🤰🏻坐月準備分享，幫你一步到位嘅月子28+2 同 #月子四寶

記得第一胎生諾諾坐月個時無請陪月，只有靠媽咪隔日燉雞湯同每日湯水，媽咪唔識買坐月藥材煲湯，所以個時個人覺得 #好虛 ，行路飄飄下咁，又成日 #標冷汗 ，手指骨痛，成塊面都無乜血色🧟‍♀️所以上奶上得唔好😢晚晚半夜要再用奶泵追奶，結果未滿月就病咗感冒，重傳染埋諾諾😭真係好後悔...

到今次第二胎陽陽，我決定更加要做好準備，因為一樣無請陪月，主要係靠工人同老公幫手🤔，所以坐月藥膳湯包（藥材）我揀咗「月子28+2」，因為夠方便、可靠同專業！
🌙細分5個階段，照顧產後不同時期需要
🌙材料成份清晰，唔怕食錯嘢落肚
🌙含鹿茸、高麗參等珍貴食材，物有所值
🌙列明餵哺母乳適用，媽咪放心餵奶🤱🏻
🌙獨立真空包裝，經殺菌消毒，可即開即煲

所有材料都通過安全測試，確保無重金屬, 農業殘餘, 黃曲霉素, SGS等等。

每包清楚列明功效同煮法，好似煮公仔麵一樣咁易，只要買定新鮮雞一隻/瘦肉一份，洗乾淨，連同藥膳包及3-4碗水，放入燉盅燉兩小時就食得😆就算自己坐緊月都可以處理到，炒個菜+蒸肉餅就可以開飯啦👍🏻

因為藥膳包有藥袋包好，所以燉湯唔洗再隔渣，方便享用。

階段1: 生化湯去惡露
階段2: 第一湯：健脾胃補氣
階段3: 第二湯：補骨鈣、增強免疫力
階段4: 第三湯：養烏髮、補腦養神
階段5: 大補湯

坐月30日，日日有專業方便嘅燉湯補身👍🏻
🫖🫖🫖🫖🫖🫖🫖🫖
坐月點少得炒米茶呢，月子四寶套裝有齊...
兩盒四式有機炒米代茶(每盒60包)
兩盒雙效催乳茶(每盒30包)
一盒皇牌當歸老薑沐浴粉 (每盒7包)
一盒皇牌艾草老薑洗頭包(每盒8包)

一生完可以開始飲 #四式有機炒米代茶 ，針對改善產後脾胃虛弱問題；產後一星期可以開始飲埋 #雙效催乳茶 ，可以幫助造奶通乳同減輕乳部不適；坐月以炒米茶代水，可以減少胃脹同水腫情況，促進新陳代謝，對身體復原有幫助。

至於坐月沖涼洗頭🚿唔洗再事前準備薑皮咁麻煩啦，因為有 #老薑 沐浴粉及洗頭包，預防風邪入侵，預防頭風、頭暈等問題👍🏻用完個身好暖，驅寒效果好好。

想了解更多，可以瀏覽
樂道 - 媽咪知識頻道Mami Channel

#華人藥業 #月子28加2 #月子四寶 #產後調補秘方 #生完都咁靚 #坐月好重要 #母乳媽媽安心飲 #真材實料 #頂級品質 #CSG調查報告市場第一 #使用方便 #坐月無難度 #花膠精 #養胎長胎 #補而不燥 #濃縮上等花膠精華 #媽咪補身 #BB生長

