------------------

Q21450：

龔sir, 我係90後27歲男仔，想請你幫下手 指點。
我本金60萬學人買股票，今年2月尾開始輸到變50萬 。心情好難受。

過往都係以短線炒股為主。 港股美股都有買，想搵你教我慢慢追返本金，以中期或長期目標為主。

目標係30歲 有100萬 每月存款有$4000 ，主要想重新整理個投資組合，唔想經想睇到心煩又失望。 麻煩龔sir有空指點下。

美股有ARKK 打算長期持有
港股 少量短炒

龔成老師：

我20年前，都是短炒者，短炒幾年，輸足幾年，之後長線投資，就開始不斷賺錢。

其實我當時，用左幾年時間去學短炒，我當時不斷睇書、上堂學短炒，但最後都是輸，可能是我能力不足吧。

但我之後做銀行同證券行，見大部分輸錢的客，都是偏向短炒的。

當然，你問我有無人贏錢，是有的。但就我觀察，長線投資贏錢的人，比短炒的較多。

另外，如果你分析全球真正賺錢的投資者、經金經理，佢地都無人短炒，都是長線投資的，巴菲特都是反對短炒的。

因此，我相信長線投資，是真正助我地贏錢的方法。

如果你發現自己行錯路，就唔好再向前行，行翻正確的方向。

你之後要投資優質股，長線，學「真正投資賺大錢的人」，如巴菲特學習。

我地最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

你投資ARKK，長線，可以。

另外，你可以考慮投資平穩增長股+潛力股。
你可以月供或自行分注。

上述是大方向，但我這刻唔建議你投資太多，例如只動用3成以下現金，餘下等機會，反而建議你先學好投資，例如可睇《股票勝經》，之後先正式投資。

------------------------------------------------

Q21451：

龔sir～
又有問題打搞你喇
我一路想入金沙同領展
金沙set左目標買入價係 35
領展係 70

但好耐都唔到呢個位
開始接近左陣又彈返上去
我係咪諗多左？應該調返高d？
定其實可以等？

麻煩曬你成日解答我地d問題～～
同埋想同你分享下
我剛剛join左za bank
佢地做緊頭 $20 萬savings 有年利率 1%！

我擺左d錢係入面賺息 好過擺銀行
想知點解呢類虛擬銀行會做呢類咁勁嘅優惠吸客？佢地背後係為乜？

龔成老師：

領展（0823）及金沙（1928）都是有質素的股票，面對這類股，只要不是貴，都可考慮，特別是當你完全無貨，而你現金又十分足夠的時候。

如果你買入一注後，仍有現金剩，這兩股你可以現價買入第一注先，等你有基本的貨，之後再跌先買入。策略上會較好。

另外，虛擬銀行為左吸引客戶，都會利用高息，去等客戶試佢地的產品，等多d人對佢地有認識。

------------------------------------------------

Q21452：

龔成老師
我疫情時初學投資股票
根據你經常說的理念 長期持有優質股 今日終見曙光
雖然我持有的股票是小量

財富增值都是很小量
但我都好想多謝你
初學見短期波動 都會好緊張
是你啟發我 我才有信心堅持長期持有

龔成老師：

太好了！

投資是一個長期戰，你要面對好心心理壓力，但要記住，你只要買入優質股，長線，就能有回報。你只要想想，全球投資最賺錢的人是誰？是巴菲特，只要我地用的方法同佢方向一樣，就有不差的回報。

------------------------------------------------

Q21453：

龔sir 你好,自從上年第一次向你請教, 我現在主力持續買入index tracker (除2800 仲有S&P 500/ MSCI World), 因為問心知道自己冇時間/ 知識去選股。

後面2者我買左外國買accumulative 個種, 唔駛自己人手將派息再投資,好啱我D 懶人。現時同長線我都會keep 住月供index tracker, 間中先會買下個別股。

1. 03067 - 我想買入長線, 見你近來的Q&A 都話現價唔平/ 在合理價較高水平所以應該小注/月供, 想請教在大概咩價錢左右應該開始平/ 多買入?

2. 我持既股同上年一樣(只係多左小小金沙同2800), 考慮緊好唔好遲點賣出大部分收息股(銀行+地產+港燈) 轉去index tracker (等平點入), 希望加強增長力, 你會建議嗎?

3. 如賣出左收息股, 但index tracker 現價又唔平, D 現金放在銀行唔知幾耐先會等到買入時機, 你會建議用這些現金暫時放落其他野嗎? (舊年收到的股息都係只係放在o係度等)

4. 如我aim index tracker 佔持股80%, 個別股20% 會太保守嗎?

感謝你的意見, Stay safe!

龔成老師：

你的方向正確，有選股能力，當然可以憑自己實力選出高回報的股，但如果高估自己能力，反而會輸錢，因此，明白自己的實力而願意付出的時間好重要。如果不想選股，就投資指數基金，你所選的都可以長線。

利用月供，或慢慢分注買入，長期累積，是最好的方法。

1）安碩恒生科技（3067），有長線投資價值。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂至略貴，因此，這刻不能大注投資。最好的策略，就是月供，或自行分注小注慢慢收貨（例如每月買一次、或2個月買一次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。

2）要睇你投資目標及風險承受能力，最重要是長期方向，如果你仍想增長，就將收息股轉其他，現時合理價都可賣，然後可轉平穩增長股及潛力股，如果無心水，就盈富（2800）及恆生科指ETF（3067）。

3）其實現時舊經濟類是合理的，因此轉盈富或其他舊經濟類股是無問題的，至於新經濟則在合理區頂，因此轉3067時就會慢慢去分注買入，部分資金可能會等跌多少少先買入。

4）如果你真的無選股能力，或無時間選股，這樣是最好的，好多人高估自己選股能力，最後出現虧損。

------------------------------------------------

Q21454：

你好。我最近睇你解答網友留言提到GX 中國電車ETF 2845, 請問GX 系列其他etf , 2826中國雲算。2820中國生科。2809中國潔能。適合長線投資ma?

同埋呢隻基金之前未聽過。市值算大ma? 穩唔穩陣ga? Thx

如果我想未來用大約50萬資金。在5,6,7月分開17注分段入做中長缐投資。請問這些ETF 算優質ma? 這樣設計可以嗎？另外加三隻股。700，388，2269

麻煩有空給我少少意見,
thx so much

龔成老師：

你上述所講的幾隻ETF，都是潛力ETF，都有長線投資價值，上述的4個主題，都是一些未來發展大方向，長遠潛力度不差，但要留意，所有這些潛力行業，在發展過程中，一定會有變化，所以，你要明白風險，同時控制注碼。

