【《因為我們天生一對》電影版日本6.4公映 】 _ 2020年人氣最強的泰國BL劇《因為我們天生一對》（2gether: The Series），成功捧紅了「Bright-Win」（Vachirawit Chivaaree與Metawin Opas-iamkajorn），在亞洲人氣爆燈，他們所屬的經理人公司 ── 泰國GMMTV電視台當然打鐵趁熱，製作多個以這對CP作招徠的劇集和節目，包括去年8月首播的《因為我們依然天生一對》（(Still)2gether）、泰版《流星花園》（F4 Thailand），網上綜藝節目《Bright-Win Inbox》和遊戲節目《ISUZU MAX CHALLENGE》由Bright與Win出任Black Dragon和Red Phoenix的隊長。 _ 知悉「Bright-Win」參演《流星花園》後，一班腐女粉絲對於GMMTV決定安排大感不滿，事關他倆在《因為我們天生一對》明明是戀人，去到《流》劇竟然要變成兄弟（道明寺與西門）？而且GMMTV竟然選擇在《因為我們依然天生一對》播畢後不足一星期公布此事？唔嬲就假，當地社交網絡更旋即出現「Ban F4」（#แบนF4）的Hashtag（其中一個原因是指《流星花園》的原著故事圍繞上流社會的男性欺壓基層女性的設定）。不過鬧還鬧，GMMTV始終沒有「順應民意」為《流》劇換角，反而選擇「派糖」安撫粉絲，於三月底失驚無神推出《因為我們天生一對》電影版（2gether The Movie）大約兩分鐘預告，雞髀打人牙骹軟，「BW粉」照舊睇到喴哇鬼叫。 _ 電影版由Weerachit Thongjila執導，到底內容是怎樣？據知，除了剪輯Weerachit執導的13集《因為我們天生一對》，和番外篇導演Noppharnach Chaiwimol的5集《因為我們依然天生一對》的精華片段外，又邀請了泰劇《生日快樂》（Happy Birthday／2018）的導演Kanittha Kwunyoo另外再拍新內容，最後將三者拼合成為107分鐘。其中新拍的部份，包括「BrightWin」一同穿上西裝，Bright手上更疑似拿著戒指，令人粉絲期待電影是否出現求婚一幕。電影原定4月22日在泰國公映，奈何當地4月出現新一輪疫情大爆發，被迫延期，結果日本反過來變成全球最先公映國家，於周五（4/6）上畫，今日（3/6）GMMTV的fb專頁公開兩張照片，見到位於東京新宿Hotel Gracery Shinjuku和TOHO Cinemas建築外牆已掛上超大電影海報，「Bright-Win」的大頭照與左上方的哥斯拉相映成趣。 _ 由於日本的上映期比泰國還要早，所以當地負責電影發行的片商於社交媒體上發圖文公告，呼籲一眾入場睇戲的日本群眾，不要在自己的社交媒體上劇透，尤其是那些在電影版裏出現的新加內容。另一方面，日本版的播放長度為112分鐘，較泰國版長5分鐘，不過日本發行指兩個版本內容一樣，只是因為影片規格不同才會出現上述時差。至於電影版會否在香港上畫？有「BW粉」早前曾經主動私信 @goldenscenehk 高先電影，希望能夠購入版權，對方主動回覆，問是否知道由哪一家公司負責電影版的國際版權銷售，更直言會積極研究：「盡力試一試吧！」。 _ （03062021） _ #游大東 #游大東影視筆記 #因為我們依然天生一對 #因為我們天生一對 #still2gether #gmmtv #thaidrama #brightwin #brightvachirawit #winmetawin #泰劇 #03062021 @brightwinhk @brightwin_hkfc @bbrightvctw @bbright.hongkong @brightwinhkg @gmmfamily_hkfc @kongjiproduction #流星花園 #f4thailand @_godricleung @thai_f4_hkfc #tokyo #shinjuku #東京 #新宿 #日本 #instatravel @rubylawlawlaw @kiichan023 @everydaylifestylist #哥斯拉 #godzilla