【掌握關鍵！孩子長高長肉絕不難】

感謝你們的message, 幫到小朋友成長，我都非常開心😃

其實，每位小朋友都有不同生長時期，有時會快D，有時會慢D，家長絕對不要有「咁瘦咁矮輸在起跑前」呢個心態😅

記得「食得、瞓得、痾得」，🧒🏻🧑🏻👧🏻小朋友自然會好好生長。

如果一個夜瞓，唔肯食野，又冇便便的小朋友不一定能健康長高。通常這些小朋友 會比較矮小，皮膚色澤暗啞，甚至出現🐻‍❄️黑眼圈

👧🏻🧒🏻👦🏻小朋友天生「肺、脾、腎」易虛，脾胃未發展成熟，因此食少少野就易飽易濟，容易出現「脾虛」症狀，如爛便便，又或去不到廁所。胃口不佳亦是小朋友常見症狀。

🤭亦不要以為小朋友越肥越好，全身脂肪仲鬆弛，是「虛胖」現象。虛胖其實身體積藏很多濕氣，濕氣困脾，相繼影響肺，這些小朋友特別易病🙄。

外國研究發現，如果脂肪細胞在6歲前過早出現，會增加成長後「痴肥」😟因素。要小朋友健康長肉，配合食療+均衡飲食非常要緊。

💁🏻‍♂️2-5歲兒童健康飲食建議
穀物類：1至2碗
蔬菜類：最少1.5份
水果類：最少1份
蛋白質：13-19g
優質脂肪：20-30%
水：4至5杯

💁🏻‍♂️以下有份餐單作一些參考：
🌝早餐（700am)
紫淮山黑豆水1抔
生菜牛肉或魚肉粥（小心有骨）
或 炒蛋鮮牛肉三文治
一個小蘋果（室溫可輪流不同生果）

🌝早/午tea break (10am/4pm)
小飯團🍙（紫菜加一款肉）
餅乾+自制三文魚醬（蛋白質）
湯 （瘦肉水/鵪𪂹湯/去濕茶）

🌝午/晚餐（12pm/7pm)
一碗白飯、烏冬+肉+菜
最好用白灼方式，避免油炸

👍🏻肉類可選擇含優質油脂，因為小朋友生長需要優質膽固醇，不像大人。如牛肉（和牛/肥牛）、豬肉（腩）、雞肉（可吃帶皮）、內臟等。

⭐️當然要視乎小朋友的健康狀況，如已脾虛吸收差，要改清淡為主。

💧水撮取量：
每小時飲半杯；12個小時內可飲白開水4-5抔為佳。

🙅🏻‍♂️不建議：
1-公仔麵因為小朋友腸胃較難消化
2-火腿或香腸等加工食品
3-高糖高鹽的餅乾或糖果做tea break
4-果汁等高糖的飲料要慎選

5-👍🏻紫淮山水有助脾虛，尤其對小朋友健脾有幫助。黑豆可加強腎氣，幫助小朋友骨骼及腦部發展。

可以search #紫淮山水 #黑豆水 找到詳細資訊

了解更多➡️
即沖紫淮山粉 bit.ly/33A9l9
黑豆穀物粉https://bit.ly/3mpjRqA
沈香茶︰https://bit.ly/3rSOEiw

來緊我會同大家分享其他小朋友健康生長的小祕訣 ，記得留意💁🏻‍♂️

想知道更多健康資訊或育兒知識，
立即加入我的WhatsApp Group及Subscribe我的YouTube Channel🎏 ———————————————————————-
加入我的 WhatsApp 群組：
https://bit.ly/2Yrek7t （已再更新）
訂閱我的 YouTube Channel：
https://bit.ly/2LAlMeQ

