《飲酒》

♂：早

♀：訓未？�
♂：你又失蹤左一日

♀：做野，忙�
♂：所以依家得閒？

♀：沖緊涼�
♂：……溫馨提示，電話防水唔防蒸氣……不過你今日失蹤既事，我原諒你，你連沖涼都覆我msg，都算係咁

♀：咩料，我唔覆你幾時需要你原諒我�
♂：講下笑，咁你沖涼先，沖完再傾

♀：我有排沖，想搵人傾下計�
♂：……一路沖一路msg你小心冷親

♀：我浸浴（圖片）�
♂：……先唔講你對腳，但你都幾富貴，屋企有咁大個浴缸

♀：好唔好睇？�
♂：我諗無男人會係呢個時候講唔好睇

♀：有幾好睇？�
♂：令我一生中難以忘記既好睇

♀：呢個答案唔錯，本小姐心情好，比多兩張你（圖片）（圖片）�
♂：其實今晚我諗住只係一個平凡既晚上，受唔到咁大刺激

♀：腳姐，你上網都大把啦，唔好扮野好唔好�
♂：okok，咁今晚你想講乜topic，我覺得情況有少少失控

♀：乜你地男人唔係就係喜歡呢種失控咩？唔好扮野啦�
♂：男人係喜歡，我亦喜歡，但我唔喜歡你用呢個方式比我睇，感覺你依家情緒好似唔太正常，好唔似平時既你

♀：可能飲得多左，今日做野飲左唔少酒�
♂：飲完唔好浸浴，熱水會令你血液循環更快，令你更易醉

♀：醉其實又有乜唔好呢？�
♂：我唔講咩醉完都係要面對現實呢種無謂說話，我只講你可能會暈係浴室，可能會嘔，你係咪一個人？

♀：我一個人住�
♂：咁你暈左點算？

♀：放心，無咁易，我成日都係咁，咁今日講飲酒啦，你飲唔飲酒？�
♂：飲，我都算幾飲得，但我唔太喜歡飲酒

♀：點解？�
♂：酒要睇同邊個飲，同朋友飲，同鍾意既人飲，自己一個人飲，同憎既人飲都有唔同感覺，我係睇人先飲

♀：我今日同左一班好憎既人飲酒�
♂：所以令你咁唔開心？

♀：可以咁講，但我無辦法，做野需要�
♂：（音訊）

♀：你真係好無聊……不過多謝你�
♂：無，上次你話唔開心想人氹你開心，我準備左好耐，點知你咁快就用得著，點啊，聽完係唔係開心好多

♀：令我一生難忘咁好笑�
♂：咁就好，其實你有咩唔開心，可以同我講，我未必幫到你，但起碼你知道有人在乎你

♀：你在乎我做乜，你鍾意我？�
♂：唔，我答你唔到，但至少呢個時候，我唔想你唔開心，我想在乎你

♀：如果你話鍾意我，我應該會對你好感度大減�
♂：點解？

♀：你對我了解有幾多？如果單憑呢幾日傾計你就鍾意我，我會覺得你係一個見人就鍾意既人�
♂：咁我唔係呢種人，我只係覺得既然我地有緣傾到計，今日你唔開心我聽你講，到有日我唔開心你又可以聽下我講，有個可以講到心事既人係幾唔錯

♀：（圖片）�
♂：你醉喇……

♀：點解接近我既人，唔係有女朋友就係結左婚，搵個正常少少既男人都無？�
♂：網上交友既有幾多個係正常男人……唔係無既，少囉

♀：咁你係咪正常男人�
♂：我係，但你唔會鍾意我

♀：咁有自信？�
♂：我有自知之明姐

♀：所以你真係上網傾計？�
♂：我唔排除傾計以外既發展，但有個好傾既人傾計我都覺得好難得，其實你有冇諗過，你遇到咁既人係你既選擇呢？你話一個人住，咁應該你都幾有錢，而你又想搵個有錢過你既人，我唔知你幾多歲啦，但只要有呢個因素係度，即係荀盤啦，佢有女朋友或者老婆又好出奇咩？