. [泰BL劇][I Told Sunset About You] 由BrightWin主演嘅《Still 2gether》喺fans meeting之後可以話告一段落，有粉絲拍到BrightWin已經開工拍泰版《流星花園》喇。而接住《Still 2gether》播放，集合GMMTV三大CP嘅《I'm Tee, Me too》亦已經播晒8集。全套純粹畀fans見吓鍾意嘅演員都可以嘅，但劇本同演繹係冇乜特別。 喺《I'm Tee, Me too》播到咁上下嘅時候，另一間同GMM有關係嘅製作公司 Nadao Bangkok @nadaobangkok 推出咗首部BL劇集《I Told Sunset About You》，由喺之前另一套BG劇《My Ambulance》嘅副線BL CP Putthipong Assaratanakul（Billkin @bbillkin ）同 Krit Amnuaydechkorn（PP @pp.kritt ）主演，講兩個男孩子喺初戀當中認清自己所愛，總共5集。 喺正式播之前，睇條trailer已經覺得拍到好靚好似電影trailer咁，但你知trailer好多時都未必反映到個作品嘅水平。但呢套劇依家播到第3集，真係冇令人失望。 令我嘩一聲嘅，喺佢哋拍old town嘅夜晚外景，居然成條街咁打燈，地下亦都為咗燈光靚啲而灑咗水（應該係人工灑水除非幾場戲連埋mv都等落雨先拍）。燈光、拍攝機位、演員走位都有心設計，好利害。 [Trailer] https://www.youtube.com/watch?v=KIylNdQuR-w -以下劇透- 不過最令我驚喜係Billkin嘅演繹，活潑、搞笑、愁悶都做得好。喺第1集，Oh-Aew （PP飾）考唔到優先入大學測試之後，Tae（Billkin飾）喺廟聽Oh-Aew講嗰段說話時嘅反應，接住去海灘同Oh-Aew講對唔住嘅兩段戲，都演得好。劇組對於兩位演員亦明顯好信任，有好多位空白位畀佢哋發揮，難得佢哋兩位又演到。兩個都係21歲仔咋，利害。 劇本描寫兩個主角嘅關係由多件小事出發，夾埋好豐富。我最鍾意Tae對Oh-Aew陣椰子味嘅轉變，由討厭到依戀。睇到第3集，Oh-Aew近乎主動出擊但係Tae迴避，再諗返第1集Tae喺interview時冇主動叫Oh-Aew……睇嚟都係個sad ending…… 話時話，第3集尾拍得好激烈吓。泰國嗰邊放喺投資者LINE TV播而唔喺電視播，或者因為咁尺度可以大啲。都好嘅，唔使就住就住，兩個人喺房嗰段可以見到Tae對Oh-Aew有感覺，但衝破唔到自己心理關口，係正嘅。 [Vimeo On Demand] http://vimeo.com/itoldsunsetaboutyou 劇集 EP1 12USD、EP2-5 @5.99USD 製作紀錄 EP1 3USD、EP3-8 @1.99USD [Billkin 演唱 OST - Lost in Translation] https://www.youtube.com/watch?v=zse5I74ctf4 [PP 演唱 OST - 如何（主題曲中文版）] https://www.youtube.com/watch?v=PeEDAmd5BiE [Billkin 演唱 主題曲 - กีดกัน (Skyline) ] https://www.youtube.com/watch?v=hJeEOzEZstU #Nadao #NadaoBangkok #IToldSunsetAboutYou #แปลรักฉันด้วยใจเธอ #bkpp #Billkin #พุฒิพงศ์อัสสรัตนกุล #PP #กฤษฏ์อำนวยเดชกร #以你的心詮釋我的愛 #一心一譯 #Tae係茶 #佢係來自潮州嘅華裔家庭 #OhAew係布吉傳統甜品類似愛玉 #故事發生喺布吉嘅舊城區係當年潮汕人來泰定居地方 #連改名都玩埋問你怕未 #好睇過2gether #雖然BrightWin靚仔啲 #可以嗎 #說到做到