幾隻基金都穩陣的，只是價格上落一定大，買入時要明白風險，或者用月供策略會較好。

以GX中國電車（2845）來說，這基金的目標是追蹤Solactive中國電動車指數NTR「相關指數」表現緊密相關的投資回報。

持股中最重就係比亞迪A股（002594），以及與中國電動車產業有關的股票，中國因為能源問題，長遠一定要發展電動車，這是大方向，故此股有一定投資價值。

由於近期不少車股被炒起，此股現價略貴（其實另外幾隻你上述所講的基金，都有這類情況）。無貨可以現時入少少，到有明顯回調才再慢慢加注。

潛力度是有的，但會比較波動，如投資宜慢慢分注，可長線。

因此，上述基金，可投資，但你要明白風險，同時，不能將所有資金都投資在潛力基金類別。你要建立一個平衡的財富組合。

你可以將$50萬，其中$20萬或以下，投資潛力基金/潛力股類別，要慢慢分注，可分1年時間去買入。

至於餘下的3隻股票，有質素，但都唔平，你可以月供，或慢慢分注買入。我會建議你同時留有一定的現金在手，當大市下跌時有資金去買入。

------------------------------------------------

Q21455：

龔sir你好啊！對上一次PM你已經兩年前，當時啱啱受你啟發開始投資股票，上年仲上埋你嘅堂

由0倉慢慢喺兩年時間建立咗一個六位數嘅組合，真係好多謝你！

其實除咗投資方面嘅知識，你經常分享嘅致富思維都影響咗我好多，自己呢兩年都睇左好多有關呢方面嘅書，一開始真係完全唔明點解[諗下]就會實現到

好懷疑，直至最近我有一個好想走出comfort zone，好想係為咗建立自己事業而做嘢，唔係為咗逗份人工，做幾多都係為公司、為老闆，我覺得自己可以走得更高更遠。

咁啱有個帶保險嘅團隊嘅朋友(亦都係我自己嘅財策師）approach我，邀請我加入，其實佢三年前都搵過我，但當時我未ready, 唔相信自己可以做sales嘅工作。

但三年過後，我嘅諗法唔同左好多，雖然都係唔認為自己係傳統觀念上做top sales果種人，但我真心覺得自己會成功，應該全力用3-5年去build up呢盤生意，建立自己嘅團隊

我亦相信我本身會計師嘅優勢可以比到客戶信心、在職媽媽呢個身份亦幫到我了解到大部分打工仔喺保障上嘅需要。

講咗咁多，都希望你能夠比小小意見：

1. 我感覺你本身都唔係果種好外向好多野講果種人（感覺錯請原諒）你一開始係點樣踏出第一步去開班教人同錄youtube?

2. 我一開始嘅計劃係part time做，始終小朋友仲細，有份正職收入會安全好多，但最近考晒牌開始training而自己都睇書睇YouTube學點樣做個好嘅銷售嘅時候發現原來真係要投入好多時間去做先會做得好

咁我本身都有儲蓄，先生亦有正職可以support，我是否應該去盡d全職去做？我好怕自己係一時衝動。

3. 仲有無d咩係我應該考慮嘅因素？(信心、家人支持、儲蓄)

真心好感激你改變左我人生、之前睇到你再分享<成功人士同普通人之間嘅差別>只係[做同唔做]，令我更加好似打咗支強心針

Thank you so much!

龔成老師：

太好了，我相信這兩年你都成長了不少，最重要是思維，相信你保持這樣「相信自己」，「大膽試」的思維，長遠會有一定的發展。

1）對，我本身是一個十分內向的人，根本不喜歡出聲，中學時老師話我是全班最不想最聲人的頭3位。

到我大個，我知道如果我要成功，要發展事業，就要改，所以我逼自己多同人講野，多做演說，現時無論拍片，上堂對過百人講野，我都無問題，所有野都是逼出來的。

你要想翻你的「大方向」，如果大方向要求你有某些技能能，你就要克服困難，做好這些事，為了完成你的大目標。

2）最好當然是全職，但就好睇你的決心，如果你決心不足，就暫時半職先。

3）如果你擔心，就留多一點儲蓄先，因為初期做，業績會有上落，這時是對你最大的心理考慮，如果你有較多的儲蓄，心理壓力會較少，較易克服不同的時期。

加油啦！我好相信好多事，我地都能做到的，只是有無勇氣去做，你現時已踏出決定性的一步，你要盡全力去做，堅持！

------------------------------------------------

Q21456：

龔成老師你好，差唔多一年前我講過想5年內(即2025年前)將手上資金提升到160萬作買樓首期之用。一年過去，我主力靠儲蓄的疊加效應，total asset 已經算有100萬！感覺2025年160萬目標好似可以超額完成！

1）現金:由$30萬升到大約$45萬 （小部分做了定期存款收息）

2）股票組合價值: 由$4萬升到$39萬（股票蝕錢中。。。）

3）另外儲蓄保險，2025年可以可以拎到20萬左右。

>> 所以total asset 已經算有100萬

本人月入$36,000，收入尚算穩定。要幫家人供樓及照顧已退休父母，現時每月可儲現金大約1萬，另外有月供股票$4500。

—$1,500煤氣 (0003)
—$3,000 盈富 (2800)

現有股票組合

—月供煤氣 (0003) @$13.7
—月供盈富 (2800) @$27
一 3738 @$29.5
- 1283 @$1.7
美股Tesla @$766

因為想買樓，所以希望可以中風險投資方法。上年經指導後加大了月供。而家想加多一隻月供股票，心水係恆基（0012）、中銀（2388）、港鐵（0066）、領展（0823）四選一，請問邊一個會比較平穩增長？

調整後的月供比較會為$2000 一隻，即total $6000 一個月，是否穩妥？

現時股票現金比例大約為50:50，此比例是否穩妥？

希望可以得到你意見，十分感激。

龔成老師：

太好了！恭喜你！
這是你努力的成果，我相信你一定能完成目標的！

現時離2025年有幾年時間，你可以利用這段時間合理將財富增值，到接近買樓時就適度賣出股票，加大現金比例，減少股票或風險類資產的比例。

現時這段時間，你的投資應該以「平穩增長」作核心，潛力股都可以但不能太多。另外，3738、1283不宜持有太多。

現時月供的可繼續，你可以加入港鐵（0066）去月供。

現時你現金比例50%，其實30%-50%都是適當範圍，只要你到按近買樓時增加翻現金比例就得。

另外，你這段時間可保持財富增值，但如果在當中，見到樓價下跌，其實都可以考慮買樓，因為你的最終目的買樓，如果樓價平左，出現機會，只要你供款方面無問題，都可以考慮買樓。

------------------------------------------------

Q21457：

老師，你對1696有何看法？

我從其2020中期報告見到，其毛利有55%，疫情下純利則只有8%，以往則有14%至16%，這表示其經營成本以外，還有很多成本開支，對嗎？

而其總債務佔其總現金及銀行結餘約60%，這是正常嗎?還是不健康呢？

還有1696現價合理嗎？
可長線？

龔成老師：

復銳醫療科技（1696）主要從事設計、開發及提供能量源醫療美容器械，如一些無創醫療美容器械、微創醫療美容治療系統等。

由於疫情是一個特殊的經營環境，所以我地在分析時，會有調整，而我地會以「正常經營環境」作核心分析。因為疫情可能會有一些額外的支出增加，又或由於外在環境影響了生意，當某些業務的生意減少，而固定成本無法立刻減少時，就會令純利率產生影響。