♀：但我唔會降低自己要求

♂：所以你都答左你自己啦，可能有日你搵到，但機會比較低，當你明白呢個條件而又接受，路係自己揀，仆街唔好喊

♀：我無喊，我好耐好耐都無喊過

♂：如果酒可以令你發洩到，令你聽日可以重新出發，咁飲酒對你都係有好處既

♀：酒對我講，就好似解藥咁

♂：我覺得係止痛藥，但藥有抗藥性，你只會愈食愈多

♀：可能啦，但至少呢刻我無咁唔開心�
♂：飲酒真係可以令你開心咩？我感覺你飲左仲唔開心

♀：……比起酒，頭先你令我更開心�
♂：如果你需要既，我可以盡力令你開心

♀：我地無可能……�
♂：所以呢？

♀：唔好對我咁好，我唔鍾意欠人野�
♂：我唔駛你欠我，亦唔駛你還比我

♀：咁你有乜好處？

♂：你開心就係我最大既好處

♀：嘩，娘子出黎睇上帝！��♂：……上帝係對所有人都好，我自問無咁既能力

♀：咁你點解要對我好，我諗唔明��♂：直覺

♀：你女人黎？��♂：有時我都幾女人

♀：咁我同你做姐妹��♂：我無見過有姐妹會send出浴照比人

♀：因為你唔係女人，所以你無見過姐

♂：好，咁請你以後send多少少比你呢個好姐妹

♀：你個人都幾賤格

♂：但你喜歡

♀：食屎��♂：沖完涼未啊？

♀：沖完，吹完頭

♂：咁你訓未？

♀：又叫我訓？

♂：你做左成日野，又飲左酒，仲唔訓做乜？

♀：同你傾計

♂：……你都幾識氹男人

♀：如果我想氹既，的確係幾出色

♂：但我唔想係氹，我想係真心

♀：我無話我唔係真心

♂：到你有日無飲酒，清醒都仲咁講先算啦

♀：如果我清醒既，我就一定唔會咁講

♂：所以係因為你醉你先會咁講

♀：我醉我先會講得出口，你太危險�
♂：成日都咁講……我明明無做過乜

♀：就係因為你無做過乜你先危險，好，如你所願，我訓，下次我清醒就唔會再講話想同你傾而唔訓

♂：但你已經講左出口，我聽到，我記得，你已經改變唔到，學你講，有好多野返唔到轉頭

♀：係，所以我一直都好小心�
♂：我想講，我都想同你傾落去，但比起傾，我覺得你更加需要訓

♀：好，我聽你話，訓，你唔好後悔�
♂：我後悔喇……繼續傾啦不如

♀：太遲喇，晚安

♂：晚安

♀：你真係訓左？

♀：真係訓左，我欣賞你！晚安啦，上帝

——-

長傾·不見@筆友
https://bit.ly/LongchatEP1
長傾·不見@緣份
https://bit.ly/LongchatEP2
長傾·不見@年齡
https://bit.ly/LongchatEP3
長傾·不見@拜金
https://bit.ly/LongchatEP4
長傾·不見@笑話
https://bit.ly/LongchatEP5
長傾·不見@外表
https://bit.ly/LongchatEP6
長傾·不見@等待
https://bit.ly/LongchatEP7

【 #港式情侶日常- 女友購物中伏之旅】

身為女仔，心入面一定有一個「師奶魂」，買乜嘢之前都會格好價，又或者好容易就被Discount去氹到落疉。

「Bb，勁抵啊！」相信呢句說話你都聽過百幾二百次，而呢句說話嘅背後，其實就係想你準備好銀包出嚟俾錢，你俾埋錢佢就覺得仲抵！

有時見到件貨個名特別，都好容易令到佢買，「日本製」呢三隻字直頭係會令你Bb即刻諗都唔諗就撲埋去買，點知買到返去先唔等洗..

慢慢慢慢...屋企就會開始變成一個戰利品收藏庫，滿屋都係由佢買返嚟嘅戰利品，而當中大部分嘅物品都係唔等洗同埋非必要，就算你問佢，佢都唔知自己幾時買咗呢樣嘢..

