凡事都有定期，天下萬務都有定時。傳道書3:1 伯伯今日終於第一次見醫生，正式開始服用標靶藥。 標靶藥物治療費用十分昂貴，而且對身體亦會產生副作用很多，而且可能會好辛苦和難受和痛苦。 希望神保守伯伯，希望唔好有太大的唔好反應🙏🏻 今日伯伯話所有嘢都係整定，如果唔係佢走來問我拎飯食，都唔會認識到我哋，伯伯話呢段日子係佢人生最開心嘅時間，所以亦係整定一定要信耶穌喎🙏🏻感謝主🙏🏻 平時伯伯見我常常買麵包比露宿者，今日伯伯突然比咗幾張麵包券叫我買比露宿者食，實在好感動。我絕對相信生命可以影響生命！ #願神醫治伯伯 #希望伯伯冇太大副作用

今日想分享一個乳癌病人嘅故事。 話說我地畢業之前都要考個試，要揀個case去做nursing care，然後再present返個care plan同結果俾個老師聽。我心裡面諗好想揾個mastectomy（全乳房切除手術）嘅 case，因為覺得簡單啲；但呢啲都係睇緣份，如果個病房喺考試日期前真係撞唔到有呢啲case，我都係要揀其他。點知喺我考試前幾日（上個月尾），真係俾我遇到有個MRM case（唔寫全寫喇，總之都係切除成個乳房組織嘅手術，不過唔會切除胸部肌肉）+axillary dissection（切除腋下淋巴）+breast reconstruction（乳房重建）。佢做乳房重建嘅方法係做咗個LD flap（背闊肌肌皮瓣），簡單啲來講即係將一忽背脊嘅皮膚、肌肉、血管同脂肪嘅組織穿過腋窩撥去前面心口位置整返個乳房嘅形狀，用返自己嘅組織去重建乳房就會自然啲。因為我咁啱上個sem先讀完乳癌嗰課，可以親眼睇下塊flap係點樣嘅、手術後要點樣護理，都係好寶貴嘅機會，於是我就去馬。 佢係一個43歲嘅女人，因為手術前打咗成幾個月化療，所以頭髮都甩晒。我同佢講我想揀佢呢個case考試，佢好nice咁話：「冇問題呀！幫到妳學野就緊係好啦！妳有咩想問隨時問我！」嗰下覺得佢真係好好人、好温柔。而我每次做完自己啲野行去佢張床，佢就即刻好主動咁話：「係咪有野想問我🤣」同佢溝通好開心好開心，大家有講有笑。佢仲話我好搞笑，哈。 不過有講有笑嘅背後，喺同佢傾計、問返佢內心感受嘅時候，都感受到好多嘅不安同擔憂。原來佢上年五月確診乳癌嗰陣，都只係乳房同腋下淋巴有癌細胞，如果做全乳房切除+腋下淋巴切除係應該可以徹底清除晒啲癌細胞。於是呢個姨姨就開始化療，目的係縮細佢個腫瘤先做手術。點知喺打晒化療之後，佢再做咗個PET Scan就睇到原來有擴散咗去bone L1（脊骨嘅其中一節），變相做手術都唔可以根治佢嘅病。呢個姨姨兩個小朋友都仲好細個（一個k1，一個小一），好深刻佢話：「我最驚嘅係唔知自己仲有幾多年命。」當兩個小朋友都仲係喺幼苗啱啱開始成長嘅階段，有好多野都未一齊經歷嘅時候，呢個都仲好年輕嘅媽媽就已經要面對可能好快就會失去佢地嘅擔憂，其實真係好令人心痛。加上佢做完手術仲要再做電療同開始荷爾蒙同標靶藥療程，標靶藥一個月都要二萬幾。佢做完手術嗰邊手臂嘅活動能力都有好大限制同需要特別嘅護理，令佢好多家務都唔係好做到。龐大嘅財政開支加上唔可以盡好做一個家庭主婦嘅責任，都令佢覺得好內疚，覺得自己成為咗屋企，特別係老公嘅負累。 除咗治療費用同復康嘅問題，佢仲面對每個乳癌病人都會面對嘅難處，就係身體外觀嘅轉變。呢個姨姨話：「醫生俾咗好多選擇我，例如做唔做重建，做嘅話又有得揀加唔加啲野入去⋯⋯我都係想做，雖然我本身都冇咩胸，但切咗就真係完全冇，做重建起碼有返少少自信心。」作為波平如鏡團體嘅一份子，我有時都會葡萄啲女仔身材好正🤣我諗就算有啲女人會冇咁在意有冇身材呢啲野，但女性特徵某程度上對一個女人來講都係好重要，係一種女性身份嘅象徵，亦可以好影響一個女人嘅自信。喺面對癌症嘅時候，當然健康係最重要，如果切咗個乳房就可以醫到個病，我諗每個病人都會咁做；但做呢個決定背後，好多病人同時面對住身體外觀嘅變化帶來嘅自卑感。慶幸醫療嘅進步真係為病人帶來好多幫助，就好似乳房重建手術咁，雖然重建嘅乳房一定唔會好似原本咁自然，但對本來冇呢個選擇嘅病人來講已經係好大嘅安慰。 我問到個姨姨屋企方面嘅support點嘅時候，佢話：「我老公都好錫我，佢有話如果做重建要搞咁多野，又要背脊多個傷口，移植過來嗰塊皮又有可能會壞死，就寧願我唔好做，最緊要係我健康喔～」我諗每個男人都一定唔會希望另一半冇咗可以突顯女性美嘅身體特徵，除咗影響觀感，仲可以影響雙方嘅性關係；但呢個姨姨嘅老公只係希望自己老婆平安做完手術，最少痛楚地康復，有胸定冇胸都唔係咁重要，我聽到都覺得好有愛。 其實乳癌喺香港都真係好普遍，上年我有個朋友嘅媽咪都發現咗有乳癌，喺治療嘅過程仲因為副作用太勁產生咗一啲情緒問題☹️所以喺抗癌嘅過程中，屋企人同另一半嘅支持真係超級重要（每種cancer都係啦）。今日情人節，我突然諗起呢個病人，唔知佢今日同老公點樣過情人節呢？所以我畫咗呢幅畫—— 佢個傷口包住紗布，個圓圈位就係嗰塊皮瓣（要間唔中check下嗰塊皮有冇血到），仲有一堆花喺佢心口位。雖然外面睇佢個樣唔係好似年輕健康時咁靚，但佢嘅內心係好善良好温暖，呢顆真誠嘅心先係最靚嘅，就好似花一樣燦爛。加咗啲蝴蝶係因為⋯我鍾意🤣同埋我好希望做完手術嘅佢可以有新嘅開始，蛻變成更堅強嘅自己。祝佢可以回復健康，可以睇住一對仔女成長，可以繼續以温柔善良嘅真心待人。 講真，喺呢個世代癌症已經愈來愈普遍，人類食嘅野多咗加工少咗天然，環境又多咗污染物呀致癌物，生活習慣又唔健康（有時都係生活所逼），情緒又好壓抑⋯⋯擁有健康都唔係必然，有千萬金錢都買唔到。但呢個姨姨特別提我：「我平時食野都好健康好清淡，所有野我都覺得冇乜特別唔健康，唯獨係運動，我覺得我真係缺乏嘅。雖然唔知關唔關事，但妳趁後生都要做多啲運動呀！」就算係運動健將都可以患癌，但做運動對身體一定係百利而無一害。所以順便鼓勵大家都一齊做下運動啦～最後，補返句情人節快樂，祝大家都揾到真心愛你嘅人。

