【 因為米津玄師而想看的日劇《離婚活動》】
IG版本：https://bit.ly/3j0m6T7

一直以來，日劇主題曲都是勾起觀眾追劇回憶的重要載體，只要旋律響起，經典畫面就會從腦海中湧出來。隨便舉些例子：會因為小田和正的《突如其來的愛情故事》（ラブ・ストーリーは突然に）而想起《東京愛的故事》（東京ラブストーリー／1991）；久保田利伸的《LA·LA·LA LOVE SONG》令人記得《悠長假期》（ロングバケーション／1996）；聽見宇多田光的《Can You Keep A Secret?》會記起《律政英雄》（HERO／2001）；如喜歡《不自然死因研究所》（アンナチュラル／2018），聽到米津玄師（Hachi）的《Lemon》，總會起雞皮吧？！
_
《Lemon》是Hachi自2012年出道以來，首次獻唱自己創作的日劇主題曲，之後他再為《逆轉大叔》（ノーサイド・ゲーム／2019）和《機動搜查隊404》（MIU404／2020）創作《馬與鹿》（馬と鹿）和《感電》兩首主題曲，憑其悲悽中見硬朗的獨特聲綫令觀眾留下深刻印象，並在YouTube獲得極好的點擊率。

翻查資料，《Lemon》至今的瀏覽率高達6.8億，《馬與鹿》和《感電》則分別累積1.6億和1.5億，亦直接刺激唱片銷量，《Lemon》經日本Billboard認證，2019年這支單曲的實體碟和數碼收費下載銷量為302萬，既是平成時代最後一首300萬歌曲，更是首次有平成出生的歌手創下這個佳績，而收錄上述三首劇集主題曲的大碟《STRAY SHEEP》於2020年8月初推出，首周銷量高達87.9萬張，日本Billboard數字顯示，僅以4個月便售出超過147萬張（Oricon數字156萬張）。

銷售量和點擊率成績斐然，放諸今天的日本市場，金漆招牌的效應下，只要是Hachi就乜都得，加上他的歌曲搶耳度高，很大程度直接增加追劇的意欲，所以早前知道他第四度為TBS日劇、由北川景子和永山瑛太「W主演」的《離婚活動》（リコカツ）唱作主題曲《Pale Blue》，而且是他罕有創作的情歌，很自然會想開劇，看看此曲和劇集能否融為一體。

「リコカツ」是日文「離婚活動」的縮寫，講述在知名時裝雜誌《marie claire mode》擔任編輯的水口咲（北川景子飾），因為一次雪山上遇險，而傾慕成功拯救自己的航空自衛隊成員緒原紘一（永山瑛太飾），經過幾次約會後決定結婚，惟同居後才發現彼此的生活習慣和性格不合，太太素來自由奔放，打扮入時天天轉款，對婚姻有追求，丈夫則十分古板，事事講求規矩，對品味毫不講究，愛情上超笨拙，新婚未幾已決定要「閃分」。坦白講，劇本設計雖有可堪細味之處（尤指職場關係），北川景子的演技也不俗，但故事結構沒突破，看罷兩集已幾乎估到結局會怎樣，有趣是，我竟然花了數天便看到大結局，緊貼日本進度，每逢片尾才播出的《Pale Blue》，或多或少也有其難以抗拒的威力。

《Pale Blue》是一首無法忘記舊情人的自白曲，全長近五分半鐘，有別於前作的格調，從主歌到副歌，推進節奏緩慢，第一次聽的時候，會因為久久未入戲肉和副歌篇幅甚短而覺得有點奇怪。但聽多幾次之後，就會漸漸給它的愈唱愈見激昂的氣氛吸引，不斷翻煲。其中副歌連唱三次「ずっと」（一直）最搶耳，如打針那樣唱進心坎，帶動情緒起伏，正好配合每集劇情尾聲出現的伏綫。《Pale Blue》MV推出三天後（7/6）已突破500萬點擊，截至周二（22/6）下午3點半，瀏覽量已累積超過1,980萬，直迫2,000萬大關，並於33個國家的串流歌曲每天排行榜奪冠，而在香港的KKBOX新曲排行榜，它亦連續五天（10-14/6）封王。

有趣的是，這首歌不只有得聽，更有得飲！日前看到插畫師兼YouTuber「咖喱張」的靚相，知道位於尖沙嘴金巴利道的 KR CAFE 近日推出以《Pale Blue》為主題的限時打卡活動！於是親身去了那裏一趟，發現店外落地玻璃貼有插畫師「Don't We All Love Dresses」 （ instagram.com/dont_we_all_love_dresses ）以此曲封面作為靈感的插畫，店內則有另一幅酷似Hachi的插畫，旁邊印上《Pale Blue》開首的歌詞「ずっと 恋をしていた」（一直深陷戀愛），老闆更提供限量插畫貼紙和日本扇贈送顧客。至於主角 ── 限時「Pale Blue」特飲，由大阿蘇牛乳製成的奶泡，綴以藍橙糖漿跟泰象梳打水調製的微甜有氣凍飲，降溫之餘，最最最重要當然是將它放在陽光照射下打卡，配合室內天藍色的裝潢和日系陳設，吸Like指數極高。有興趣的讀者緊記活動會在7月11日結束。 （詳見：https://bit.ly/3j0m6T7）

