浪漫月巴睇2000（166） 【阿卵不靚仔，愈睇愈好睇】 楊偉倫靚仔嗎？不排除有人獨具慧眼覺得他靚仔，但對大部分人來說，他肯定不及霆鋒靚仔，所以楊偉倫父母應該不怕自己個仔自小被寵壞。 1.有理由相信，大部分人未必答到你楊偉倫靚不靚仔——他們根本不知道楊偉倫是誰，自然不會知道這個姓楊名偉倫的人樣子如何。 2.他就是《大叔的愛》的平哥，那個跟Carmen姐野餐食手撕雞髀的平哥。 3.無論幾努力撕雞髀食，依然改變不了平哥命運，平哥在《大叔的愛》由始至終都只是陪襯，陪襯阿牧田田和KK，以一個丑角身份，得閒整些怪菜式叫阿牧試食。有他在，固然得；沒有了他？似乎也一樣得。他存在與否，不會對「大叔的愛Universe」構成問題。 4.阿卵心知肚明自己不會成為主角——他不是欠缺做主角的材料，而是欠缺（在擁抱主流價值的主流世界）做主角的樣子。他曾在訪問中自嘲：若有朝一日開拍《Simpson傳》，自己就可以做主角嘞。 5.你的樣子如何，你的日子也必如何。樣子天生，不夠靚的，固然可以後天執執佢，但回看阿卵，可不是執執佢就搞得掂，一天都光晒，而是要「散版」——這是紙媒行內術語，意指版面砌得太核突，要由頭砌過。 6.似Simpson，還勉強可以說成Cute，但問題是，阿卵個樣同時被認為似黃一飛、廖偉雄、那個壞咗的人（這已是最好的一個類比對象）以及——李X持，就算阿卵真的把心一橫，將自己個樣交由專業人士散版，完成品，也頂籠是一個李X持的比較順眼版。真係不好笑。 7.其實樣子與才華無關。其貎絕對Very不揚的阿卵，早就在劇場展露才華，只是我沒有看劇場的習慣，沒有踏足他存在的領土；是直到2017年，才真正看見他——W創作社《小人國6》，其中一Part單元《Hong Kong『黑的』》，阿卵化身「撚Chan」，一個有點粗魯會講下粗口亦即你同我都總會遇過的Taxi Driver，這個Taxi Driver可不是羅拔迪尼路，沒有因偶然接載未成年的茱迪科士打而變成英雄，命運只安排不幸的「撚Chan」，在銅鑼灣戴了兩個來自America的一男一女乞兒客，這Pair ABC，話要去灣仔會展，期間要求撚Chan兜路，又拆他咪錶自行調校，校到由正常跳錶變成濫收車資；這Pair ABC還即席做FB Live，直播搭乘香港黑的初體驗——我忘了在那短短十分鐘自己笑了幾多十次，只記得一度笑到嚴重氣促，而且，肯定不只我一個。那是還可以隨時大笑笑到氣促忘我的年份，香港地道人和事，還可以濃縮成一場十分鐘玩笑。 8.到了今年看《大MK日》已經笑不出——其實當然有笑，笑到氣促，但同時明白，箇中的笑墊住一層悲，悲但真地，展示了MK正在消逝，阿卵與兩個老死，只能在這場終將來臨的消逝前，一追再追，追回MK和自己種種已過去的；而他的角色，為了老婆（曾經是MK妹），為了個仔，為了有個相對美好的未來，決定離開MK，移民去天水圍。 9.回到現實，1982年出生、先天注定不靚仔的阿卵，在香港走著很多平凡人走過的路：平平凡凡，無心向學，學業失敗Repeat逃避，偶然發現鍾意演戲，一心考入演藝，但入學要求會考五科合格，當中包括英文，他自修重考，剛好合格，成功入讀，讀到懷疑自己，讀到差點想放棄，好彩被老師一言驚醒；畢業，入行做演員，即使明知自己做不成主角。 10.這個沒資格被寵壞的人，毫不靚仔，但愈睇愈好睇。 （原文刊於am730） #浪漫月巴睇2000

繼2019年12月睇完Cats之後， 上星期日終於再一次入戲院睇戲。 話說Club Lloyds一年有6張vue戲飛送， 上年完全無用過。。。 Vue就算唔係Club Lloyds 送戲飛都勁抵睇，只係£5 ja~! Shang Chi Legend of the Ten Rings 輕輕鬆鬆就完左2個鐘， 開頭睇得令人有d尷尬， 後段有少少感人， 不過未build up夠就完左。 ++++++少許劇透++++++++ * * * * * * * 成套戲整體感覺是 開頭勁Crazy Rich Asian feel, ->之後無lala 來個生死時速 -> 然後好一大段有d 似Iron Fist-> ->到有楊紫瓊就好Star Trek Discovery ->結局係咪應該形容為好Marvel? 🙈 梁朝偉真係撐起左成套戲， 見到有影評話太戲唔應該叫"尚氣"而係應該叫"文武" 😆因為梁朝偉先係主角。 陳法拉幾靚，做到好有氣質的感覺。 入面大肚的鏡頭唔知係咪真的在她大緊肚時拍呢! 主角呀妹有d驚喜， 幾鍾意她，把聲同英文好好聽。 男主角雖然有d角度似習大大， 但唔著衫個時有d睇頭， 著返衫就有時塊臉包包左d, 成個人好橫， 令人覺得他係腫而唔係大隻。。。 所以唔夠charm... Awkwafina幫手搞笑， 製造輕鬆氣氛， 不過2場唱K真係唔知做咩-.- 睇到人好老尷。。。 英文翻譯有d唔夠傳神， 其中相信係專登加插的對白「我食鹽多過你食米」完全譯唔出個意境來。 * * * * * ++++++++ 你又睇左未呢?

