《宅男日記》

我個名叫做陳大文，做咗半世紀單身狗， 大半生嘅成就只有一樣嘢：抱怨。

我一直都抱怨政府有公屋政策、有綜援政策、有醫療福利…… 但係點解完全冇關注單身狗問題？

終於，皇天不負有心人，唔知喺邊度爆出一個天才林建鋒，建議打完針可以免費安排相睇，我而家先至相信呢句老話，「天才與白痴 只係一線之差」， 應該係呢個世界白痴太多，林健鋒逼下逼下，逼的咗個隔離線天才嗰邊……

星期一朝頭早，我冇刷牙冇洗面，一起身即刻走去投注站，原來搞錯，應該係去注射站……嗰個護士問我打邊種針，我話冇所謂啦，破傷風白喉都得，至緊要有得相睇。

個護士望住一份表格，好細心咁對我講，「先生，有分別㗎，打four兄就會安排四川妹湖南妹、打復必泰就會安排鬼妹……」

我當堂打個突，「姑娘，我係想搵斷背山喎……」

姑娘似乎完全冇諗到呢一點，即刻擰轉身搵高級人員過嚟，呢個時候，林健鋒啱啱喺後面打點緊，走埋嚟對我講，「即係咁，hehe呢家嘢，香港仲未完全合法」， 佢彎低身細細聲喺我耳仔邊講「嗱，你打完針我私下幫你安排……」

我同林健鋒講：「講笑啫，我唔係攣㗎。」

既然係咁，我又唔識英文，打咗four兄先算啦……

姑娘喺電腦輸入咗資料，電腦畫面眨下眨下，「而家會同你安排一位打咗國產疫苗嘅單身華籍女性，其他資料暫時要保密，依家只可以話你聽，對方姓譚。」

三星期後……

主辦方安排得唔錯，包咗全香港譚仔做相睇場地，dress code 係 Black Tie.

我著返嗰套封咗塵幾十年嘅西裝，仲同骨精鵬借咗條黑色煲呔，攞完籌，正襟危坐坐響譚仔裏面等對方出現，心諗，姓譚嘅，起碼都好似譚小環啩。

最終，林健鋒引領咗單身嘅譚惠珠過嚟……

20210413 黃偉民易經講堂

疫情按停了全世界，全世界感覺到，即將有大事發生！

緬甸突然軍事政變。

事前毫無徵兆，無任何觸發點。全球新聞界目瞪口呆，莫講話你我唔知發生什麼事，似乎昂山素姬和她的政府都唔知發生什麼事。

我們只知道，現在緬甸天天在流血。

緬甸，對中國大陸的地理而言，有特別的戰略意義。

1937年日本侵華，很快便佔領了所有港口，截斷了國民政府和國際的運輸通道。

1938年國民政府，就在雲南和緬甸，開闢一條滇緬公路，作為國際戰略物資補給的通道，也是突破日軍圍堵下通往國際的陸路出口。

這是抗戰時期中國重要的戰略部署。

二戰後，亞洲的秩序由美國佈局。

面對共產集團，海路上由第一島鏈圍著大陸。

朝鮮半島下有南韓，跟著是日本四島，然後是台灣。

東海封死，南海又有菲律賓、越南，都是美軍駐重兵的地方。

中共近年經常掛在嘴邊的南海九段線，就是想在這裡開一條海上通道。但美國國務院聲明，這不合法，也不同意。

上月二百艘中國大陸的所謂漁船集結在南海菲律賓旁的牛軛礁，引來菲國國防部長怒吼。這時，美國核子動力航空母艦羅斯福號戰鬥群，在四月四日，經馬六甲海峽進入南海，做實戰部署。

北京認為時機成熟，他的戰狼外交和遼寧號艦隊要衝出國際，揚刀立威；美國的第一島鏈守得很緊。

這時，美國一位大使，竟陪著帛琉總統，走進了台灣蔡英文的總統府，1979年美國和中華民國斷交以來，第一次出現的畫面。拜登剛說完維持一中政策，他的大使就在台灣總統府出現了。

