【靳民知：古典「進步派」與特朗普的美國悲劇】

大家慣常對左翼與右翼的理解，是前者代表社會／共產主義，後者等於資本主義。「姓社姓資」的爭論，不單止在中國共產黨，在美國也有，只不過「正邪」的定位剛剛相反。所以，美國長年對左翼思想及政治制度有一定免疫力，不會出現社會黨或共產黨打正旗號上台執政之局面。

美國政府施政吸納一點左傾政策，並非晚近之事。南北戰爭結束後，美國完全踏入工業革命時代；貧富懸殊問題也隨之而來。下層有此起彼落的工運，至於上層的共和民主兩黨內，都有力主改革的「進步派」人士，透過立法改善工人待遇及工作環境 － 前者的代表是第廿六任（1901年至1909年）總統老羅斯福，後者則有第廿八任（1913年至1921年）總統威爾遜。美國政治史通常把這段時期稱為「進步時代」（Progressive Era）。當代的左翼自由派，由於自認從列根時代起，「Liberal」一字受到過度醜化，故自稱「進步派」。

老羅斯福同時是「善意帝國主義」者，為了「文明開化」的緣故，控制菲律賓及古巴等地；至於威爾遜則兼具重建國際秩序的理想主義，又深信白種優越主義之複雜屬性 － 當時的極左派，才是四處暗殺政要及放炸彈的無政府主義者。

後來，俄國十月革命爆發，威氏更親自操刀，主理美國第一波之反共潮（廿多三十年後的「麥卡錫主義」乃第二波）。故與當下的「進步派」，除了經濟意識形態大方向外，其餘觀點根本南轅北轍。當然，時至今日，連「進步派」一詞也沾染了「雙重思考」的奧威爾式味道。

全文︰http://www.passiontimes.hk/article/03-20-2021/71192

（編按：本文刊載於熱血時報印刷版第90期。熱血時報印刷版訂閱連結：http://www.passiontimes.hk/4.0/regform.php）

#靳民知

請支持PassionPrime：
http://passiontimes.hk/prime/

請支持熱血時報印刷版︰
http://passiontimes.hk/4.0/regform.php

請支持熱血文青課金計劃：
http://www.passiontimes.hk/?view=raise2

請支持熱血主持育成計劃：
http://www.passiontimes.hk/?view=raise

《熱血時報》 iOS，Android App 歡迎下載：

iPhone
https://apple.co/2IfgPoP

Android
https://bit.ly/2HqB4Q4
--------------------
成功之前，我們絕對不要放棄夢想！
Till our dreams come true, we'll fight on.

//本Page Patreon經已開通，請訂閱支持本Page運作，謝謝！ 連結： https://bit.ly/2TvzIaF //

//我對於熱狗當然有自己睇法，不過呢啲Juicy嘢就留番Patreon先講，haha！//

我諗幾乎所有會睇呢篇文嘅人都知咩係熱狗，但就未必個個知道咩叫AB團，所以先容許我講一個有啲冗長嘅歷史故事。話說響1930年，當時二萬五千里長征仲未發生。毛澤東響江西蘇區作為領導人，仲有好多地方共黨組織睇唔起佢、拒絕服從命令，於是就響「二七會議」上面，突然發動咗「打AB團」呢場清算運動。

咁究竟咩叫AB團呢？佢全寫係反布爾什維克黨（Anti-Bolshevik），其實係1927年當國民黨仲控制緊江西省時，為咗清除潛伏共產黨所成立嘅組織。問題係AB團只僅僅成立三個月就因為被共產黨反擊而潰散，而日後國民黨亦從來將佢重組過。

但係毛澤東響「二七會議」上面堅決表示，AB團唔單止仍然存在，仲經已滲透至黨嘅各級各層，所以要立刻進行「打AB團」運動，並且立刻將佢兩大政敵江漢波同李文林從領導位置打落黎。毛澤東並無因此而滿足，佢聲稱「AB團非常陰險狡猾，決不肯招認自己身份，所以要反覆使用嚴刑迫供，直至承認為止，然後立刻槍決」。

本來江西共黨各個地方組織，經已迅速逮捕咗1000個懷疑AB團成員出黎，但毛澤東認為無可能咁少，要各地方幹部繼續交新嘅名單上黎。地方領導無奈之下愈拉愈多，甚至用到「燒陰戶、割乳頭」方式迫嫌疑者迅速承認自己AB團身份，然後即判死刑。

結果響「打AB團」果一年入面，一支4萬人嘅軍隊可以有1萬人被指為AB團成員，所有反對毛澤東嘅將領都係AB團間諜；所有反毛澤東嘅會議都係AB團召開嘅會議……呢種清算一直到毛澤東完全掌握江西蘇區指揮權先至正式平息。