《新蒲崗懷舊地道港式茶餐廳💛金寶冰廳》

之前聽同事介紹呢間新蒲崗良心懷舊港式茶餐廳，話佢啲奶茶同埋沙嗲牛好正，就一直都想試吓，於是趁放假今日特登慕名而來到新蒲崗懲罰一下佢😛
.
就咁睇個店面就知道佢歷史悠久，好彩我都事先都上網做咗啲功課，原來佢係70年代已經開咗，真正係一間懷舊老字號嘅港式茶餐廳，而且係三代同堂嘅家族生意，第一代老闆已經係90幾歲高齡嘅爺爺👴🏼而且之前曾經俾人貼街招屈過佢係藍冇良心，後來經一班孫仔澄清返原來係有良知嘅良心店💛
.
除咗格局懷舊經典，食物都係典型港式茶記可以食到嘅，我見價錢都好合理同抵食，我叫咗個全日特餐$38， 有沙嗲牛肉麵，火腿奄列，牛油方包，我仲叫咗杯嘅金寶熱奶茶☕️某程度上我都係為呢杯熱奶茶同佢嘅沙嗲牛肉麵冒名以來。
.
我見網上啲人話佢嘅菠蘿油都好正，本身我諗住另外加多一個菠蘿油我嘅食量當然食到啦，但係個侍應哥哥超好人，佢話幫我將個牛油方包轉做菠蘿包加多$5加舊牛油就得，咁樣埋單都係$43抵d，就唔使我另外買多個菠蘿油加$13咁貴，仲幫我諗埋會唔會太窩心？！☺️另外我想講佢無論係侍應定係幫我執碗嘅姐姐，禮貌都超好，唔該前唔該後，又叫我慢慢食，真係好耐冇感受到啲傳統嘅茶記都有咁好嘅服務態度👍，講堅，服務態度良好對我的用餐過程來講好重要，真心加分！💛
.
講返佢杯奶茶，我首先冇加任何嘅糖試咗一啖，一入先係好香滑奶味，茶味唔算好濃，亦唔會有一種苦澀味，但係慢慢茶味開始滲出同響口腔入面回甘，跟住我加咗一茶匙嘅糖，加咗糖之後再飲即刻帶出個奶茶味😍就係呢一隻典型港式茶餐廳奶茶嘅味道！🥰香滑嘅奶味有加少少甜味仲有茶味每樣味道都好平均啱啱好！佢杯熱奶茶真係好好飲🥰
.
繼而就試佢嘅沙嗲牛肉公仔麵🍜睇返網上資料原來老闆每日堅持新鮮手炒，賣完即止，我見到網上嘅相有啲洋蔥係牛肉入面一齊炒，我今次呢碗就冇可能咁啱冇撈到，不過佢呢度嘅食物份量都幾大份，你見到佢嗰啲沙嗲牛肉都幾多，出手好闊綽，每一片都完整而且幾大片，唔會碎濕濕，而且口感好嫩有咬口，又唔會太林同埋梅👍沙嗲汁嘅味道又係啱啱好，加上佢又係用大光麵，兒時嘅味道同回憶返晒黎！😋👍
.
火腿奄列煎得比較熟同埋乾身，似火腿煎蛋多啲🤣而且啲鹽有唔平均嘅情況，所以少少偏鹹，不過撈埋落去同個沙嗲牛肉麵一齊食有幾夾喎！
.
食完個沙嗲牛肉麵同埋火腿奄列其實已經好滿足，但係食埋個菠蘿油俾我埋尾就更加滿足啦，雖然好邪惡但係都一定要試！因唔係遇上佢嘅菠蘿包新鮮出爐嘅時間，所以菠蘿包未能用本身嘅溫度將格牛油溶化，但係一咬落去果下真係soft好香！本身菠蘿包已經好鬆軟啦，加上中間嗰格咸牛油又香又咸又甜又滑又creamy多重嘅滋味, 係好邪惡但係真係好好味!!😍可能我太耐冇食過菠蘿油，食返真係有一種莫名嘅感動🥲
.
好開心今日可以去一間咁懷舊又高質嘅茶記重新體會返香港茶記文化，我發覺原來我都好耐冇認認真真坐低食返一啲地道嘅茶餐廳食物，當食返一啲正宗又好味嘅茶記食物真係會莫名地感動和滿足😍🥲。有啲嘢明明由細食到大，但係隨着年紀越大見識越多，慢慢將佢哋遺忘咗，有時可能最好嘅嘢就響身邊，但偏偏冇好好去珍惜，好感激仍然有人繼續保留同埋捍衛呢種香港特色嘅美食同文化，真心希望屬於我們香港嘅文化同埋特色可以繼續得以承傳🙏🏻
.
店名：金寶冰廳💛
地址：新蒲崗康強街53號地下 @ 金寶冰廳

#北海道自由行 #札幌狸小路1至7丁目 #TanukikojiShoppingStreet #sapporo #hokkaido #sapporo hokkaido #ほのか泡湯吧 #日本旅行
http://yt1.piee.pw/Q9AW4


Hello大家好, 我叫阿Tsar,

歡迎大家陪我去旅行, 睇咗當去咗

今日就為大家介紹北海道札幌狸小路

聽講札幌狸小路就相等於大阪的心齋橋

但是當我真真正正的去到這裏, 我覺得更似大阪的道頓崛多一些

因為這裏最多就是妝藥店、手信和餐廳

但是當晚我去到的時候, 今年的年初三

人群比較疏落, 但是如果疫症過後, 這裏一樣是水洩不通

如果大家plan定去北海道自由行, 就一定不會錯過這個狸小路的地方, Are you ready?