.
#女朋友係精明消費者 #經常式促進香港經濟 #Sales講兩句就即刻買 #情侶 #愛 #愛情 #語錄 #拍拖 #香港 #女朋友 #hkig #心事
.
睇咗笑完就算？不如追蹤埋我哋啦！
即Like @港式情侶 HKstyleCouple 收聽更多港式愛情趣事、一齊學識點樣愛❤️
IG : https://instagram.com/hkstylecouple
歡迎DM投稿戀愛趣事/愛情煩惱，我哋等緊你㗎😙！

深夜無人睇，靜靜雞講故仔……
　
《失蹤2》第二回
　　
我女朋友叫阿嵐，中二開始同我拍拖拍咗十幾年，中六考完公開試之後就去咗台灣讀書，讀完之後就一直喺台灣工作，雖然我地係異地戀，但由於台灣來回時間同機票都叫平，所以我地幾乎每星期都會見一次，感情從來都無受到影響。
　
「你話佢失咗蹤？你地攪咩呀！好地地行山點會唔見咗佢架？」我質問同佢一齊做嘢嘅香港朋友阿儀。
　
「我都唔知呀，我地幾個女仔諗住放假去行下山，點知愈行愈大霧，轉過頭就唔見咗阿嵐喇！」阿儀十分焦急地說。
　
「你地去咗邊到行山？點解大霧仲去行山呀？依家報咗警未？」
　
「我地去咗柯子林山……我地行嗰陣仲係好猛太陽架，真係無諗過會咁架！我地報咗警喇！警察已經上山搵！但搵咗一日都未有消息……」
　
「你諗清楚，行山時候有冇發生咩奇怪事！幾仔細都好！你都要記起！愈多線索，班警察就愈知道點搵！」
　
「真係唔知呀……如果真係講奇怪，阿嵐唔見之前曾經講過話見到兩個人著住黃色雨衣嘅人喺前面。嗰陣我地仲笑佢睇錯，咁猛大陽點知有人著雨衣行山？點知之後行行下就好大霧……阿嵐就唔見咗喇！」
　
「黃色雨衣？我都係唔知你講緊咩，總之呢件事千其唔好同佢阿婆講，佢咁大年紀一定受唔起呢啲事，你都唔好同我傾喇！你有時間都去幫手搵下喇！」
　
「嗯嗯！」
　
「再聯絡喇。」今次真係開口中，琴晚先講完明表哥行山失蹤，今日就輪到阿嵐佢出事……突然間，左眼有一陣刺痛，諗起琴晚發嘅夢，個心就寒一寒，於是起身去廁所睇下隻眼咩事。
　
我用手指撐開隻左眼耐心睇一睇，無任何特別發現，一切都好正常，無夢入面出現嘅手……但刺痛依舊存在。
　
可能呢排唔係好夠瞓，攪到隻眼有啲累，所以我都無咩在意。
　
一踏出廁所，見到有個阿婆目無表情咁喺我面前一步一步行去梳化坐低。
　
我完全呆咗，依呢個時候，阿媽喺廚房出嚟想去廁所，見我企喺門口阻住哂，於是唔耐煩地說：「行開喇！企喺到做咩呀？」
　
「你見唔到咩？有個阿婆坐咗喺到。」我細細聲喺阿媽身旁說。
　
阿媽順勢望去，一臉迷惘：「咩阿婆呀？」
　
我望住個阿婆，佢臉無血色，手手腳腳都滿佈毒瘡，視線一直望住眼前幅牆。我細心一望，發覺呢個阿婆有啲熟口臉，記憶之中唔知邊到見過咁。
　
於是再問阿媽：「阿婆佢死之前係咪手腳都生哂毒瘡？」
　
「係呀！你阿婆生癌死架！死之前啲毒瘡大粒到嚇死人架！」
　
我再望望梳化嘅阿婆，描述應該同阿媽所講一樣，雖然阿婆死嗰陣我仲係好細過唔係好認得佢，但點解佢突然之間會出現？呢個時候，左眼又一下刺痛，痛得恰埋隻左眼，剎那間，阿婆唔見咗，到我開返隻左眼一望，佢又出現返。
　
我大概明白咩事，於是伸手遮一遮隻左眼，果然，右眼見唔到阿婆。當我拎開隻手，而恰埋隻右眼，阿婆就出現返。
　
咁樣嘅話，如果阿婆死咗而我又見到佢，可能我隻左眼變成陰陽眼。
　