至於負債情況，暫時問題不大。

業務上，有佢吸引地方。但股價近年上升了不少，市場好集中「預期之後的業務情況」，因此，股價會較波動，只可以話現價唔算平。長線投資價值，都有的。

------------------------------------------------

Q21458：

龔Sir, 你好，想問下供股既配置問題，我29歲，一個月可以儲15k, 供股每月$8k如下（已維持約三年）：

煤氣：1000
長建：2000
盈富：3000
比亞迪: 2000

直到比亞迪升過$80我就停供左，轉左供銀娛，而長建亦已停供。

1. 如果呢家月供配置為以下，你認為合適嗎？
領展：1000
中生製藥：1000
小米：1000
盈富：3000
銀娛：2000

2. 煤氣因為已經供左三年，但無咩增長，如果係想追求增長既應否繼續供？還是轉領展比較好？

謝謝！

龔成老師：

1）領展：1000
中生製藥：1000
小米：1000
盈富：3000
銀娛：2000

這組合可以。你保持長期進行就得。

如果你日後有更多資金，可以考慮加入3067，每月供$2000。

2）其實煤氣（0003）仍是有質素的股票，但增長力弱左，而佢改為20送1，反映增長力可能減少左，但不算差。

香港業務不強，但中國部分不差，中短期雖然較一般，但見佢的長遠發展力仍在，但就要耐心點。

由於佢一向都穩定派「相同股息」，在這情況下，反映派息的增長會少左。但整體來說，這企業仍是有質素的。

我睇翻佢近年在中國的投資，仍是保持進行的，每年都有幾十億，這些投資不會好快就見到收成，但這企業就仍是發展中的。我對佢長遠發展仍是正面，只是增長力的問題。

你原有貨，持有。

但不要再月供了。轉其他更有增長力的股更好。

------------------------------------------------

Q21459：

老師，潛力股包括9618嗎？最近跌穿300，可以小注入嗎？90後如果9618,175,同914，邊個會較好？唔該老師

90後的我依嫁有4手823，同月供12同66，

甘823同12係地產股，66地鐵就公用股，

另外想加月供中銀香港，就銀行股，

同想加逐手買9618或175或914就新經濟股，甘樣組合正確嗎？唔該老師

龔成老師：

京東（9618）業務有質素，發展仍是正面，不過現價就唔算平。

佢係一間電子商業銷售平台，佢定位為「以供應鏈為基礎的技術與服務企業」，現時是中國第二大電商，有一定的品牌。同時，根據《財富》按收入統計的全球500強排行榜，集團是中國最大的零售集團。

佢目前業務已涉及零售、數位科技、物流、技術服務、健康、保險、物流地產、雲計算、AI和海外等領域，其中核心業務為：零售、數位科技、物流、技術服務四大板塊。

京東已建立自己營運覆蓋全中國的物流基礎設施，以支持電商業務，打造了線上購物體驗，係2017年、2018年、2019年，活躍用戶數達到了2.9億、3.0億、3.6億。可見已建立了一個巨大的網絡。

佢經營線上零售，以及電商平台業務，線上零售業務方面，從供應商購買產品，然後直接銷售給客戶，並從24,000多家供應商採購商品。

佢的物流基礎設施佈局覆蓋了中國幾乎所有的區縣，包括遍佈89個城市、累計總建築面積約1,690萬平方米的700多個倉庫，包括京東物流技術開放平台所管理的倉庫面積。

從質素上，這股不差的，現價算是合理區中上部至頂，如果買，都可以，但要控制注碼。這股可以長線投資的。

90後，財富仍有增長力，吉利（0175）及京東（9618）都可考慮，吉利會略好。

而你現時持有的，都是有質素的股票，屬平穩增長類，可長線，而中銀香港（2388）有質素，平穩增長類，長線可以，現價合理。

我地最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。所以，你慢慢加入吉利及京東，是可以的，最重要是注意整個財富組合的比例，以及要有現金剩剩。

------------------------------------------------

Q21460：

想問平安好醫生 同 2382 現價值買？

同3067

龔成老師：

平安好醫生（1833）長遠有發展力。

佢係中國領先的一站式醫療健康系統平台，透過「移動醫療+AI」，為每個家庭提供一位家庭醫生，為每個人提供一份電子健康檔案、一個健康管理計畫。

平安好醫生係中國互聯網醫療健康市場的先行者，以平均月活躍客戶，以及在線諮詢量計，是中國最大規模的互聯網醫療健康平台。

企業的業務有潛力，本身有優勢，大環境的配合，都成了這企業的機遇，前景正面，不過財務數據未算好理想。

雖然長遠的企業價值向上，但股價在中短期，可以十分波動，因為市場以「前景」作估值，故此變化必然很大。好難得出平貴的準確數，只能估估下，作參考。

因此，低風險者未必適合投資，若投資者考慮這股，亦不能大注投資，買入後就耐心長線持有，等待這企業改變整個行業的情況，現價算合理區頂，但好波動，月供就得，如直接買入只能小注。

舜宇光學科技（2382）有一定的質素，但現價合理區頂至略貴。

過往手機市場高增長，令佢鏡頭業務受惠不少，但近年手機增速開始減慢，你預佢增長力會變得較平穏。不過，手機市場又開始向好。

在長遠，無論是手機鏡頭，又或是各種鏡頭方面的應用，只會愈來愈廣泛，前景正面，不過，中短期可能會有少少波動。

這股可以長線投資，分注或月供較好。

安碩恒生科技（3067），有長線投資價值。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂至略貴，因此，這刻不能大注投資。最好的策略，就是月供，或自行分注小注慢慢收貨（例如每月買一次、或2個月買一次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q18521-Q18540）