北京急於突圍。

緬甸的軍事政變事不尋常，世界如何回應？

一艘貨輪在蘇彝士運河擱淺，封鎖了亞洲通往歐洲的貿易貨運六日。在二次大戰時期仍然通航的蘇彝士運河，就被一艘貨輪關閘了。

這艘「長賜號」屬於台灣長榮集團，租船的是日本公司，載滿中國大陸的貨物，經運河運送到歐洲荷蘭鹿特丹港。

開船的船長和船員是印度人，船在巴拿馬註冊，購買了英國P&I Clubs的保險。

非常國際化的組合。

緬甸軍事政變說的是陸路，蘇彝士運河意外說的是水路，通了條可以又塞了另一條，兩宗新聞風馬牛不相及，但又可以聯在一起看，引人遐思。

「戰狼」和「外交」，本來也是風馬牛不相及。中華文化的智慧，本來期望不戰而屈人之兵，是最高的兵法；《周易》說：比樂師憂，用外交來達致軍事行動的效果是最好的。

管仲助齊桓公在春秋時第一個稱霸，就是靠「尊王攘夷」的外交政策，九合諸侯，一匡天下。

孔子將管仲稱為聖人，也是因為他用一個政策令 天下人免於戰亂之苦，民受其惠，至於今日。

但北京不愛中國文化，用戰狼方式來作外交工作，四出生事，將世界視線，聚焦他的一言一行。

跟著還有什麼世界大事會出現？

美國會放棄一中政策，和中華民國復交嗎？

美國又會否禁止港幣用美金結算？聯繫匯率要脫勾？

任志剛無端端蒲頭，說機會好微。但微又點解要提起？

金融三劍客洗手江湖多年，點解阿任要急於派定心丸？

當年1982年戴卓爾夫人訪華，展開香港前途的會談。

1983年港元與美金掛勾，變相港元等於美金。

1984年簽訂中英聯合聲明，保證香港五十年不變。

三件事要整體來看。

鄧小平要收回香港，目的是要助他的改革開放大業。

反共走資，確立私產，走向市場經濟，在在需要資金、人才和經驗。

當年大陸乜嘢都無，香港就是摸著石頭過汀的指路明燈。

人民幣可以換港幣，港幣又和美元掛勾，人民幣變相可以兌換美金了。這才會有聯繫匯率。

條件是香港五十年不變。

港幣以美金結算，人民幣可以自由兌換港幣，大陸可以做世界工廠，美國可以用盡大陸廉價勞工，香港保證繼續繁榮五十年。整個設計顧及的是三贏結構。

但今日，沒有《中英聯合聲明》了，香港已經變了一個國內城市了，那美國為什麼仍要給予香港特權？方便人民幣洗黑錢走資？

以最近的新聞走勢來看，一宗比一宗驚心動魄，一宗比一宗意外，港幣脫勾，夠不夠黑天鵝？

林鄭應該連任特首！

她有凝聚香港人的能力。

她一搞阿布泰，全港市民就蜂擁到該店購物，不惜排隊兩三小時，買的都是無無謂謂的雜物零食。

一支穿雲箭，千金萬馬來相見。

她是天生的領袖，一言一行，都可以掀動香港人的情緒。

任何壞事，她都可以自圓其說，當作善行來做。

她的自我標榜，永遠會令你目瞪口呆。

她主動告訴記者，她和丈夫沒有什麼溝通。因為她的生活，除了睡眠就只有工作。

她競選時寫網誌，說自己不懂得原來便利店沒有廁紙賣。

她的競選短片，刻意拍到她不懂得用八達通。

她找來一個大陸乞兒，給她五百元現金，像《歡樂滿東華》捐支票咁擺甫士拍照。

她常強調自己年年考第一，但會考成績，A level成績，港大畢業成績又絕口不提。她從沒有感謝任何老師。

她說一生公務員生涯，退休金連買灣仔一間四百呎樓都困難，說的時候顧盼自豪，目無餘子。

她就是很特別，和過去的特首不同。

董建華庸碌而好事；
曾蔭權縮骨貪便宜；
梁振英本質是壞人，沒有主子會將這樣的人放在身邊。

只有她，破壞能力強，又自以為是，忠心執行主子命令。

看，她派一個AO，就搞掂香港電台這個心腹大患。

九七之後，歷屆特首出盡八寶，又審計署又ICAC，窮追猛打，港台仍是夭心夭肺。

審計署九七稱核數署，和ICAC，是殖民地政府給予港督的兩大權力，任何人，防礙施政，就用這兩把寶劍。英國人認為，一個人兩盤數，檯面的，檯底的，總有一盤有問題。