💬(ENGLISH BELOW) 來到比利時的這兩週收到很多人的對Simon的關心，同時也收到不少人對於Simon的癌症感到好奇，會問：「他看起來沒事啊？精神不錯還可以跟你出去散步、騎車🧐」。這或許是皮膚癌患者最常遇到的誤解，適合皮膚癌患者的治療方式初期通常是手術切除，再來才是近一步的標靶治療、或是免疫治療。大家比較常見且熟悉會掉髮或者副作用較強烈的癌症治療方式多為化療或者放射療法，而這種療法其實不適合Simon的惡性黑色素瘤，因為效果不但不佳，轉移速度也快。 . 因此目前在接受免疫治療的他，大部分看起來精神都不錯，除了治療完後幾天體力會明顯虛弱以外，平時胃口也是不錯還是偶爾可以跟我耍白目一下🥴 . 皮膚癌在亞洲人身上較少見，基本上只要平時注意防曬，不碰日曬床都不會有什麼大礙，如果對自己身上突然出現的痣、或者斑點有疑慮，可以使用ABCDE法則來辨別良性、惡行痣的區別： . 🔸A（Asymmetry）：痣的外觀是否出現不對稱性 🔸B（Border）：邊緣是否呈現不規則或模糊不清的現象 🔸C（Color）：顏色是否不均且深淺不一 🔸D(Diameter）：大小是否超過六釐米，或持續變大的情形 🔸E（Elevation）：表面是否有不規則隆起 . . I’ve received quite an amount of DMs that were concerned of Simon’s situation as well as some questions like: “He seems fine, doesn’t look like a cancer patient” or “oh so he’s well enough to go cycling with you?” Questions like these are often misconceptions of skin cancer patients. Treatments that suit skin cancer patients usually begin with surgeries, then with followed up therapies like targeted therapy or immunotherapy. Most people are more familiar with treatments that are associated with hair loss and severe fatigue resulted from radiation therapy or chemotherapy, which is not the case for melanoma. As those treatments are not effective when treating melanoma and melanoma itself spreads faster and more aggressive than any other types of cancer. . . That’s why with immunotherapy, Simon is just fine and can do everything like everyone else, despite some occasional fatigue . . Though skin cancer is quite unlikely to occur among Asians, with the caution of daily application of sunscreen and the avoidance of sun beds, you should be just fine! Though if you were concern with moles or freckles that suddenly appear on your skin, you can follow the ABCDE assessment to quickly examine it yourself: . 🔸Asymmetry 🔸Border: is the border uneven or scalloped? 🔸Colour: multiple colours? 🔸Diameter/Dark: larger than 6mm 🔸Evolving: change in size, shape, colour.. . . #applyyoursunscreen #cancer #cancerawareness