Q18521：

老師，吾睇圖表分析！會否更容易輸
咁樣應該掂做才能避過股票輸？

滙控成收息股⋯⋯好可惜
作為那公司的職員⋯⋯公司生意的確比以前差左好多⋯⋯但我工作仍然忙碌嘅，冇停手

另外香港依家有好多虛擬銀行⋯⋯信得過嗎？那間比較好？聽聞定期有九釐

請問依家進入牛巿第幾期 ？
第二期尾？還是第三期

龔成老師：

睇圖本身就是錯！

所以，唔睇圖點樣賺錢，是另一個問題，但不會因為這個問題，而去做一件錯的事（睇圖）。

你要著重企業的價值分析，業務發展，匯豐（0005）的問題，就是業務，2008年開始，銀行業賺錢能力大減，我自己以前都做銀行，都從來唔買銀行股。

我地在投資上，應該建立一個組合，不能只集中某股，要平衡，同時選有質素的企業。

虛擬銀行，應該是信得過，但仍要觀察。

現時市場，如果講舊經濟股，是熊市，新經濟股，是牛二。現世代分析牛熊，已遠遠比過往的準確度減左。

建議你著重「企業」，不是大市。

------------------------------------------------

Q18522：

剛剛上完的課，想請教一下你認為投資心理質素最重要是什麼？

另外，如果太保守的我，會否有現金過多的問題，反而拉低回報率？

龔成老師：

就是對股市、股價的平常心，著重價值，不要理中短期股價。

我持有比亞迪（1211）12年，由$10升到$80，再跌翻$10，近年先慢慢上翻。見住自己有大賺變大蝕，我的著重點，即是「企業長遠價值」，不是股價。

你要睇股價睇得好平常，我成日收好多問題，網友會因為$100買入跌到$90就「好驚」，這就是心理因素。

你要好平常心面對股價上落。

另外，如果太保守，會拉低回報率，但我地投資，會「先想風險，後想回報」，所以你要在可接受風險情況下，去爭取回報。

------------------------------------------------

Q18523：

1408 濠江機電，值得投資嗎？

龔成老師：

這股貴貴地，以佢的業務來講，唔值現時這個價，加上新上市，唔太建議。

同埋上市後的上升，無乜實質因素支持，有點虛，因此現價唔建議買。

------------------------------------------------

Q18524：

另外想問問老師對3718 北控城市資源的看法初步分析。

1.雖然上市唔耐，但毛利率都高，以及母公司有優勢，有點像物管行業輕資產類別，市場對其板塊又不算熱炒，是否具投資價值？

2. 由於港股沒有類似，我參考美股WM的市盈率，發現市場其實對呢類係低估。現價是否合理？

龔成老師：

北控城市資源（3718）有質素的。

佢主要在中國從事環境衛生服務；危險廢物處理業務；以及廢棄電器及電子產品處理業務。

環境衛生服務方面，佢的服務涵蓋綜合道路清潔、垃圾分類、垃圾收運、垃圾轉運站管理、公廁管理、糞便收運、綠道養護、河道保潔服務。

同時自2019年起開始，佢有係北京的若干商住區域提供物業管理服務。

過往財務數據不差，有一定的增長力，有長線投資價值。

你預佢現價在合理區中上部，因此都有投資價值。

------------------------------------------------

Q18525：

老師，想了解一下錢搵錢係啲乜

龔成老師：

就是當你累積左一筆本金後，同做投資各種項目，之後這筆錢，就會不斷為你產生現金流，以及增值。例如你買入一層樓，物業多年來不斷升值，同時租金收入不斷增加。

又或你將資金投資潛力股，這潛力股升左幾倍，你完全唔需要理，這筆錢自幫你賺錢，而賺到的錢往往比你打工賺得多。

這就是利用錢，去賺更多錢，而這個錢搵錢的模式，並不受時間，體力限制，與你人搵錢是不同的。

------------------------------------------------

Q18526：

你好 想請問美股lvs 點睇？

龔成老師：

有質素，你可長線投資。

佢係全球最大的綜合度假村運營商,包括賭場、酒店、娛樂、餐飲、零售和會議中心運營。

佢擁有澳門威尼斯人、澳門金沙、倫敦金沙路泰、澳門四季酒店、澳門巴黎人、新加坡濱海灣金沙度假村、美國威尼斯人和拉斯維加斯宮等。

預計金沙將於2023年年中係新加坡開設第四座塔樓，佢現時約90%的EBITDA來自亞洲，佢d賭場業務產生約70%的銷售額。我相信亞洲的經濟回勇力度不差，對佢正面的。

不過，我始終無深入分析企業價值，因此未知佢這刻平貴度。

------------------------------------------------

Q18527：

Hello 本人月入約 100k, 供樓$12k。現月供以下股票共 18k，請問是否分散太多和投入太少？除月供港股外，同時每月買入美股 ETF 約 USD1000。

1. 16: $5000
2. 285: $3500
3. 388: $2000
4. 1211: $3500
5. 2318: $2000
6. 2800: $2000

Thank you!!!
請老師多給建議～

龔成老師：

又唔算散。

上述都是有質素的股票，基本上都值得長期持有，長期月供，無問題。

如果你資金可以，可考慮增加盈富（2800）的月供金額，以及如果你想令組合增長力提高，可以考慮加入華夏恒生科技ETF去月供。

至於買入美股ETF，可以，你保持進行就得。

另外，現時大市處合理區，可以一邊投資一邊留現金，而餘下現金的運用，就是等大跌市時出手。

------------------------------------------------

Q18528：

老師，比特幣值得投資嗎？

龔成老師：

比特幣，這是虛疑貨幣，我不太認識，所以沒有投資，亦無法比太多意見。因為我只會投資自己熟識的項目。

虛疑貨幣並沒有「實質價值」，但就有「交易價值」，當市場上接受的人愈多，佢的價值愈高，但如果無人接受，佢就會一文不值。

另外，當中亦存在著一定的投機價值，這部分愈多，價格就會愈波動，這就要更小心，因為當投機價值變成主導，這部分的價值變化可以十分大，可以在一夜消失。

簡單來說，由於比特幣無實質價值，長遠的價格，就會趨向佢的「交易價值」，你要分析，長遠係咪好多人用。

------------------------------------------------

Q18529：

9999網易算係優質股嗎？幾錢左右值得買入？唔該曬

關於買觀塘唐樓作為投資，收租金和等政府收購，呢方面你覺得值得投資嗎？

龔成老師：

網易（9999）有質素的。

先講講佢基本業務，佢創立於1997年，為用戶提供優質的內容和服務。以中文門戶網站起家，並推出了至今仍在發展的媒體及電子郵件服務。

2001年，戰略擴展到在線遊戲業務領域，根據App Annie的數據，按2019年iOS 及Google Play綜合用戶支出計算，集團現已成為全球第二大移動遊戲公司。

2006年， 推出有道業務，後已成為在紐交所上市的智能學習平台；2013年，推出音樂 流媒體平台網易雲音樂；2016年，開設電商平台嚴選，迅速成長為一家主流的自有品牌商品平台。

佢而家提供超過140款手遊和端遊，涵蓋遊戲類型廣泛。集團並內部孵化並發展出一系列創新且成功的業務，包括智能學習及其他業務，如音樂流媒體平台、自有品牌電商、互聯網媒體、電子郵件服務等。

整體上，佢業務有一定的優勢，以及仍有增長力。

不過，現時唔算平，同時市況波動，因此唔建議太進取，而小注投資是可以的。

至於觀塘唐樓，你要仔細睇佢的情況，包括呎價，維修費，樓齡，租金回報。唔好單憑「等收購」就買入，因為這個機會率無人知幾多，只能成為加分的理由，不能成為核心的理由。

觀塘本身是有發展的，但就要仔細分析物業質素與平貴。

------------------------------------------------

Q18530：

老師，喺一二戰既時候,價值投資者係點樣做？

龔成老師：

我相信有危有機，日本股神是川銀藏，就是把握了種種投資機會，你可以睇下佢的書，每次當市場睇淡時，佢買了好多本身有價值的企業，加上經濟慢慢好轉，企業就升好多。

------------------------------------------------

Q18531：

龔sir 想問下2809 宜家入會唔會太貴🙏🏻

龔成老師︰

GX中國潔能（2809），其目標為追蹤SOLACTIVE中國清潔能源指數NTR之表現。我未好深入了解，初步睇，都有D潛力，但風險會有少少高。

當中佔最多為"半導體產品與設備"股份，約組合4成，其次是逾2成的"獨立電力及可再生電力"。

此股由於包含了20隻不同類型股票，故估值並不易。頭10大股份中，除了信義光能（0968）外，其餘都在內地上市。

我自己對內地股票無特別研究，你可以睇翻這些股票本質和前景，去決定有無長線投資價值，我初步的結果就是有潛力，但價格相信較波動。

------------------------------------------------

Q18532：

老師你好，有幾個投資上嘅問題想請教你。

1. 我最近嘗試計算恒指平均複式回報率，但好似計錯。我睇老師嘅書指出過去10年恒指平均回報率大約10%，但我比較2019年平均同2009年平均做過計算，只係計到4.3% ，以下係我計數方法，唔知係咪我計算上岀錯。