過得了檯面的審計，過不了檯底的乾淨。

九七之後的港台，經歷了這兩大尚方寶劍的追擊，親中媒體的人格謀殺，但依然運作。只有林鄭，派一個AO，就可以搞掂港台。

可見林鄭比老董、煲呔、狼英，更有破壞能力。

林鄭樹敵多，如果不方便找她連任，那找那位唔知乜名的新廣播處長做特首吧！

反正黑天鵝頻現，這隻天鵝夠黑了吧！

人家孤身入老店，單刀滅港台，不算忠誠廢物吧！

我小學同學提到，當年有同學錄cassette，帶本龍虎豹返學，供人閲讀而賺錢。

嗰個唔係我，雖然我好想我係。

當譚詠麟未做校長未投共，張國榮最當打，龍虎豹好睇好睇但係又好鬼貴的年代，是人生其中一段美麗的日子。

一，純粹個人感受，冇乜教育意義。早兩晚，見到好多香港人通頂抵冷去鳥不生蛋嘅九龍灣排隊買口罩。我心諗，假如佢哋係去買來炒，我都仲覺得呢個城市正常少少。真係慘情嘅係，我相信當中絕大多數都係出於恐懼。

二，尋日，又有人搶購廁紙。記憶中，1983年都試過搶購廁紙。用銀紙換廁紙，呢個行為我覺得好有符號意義。可能我敏感啦；總之搶購廁紙呢個現象，我好主觀咁覺得非常之咁唔老嚟。

三，八、九十後嘅朋友，可能唔知道1983年發生咩事。1983年9月，港元大幅貶值15%；好多人即刻去超市搶購，米同廁紙，就係兩樣搶到冇晒嘅嘢。我記得，當時因為父母都要工作，收工去到美孚間百佳，已經乜都冇。媽媽就好淡定，話咁就算啦。

四，1983年10月，港英政府作出一個果斷嘅決定：聯繫匯率。當時中英正就香港前途問題談判，港英政府就將貨幣發行，變成完全「規則為本」，有如標靶治療咁準確。

五，我知道有人話聯繫匯率令香港資產價值波動；又有人話不如用一籃子貨幣。過去十幾年，我都唔知寫過幾多篇。簡單咁歸納，規則為本既好處係透明度100%，而且唔會因為政治考慮左搖右擺。係，任何制度都有代價，但聯繫匯率換來嘅穩定，變相令香港金融市場嘅成本同美元市場掛鉤。之後歷史證明，減少匯率風險，亦都係香港成為國際金融中心嘅一個好重要原因。

六，唔係話法治、司法獨立等唔重要。但係，如果你明白到，法治嘅對立面，係人治。聯匯，其實就係將法治精神，完全發揮響貨幣政策，係一個零人治嘅貨幣政策。比起打晒飛機嘅 inflation targeting，聯匯係更實淨 。

七，熟悉貨幣史嘅朋友就知，1973年之前，世界各國嘅金融秩序叫 Bretton Woods，就係美元掛黃金，各國貨幣掛美元。

八，其實1972年之前，港元掛英磅。當年英磅同美元脫勾，港元由1972到1974年，掛美元。1974到1983，港元又自由浮動。呢段日子，唔見得香港嘅通脹受控，又或者大家對港紙極之有信心。

九，當大家都見到紙幣購買力不斷削弱，買磚頭買股票，都好過揸現金。就係呢十年，成就大家今日所認識嘅地產發展商。呢段日子，好多人就算十幾厘息都要供樓；不過，佢哋大多數都苦盡甘來。香港嘅磚頭信仰，有一定嘅歷史因素。

十，所以，當我見到連廁紙都被搶購，從前嘅景象響腦海湧現，內心係幾咁感觸？又話說，七、八十年代另一個令我印象好深刻嘅，就係我成長嘅旺角。當年有啲炒金嘅鋪頭，外面會掛個電子板報金價。記得本來得四個位，但到後來竟然唔夠用！個時我又經常同老頭去寶生銀行買賣紙黃金；我就涼冷氣。

十一，雖然我住美孚，但由於父母工作嘅地方響旺角，小學就響太子返，中學就去油麻地，所以我自認係香港嘅 Proto-MK，又曰「原祖MK仔」。

十二，我班小學同學，真係來自 all walks of life，而且大多數都好早熟。當年譚詠麟張國榮好紅，我有同學仔就幫人錄 Cassette 賺錢；我哋都只係三、四年級。又有同學仔，唔知邊度搵到攞龍虎豹返學，當然係收錢先有得睇，冇記錯我都係五、六年班。亦都有同學仔搵到教師用書，但好似無乜市場。此外，我哋仲有好多經濟活動；而返學，最主要係接觸客戶、收數、放數、交換情報。