狸小路有1至7丁目, 我會重點推介每一個丁目值得行的士地方

首先講下 1丁目先啦, 在1丁目的是ココカラファイン（Cocokara Fine），

粉紅色招牌十分顯眼，店內也相當寬敞好行。呢間藥妝店有免稅優惠，大家可以多加利用。

記住我曾經介紹過的二條市場, 就是一丁目對面呀

如果你們要去二條市場, 記得朝頭早去呀!

來到狸小路2丁目，氣氛又更加熱鬧了。有一間快活Club internet cafe, 如果窮遊過夜可以考慮下

如果女士在這條街shopping, 你的男朋友或老公可以上internet cafe抖一抖,

由30分鐘至到24小時都有各項收費, 我就上了這一間, 拍了一些片段給大家

另外我曾經拍過一條更加詳細的internet cafe, 大家可以重溫返我的youtube頻道

2丁目這裏有一間好出名的海老秀蝦味湯底拉麵, 拉麵有糖沁蛋、筍乾、叉燒、洋蔥

湯頭蝦味十足，價錢由700幾yen至到1000 Yen 左右, 絕對抵食

2丁目仲又一間平價妝藥店「サンドラッグ（Sun Drug）」

店內有多達數千種商品，包括豐富的自家品牌產品

還有會說普通話的店員可以給予協助，因此非常受遊客歡迎。

睇過我影片的朋友, 應該知道業務超市幾乎是全日本最平的連鎖超市

他們的價錢, 幾乎平便利店一半, 如果大家有時間, 一定要入嚟掃一掃貨,

業務超市對面有間專為女仔而設嘅「ほのか」泡湯吧！

館內總共有4樓層， B2有岩盤浴，設有幾個不同溫度的熱療汗蒸室；

B1是浴場設施，有絹湯、鹽湯等不同療效的浴場。

泡完之後可以在2樓的休息室或漫畫書區休息，

館內還有餐廳提供健康養生餐點， 女士想來鬆一鬆, 這個地方你可以來試試

24小時營業, 年中無休 , 另一間是北海道當地連鎖品牌「サツドラ（Satudora）」，

店內有非常多款北海道特產妝藥可以挑選，對面有間餐廳叫麦羊亭

主要是食成吉思汗烤羊肉, 還有好多其他燒烤嘅組合, 在門口看完餐牌先入去都未遲啦

嚟到狸小路3丁目, 首先見到日本好高人氣的「ABC Mart」鞋店，

好似CONVERSE、NEW BALANCE、VANS等人氣運動鞋品牌，

在日本的ABC Mart經常都可以找到限量版，價格也非常親民。

這裏有間餐廳叫雞笑茶屋日式火鍋,相撲火鍋(相撲選手吃的傳統火鍋),內臟火鍋

午餐 650 日圓 晚餐 2,800 日圓, 相當抵食,

路邊還有新潮的屋台, 有另一番風味啦,

免稅藥妝店「KoKuMiN」秉持「為國民的健康和美麗服務」的理念，

提供各式藥妝、食品、日常用品等。

4丁目就越嚟越熱鬧啦, 因為兩邊都是驚安之殿堂

驚安之殿堂隔離就是我上次去窮遊過夜200蚊有找Dice entertainment網吧

大家可以回看我的影片, 4丁目開始是非常之旺, 條街的燈飾亦都特別靚

我本身是機場是有酒店住的, 不過諗住在這裏住一晚網吧,

第二朝起身一早check out, 就可以先先去24小時的驚安買啲嘢

好似我上次就買了個鞋墊, 因為當日要行的路好多

然後就去了二條市場, 還有去札幌嘅中央場外魚市場, 然後就返回札幌站搭JR去小樽一日遊

全部都有影片回看, 大家如果去北海道自由行, 不需要自駕遊, 交通十分之方便

看看這一間連鎖牛扒餐廳, 超值午餐1000yen牛排套餐,Beef Impact

