【#愛護地球系列︱#IUCN】 睇新聞經常會聽到瀕危物種動物，而地球上的確有唔少物種正面臨絕種嘅危機。因此，就有「國際自然保護聯盟瀕危物種紅色名錄」嘅出現。 國際自然保護聯盟瀕危物種紅色名錄 (IUCN)，因為封面係紅色，所以又稱紅皮書。佢喺1964年開始編製，係目前最具權威、最全面嘅動物保護狀況嘅指標，當中共分成9個級別： 1. 滅絕：已經完全消失嘅物種，例子包括有恐龍、嘟嘟鳥、旅鴿等等，而我地最近介紹嘅滅絕物種系列就係呢一項。 2. 野外滅絕：目前喺野外已經完全冇棲息地而且滅絕，只生活喺培養或者圈養條件下嘅物種，例如夏威夷烏鴉。 3. 極危：野外種群面臨滅絕風險極高，例子有中華穿山甲、櫻花鉤吻鮭、伊比利亞猞猁 4. 瀕危：喺野外滅絕面臨高風險，例子有龍吐珠、長吻針鼴、豺、藍鯨、植物銀杏 5. 易危：喺近期內有較高機會受滅絕威脅，例子有大白鯊、大熊貓、印度豹 6. 近危：目前未受威脅，但喺未來有機會或符合受威脅嘅等級，可能喺不久將來變成瀕危，例子有金錢豹、歐亞水獺、鬃狼 7. 無危：受威脅嘅程度最低，保護現狀比較安全，而且有廣泛同豐富嘅族群。而我地，即係人類亦都屬於呢一類別 數據缺乏：指冇足夠嘅數據去評估其滅絕嘅風險，例子有窄體石龍子 未評估 ：尚未研究或評估物種，例子有盾蟒、虱目魚等等 其實仲有好多物種我地未詳細列出嚟。如果想了解更多，可以上IUCN睇佢地嘅研究同數據架：http://www.iucnredlist.org/ ------------------ ◆ 每日分享知識、每月提供課程 ◆ Beginneros網站：https://www.beginneros.com/ ◆ Youtube：https://goo.gl/OEJrGt ◆ 冷知識投稿：http://goo.gl/zEYS3q