十三，我小學成績，勁過當今行政長官；咁多年，只係試過一次唔係全級第一名。不過，我操行試過攞過 E，周會畀校長捉上台打手板示眾。Proto-MK 仔，真係有歷史㗎。

十四，中學，真係命運嘅安排，去咗一間以自由聞名嘅男校。又好自然，我由太子殺落油麻地，每日蒲好景同信和呢兩個聖地。如是者，我中學嘅成績，只夠我升大學。不過，記憶中呢段永遠都係夏天嘅八、九十年代，到今日都仲係充滿各種色彩。

十五，講咁多童年回憶，我只想帶出嘅係，其實我身邊好多同學、朋友，其實都好似我咁，成長於一個相對市井街頭嘅環境。學壞？一個人去到六、七十歲，一樣可以學壞；只要你畀啲權力佢，佢就壞㗎啦。

十六，成長經歷裡面，最富教育意義，一定係買買賣賣，搵錢駛錢嘅經驗。當時，我哋習以為常，甚至都冇乜點諗過大個之後做咩；一直去到中六、七呢兩年，我見到另一個世界。

十七，我讀嘅，話晒都係名校；名校，就一定會搞下外交，識下其他女校。當年，我成績雖然中游浮沉，但叫做都有唔少師弟跟我，所以，我嘅高中生活，主要都係嘗試打入「學界上流社會」。無錯，可能係我人生第一次見識到咩叫社會階級。

十八，女校，都係個幾間啦，咁都會搭下其他男校；作為 Proto-MK 嘅我，第一次同啲公主皇子打交道。中六個年夏天，有晚，我忽然覺得世界好大，我要去美國讀大學。

十九，大家知唔知 Snob 呢個字點解？話說從前英國大學，雖然冇話規定貴族專利，但當你父母都係養牛，你讀大學為乜？所以，大學生都係貴族，而好似 Harry Potter 場景入面嘅宿，就會有個牌寫住學生同畢業生嘅名。當然，唔會就咁「陳大文」；而係連名帶姓加封號「旺角西洋菜街陳大文公爵」。不過，去到維多利亞年代，終於有啲平民入到大學，不過佢哋冇封號，點算？佢哋就會寫 sine nobilitate，即係拉丁文嘅「冇封號」咁解。

二十，偏偏，就係呢種 Snob 最講階級。維多利亞年代，本來就係貴族歿落嘅時代，但亦都係中產發夢成為貴族嘅日子。

廿一，我成長嘅七、八、九十年代，客觀係脫殖同建立香港本土意識嘅三十年，但主觀呢，我都認自己有時對英國嘅眷戀比英國人更甚。

廿二，至於剛才提到嘅公主皇子。坦白講，咪又係咁啦。我都有人做官嘅。不過，我想講嘅係，呢班無憂無慮到公卿嘅人，一生人都係以做個好學生作手段，等班主任點佢做班長。當然，考第一都好重要。

廿三，幾十年後，經此一疫，我諗返 MK 嘅價值，其實就係「機會係隨時間流逝」，有價值嘅嘢，你唔去把握就會變得冇價值。冇價值嘅又畀你變到有價值，你咪叻仔囉。

廿四，我真心覺得叻嘅 MK 朋友，有個特點就係「多窿路」：「冇口罩？我識人響泰國印尼，你要幾多？」「你冇酒精？我有箱雙飛人？咩嘩？你連雙飛人有80%酒精都唔知？」香港其實好多呢啲 MK，梗有一個響左近。

廿五，話說回來，係公主皇子定係 MK ，家底出身成長經歷，固然重要，但去到最後，係你點睇自己。正如維多利亞時代嘅 Snob，佢哋咪又係平民，偏偏最講階級。同樣道理，你屋企可以係好中產，但只要你嘅願景係晉身上流社會，你就係佢哋嘅一份子。

廿六，每年香港都出產好多青年才俊；佢哋嘅上位軌跡，不外乎都係做專業人士，做官，做生意，然後做公職，最後就成為新聞人物。冇話啱唔啱，都係一個選擇；只要唔損害人，真係冇乜話啱唔啱。

廿七，至於 MK 呢？其實你唔好以為佢哋純粹係為搵錢。對 MK 來講，人生最大嘅肯定係：「我有，你冇。」有嘅，可以係口罩、酒精、絕版波鞋、黃子華幢篤笑嘅入場券⋯⋯只要好多人想要又冇嘅，佢哋就會搵辦法去搵返來。

