☁️武俠主題cafe • 笑林寺☁️ . 笑林寺 Cloud Nine @cloudnine_wanchai 📍 灣仔摩理臣山道33號地舖 . 呢間位於灣仔嘅武俠主題cafe 笑林寺 @cloudnine_wanchai ，係一間玩味十足嘅餐廳，店內嘅枱、櫈、擺設都帶有中國風，而佢哋嘅食物同飲品都均以武俠小說作家金庸筆下嘅小說嚟取名，所以落單時候相當攪笑🤣 食物質素都不錯，即叫即煮，仲要喺黃店𠻹💛 . 🍄 草上飛 Portobello Pesto Spaghetti $82 🐟 桃花島 Sour Cream Spaghetti $89 ☕️ 化骨綿掌 Cappuccino $40 . #hk#hkig#hkfood#hkfoodie#hongkong#hongkongfood#hongkongfoodie#hkfoodlover#hkgirl#hkrestaurant#hkeatfoodblogger#foodporn#foodie#foodreview#topcitybites#topcitybites#topcitybiteshk#食好西#覓食#香港美食#香港#食評#銅鑼灣#銅鑼灣美食#causewaybay#hkcafe#hkdessert#笑林寺#cloudnine#灣仔美食#灣仔

古龍曾經寫過，年少時很不喜歡王度廬的書，但是思想成熟後就有了轉變，「到了我生命中某一個階段中，我忽然發現我最喜愛的武俠小說作家竟然是王度廬。」 還有，古龍創作的陸小鳳著名絕技「靈犀一指」，靈感也顯然是取自王度廬《鶴驚崑崙》裡面一個小場面。 #王度廬 #古龍 #鶴驚崑崙 #陸小鳳 #靈犀一指 #武俠文化 #武俠 #武俠小說

浪漫月巴睇2000（24） 【總係好似爭咗副眼鏡的張無忌】 我已經完全冇睇電視（這不是甚麼生活姿態的展示，而只是生活習慣的改變），但我的確是睇電視大的一代。 1.正正式式認識金庸，是因為黃蓉——嚴格來說是由翁美玲演繹的黃蓉。 2.因為翁美玲 / 黃蓉，令當時讀緊小學出晒名又蠢又呆的我堅信：蠢 & 呆不成問題，畢竟又蠢又呆的郭靖﹐竟然冧到咁可愛的黃蓉，一樣可以得到幸福！ 3.1983年那齣分三輯播放的《射鵰英雄傳》，是我人生中首齣有意識地追看的劇集。好記得，每逢播完一集，屋企的大人都會話：原著仲好睇啦。我心想，原著點會仲好睇？原著都冇翁美玲。 4.《射鵰》後的《神鵰俠侶》，又是好睇，但可能楊過（的演繹者劉德華）太型，而相比起符碌的郭靖，楊過成為絕世高手的過程實在太慘無人道，我實在不願意成為他——除了練「玉女心經」嗰一Part。記憶中，練「玉女心經」那一場，楊過 / 劉德華和小龍女 / 陳玉蓮的上半身都是赤裸（我不知道下半身有冇裸埋）……第二日返學，原來班裡幾乎所有男同學都有睇呢一場，於是那一天的男生話題便圍繞著：自己最想同邊（幾）位女同學苦練「玉女心經」。同樣，每逢播完一集《神鵰》，屋企的大人都會話：原著仲好睇啦。我心想，原著點會仲好睇？原著都冇得睇裸體。 5.在中五暑假至中六上學期，終於看了《射鵰》、《神鵰》、《倚天》原著，鍾意到不得了，鍾意那種有真實歷史人物穿插其中的寫法，由於太鍾意，我也忍唔住開始寫武俠小說，而且是寫金庸那一類融合歷史的武俠小說，結果先後寫了兩個短篇：《決鬥五峰山》和《飛天神鼠》，並在（自己有份做編輯的）中文學會刊物發表…… 6.那一年，我立志要做武俠小說作家，而為了完成心願，我同自己講大學時必需入讀歷史系！結果，我真的入了中大歷史系，又結果，書讀得唔好，小說也寫不成……但這段經歷跟本文完全無關，按下不表。 7.當日看《射鵰》《神鵰》，我未睇過原著，會將電視畫面提供給我的全盤接收；1994年那齣台灣版《倚天屠龍記》播出時，我則是以「睇過原著」的心態去睇，去審視，結果發現：周海媚做周芷若實在完美到不得了，葉童做趙敏就爭咁啲嘢啦（我透過金庸文字自行構想的趙敏應該是好美艷的），至於馬景濤……不是做得不盡力，就是嫌他太盡力，經他演繹下的張無忌，無時無刻都很激動——Why我覺得他很激動？因為馬景濤每一集都會大嗌，但回看原著，張無忌好似冇乜點嗌過。 8.但原來，一個Keep住大嗌的張無忌，點都好過由吳啟華扮演張無忌。2001年TBB那齣《倚天》，好Crazy，竟然找來（憑）程至美（回到正途並成為師奶殺手的吳啟華）去演張無忌，以致我諗埋一邊：張生 / 吳生係咪應該戴番副金絲眼鏡先去學九陽神功才像樣呢？這次改編也暴露了一個問題：那些簡陋廠景真的好礙眼。 9. 最後一齣我有追睇的金庸小說電視劇，是2009年的大陸版《倚天》，撇除鄧超扮張無忌成日縮膊，好似有肩頸痛外，我還看見了一種有別於過往所有改編的手法——大量使用（不成熟的）CG。打到噴血？會加上CG血；展現小說中那些人間秘境的優美？就加上兩隻飛行中的CG Bird……有一種為了證明「我哋都有資源去做CG」的感覺。 10.問題是：「有資源但用得不恰當」大鑊啲？抑或「根本再冇資源可以動用」大鑊啲？香港的電視台已經不會再改編金庸小說，不計角色人選（難道叫蕭正楠黃翠如扮好郭靖俏黃蓉？），單計場景已經玩死，唔通跟肥媽去大灣區拍？ （原文刊於 @am730hk ） #浪漫月巴睇2000