因為「打AB團」死咁多人，但事實上根本無可能有咁多AB團存在，甚至去到1930年仲有無AB團都成疑問；有趣嘅係，當毛澤東奪權成功，AB團就突然間完全消失了。而「打AB團」日後就變成咗內部鬥爭清算嘅模式，只不過改咗名成為「反右」、「三反五反」、「反革命」而已。

================

然後我地跳去現代，講下熱狗。直到呢一刻熱血公民仍然存在，但同佢地巔峰時期相比，經已萎縮得好犀利。萎縮嘅原因除咗同黃毓民決裂，失去咗後者嘅影響力之外，同佢地果種好古怪嘅政治路線亦有關係。

由於呢篇文個主題唔係剖析熱血公民本身，所以就唔詳細分析，但只可以講佢地而家比較似嘅係一種Cult教團式組織，成員同支持者都非常團結，但同時排他性亦非常強，唔容許其他人對佢組織有半分批評，呢樣嘢我係感受至深，因為通常我只係輕輕咁批評熱狗少少嘢，好快果班熱狗就會好似烏蠅咁摟上黎，而我通常都明白同教徒講道理係多餘嘅，所以多數都係唔會理。

基本上熱狗係將所有中立人士視之為敵人看待，所以好難壯大成一個主流政黨，就連鄭松泰自己都甘於自稱為「1:69」，唔客氣講句，響共產黨眼中熱狗就係「不足為患」。

奇怪嘅係，同熱血公民實際嘅影響力相反，你響網絡上、政壇人士嘅批評上，「熱狗」卻係最常見嘅詞彙。熱狗響飯民黃屍眼中，好似係一種神通廣大、無處不在嘅敵人，甚至直情會影響到香港民主嘅發展前途──即係如果你真係相信現實世界真係有咁多熱狗，區議會佢地應該至少選倒100席，今屆立法會至少每區兩席先至合乎番比例。

點解飯民及其支持者所吹捧嘅熱狗威脅，同現實世界熱狗嘅真正影響力可以相差咁遠，簡直好似係兩個平行世界發生嘅事呢？結論只有一個。就係飯民大台刻意將所有對飯民不滿嘅人，全部歸納成熱狗。

又問，點解要將所有反對飯民嘅人都歸類成熱狗呢？原因有三：

1. 而家對於飯民嘅批評，好多都係有其道理的，對有道理嘅批評嘅方法就只有兩個：一係老實承認批評進行改正，一係將批評抹黑成敵對勢力進行分化──飯民既然唔願意面對批評，自然毫不猶疑選擇抹黑。

2. 又由於好多對於飯民嘅批評，都係要求佢進行分權、改革、整肅無能領導，呢啲攻擊同共產黨嘅攻擊係完全唔同，例如你無可能話「批評飯民議員支持水炮車撥款係共產黨嘅奸計，大家千祈唔好信」；你一定要塑造一個內部敵人出黎，呢種抹黑先可以合理化：即係如果你話「批評飯民議員支持水炮車撥款係熱狗分化嘅奸計，大家千祈唔好信」，成件事就有說服力好多。

3. 呢個內部敵人威脅一定要夠大，否則無人會有危機感，團結一致而放棄思考。曾幾何時，本土派嘅風頭一時無兩，唾棄飯民嘅組織此起彼落；所以社民連、人民力量、本民前同青年新政都有被批評過收共產黨錢。但去到今時今日，呢啲敵對嘅組織解散嘅解散、轉軚嘅轉軚，退出政黨嘅退出政黨。飯民要搵一個戰靶所有批評佢地嘅敵人係比較困難，最終就選擇熱狗，因為熱狗可以話係目前政壇入面僅存一個仍然對對飯民充滿敵意、多加批評嘅具規模組織；

聽到呢度，我諗大家應該明白我所謂「熱狗就是AB團」係咩意思。毛澤東點解要揀AB團作為一個虛假敵人？因為國民黨係無辦法分化倒共產黨，但AB團可以。AB團係實際存在過嘅組織，可以比倒黨員好大嘅危機感。然而現實世界根本就無咁多AB團，所以去到後期，毛澤東只係將所有佢睇唔過眼嘅敵人打哂做AB團，甚至開創咗「逢親係AB團嘅人都唔會承認自己係AB團」呢個無敵邏輯──基本上同今日飯民用嘅「所有批評飯民嘅人都係熱狗」係一模一樣。