2009恒指平均: 18106
2019恒指平均: 27581
(27581/18106)^(1/10)-1 =4.3%

2. 坊間聽唔小人討論溝貨，但我對呢樣野有d保留，以吓係我嘅一d睇發，希望老師比d意見。

我認為如果溝貨只係為左令帳面個買入價低d，好似無蝕錢咁，係完全無端義，甚至有d自欺欺人。

因為投資應該睇整個組合，而唔係個別股票，如果唔係優質股，而再加注入去等自己感覺好d，而家呢一刻好似蝕小d咁，咁不如買優質股好過啦，咁先可以真正抵消因買入非優質股造成的損失。

相反，若果購入的是優質股，可視為掃貨機會，但心態上，不應為了短期的帳面數目而”溝貨”

3. 另外想問關於1177前景，單從企業嚟睇，公司賺錢能力唔錯，每年都投於唔小資源到研發上，而且研發是有成效的，而且現金流一直保持正數，負債都沒有比例過高的情況。

另外企業旗下由製藥，研發，分銷，零售都有所涉獵，議價能力應該不俗。

至於行業前方面，首先中國開始面對人口老化問題，而且中國2000年後開始經濟起飛，人們比以前更加注重健康，這兩點都有利行業發展。

但同時，政府推岀帶量採購，國家醫保藥物目錄等，這些政策都令整個醫療行業的盈利能力有所下滑，雖然中生製藥在應對方面做得不錯，把握機會收購北京泰德，加強研發能力，盈利都有持續增長，但我留意到其實近兩年的毛利率和淨利率都已經有所下降(已除去收購的額外收益)。

我認為政府的政策影響是長遠的，想請問老師這些政策會否令中生質素下降，對其估值應否有所下降。

龔成老師：18533

1）你要加上股息，每年約有3%、4%回報。另外，由於計算的「點」不同，即是取數據的時間不同，因此有差別，所以，你預回報大約是8%-10%。

2）你理解正確。其實《80後百萬富翁》都有講過溝貨是錯誤的。

3）這些致府令賺錢能力略減，但這只是中短期情況，因為這同時會出現行業的整合，無質素的公司較難生存，餘下是有實力的企業，這長遠對中生（1177）有利。

------------------------------------------------

Q18533：

龔SIR，我想請教您有關市盈率(PE)的應用，根據您的經驗，如果我要用PE為阿里巴巴進行估值，與騰訊比較下(雖然我知道他們業務不太相同

但我認為他們在中國內地的不同領域屬科技股龍頭，市值又相差不太遠，所以嘗試從科技股份角度用市盈率進行比較)，兩者中何者較能承受較高PE?

以我個人分析，我認為騰訊在ROE、經營利潤率方面較阿里優勝(5年平均數據)，研發開支方面2者都佔了總收入>7% (5年數據)

最近2年阿里在盈利增速較快；
負債方面兩者應該無大問題/差距不太大 (如流動比率/利息覆蓋率/淨負債比率)；

現金流方面兩者都強勁(如自由現金流/經營現金流)，
但論及未來增長，阿里比騰訊稍勝一籌(如近年騰訊ROE有下跌趨勢/阿里近年收入增長速度較快/阿里在雲服務收入增長較快)

我個人結論為騰訊賺錢能力較強，阿里未來增長較快，所以不知何者應給予較高PE。(如上述簡單的分析有錯，還望指正)

龔成老師：

當運用市盈率進行分析時，利用行業比較時其中一個方法，盡量找一些業務較為接近的企業去比較。

另外，如果是一些業務增長力較高的企業，就要多用「預測」方面的數據，這才能有效推算，所以，當你見到佢市盈率較高時，不要立刻否則，而是多用預測數據去進一步分析。

要留意，由於騰訊（0700）與阿里（9988）部分業務仍在增長中，當我地進行分析時，有時會較為著重「業務」層面的分析，將來的發展情況，多過這刻的財務數據。

而在業務上，其實阿里發展中的業務，較騰訊更有增長力。

其實你上述的分析方向都正確。

如果當一間企業的增長力較快時，可以給予的市盈率都可以高d。

------------------------------------------------

Q18534：

龔成你好，我今年24歲，今日見到你post有關銷售工作的資訊，其實我睇過富爸爸書，都係推薦人做銷售，學銷售。

而我一向都好怕銷售，我很想突破，克服自己的恐懼，因為我的夢想是親自經營直至擁有一間自行運作並增長的公司，而經營公司必定需要學會銷售。

但我真的很害怕，害怕的程度高於想達成夢想的程度，我很想改變這個局面，想勇敢快樂地實踐夢想。

問題在於我身邊沒有朋友親人是銷售行業，但我又想開始和克服，我因中學成績不佳而且中五退學，又沒有什麼學歷。

我想真誠地問，我應該怎樣開始？意思係怎樣實質地實踐和怎樣調整自己的心靈。如果沒有學歷，又可嘗試由什麼銷售開始？非常感謝

龔成老師：

好簡單，你只要去「做」就得。

你愈怕那一件事，就愈去做，愈要去錯，做到你已經無怕的感覺為止。我多年前開始教股票班，我最初都怕當眾講野的，但試得多，到而家已無感覺，我公眾講野同我與朋友講野，基本上已無分別。

我強烈建議你去大公司試，佢地有很好的培訓系統，特別是一些銷售公司、理財公司等。

你要學習「錯誤」，你只是怕錯，但錯其實是無問題的。無人一開始識，你要不斷試。

------------------------------------------------

Q18535：

龔成，想問你隻510前景，之前高位持有左180萬股（平均價約0.3）但突然最近供股同改埋股票代號，應該點好？

已經蝕左5/6，其實佢最高位係徘徊係個幾但後來一直跌到毫幾...呢隻金融股仲會唔會有翻身一日？

求指點
希望龔Sir可以比少少專業意見我，thx!!