包埋沙律和味噌湯，還可以選3分熟或5分熟、要不要加炒大蒜, 蒜味十足

有澳洲牛、日本和牛、美國牛給你揀, 當中當然是日本和牛就最貴啦

LAOX是一間商品種類非常齊全的免稅店，

可以一站式買齊所有種類的商品，超方便！ 全日本共有42間分店

這裏亦有一間拉麵店叫山罔家, 除了舖頭食拉麵之外,他們還有禮盒給你買回家鄉呢

這間就係海鮮丼嘅專門店澤崎水産海鮮食堂, 好唔好食就不知道, 或者如果網友你們去過話給我聽

價錢望落去好似有啲貴喎, 好等我繼續行先!見到六花亭的手信禮品, 北海道必買

這裏又有另外一間大國妝藥店, 狸小路5丁目, 就有王將餃子, 平平哋可以食這個

我曾經在大阪吃過這一間, 三百幾yen就食一餐, 好好味

隔離有間卡樂b專門店, 好多產品只有日本才會有得賣

裏面還有個即炸薯條的小食店, 又有另一間sapporo drug Store

這一間Japanese Capsule Toy Shop, 扭蛋專門店

九成都是大人來的喎, 300yen扭個手機喎, 我有冇眼花呀

但是呢, 這裏的扭蛋公仔真係好靚喎! 童年回憶返曬嚟呀!

道產食彩HUG Mart主要銷售北海道海產、農產品等等。

他們是標榜售賣當造的蔬菜、農家自製的無添加醬料和醬菜等，So organic!

裏面亦都有一個HUG EAT是一個Food court，好受local人歡迎。
...................................
請用片右下角調4K睇片。

https://www.mrlamsan.com/2020/01/Downstairs.html
樓下冰室
好像是最近新興既快餐冰室
開到黎港島區
番茄湯,瑞士雞脾專門店
所以就二話不說,直接試招牌菜！
番茄濃湯通粉，可選辣，配意粉，米線，公仔麵，湯飯，螺絲粉，也可轉豬骨湯

$55 配一款自選小吃
當然直接選瑞士雞脾
一次過食到兩種招牌菜式
食得出番茄湯由新鮮番茄肉打成
味道天然好多,沒有太假既酸番茄味
反而有自然既甜味,牛乳炒蛋放在湯上
放久了就不滑,最好叫另上會比較好
通粉係最好配搭,每一條粉都吸飽番茄湯

用頭抽既瑞士汁
色澤特別深色,滷得好入味!
但仍然好嫩滑呢!

既然係番茄專門店
當然試埋焗飯
豬扒挑選厚身既,焗完都唔會乾
食起上來仍然啖啖肉好滿足
炒飯底,炒得夠乾爽
再加招牌番茄醬汁焗香,汁就略為多了一點
但整體食起來都係出色既
豬扒厚厚的,有肉汁,番茄汁又好食

港式特飲
奶茶紅豆冰,咸檸七
紅豆係一粒粒的,食起來有口感
鰂魚涌英皇道967號地下
G/F, 967 King's Road, Quarry Bay

做飲食，工時長，人家食飯輕鬆你開工。漢發麵家，兩代在深水埗經營45年。老父做大牌檔，賣雲吞麵牛腩麵魚蛋粉，胼手胝足日做十五六句鐘，但求養活妻兒。80後兒子郭滿唐，一樣在街頭受磨練，但2011年遷檔入鋪，打破困身宿命：每天營業大約十小時，周日、公眾假、聖誕新年復活暑期統統休息，爭取天倫樂。營役中，一份父愛，兩種表述；正如待客也在變：「以前客人食要快靚正、簡單；現在有要求：食物要好味，環境要乾淨，又要service。」阿唐說。畢竟，時代不同了。

漢發麵家在深水埗石硤尾街做了38年大牌檔，7年前入鋪，就在舊檔拐過街角的大南街上。僻靜的大南街，都是布行皮革號金屬配件公司，人流很少；漢發除了午市爆滿，早餐至下午茶時段一直有六七成座上客，生意算很不錯。