【 泰版《流星花園》陣容公布Fans鬧爆 】 _ 人紅就乜都得？是，也不是。 _ 世紀疫症之下，全球劇迷搵劇追，此時踫巧GMMTV製作的BL泰劇《因為我們天生一對》（2gether: The Series）在Netflix上架，加上特別篇《因為我們依然天生一對》（Stiil 2gether）又在YouTube免費任睇，令劇中一對CP ── 兩位男主角Bright（Vachirawit Chiva-aree）與Win（Metawin Opas-iamkajorn）紅到黐綫，亦直接令泰娛突然間成為網民，尤其是一眾腐女的追星新天地。到底有幾紅？大數據不騙人，截至周日（20／9），Bright的IG粉絲數量高達545萬，Win那邊亦有397萬，單是前者，已佔去差不多全港八成人口！！所以有云：不識Bright-Win，唔好話自己走在時代最前綫。 _ 而作為Bright-Win的經理人兼電視台GMMTV，當然不會錯過兩隻生金蛋的雞。自家節目？有，名為《Bright-Win Inbox》。代言廣告？大量，睇到你唔睇！Fan Meeting？2020年10月17日至18日會舉行《Still 2gether Live on stage》，最貴收費盛惠7,500泰銖，折合約1,866港元，媲美K-Pop偶像。最近Bright-Win又有新任務，就是為公司新人加持吸Like。事緣GMMTV於周四（17／9）晚上公開泰版《流星花園》（F4 Thailand）的分半鐘預告，宣布泰版F4陣容，分別是Bright飾演道明寺（Thyme），Win則飾演西門（Kavin），Dew Jirawat Sutivanisak飾演花澤類（Ren），Nani Hirunkit Changkham飾演美作（MJ），而女主角杉菜（Gorya）則由TU Tontawan Tantivejakul飾演。結果短片公開後不久，粉絲意見兩極，亦理所當然負評偏多。 _ 讚的不說了，講講鬧甚麼吧。其一，《Still 2gether》才於上周五（11/9）播出大結局，最後一幕Sarawat與Tine在梳化上嘴到暈咗，而Win演唱的第一首單曲《那個人一定是你》才剛剛出爐，點知一個星期唔夠，GMMTV竟然要他們扮演兄弟，根本就是「拆CP」，而且Bright-Win是拍BL劇而走紅，突然間要他們參演BG劇（即Boy-Girl劇、異性戀題材），叫一班沉浸在「腐能量」之中的粉絲如何接受？難怪有網民講笑話：「最好第一集杉菜就死，咁樣Bright同Win就可以繼續拍拖！」亦有人話：「好在阿Win唔係飾演花澤類，如果唔係，佢就要同阿Bright爭女，點睇落去？」最好笑是，近日狂迷Bright-Win的《降魔的》編審羅佩清 @rubylawlawlaw 亦高呼：「點解唔係Win做杉菜？」要粉絲理性？難度較爭取香港出現真普選和三權分立更高。 _ 其二，粉絲覺得GMMTV未必不知道拆散Bright-Win會惹來大反彈，不過為了捧新人，只好兵行險著豁出去。事實上，泰版《流星花園》五位主角，除了Bright-Win之外，其餘三位都是新人，而且是「新到冇朋友」，相比Bright-Win二人各自擁有數百萬IG粉絲，在宣傳片公開前，三人的IG粉絲數目只得幾萬至十幾萬，完全沒得比，但預告播出後，在「BW效應」帶動下，他們的IG粉絲數目增長明顯，其中Dew由近4萬，升至今天的8.7萬；Nani同樣由近4萬，升至今天的7.8萬；至於TU則由近17萬，升至今天接近20萬。既然陣容負評如潮，三位新人依然能夠從中得益，如果你是GMMTV的高層，你會不會因為網民鬧爆而甚麼也不做呢？《流星花園》已經開始拍攝，預計2021年播出。 _ （20092020） _ #游大東 #游大東影視筆記 #因為我們依然天生一對 #因為我們天生一對 #still2gether #gmmtv #thaidrama #brightwin #brightvachirawit #winmetawin #泰劇 #08092020 @brightwinhk @brightwin_hkfc @bbrightvctw @bbright.hongkong @brightwinhkg @gmmfamily_hkfc @kongjiproduction #流星花園 #f4thailand @_godricleung @thai_f4.hkfc