龔成老師：

這企業年年虧損，你持有一隻不斷蝕錢的生意，只會不斷貶值，賣出是最好的做法。

以過往的業務及經營情況，暫時見唔好有翻身，如果你心理上無法賣出全部，都建議你賣一半先。

------------------------------------------------

Q18536：

阿sir, 您好。我依家睇緊”財務自由行”，當中有一條數唔太明白，請指教:

“每月收租$20000，借貸$270萬，利率3%，若選擇供款年期為14年，每月的供款就會為$19700，即大約相等於租金。”

請問”$19700”係點樣計出嚟㗎？
唔該晒阿sir？

龔成老師：

這是在一些銀行提供的「按揭計算程式」裡面計出來的。

輸入相關數據就出得出答案。

------------------------------------------------

Q18537：

老師，我想問股價是否跟據供需而決定？點解有d 公司不斷有盈利增長，但唔派息例如巴菲特間公司，都會有人想買，同股價會升？

如果哩間公司嘅股票冇人買，即使盈利好強，股價都唔會升？投資初哥，問題愚蠢，唔好見怪

龔成老師：

短期股價基於市場情緒及買賣供求，長遠則由「企業價值」決定，如果你見有D公司盈利好強但無人買，兩個原因，第一，你分析時睇少左某些因素，第二，市場忽略，有機會是潛力股。

------------------------------------------------

Q18538：

龔sir, 感謝你嘅暢細意見，好開心咁快收到你嘅回覆。
現在知道同明白定息產品唔適合自己，不過已經供緊，是否需要取消，轉而投放資金去投資優質股？

另外，我已經買咗你寫嘅書，唯獨”財務自由行”同”選股勝經”未買到。希望可以上堂前可以睇完你講嘅兩本書。

龔成老師：

你35歲，又不是不能持有這些項目的，只是這些項目，不應佔你組合比例太多。

因此，你應該重新分析，自己整體的財務情況，如果你本身能承受風險，而你又覺得這些產品買得太多，就減部分。

如果本身佔比不多，其實繼續都可以的。

至於《財務自由行》同《選股勝經》，部分書店可能斷左貨，你不如同書店講訂貨。

------------------------------------------------

Q18539：

龔成，你好，想問下9923移卡，31/8 $57入左後插，兩日時間又彈返上黎，前幾日又再插，昨日今日又升
你會點睇呢隻股票？波幅都大
有冇機會再爆升？

佢業務我知道，有做功課。

唔明入左港股通後交投好似同先前差唔多咁？
我仲有股本15000元，你會建議撈京東嗎？
謝謝

龔成老師：

首先，唔好太理會中短期股價上落，另外，要多集中分析「企業的長期價值、質素」，同時，無人能預測中短期的股價走勢。

移卡（9923）是有風險，有潛力的類別。

首先，佢的業務為一站式支付服務，包括基於應用程序的支付服務及傳統支付服務，並支持逾500款發卡機構的移動應用程序，以支付為基礎的科技平台。

其中包括微信支付、支付寶或雲閃付，涵蓋了中國大多數的電子錢包。

另外，佢業務亦有科技賦能商業服務，即是提供商戶ＳａａＳ產品（包括實時庫存管理、消費者關係管理、智能訂單管理及全方位僱員管理）、營銷服務（包括量身定製的精準營銷及客戶忠誠度計劃電子工具），以及金融科技服務（包括助貸服務、委託貸款及保險轉介服務）等增值服務。

睇翻佢的財務數據，增長快速，但業務變數大，行業有不確定性，估值上比較難，這一定會令股價上落大，這刻仍唔平，投資值博率只是一般。

你預佢有潛力，同時有風險，如果控制注碼，都可以小注投資。

京東（9618）業務有質素，發展仍是正面，不過現價就唔算平。

佢係一間電子商業銷售平台，佢定位為「以供應鏈為基礎的技術與服務企業」，現時是中國第二大電商，有一定的品牌。同時，根據《財富》按收入統計的全球500強排行榜，集團是中國最大的零售集團。

佢目前業務已涉及零售、數位科技、物流、技術服務、健康、保險、物流地產、雲計算、AI和海外等領域，其中核心業務為：零售、數位科技、物流、技術服務四大板塊。

京東已建立自己營運覆蓋全中國的物流基礎設施，以支持電商業務，打造了線上購物體驗，係2017年、2018年、2019年，活躍用戶數達到了2.9億、3.0億、3.6億。可見已建立了一個巨大的網絡。

佢經營線上零售，以及電商平台業務，線上零售業務方面，從供應商購買產品，然後直接銷售給客戶，並從24,000多家供應商採購商品。

佢的物流基礎設施佈局覆蓋了中國幾乎所有的區縣，包括遍佈89個城市、累計總建築面積約1,690萬平方米的700多個倉庫，包括京東物流技術開放平台所管理的倉庫面積。

過往的財務數據，收入每年都是20%左右增長，2019年收入為5700億人民幣，已經有實質的盈利，2019年盈利為120億，初步以此推算，股價並不算平。當然，這股有一定的增長力，之後的市盈率會減。

從質素上，這股不差的，但估值上就不算平，如果買，都可以，但要控制注碼。這股可以長線投資的。

------------------------------------------------

Q18540：

你好，最近上緊你既股票班，令我有以下人生發展計劃，希望老師幫手睇睇是否可行及需要注意的地方🙏🏻

我計過自己既資產項目，澳洲層樓既租金收入同按揭支出已達平衡，可以放長線慢慢等正現金流。

另一方面我打算係香港搵多兩年錢後移民澳洲，到時手頭上會有約230萬現金，希望透過投資達每年回報6-8%，以供最基本生活(生存)之用，可以做到嗎？

另外，我會係當地盡力學習新技能及融入社會，希望提升生活品質。

雖然我知呢個問題可能有少少偏離投資理財，但移民真係一件人生重要事件，好想等諗清諗楚先做，所以希望老師有時間時可指點迷津，唔該晒

龔成老師：

如果你之前在當地生活過，覺得當地的環境能適應，餘下就是工作問題。

如果你能2年後，本身已有物業，加上在$230萬做配置，我相信你會更加穩陣，因為有一定現金流作保障。

你可以考慮收息股，現時不少都有6%-8%，我相信你現時儲收息股，就算有部分這刻股息一般，之後會慢慢向上。

投資收息股，可以作為財富分配的一部分，但不建議將全部資金都投資，因為一定要留有一定的現金作防守，以備不時之需，以及若大市下跌，可以買平貨之用。

你可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）都可以。

如果你能承受到風險，有些更有超過8%、10%的高息股，但股價就略有風險，要自己衡量，佐丹奴國際（0709）、中石化（0386）、互太紡織（1382）等（記住，股價略波動，只能小注）。

但要留意，現時股價只是合理，未到平宜，因此買入時宜分注，同時不能用盡現金。

另外，你現時可以多d搜集當地的資料，例如你想做那一行，有無機會現時問多D這行業的情況，行內人的情況，認識多D居當地的香港人。資訊愈多，你就愈易做到正確的決定。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

把AI導入邊緣裝置就對了！

作者 : Duncan Stewart、Jeff Loucks，Deloitte科技/媒體/電信中心
2020-06-04

邊緣AI晶片可能會嵌入越來越多的消費性裝置，例如高階智慧型手機、平板電腦、智慧揚聲器和可穿戴裝置等。它們還將在多個企業市場中得到應用，例如機器人、攝影機、感測器和其他物聯網裝置...