所以大家唔好奇怪，今時今日好多開口埋口「你分化你熱狗」嘅黃屍飯粉，好多係連熱血公民本身係咩一回事都唔知；甚至乎當你開口屌埋鄭松泰，佢都仍然會堅持你係熱狗。呢種「打AB團」、「被熱狗」嘅抹黑手涉當然亦有三大好處：

1. 可以麻痺支持者嘅神經、令佢地懶於思考，只將黨內／大台內一切問題歸咎於於一個統一嘅敵人，總之就係AB團／熱狗搞事，至於毛澤東／飯民本身有咩問題就順理成章歸納成「被AB團／熱狗陷害」

2. 將呢種內部敵人嘅威脅誇大化亦可以營造一種危機感，作為一種打壓異見嘅約束：當大家都知道只要提出異議就會被打成AB團／熱狗，會被作叛徒身份看待，好快大家就會因為驚「被熱狗」而唔敢出聲；更甚者有啲成員更會掉番轉用呢種恐慌去清除異己，將睇唔順眼嘅人屈成熱狗，享受權力快感

我識得某啲無恥嘅左膠甚至乾脆承認「而家熱狗只係一個形容詞，並唔係你真係熱狗先會被話係熱狗」，總之你比佢睇唔順眼，你就係熱狗，然後就會比黃屍圍剿

3. 最後，當塑造咗一個強大嘅內部敵人，就可以順理成章剝奪支持者選擇嘅自由──喂而家有熱狗鎅票呀，你仲同我講反對黃碧雲參選？莫乃光梁繼昌李國麟支持水炮車撥款？佢遠得過鄭松泰黃洋達分裂飯民咩？總之邊個唔投飯民大台推薦名單嘅，邊個就係熱狗！

經過四篇分化系列，結論係比我再一次證實，而家飯民大台所玩弄嘅手段，其實同當年法國大革命嘅白色恐怖、共產黨同毛澤東玩弄嘅政治迫害同語言偽術，基本上係同出一轍，然後我問大家，你真心相信飯民大台攞倒35+之後就會比倒大家真正民主？

定係日後又會以「熱狗仍然響內部分化緊我地，所以仍然唔可以投大台以外嘅候選人」黎永續自己嘅獨裁權力？

片：921元朗。防暴退至馬路，街坊拍手叫好。

剛好入了元朗。晚上九時多，走在鳳琴街附近，遇到黑衣隊伍。大家未知去向，有街坊在告知他們哪裡有防暴，哪方向較安全，也有人勸人換衫離開。

到了姐家，擔憂街上的人，再到樓下繞個圈看看。從停車場看出去，一班防暴突然出現，近距離佈防。「黑警！」「你哋咁樣我哋好驚囉。」隔著圍欄，身旁居民紛紛投訴。一中年便衣警員從街上看過來，大罵：「驚就返屋企啦！」大家同聲回應：「呢度我屋企呀！」便衣怒瞧我們，唸唸有詞。居民不甘示弱：「嘩我好驚呀。」「控制情緒啦阿sir。」

防暴繼續佇在街頭，居民呼聲此起彼落。「黑警！黑警！」「走啦，呃OT錢！」「七二一，唔見人！八三一，打死人！」「你跌咗嘢呀。」「過街老鼠！」身邊全是街坊，對警隊的怨恨仿佛是共識。

在會所工作的姨姨無法下班，一直跟我們站在一起。她說，「不要緊，我支持的。」再一起喊口號。此時，近十個人圍著一個被補的青年，在面前走過。「咁多人捉一個，又蝦細路！」「白衫人捉咗未？」

停車場內，人們不時走來走去看形勢。有人問我們要車回家嗎。再看出去，不知何時，糖水店外，街坊和防暴對峙起來。有一女聲高呼：「呀！」其他人和應：「死黑警，又唔做嘢⋯⋯」防暴變陣向後退，街坊繼續聲討，期間一直有人大喊「黑警！」「黑社會！」「走啦！」。防暴退至馬路中央。大家叫好。

不久，有人說舉了黑旗。車場內人群四散。遠處傳來卜卜聲，我們準備離開，過了一會催淚煙已傳來，眼睛刺痛苦澀。

附和權勢的人一直在抹黑，但許多人的眼睛還是澄明的。如果年輕的，想反抗的就是暴徒，我想不會有這麼多街坊夜半出來，一起對抗防暴警。亦不會有這麼多人，為青年指點方向，小心詢問有沒有人需要車回家。

相反，居民對警隊的反應，是如此憤慨直接。不在示威現場，只在住宅樓下，口號與歌聲，仍是共同語言。凝聚在街頭的民意，其實很清楚。