[#gfmurmur9593•上] (#gfmurmur9582:續) 我係9582的po主，我睇左大家留言....其實封存段對話係save落我舊手機到，我當初save低，我都估唔到會比男朋友睇到，因為我覺得果段日子係值得留下的人生往事，所以我冇選擇del..... 主要係因為果時我失戀，個追我的男仔唔靚仔，但係好識同人相處（果段時間佢將我係低潮拉起），相返我男朋友靚仔好多，但係我之前分手都係因為ex靚仔但好花心，出軌比我發現，所以我男朋友開始追我果陣，我下意識覺得靚仔冇本心，而另外個男仔唔算靚仔但係好識同人溝通，超級nice，但我男朋友佢溝通真係好差好差，真係完全唔識點同女仔相處....追人傾計的方法又真係好有問題（我直接覺得果個男仔係好男仔，而我男朋友佢就係搵獵物的渣男...）....所以果半年我先對追我的男朋友特別特別mean（ex出軌，當時都唸住報復返d渣男，所以用左好多好hurt的方法特登為難同冷處理佢，但我都完全冇估到我男朋友竟然係完全冇拍過拖.........我都好後悔） 本身男朋友佢話左分手，我都想主動去氹下佢，但係我又唔想做到咁cheap，好似求佢鐘意我，所以我都冇搵佢，我以為佢自己嬲一陣就冇事，會好似以前咁主動氹返我。但係過左兩個星期，佢冇咁做，我唯有自己主動搵下佢，本身佢都好冷淡，係我以死相逼佢先肯再同我交流，但係件事發展到好似我係一直推緊佢走.... 我認五年黎係9成佢付出，1成係我，唔係我唔愛佢，而係佢太熱情，太錫我，太溫柔體貼，我認我都習慣左佢的溫柔體貼。5年前，佢仲係一個窮小子，咩都冇，係我陪到佢宜家咩都有曬，以前佢又唔識保養，又唔識打扮，又唔識氹女仔，係我教同執到佢變到今日咁，宜家佢事業開始進入爆發期，個個都話叻仔，我係朋友到知道佢d三姑六婆知道佢單身左，就係咁介紹d女仔比佢識，激到我爆炸想殺人，我冇發癲係因為知道佢拒絕左，但係之前佢公司有一堆新人associate，其中幾個狐狸精一直係咁靠近佢，有一個仲係狐狸精，我男朋友份人又係d爛好人，成日話人地果班後生associate（一堆人有男有女，但其中個狐狸精特別主動，好似發曬情咁，癡線）係想學野，唔好太敏感，又成日覺得自己身為上司要有責任blah blah blah，要好似佢以前上司咁帶住班新人，之前我男朋友佢冇講分手前，個八婆擺明係狐狸精係咁主動，我男朋友佢d messages就冇咩特別，但係果個狐狸精associate擺到明係咁撩佢，佢仲一本正經教人，話人地新人面對上司講野，恭維熱情d係正常，仲話呢個associate係有上進心blah blah blah，但最後我都發脾氣逼左男朋友調個死人狐狸精去其他department，個狐狸精都冇機會再接觸我男朋友，加埋佢自己都驚我嬲所以冇再比個狐狸精接近。 但係呢排我先知個狐狸精可能聽到男朋友的同事話佢分左手（我有check佢wts，唔係佢主動搵同提及自己分手比個女仔，係個八婆一直想做第三者），就起勢癡埋我男朋友到，係咁勾引佢（個八婆係發情期間，係咁係ig po d泳裝啊，行山相啊，健身相啊，方死人地睇唔到佢身材，心口有d肉咁樣，我男朋友都冇like（我禁止過佢like人地暴露相），但係唔知係咪咁，條八婆send的頻率就更加高，真係唔要面到，癡線）（本身男朋友佢唔肯比手機我睇，佢都嬲緊我之前單野，我問佢係咪出軌，佢話佢冇，係怕我會唸歪，我以死相逼佢先肯比我睇wts記錄），一睇，睇到我火都黎，真係人賤無敵，個八婆一開始係咁關心佢，又起勢八卦我地兩個d野，話咩“啊，xx你咁好，你女友實幸福死人啦“ “x哥你女朋友真係好幸福啊，如果我以前識到你幾好，唔洗遇到d壞人“ （我男朋友總算知道分寸，聽到扮咩都唔知，冇理冇覆呢d message） 個八婆繼續係咁一直旁敲側擊勁耐，到我男朋友是但講左句我地鬧左架，個八婆發曬春咁係咁關心佢，我男朋友可能終於意識到d野，所以擺到明好冷淡，佢就死都唔肯放手，日日就係早午晚係咁出動溫柔攻勢，死賤人，（佢有時仲要特登OT等我男朋友做完野，係咁搵機會要我男朋友車佢一起走.....啊啊啊啊，激死我啦），最後仲要表埋白，當然比我男朋友拒絕左（都算令我安慰小小），叫返佢珍惜自己青春，唔好浪費係佢身上，結果個八婆話咩“我好愛好愛你，我追求我想要的感情有冇錯？