德勤(Deloitte)預測，2020年，邊緣AI晶片出貨量將超過7.5億顆，銷售金額將達到26億美元，而且邊緣AI晶片的成長速度將遠高於整體晶片市場，估計到到2024年邊緣AI晶片出貨量可能超過15億顆，代表其複合年成長率(CAGR)至少達20%，是整體半導體產業(長期CAGR預測為9%)的兩倍多。

這些邊緣AI晶片可能會嵌入越來越多的消費性裝置，例如高階智慧型手機、平板電腦、智慧揚聲器和可穿戴裝置等。它們還將在多個企業市場中得到應用，例如機器人、攝影機、感測器和其他物聯網裝置。消費性應用邊緣AI晶片市場將遠大於企業應用市場，但成長速度可能會較慢，預計2020年至2024年之間，其CAGR為18%；企業應用邊緣AI晶片市場的成長速度更快，同期CAGR預計為50%。

儘管如此，無論從出貨量還是銷售金額來看，今年消費性裝置應用都將佔據整體邊緣AI晶片市場的90%以上。這些邊緣AI晶片中的絕大部分將應用於高階智慧型手機，佔據目前所有使用中的消費性邊緣AI晶片70%以上。實際上不僅是2020年，在未來幾年，AI晶片的成長將主要由智慧型手機推動。我們相信在今年預期出售的15.6億支智慧型手機中，超過三分之一都可能內含邊緣AI晶片。

由於對處理器的要求非常高，AI運算向來幾乎都在資料中心、企業核心設備或電信邊緣處理器上遠端執行，而不是在終端裝置本地執行；現在，邊緣AI晶片正在改變這一切。它們的實體尺寸更小、相對便宜、功耗更小、產生的熱量也更少，因而可以整合到手持裝置以及非消費性裝置(如機器人)中。

邊緣AI晶片可讓終端裝置能夠在本地執行密集型AI計算，減少甚至消除了將大量資料發送到遠端位置的需求，因此在可用性、速度、資料安全性和隱私性方面益處良多。從隱私和安全性方面來看，在邊緣裝置處理資料顯然更安全；個人資訊不離開手機就不會被攔截或濫用。而當邊緣AI晶片安裝在手機上時，即使未連結網路，它也可以完成所有處理。

當然，並非所有AI運算都必須在本地進行。針對某些應用，例如當裝置上的邊緣AI晶片無法處理太多資料時，將資料發送至遠端AI陣列來處理是適當的、甚至是首選方案。實際上，在大多數情況下，AI將以混合模式完成：一部分在裝置端實現，一部分在雲端實現。具體情況下應該選擇什麼樣的混合方式，要看需要完成的AI處理類型。

智慧型手機邊緣AI經濟學

並非只有智慧型手機使用邊緣AI晶片；其他裝置諸如平板電腦、可穿戴裝置、智慧揚聲器等也會採用AI晶片。短期內，其他裝置對邊緣AI晶片銷售的影響力可能會比智慧型手機小得多，原因若非這類市場沒有什麼成長(如平板電腦)，就是這類市場規模太小、無法產生實質性的影響；例如，2020年智慧揚聲器和可穿戴裝置市場總銷售量預計僅1.25億部。不過許多可穿戴裝置和智慧揚聲器都依賴邊緣AI晶片，因此其普及率已經很高。

目前，只有價格最昂貴的智慧型手機(處於價格區間頂部)才可能內置邊緣AI晶片。但是，帶有AI晶片的智慧型手機並不一定要價格昂貴到讓消費者望而卻步。

我們可以對智慧型手機的邊緣AI晶片比例進行合理的估算。目前三星(Samsung)、蘋果(Apple)和華為(Huawei)的手機處理器圖片均顯示出裸片及所有功能特性，因此可以識別出晶片的哪些部分用於哪些功能。例如，三星Exynos 9820晶片的照片顯示，其晶片總面積的大約5%專用於AI處理器，整個應用處理器SoC的成本估計為70.50美元，僅次於顯示器，是手機中第二昂貴的元件，約佔據裝置總物料成本的17%。假設AI部分的成本與裸片上的其他部分一樣，即與所佔裸片面積成正比，那麼Exynos的邊緣AI神經處理單元(NPU)大約佔裸片總成本的5%，相當於每個NPU約3.50美元。

相同的，在蘋果的A12仿生晶片上，專用於機器學習的部分約佔裸片總面積的7%。如果整顆處理器的成本為72美元，邊緣AI部分的成本大約5.10美元。華為麒麟970晶片的成本估計為52.50美元，其中2.1%用於NPU，則這部分成本應為1.10美元(當然，裸片面積並不是衡量晶片總成本中有多少比例屬於AI的唯一方法。據華為表示，麒麟970的NPU包含1.5億個電晶體，佔整體晶片55億個電晶體總數的2.7%；按這樣計算，NPU的成本較高，約1.42美元)。

儘管這裡所提到的成本差別很大，但可以合理假設，NPU的平均成本約為每晶片3.50美元。雖然每顆晶片的價格不高，但考量達到5億支的智慧型手機出貨量(還不包括平板電腦、智慧揚聲器和可穿戴裝置)，這仍然是一個很大的市場。

製造商的平均成本為3.50美元，最低可能僅1美元，因此在智慧型手機晶片中添加專用的邊緣AI NPU是很自然的事。按照正常的利潤加價幅度，製造成本增加1美元，對終端消費者而言也僅增加2美元。這意味著即使是價格低於250美元的智慧型手機，也可以享受NPU及其帶來的好處，如更好的攝影機、離線語音助理等，而價格漲幅不到1%。

AI晶片來源：自家生產還是找外部供應商？

生產智慧型手機和其他裝置的廠商取得邊緣AI晶片的方式各不相同，這主要取決於手機機型、甚至是區域市場等因素。有些公司向高通(Qualcomm)和聯發科(MediaTek)等第三方供應商採購應用處理器/數據機晶片，這兩家公司在2018年合計佔據了智慧型手機SoC市場約60%的比例。高通和聯發科提供了一系列不同價位的SoC；儘管並非都包含邊緣AI晶片，高階型號通常都會有，例如高通的Snapdragon 845和855，以及聯發科的Helio P60。

在另一方面，蘋果則完全不使用外部供應商的應用處理器晶片，而是設計並使用自己的處理器SoC，如A11、A12和A13 仿生晶片，所有這些晶片都支援邊緣AI。其他手機製造商如三星和華為則採用混合策略，也就是會從市場上的晶片供應商採購一部分SoC，其餘則使用自家研發的晶片，例如三星的Exynos 9820和華為的麒麟970/980。

兵家必爭的企業與工業應用領域邊緣AI市場

如果在智慧型手機和其他裝置中採用邊緣AI處理器好處多多，那為何不將之導入企業應用呢？事實上邊緣AI處理器已經有一些企業應用案例了，例如某些自主無人機；配備了智慧型手機應用處理器SoC的無人機，能完全在裝置端執行即時導航和避障，無需連結網路。

但是，針對智慧型手機或平板電腦最佳化的晶片並非許多企業或工業應用的正確選擇。如前面所述，智慧型手機SoC的邊緣AI部分僅佔總面積的5%，在總成本中佔據約3.50美元，功耗比整個SoC少大約95%。所以若開發出只有邊緣AI功能(加上其他一些必要功能，例如記憶體)的晶片，它的成本會更低、功耗更少且體積更小，豈不更好？

