香濃咖哩配上彈牙烏冬；做法超級方便，係懶人必備嘅食譜首選！ 烹飪時間: 30 分鐘 份量: 2 人 食材： 火鍋豬肉 8 片 烏冬 2 包 日本咖哩磚 4 塊 紅蘿蔔 1 條 洋蔥 1/2 個 小薯仔 1/2 個 蘋果醬 100 克 #ddc_recipe #hkrecipe #recipehk #onlineshop #hongkong #japanese #udon #curry #pork

免費廣告系列：去旅行嘅味道！鰹烏冬 今日要處理生活雜務，例如去運輸署搞下行車證，出城買生活補給品，冇得耕田，個心囉囉攣。去咗兩間黃店都要等 1.5小時以上，雖然內心覺得非常感恩，因為呢個時期要排隊嘅基本上都只係黃店，但係血糖越嚟越低，見到一間舖頭，冇乜表過態，姑且稱之為綠店，入去食，食完，完全冇feel。食物質素冇心機，價錢又唔平，一肚氣。 之後揸電單車走，漫無目的由深水埗站去長沙灣，平時永遠唔會行果條路，點知行行吓奇蹟就出現，竟然見到一間舖頭外面有天婦羅嘅相，立刻響呔停車，開個app查一查，OMG，黃店！那管30分鐘之前先食飽飯，決定再食一餐！彌補心靈嘅創傷！ 偉大嘅天父就係將我帶咗嚟，鰹烏冬!!!!! 我去日本最鍾意食一樣野，天婦羅。平嘅貴嘅都食過，暫時我喺香港冇食過似樣嘅，今晚竟然比我食到！ 記得果次喺沖繩食咗一間好精彩嘅天婦羅小店，基本上係超級地道，老闆英文都唔識，好彩而家有科技，用手機努力溝通之下，老闆話俾我聽天婦羅其實係蒸嘅料理。外面脆脆嘅將包住食材，然後喺裏面用水蒸氣將食材蒸熟，所以外脆內Juicy，而且唔可以有油膩感。更加重要嘅係，一定要即炸即食，係日本，基本上係炸一舊，食一舊。鰹烏冬，雖然天賦樂唔係主角，但係絕不馬虎，我入到呢間餐廳第一樣送上嘅天婦羅已經令我喜出望外！簡單啲來講就係我覺得食過全香港最好食嘅天婦羅。喺心裏面大叫，不枉我停車食多餐！ 講返主角烏冬。我坐嗰個吧枱位，對正部壓麵機，原來呢間店嘅烏冬係每日手工製作！未食已知唔講得笑。烏冬有冷有熱，我和朋友叫了一冷一熱，務求一網打盡。 熱烏冬，嗰個鰹魚清湯，廚師話每日朝頭早7:00用新鮮食材淆製完全冇加味精，就連豉油都係自家製作!!!!!完全係日本學師，正宗日本嘅稻庭烏冬做法。熱烏冬加埋呢個清湯加埋生雞蛋，真係好好食！ 之後凍烏冬。完全感覺到乜嘢叫做自家製嘅烏冬，因為嗰種煙韌，又帶有小麥嘅清香，我呢一刻夜麻麻寫到黎呢一度，都非常之有生理反應，已經好掛住！ 完全想像唔到長沙灣會有一間專家級數，味道咁精緻，而且手藝超高嘅烏冬小店。 仲要係良心店。 其實香港有好多好用心嘅良心小店，等緊你去發掘。嘗試吓改變自己貪方便，費事諗食乜就食連鎖店嘅習慣，而良心店亦都唔好等到告急先至去。一齊好好守護呢個黃色經濟圈。 多謝鰹烏冬。喺疫情之下，好似飛咗一轉日本,開心，滿足。 https://www.facebook.com/%E9%B0%B9%E7%83%8F%E5%86%AC-Katsuo-Udon-%E8%AE%83%E5%B2%90%E7%83%8F%E9%BE%8D%E8%A3%BD%E9%BA%BA%E6%89%80-2144717439149887/ #免費廣告系列 #鰹烏冬 #天婦羅 #烏冬 #黃色經濟圈 #良心餐廳 #五大訴求缺一不可