但以我所知陰陽眼係天生，除非搵師傅強硬開眼，如果唔係絕對唔會無啦啦出現陰陽眼。
　
點解我隻左眼會咁？我醒起一切來源都係琴晚行過土瓜灣一棟樓，比樓上滴水滴中隻左眼……究竟啲水有咩咁特別攪到我隻左眼變成陰陽眼？　
　
轉眼間，阿婆就起身走人，眼見佢穿越度大門離開，我就開門想追出去睇下阿婆去邊。
　
當我一開門，探頭出走廊一望，一股陰涼寒氣湧至，驚見成條走廊都係人，佢地衣著服裝似乎有人辦緊喜事接新娘吧？
　
「做咩無啦啦開住大門呀？」阿媽從廁所出嚟。佢一問，走廊上所有人都停止腳步，然後慢慢轉身望住我。呢個時候我先清楚望到佢地，走廊上每個人都臉無表情亦臉無血色，最重要嘅係，佢地半身都痴住度牆，好似兩隊列隊咁，留低中間比人行。
　
佢地望住我時候，我覺得個人好暈，暈到想嘔咁濟，雖然對方無做過任何事，但我已經承受唔到呢種莫名奇妙嘅壓力。
　
我吞一吞口水，奮力咁慢慢將個身退後到屋內，再輕輕關門。
　
「咩事呀你？成頭大汗嘅？」阿媽一提，我先發覺自己成身冷汗，發軟咁坐喺地下休息，我感覺到自己不斷喘氣。
　
一切都係我隻左眼引起。
　
於是我決定去黃大仙廟搵我兄弟阿健幫我手睇睇，一來佢屋企專門做呢類服務，二來我想幫阿嵐求返支好簽。但為咗唔想喺街到接觸靈體，於是我將隻左眼用紗包遮住，扮獨眼龍都好過開眼見到鬼。
阿媽見我將隻左眼包到咁，於是又緊張地問咩事。
　
「頭先整親隻眼，呢家想去睇醫生……呀，同埋阿嵐喺台灣出咗事，佢行山失咗蹤，呢家仲未搵到。」我試著解釋。
　
「陰公囉，琴日先講起你表哥行山出事……唉也，你地啲後生嘅，做任何事都要做足安全架嘛！年中都唔知幾多人行山行到連條命都無咗！」
　
「阿嵐唔係自己一個去行山架，阿儀佢地都有陪，只係唔知佢地咩事……可以剩下阿嵐一個出事。」
　
「咁依家打算點做呀？」
　
「我本身都想過去，但依家咩都無消息，我趕到去都無用，唯有等多幾日睇下搵唔搵我返。」
　
「咁你隻眼呢？點整親架？」
　
「總之無嘢喇。」我實在唔想糾纏落去，阿媽太囉嗦。
　
我再次慢慢打開度大門，探頭出去，一片寂靜，亦無任何人同靈體，原來有冇開到陰陽眼係差咁遠，雖然我見唔到，但頭先兩批鬼列隊嘅畫面仍然深深刻喺我腦海之中，攪到我都唔敢拍住牆行，盡量行正中間……
　
當我去到阿健屋企個攤擋，見到有個女人同阿健不斷糾纏。
　
「我點都唔會信呢支下簽係比我！你地都唔識解簽嘅！喺到呃飯食！」個女人好惡咁大聲罵阿健。
　
阿健無奈地回應：「簽係你自己求，又係你嚟問我，我都係照住簽文有嗰句講嗰句姐！有咩理由唔岩聽就怪我呃你？」
　
「總之我係求我同我老公洗唔洗坐監，如果個天話我知我係要坐監嘅！咁我寧願死咗去呀！都唔會坐監呀！」說罷，個女仔將支簽同簽文掟向阿健到，然後放低廿蚊就走人。
　
「嘩，攪咩？」我問。
　
「你睇下！比人罵到隻狗咁先賺得廿蚊雞！」阿健一臉埋怨，然後留意到我隻左眼，於是再問：「攪咩變咗獨眼龍？」
　
「我就係為咗隻眼嚟搵你。」於是我將琴晚嘅事一五一十講比佢知。
　
阿健聽完後，話要想睇下我隻眼，於是慢慢將紗布打開，我左眼望住佢雙眼，只見阿健冷汗都出埋，於是放返紗布落嚟。
　
「做咩？你見到咩？」我問。
　
阿健心有餘悸地說：「我隱若見到有隻手。」
　
佢咁講令我個心離一離，同我發嘅夢一樣。
　
我緊張地回應：「咁點算呀？快手同我封咗隻眼佢喇！我唔想見到呢啲嘢。」
　