我愛你有冇錯？”，正一賤人，仲話佢唔會放棄的，真係唔要面到極致（我男朋友淨係識冷漠同叫人唔好浪費青春，啊啊啊啊，激死我啦），我問佢點解唔block左佢，係咪鐘意左人地？鐘意人地扮出黎比佢睇果種溫柔體貼？鐘意人地心口d肉？係咪報復緊我？要hurt返我轉頭？ 佢同我講，佢當初比我block過一個月，好難過好難過，所以話比人鐘意應該係一件值得感恩的事，唔好hurt一個勇敢對自己表達善意的人，要妥善處理（大佬啊，善咩意啊？）（我覺得佢鬧緊我，比說話我聽，我覺得佢動左心，聽完我好嬲好嬲，我就打左佢一巴（我唔係港女...呢次都係我第一次打佢） . . (#gfmurmur9593:續•下) ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig #香港 #情侶 #香港情侶

- 0910 〔感情意見〕巴 25 - 清醒時候的說話 - 上一段感情唔係和平分手 對方俾咗好多頂帽我戴，而且分手前後對我作出好多騷擾行為 用各種方法影響我日常生活 包括黑社會，嚴重影響我工作家人朋友 我俾佢逼到有精神病，經常有自殺念頭 我唔可以正常咁返工，因為我再受唔住任何人嘅情緒，包括屋企人 所以我經常同屋企人有衝突 - 我每一日都留喺屋企，好似等死咁 最後因為現實條件我都係要去返工 因為我嘅病，我係連少少負面情緒都唔可以受 可能公司嘅人唔係鬧我，但係我已經會好頭痛好辛苦 所以我盡量避免同人有私下嘅接觸 - 因為工作環境我識咗而家嘅女朋友 女朋友算係我公司嘅客人，佢私底下同我溝通，對住我好主動 即使我點樣拒絕都好，佢都一直去關心我，陪住我 最後我哋一齊咗 - 每個女朋友都會想人氹 但因為我一直都冇辦法接受人哋嘅負面情緒 可能有時佢淨係想我氹先發小脾氣 我都會以為好大件事，之後我會自閉兩三日，最後都係佢氹我 - 我同佢講過，我雖然愛佢，但我嘅情況，會不停傷害佢 希望佢考慮清楚繼唔繼續落去 但佢都好堅持，佢話想我改，但係我改嘅速度唔及佢預期 唔知點解我真係好冇安全感 即使佢同我講佢唔會走 每一次佢可能講一啲普通嘅嘢，我都以為佢想離開我 我就會好惡咁問佢你快啲講 但係最後原來佢只不過係問我一啲好普通嘅嘢 - 我知道我再咁落去佢會好辛苦 但係當佢一有少少負面嘅情緒我已經頂唔順... - 以上係喺清醒嘅時候打嘅 圖：瞭解不多也無妨是一家人 #濕9感情台

#菇獁心事台 ―――――*☼*――――― 10/9/2020 15:31:09 男 18-25歲 偷食/捉姦經歷分享會 綠而不知 "我好想搵個platform可以share以下嘅事,因為實在諗唔到係邊度講好. 事緣係咁嘅,我撞見過幾次朋友嘅女朋友喺街拖住第二個男仔,但個男仔唔係我朋友. 其中有一次同屋企人去酒店食飯,見到佢哋拖住手check in,原本以為個女仔同我朋友分咗手又以為係自己睇錯,但應該冇乜可能會識錯人,因為我哋都見過同食過幾次飯. 所以諗住問下朋友依排點,咁耐冇見不如出嚟飲嘢同安慰佢. 直到飲嘢嗰晚,我先知原來佢哋未分手,而朋友又好苦惱,話女朋友依排成日唔理佢,又成日小題大做,氹完第二日又因為其他嘢嬲過,而且女朋友仲轉咗新工而見少咗好多,即使見,都會keep住睇同覆其他人message. 就連早排屋企人生日,女朋友可以失蹤咗成個鐘, 打電話,wts都唔聽同唔覆,結果到最後全部人等佢一個. 我當下真係呆咗, 唔知點安慰佢, 唔知點開口同佢講你女朋友綠咗你, 其他知道依件事嘅朋友, 有不停send啲綠色emoji出嚟, 但朋友都未知發生咩事. 到依幾日, 朋友喺wts gp話佢女朋友又提分手,但佢仲好愛個女仔,想追返佢. 雖然依家我朋友cool煲成功,但係尋晚又有另一個朋友喺旺角見到個女仔拖住個男仔,同我之前見到嘅係同一個,我哋都好想同朋友講,想俾相佢睇,但係我哋又好驚佢會崩潰,所以想用一個方法將個傷害到減到最低. 如果你睇到呢個post,希望你會知道我係講緊你,亦都希望你小心啲你女朋友." ―――――*☼*――――― 菇獁日常 @guma.pig 漁絵師 @tsurieshi.shop ―――――*☼*――――― #情侶 #插畫 #香港 #香港插畫 #hkig #illustration #日常 #紀錄 #情侶日常 #偷食 #讀者投稿