「師傅教落，煮食，任何事都不可以馬虎。豬扒蛋飯，喂！應該豬扒好吃，蛋要靚些香些。白飯不用理會了，但也不行的。我每一樣都要做到最好，白飯我都要做到最好。」聽說阿唐是個牙擦仔，眼前的他果然自信滿滿。


「我們的白飯蒸的，不是用飯煲煲的。你家常煲一兩斤米無問題，但我們一煮六七斤米，如果放在電飯煲就不夠力去推，變成『漚米』，就好似明火煲湯同電磁爐煲湯的分別，兩者的口感已經不同。」他耐心解釋。

言辭可以誇誇，但食物騙不了人，「客人吃下去就知道你有沒用心機去做每樣事。」阿唐說。譬如店中名物豬膶，咬下去爽脆，再嚼粉嫩，有淡淡的薑酒香，非一般！他不怕公開秘技：「最緊要你花心機去泵乾淨血水出來，吃時就不會有豬腥味，切又要有差不多的厚度，這些全部是用時間和心機去做的。」咬一口炸鯪魚球，是預期的爽彈，且滿滿陳皮味，蝦米碎帶點鹹香；估不到混入的芫荽碎，只取莖部加強爽口感覺，看得出一番心思。

豬扒是茶餐廳尋常之物，做得出色卻鮮有，它和豬膶一樣都是漢發入鋪後的新猷。阿唐的豬扒不用食粉，但能做到鬆軟多汁，「我想了三個月，終於想到怎樣不加任何香料而保持豬扒的原味。最重要是，我要將豬扒揼鬆，而不是揼實。」說時遲，他已揼了兩塊；他鬆肉不會假手於人，務求力度不出偏差。


這厚切豬扒的面積比平常所見大三分之一，原來指定供應商裁料時斜斜厚切，「厚，才能保住肉汁。」除了豬扒大件、豬膶麵膶多而厚，由大牌檔賣到今天的柱侯牛腩、南乳豬手飯，一樣超級大份，阿唐解釋：「這就是街坊生意。我想過出細份量，但怕他們不接受。」入店後的漢發，隱隱然留着大牌檔的豪邁。

轉型 拜師　

37歲的阿唐，不知不覺投身漢發近20載。話說父親郭漢標十來歲從鄉下揭陽來港，做過紗廠，曾在豉油街與人合夥開大牌檔，因賭排九而輸掉半個檔口；1973年借錢在深水埗頂了一個大牌檔，改名「漢發」；40多歲才娶妻泰籍華僑楊美嬌，次子阿唐出世時已年近50。

阿唐18歲開始到大牌檔幫手。「當初我說接手漢發，或者學煮雲吞麵，阿爸都跟我說一句：不要學，寧願你做三行。」做飲食太辛苦，父親不想他走同一條路。阿唐着實有兩年做過布行、跟車、地盤，始終對烹調最感興趣，於是跟父親學煮麵、炆牛腩炆豬手。

漢發本來只賣幾款粉麵，轉變始於隔鄰茶水檔結業，那時阿唐跟父親建議加碼賣奶茶咖啡；父親初時不允，怕他兼顧不到，但阿唐下了決心就似衝鋒車，他看書，問前輩，想盡辦法去學沖一杯奶茶。

試了三個月，漢發的茶啡和加賣的公仔麵跟雲吞麵一樣受歡迎。後來父親退休，阿唐就請夥計和媽媽一齊做，「我媽管雲吞麵那邊，我管奶茶咖啡這邊。」由於左右牌檔相繼結業，漢發變了一街獨市，客人多到讓他租下牌檔後方兩個鋪位擺枱擺凳。未幾消防來查，說是無牌經營；其時母親因中風已少露面，漢發由阿唐和太太Zoe支撐大局，兩小口決定入鋪轉角的大南街，好接住大牌檔的生意。

入鋪之後，阿唐認識了人稱「米芝容」的容記小菜王前老闆易偉容。容師傅經常來吃東西，指點阿唐這個後生仔。「我弄得好吃一點，容師傅就說：呀！也不錯，都有我教你的一半。」2014年，阿唐設宴正式拜師。容師傅手把手教他炒醬、用料，又幫他改良了父親傳下來的大牌檔食物：柱侯牛腩更濃、南乳豬手更香、雲吞爽口更多肉汁。