「你話封就封咩，你呢家隻眼本身都唔係靠開眼得嚟，似係有事想你幫手。」
　
「冷氣機滴水姐！有咩嘢要我幫手呀？」
　
「你真係覺得嗰滴水係冷氣機？我就覺得唔係。通常一滴水可以令到你開眼，一係屍油，一係屍水。姐係話你琴晚經過嗰度可能有死屍無比人發現，而屍水滴出去就係想有人發現到。」阿健按照情理分析，但佢都係估估下，無咩實際信心。
　
「我記得滴水位喺邊到，喺土瓜灣益豐大廈！我係咪要報警？」
　
「痴線咩！我估咋！萬一估錯咁點！」
　
「趁天未黑，我地去嗰到睇下。」我見阿健個樣唔係好想去，但佢又意識到我隻左眼的確會造成好大影響，於是唯有無奈答應。
　
喺阿健收恰工具期間，我將阿嵐失蹤嘅消息話比佢知。佢臉色一沉，叫我有心理準備。
　
「香港我知有結界，但台灣都有咩？」
　
「點解無？台灣山林面績大過香港咁多，大把山神鬼怪喺到呀！不過我估阿嵐唔會咁黑仔遇到嘅……放心喇。」阿健呢句說話先令我最唔放心。
　
我同阿健離開黃大仙去土瓜灣進發。
　
我地兩個經過一條馬路，阿健突然話：「屌，個女人仲喺到。」我遠望過去，原來係頭先求簽個女人。
　
「佢話佢同老公惹上官非，問神靈要唔要坐監，點知抽到支下下簽，於是我咪話佢地今次走唔甩，佢就唔岩聽喺到發脾氣話死都唔會坐監。」阿健解釋。
　
我望住個女人慢慢過馬路，心諗坐監總好過死呀？
　
突然，有架貨車突然駛過嚟，將個女人撞開，一聲巨響，將所有人嚇呆。
　
在場所有人都紛紛散去，部份人即刻拎起電話報警。我地各人都見到個女人被架貨車撞到彈開幾米邊，只見佢頭向下，全身郁都唔郁，似乎受到好大傷害。
　
阿健捉緊我，然後叫我除低紗布望下。
　
「痴線咩！做咩除呀？」我完全唔理解呢個行為目的係咩。
　
「頭先我明明見住係紅燈，無理由個個都唔行，得個女人走出去。通常呢類交通意外一半都係鬼造成，你望下現場有冇啲咩唔對路。」
　
我吞一吞口水，感受到我隻手震哂，於是慢慢用手將紗布揭開。
　
一望之下，見到有個全身肥腫嘅男人企喺馬路邊，佢呢種身型完全唔似人類，頭先更加見佢唔到。當我驚訝咁望住佢時，佢似乎意識到有人望住佢，於是轉身向住我。
　
我嚇到即時將紗布放番落嚟，冷汗盡出，短短幾秒間我已經體力透支，呢種恐懼完全難以平伏。究竟平時有陰陽眼嘅人可以點樣正常生活，只要見到呢啲嘢，我就嚇到腳都軟埋。
　
「點呀？見到咩？」阿健問。
　
「一個身型好漲嘅男人，好似成個人都充咗氣咁，漲到我都唔係好認到佢個樣係點。」
　
「吓？好漲嘅男人？」
　
大概十五分鐘左右，由於無人敢郁個傷者，所以一直企喺身旁等救護車。直至救護員到達時候先開始郁動個女人，一郁之下，驚見個女人個頭面向水氹，長時間失去意識臉向水氹，就算撞唔死都窒息而死。
　
只見警方都拎個裝死人嘅綠袋出嚟，大家就知個女人已經救唔返。
　
呢個時候，腦海諗起個女人講過一句：「如果個天話我知我係要坐監嘅！咁我寧願死咗去呀！」
　
我同阿健帶住沉重心情離開現場，終於入黑時候到達土瓜灣益豐大廈。
　
　
《待續》

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

1. 聽晚九點，重製修正版《失蹤》進行預訂，限量預購，書展發貨。
2. 最後呢次機會買《失蹤》喇～未睇過或之前買唔到就記得要搶。

記得like 留言同share呀 ＝」

最後一句
聽晚九點，要搶，轉數快或信用卡