去 KKBOX 聽 J-POP熱！
歌單：https://KKBOXHK.lnk.to/JpopFever

《離婚活動》劇照來源：twitter

（22062021）

#游大東 #游大東影視筆記 #PaleBlue #米津玄師 #離婚活動 #リコカツ #北川景子 #永山瑛太 #瑛太 #KRCafe #主題打卡 #KKBOXHK #日劇 #TBS

去波鞋街買完波鞋食好西…
波鞋街附近開左個新商場The Forest，原來裡面都有唔少新餐廳，早兩日買完波鞋就去左其中一間泰國餐廳，裝潢似一個小森林，俾人一種好舒適悠閒既感覺，餐廳外面仲有露天座位，遲啲天氣無咁熱一定要喺出面感受下小清新~
-
叫左 二人套餐 HKD$498
☆ 鹹蛋黃青木瓜沙律
☆ 大蝦冬蔭公（小）
☆ 天多尼烤雞 · 斑蘭青咖哩
☆ 金不換卜卜蜆
☆ 香草蒜蓉包
☆ 泰式肥豆兒醬炒芥蘭
☆ 泰象青檸梳打 2 杯
-
冬蔭公係小份，但份量係大份😅 味道幾啱香港人口味，酸味較重含微辣，不錯的。天多尼烤雞幾嫩滑，青咖哩唔係我杯茶，但友人話微微滲出香辣，亦食到有斑蘭味。卜卜蜆用上金不換醬汁製成，幾惹味🤤 每隻蜆都大隻肥厚漲卜卜，食到啖啖肉👍 蒜蓉包熱辣辣，外脆內軟。肥豆兒醬原來係麵豉醬，攞嚟炒芥蘭幾新穎特別😙 不得不提既泰象梳打水永遠都咁好飲，平時唔飲有氣飲品既我都成杯飲哂😊😋
-
總括而言，菜式獨特，口味fusion，上碟夠精緻，份量極多，性價比頗高，大熱天時食下啲新鮮開胃泰菜都係一個唔錯既選擇👍
-
📍青花
旺角奶路臣街17號The Forest 1樓

【飲食】鴨脷洲小漁港 越南菜之行__________________________________________
鴨脷洲呢個地方對我一Ｄ都唔陌生，畢竟曾經係度長大過，但對唔係南區長大既人黎講，鴨脷洲似乎係一個遙不可及既「小島」，所以地鐵方便左街外人黎呢個小漁港。冇去一排，鴨脷洲又多左間新餐廳，開正係林醫生診所既附近。鋪頭細細，座位不多，勝在夠光猛利落。

▼生牛肉湯粉($48)
影完相就迅速將薄薄既生牛放入湯度浸一浸，浸10幾秒就可以食，牛肉份量幾多，嫩滑又大片，再加上好幾舊軟腍既牛腩，湯底牛肉味濃，不過愈食就愈咸，未食過正宗越南河既我，有一刻覺得自己似食緊港式牛腩河多D～

▼香茅豬扒湯粉($48)
比起生牛肉湯粉，呢個湯底清少少，冇咁油，又多左陣香茅香，豬扒就非常腍！

▼酸辣無骨鳳爪($38)
佢既辣度好岩我同表妹食，因為基本上真係冇咩辣味，酸味好足，食起上黎好方便。

▼越式炸蝦餅($48)
蝦餅外屠炸得酥脆，肉質則不是太彈牙，比較香軟，蝦味如濃些便更好！

▼青木瓜豬頸肉沙律($48)
豬頸肉調味剛好，外層烘過，豬香味濃，青木瓜爽脆，份量多，兩種口感截然不同，不錯的。

▼青檸梳打($22)、檸檬梳打($22)
兩杯飲品同樣同左泰象梳打水，可以自己調配梳打水既份量。青檸個一杯酸左d，除左用新鮮既青檸，應該額外用左青檸汁，所以特別酸。檸檬個杯就中中等等。

中學6年係呢一區成長，所有野似乎都變得好快，轉眼間地鐵通左車，又起左好幾棟私人住宅大廈，記得以前搭車番學經過鴨脷洲大橋，一定可以望到無盡既香港仔漁港，左邊望到，右邊又望到，仲可以搵下爸爸同公公隻船仔泊左係邊，而家搭巴士已經睇唔到其中一邊海景T^T

餐廳資料：味真越
地址: 鴨脷洲大街150號怡慶大廈地下4號舖
營業時間：星期一至日: 11:30-17:30, 18:00-22:00
______________________________________
想知多d香港有咩好食好玩既資訊，快d follow我下面其他channel啦
聯絡/邀請:
Email: foodsharingnana@gmail.com

Facebook: 娜娜飄流記 Nana’s diaryyy https://www.facebook.com/foodsharingnana/

Instagram: Foodsharingnana
https://www.instagram.com/foodsharingnana/

Ublog: http://blog.ulifestyle.com.hk/blogger/foodsharingnana/

Blogspot: https://nanasdiaryyy.blogspot.hk/

TheZtyle: http://www.theztyle.com/home.php?mod=space&uid=8133

WeShare: http://www.weshare.hk/shannana

BE: http://www.beautyexchange.com.hk/blog/shanna.nana

Qooza: http://profile.qooza.hk/shannana

Pixnet: http://shanna0429.pixnet.net/blog