「這些柱侯醬是以前大牌檔師傅經常用的，炒醬最關鍵的是控制火候，一句鐘才能炒好這醬，慢慢用時間去逼它的味道出來。」阿唐今天滴着汗站在火爐前推醬，仍背着師訓：「師傅教我最基本做廚師的三樣：第一眼望；第二鼻聞；三就是口試；等同於每一碟餸的色香味你都要知道。」

共享的世界

做食肆，打開門做生意才有收入，但漢發的營業時間比一般食肆短。「飲食來說我們其實算懶惰，開十句半鐘，不過我們一回來就『砌』到最尾，好辛苦。」同為80後的老闆娘Zoe說。她特別安排「早收」及「多假期」：聖誕節、農曆新年、復活節、暑假都關店休息四至十日不等，員工同聲讚好。

「多假當然開心，不用那麼疲累。」在廚房不停手淥豬膶的蘭姐說。 「我們出月薪的。輕鬆了，好呀！」茶水部阿麗回應。 「放工早些，你可以有家庭樂；逢時過節又可同家人食飯，我自己都有小朋友的。」笑容可掬的阿娜落力招呼客人。

阿唐一臉得意：「老闆搵到錢，夥計自然辛苦；但如果老闆搵唔到錢，夥計又閉翳了。最緊要大家工作開心，現在是共享的世界嘛！」
「其實要做（營業）24小時都可以做，但有時買不回你和他們相處的時間。」Zoe口中的「他們」是兩口子一對9歲和7歲的兒女，「如果日日返工不放假，好難建立感情，好似現在他們出街仍會拖住我的手，夜晚睡覺都想黏住你，這些是買不到的。」年輕的媽媽Zoe甜笑。

一齊食飯　像個家

每天清晨，阿唐載着妻小從沙田住所出發回到深水埗的小店，先叫貨、編排全日流程，七時半親自送子女上學，到下午三時必先擱下所有事務去湊放學。「六點一定全部人收工，我們等小朋友在附近補完習一齊回家。」Zoe續說。阿唐笑指斯斯文文的太太最有威勢。Zoe點頭，笑指丈夫樣貌看似好惡，其實「很溫柔」，「結婚前我入過醫院，他在大牌檔落場一小時也趕來看我。記得初初認識他時問他週日做甚麼，他說買排骨同爸爸煮飯食。我覺得他是鐵漢柔情，很看重家庭。」

阿唐回憶，小時爸媽要打理大牌檔，自己滿月後就住在保母家。「我升上小學，放學後上補習班，七點多返大牌檔食晚飯、上閣樓睡覺；暑假也在補習社過，每日只有一句鐘見到阿爸阿媽。」舊檔位置今日已成一個地盤，只找到檔口對上兒時一家四口擠過的舊閣樓。「阿爸每次見我們，都問我們肚餓不肚餓、吃不吃東西。可能他沒怎樣讀過書，不懂表達他那種愛。」阿唐拖住一對天真的兒女，不時提起已經離世六年的父親。

想當年，父親在自己升中後開始休星期天，帶着自己周圍走，回到從前的落腳處述說往事，兩父子很親近。「放假阿媽通常自己找朋友，我十三四歲已經喜歡買餸煮飯和阿爸一起吃。我很想維繫一家人，一齊食飯、一齊看電視，像個家。」阿唐說。

「錢是賺不盡的。」他笑一笑，現在應付店鋪租金無問題，也「夠使夠用」，最重要是「可以多些時間陪小朋友」。為了保證出品，他炒醬、打鯪魚球、揼豬扒、牛腩起筋……事事親力親力，「每一日的滿足感，就是見到客人吃我的出品他吃得很滿足很開心。」而辛苦了一整天，「最開心就是可以和小朋友一齊收工回家煮飯食。」

撰文：韓潔瑤
攝影：關永浩

漢發麵家
地址：深水埗大南街192號
電話：2380 7068
詳情： http://bit.ly/2CBN65U