事實上，已經有這樣的晶片了。據說，有多達50家不同的公司正在開發各種各樣的AI加速晶片。在2019年就已經有獨立的邊緣AI晶片鎖定開發工程師，單價約80美元。而如果達到成千上百萬顆的量產，裝置製造商的採購成本會大幅降低，有些甚至可低至1美元(或是更少)，而有些則需要幾十美元。現在，我們以智慧型手機邊緣AI晶片作為參考標準，假設邊緣AI晶片的平均成本約為3.50美元。

除了相對便宜之外，獨立的邊緣AI處理器還具有體積小的優勢，功耗也相對較低，僅為1W到10W之間。相比之下，一個由16顆GPU和兩顆CPU組成的資料中心叢集，雖然性能非常強大，成本將高達40萬美元，而且重量達到350磅、耗電達到10萬W。

利用這類已經問世的晶片，邊緣 AI可以為企業帶來更多新的可能性，尤其是在物聯網應用方面。透過使用邊緣AI晶片，企業可以大幅提升在連網裝置端進行資料分析的能力──不僅是收集資料──並將分析結果轉化為行動，從而避免了將大量資料傳送到雲端帶來的成本、複雜性和安全性挑戰。AI晶片可以幫助解決的問題包括：

資料安全和隱私

無論企業如何謹慎小心地保護資料，只要是收集、儲存並將資料傳送到雲端，都會不可避免地使企業面臨網路安全和隱私威脅；隨著時間推移，因應此一風險變得至關重要。世界各國紛紛訂定個資保護相關法規，消費者也逐漸意識到企業正在收集他們的各種資料，而有80%的消費者表示，他們認為企業沒有盡力保護消費者隱私。諸如智慧揚聲器之類的裝置開始在醫院等場合廣泛使用，這些場合對患者隱私的管理十分嚴格。

邊緣AI晶片可在本地處理大量資料，降低個人或企業資料被攔截或濫用的可能性。例如，具有機器學習處理能力的保全攝影機可以透過分析視訊來確定其中哪些部分相關，並只將這部分視訊傳送至雲端，從而降低隱私權洩露的風險。機器學習晶片還可以識別更廣泛的語音指令，從而減少需要在雲端進行分析的音訊。準確的語音辨識功能則有助於智慧揚聲器更精準識別「喚醒詞」，以避免聽到不相關的對話。

連網困難

裝置必須連網才能在雲端處理資料，但是在某些情況下，裝置連網是不切實際的。無人機就是一個例子，其運作位置可能使得維持其連網很困難，而且連網功能本身以及將資料上傳到雲端都會縮短電池壽命。在澳洲新南威爾斯(New South Wales, Australia)以配備嵌入式機器學習功能的無人機巡邏海灘，確保泳客安全；這些無人機不必連結網路就可以識別出被海浪捲走的泳客，或者警告泳客有鯊魚和鱷魚襲擊危險。

(太)大數據

物聯網裝置會生成大量數據。舉例來說，一架Airbus A-350噴射機配備6,000多個感測器，每日飛行航程會產生的數據量達到2.5 TB。在全球範圍內，保全攝影機每天生成的數據約2,500PB。將所有這些數據資料發送到雲端儲存和分析的成本高昂且複雜，將機器學習處理器放置於感測器或攝影機等終端裝置就可以解決這個難題。例如，可以在攝影機中配備視覺處理單元(VPU)，也就是一種專用於分析或預處理數位影像的低功耗處理器SoC。借助嵌入式邊緣AI晶片，裝置可以即時分析資料，只有當相關資料需要傳送到雲端進一步分析時才會需要進行傳輸，這可大幅降低儲存和頻寬成本。

功耗限制

低功耗的機器學習晶片甚至可以讓AI運算在透過小型電池供電的裝置上執行，不會消耗過多電力。例如，Arm晶片可以嵌入呼吸器來分析資料，包括吸入肺活量和進入肺部的藥物流量。在呼吸器上完成的AI分析結果將傳送至智慧型手機應用程式，協助醫事專業人員為哮喘患者提供個人化醫療照護。

除了現在已有的低功耗邊緣AI NPU外，很多公司還致力於開發「微型機器學習」方案，也就是在微控制器單元之類的元件上實現深度學習。例如Google正在開發能讓微控制器分析資料的專用版本TensorFlow Lite，將需要發送到晶片外的資料壓縮為只有幾個位元組大小。

低延遲需求

無論是透過有線網路還是無線網路，在遠端資料中心執行AI運算都意味著往返延遲的存在，最佳情況下為1到2 毫秒(ms)，最差情況則達到幾十甚至幾百毫秒。使用邊緣AI晶片在裝置端執行AI，可以將延遲降低到奈秒(nanoseconds)等級──這對於需要收集、處理資料並即刻採取行動的應用場景至關重要。

例如自動駕駛車輛必須透過電腦視覺系統收集並處理大量資料以識別物體，同時收集和處理來自感測器的資料以控制車輛各種功能；然後它們必須立即根據這些資料做出決策，像是何時轉彎、煞車或加速，以實現安全行車。為此，自動駕駛車輛必須自己處理在車輛中收集的大量數據。低延遲對機器人應用也很重要；隨著機器人逐漸出現在工廠環境並開始與人類協同工作，低延遲將變得越來越重要。

邊緣AI在大量數據應用至關重要

邊緣AI晶片的普及可能會為消費者和企業帶來重大變化。對消費者而言，邊緣AI晶片可以實現多種功能，從解鎖手機到與語音助理對話，甚至在極端困難的條件下拍攝出令人驚歎的照片，而這些應用都不需要連結網際網路。

但從長遠來看，邊緣AI晶片對企業應用的影響可能更大，它們將把企業的物聯網應用提升到一個全新的境界。由AI晶片驅動的智慧裝置將有助於擴展現有市場，衝擊現有企業，同時改變製造、建築、物流、農業和能源等產業的利潤分配。

收集、詮釋並立即根據大量數據資料採取行動的能力，對於那些仰賴大數據的應用至關重要；未來學家們預測，這類應用將被廣泛佈署，包括視訊監控、虛擬實境、自動駕駛無人機和車輛等等，而邊緣AI晶片就是讓各種裝置取得更高智慧的主角。

附圖：圖1：AI運算技術能佈署在不同位置。

（圖片來源：Deloitte Insights）

圖2：邊緣AI晶片市場規模預測。

(圖片來源: Deloitte Insights)

圖3：三星Exynos 9820的裸晶照片顯示，其中約有5%的面積為AI處理器。

（圖片來源：ChipRebel；注釋：AnandTech）

圖4：蘋果的A12仿生晶片約有7%的面積屬於機器學習的部分。

（圖片來源：TechInsights / AnandTech）

資料來源：https://www.eettaiwan.com/20200604putting-ai-into-the-edge-is-a-no-brainer-heres-why/?fbclid=IwAR3hRYuquNfTq5VzcEWYfqyJotBLBSp4PzLNyMackrs6V43r9NEMhRZ3Ap8