廿八，有時我都會諗，香港究竟係由班公主皇子話事，定係由 MK 經營？好明顯，假如係由 MK 經營，佢哋見到有人要口罩，咪去搵來賣囉；賺錢係一件事，但做生意嘅人最大滿足感一定係：「第二度你搵唔到㗎喇。」

廿九，公主皇子遇到問題，自然反應係問老師，問老頭，問阿媽。佢哋就點都先會攞到口罩，甚至有都唔用：「咩事前唧依家？你買唔到口罩，你估我想㗎？你等我諗下方法啦。」當然，其實最終佢哋係唔會諗方法。

三十，「咁叻，你哋諗方法吖笨？」其實，好多人都已經搵緊供貨，甚至乎佢哋只係好本能咁，見到有需求，佢哋就會去搵供應。

三十一，講過好多次，良好嘅動機，唔一定有好嘅結果，所以判斷一件事係咪道德，要睇結果。啲公主皇子最大嘅問題，就係佢哋以為自己「跟足規矩」；就算有時犯規，佢哋都係「跟足規矩咁犯矩」。

三十二，結果？公主皇子係唔睇結果。班主任欽點佢哋做班長，就係佢哋睇到嘅結果，甚至連背後有咩目的都唔會去諗。呢個就係香港「#做咗當得咗」嘅風土病嘅源頭，而爆發嘅途徑，就係 #填鴨式教育。

三十三，唔同階層，唔同界別，都有「林鄭月娥」呢種填鴨式教育極品。填鴨式教育治港，太平盛世冇乜問題，反正都係 business as usual ；呢班公主皇子指指點點，自我感覺良好，咪由得佢囉。

三十四，危機四伏嘅世界，你畀林鄭月娥呢類人去處理，就一定仆街喇。你知唔知佢最大問題係乜？佢成世人嘅成功，一係就來自制度嘅自動升遷，再唔係就討好班主任，佢從來都冇試過要感受其他人嘅需要，即係冇同理心；換句話講，佢連當年我個位幫人錄 cassette 嘅小學同學都不如。

三十五，好同理心咁諗，點解香港人搶口罩搶廁紙？點解香港人連澳門賀一誠、台灣蔡英文等都收貨？好大程度上，係因為香港人對特區政府完全失去信心。咁梗係啦，次次都係做咗當得咗，但最終一鑊泡。對制度嘅信心危機，係會蔓延到唔同嘅範疇。搶購廁紙，反映香港人集體嘅精神狀態好脆弱，

三十六，我睇返當年立法會調查沙士嘅報告，大陸政府隱瞞，害到香港雞毛鴨血。#陳馮富珍 為咗病毒嘢叫 #SARS 定 #SRS 搞咗成十幾日，亦因為呢個原故遲遲唔將沙士加入去 #香港法例141章 《#檢疫及防疫條例》條裡面嘅附表，足足浪費兩個星期。沙士發生過嘅每件事，都重演緊。因為陳馮富同林鄭係同一種人，北京最鍾意嘅好學生。

三十七， 香港其實有好多人都有 street smart ，佢哋未必返過十九幾年學，就係咁邊做邊學邊打江山。當一個社會以呢啲人做榜樣，咪有希望囉。

三十八，但係，當一個社會，個個候任班長都以為自己叻過之前個件，咁咪仆街囉。我都幾肯定，林鄭以為自己一定叻過老董煲呔同思歪，佢發夢都冇諗過自己咁折墮。個問題出響個制度呀，懵炳！

是的，煲呔不一定要親手打的，在香港，多數人都會用現成煲呔，一扣就掂，一勞永逸。煲呔（Bow tie）最初都是用手打的，後來為求方便，才發明了現成煲呔（英文為Pre-Tied或Ready-Tied），它主要分為兩種，一種夾在領口，另一種則用繩帶環扣在頸部。手打煲呔出來的效果不及現成煲呔完美，不過西裝專門店The Armoury店員Jan Tong偏偏喜歡這種不完美，「每次打出來的形狀都不盡相同，平時花些許時間打一個漂亮的煲呔，心情也會好些。」

=========
全新副刊，推動知識文化多元。培養品味，立足香港放眼世界。不畏高牆，我們站在雞蛋一方。
《果籽》 栽種品味，一籽了然。 https://hk.appledaily.com/realtime/lifestyle/