【 播足22年！商業二台音樂節目《短期租約》11月結束 】 _ 繼上周五（3/9）「叱咤903」商業二台DJ @colinmakkk Colin（麥濠麟）主持最後一集節目《廣東爆谷》並離開商台後，自一九九九年五月開始於同一頻道首播的經典深夜音樂節目《短期租約》，主持人兼現職商業一台創作主管的資深傳媒人鄺兆昌（Wasabi）周日晚（5/9）於節目開始後不久隨即宣布：「短期租約，約滿喇！」其後他在個人Instagram表示，2021年11月28日會播出《短期租約》最後一集，又指出他參與創作和演出的舞台劇《久天長地》會是近來最後一次公開演出。 _ 節目「休業」的消息一出，一班忠實聽眾隨即議論紛紛，其中有人直接問Wasabi：是否受到壓迫，他坦言並非如此。「係咪被壓迫？唔好太多想像啦！冇乜任何大嘅壓迫！」之後Wasabi解釋，決定要將一個播足22年的電台節目結束，跟年紀和體力有關，「始終我哋要接受一樣嘢就係，生命裏面係會有好多嘅轉變，有啲嘢係控制唔到㗎，譬如係年齡啦，年齡同心態係有唔同嘅。」開咪只是Wasabi的副業，平日本身已有很多正職的工作需要處理，工時長，但因為周日需要返電台為主持三個小時的節目做準備，他坦言：「中間有段好長嘅時間我係返七日工！」Wasabi承認，近年無論體力和精神消耗得相當快，「真係做少少嘢呢，都會令到個人好攰，咁就開始諗下，究竟每個星期日，我仲要做節目嘅話，咁我係需要調節我自己嘅心態呢？」 _ 對於是否離開商台，抑或停薪留職，Wasabi沒有明確交代，只是說：「唔好諗係咪公司唔要我，可幸都未係！」又指暫時未知道節目停播之後會有何打算，但最想可以休息半年，「因為我真係好需要瞓覺！」他又直言，明白聽眾對於節目結束會感到不捨和不習慣，但相信大家會隨時日過去而適應，對於會不會將來再度開咪，他在節目裏借播放RubberBand的新歌《Ciao》表明心意：「說了再見，真的可以再見嘅，但唔知幾時。」 _ Wasabi於一九九〇年加入商台，擔任廣告部文案撰稿人，又參加了為期三個月的DJ訓練班，黃偉文是其同班同學。隨後時任商業二台創作總監鄭丹瑞突然要求他需要負責主持一個一小時的雜誌式節目，只有一天時間撰寫計劃會和決定藝名，同事因為他喜歡吃山葵，因此建議他取藝名Wasabi（山葵的英文），正式開始他的咪前生涯。後來Wasabi移民加拿大，加入溫哥華中文電台主持節目及從事廣告創作，其後回流香港，一九九九年回歸商台，擔任節目監製及主持《短期租約》，此外他亦身兼多職，除了創作過多首廣東歌詞，又先後推出多本散文和小說，近日他正積極為舞台劇《久天長地》排練，此劇將於9月24日於香港演藝學院公演，改編其原著小說《甚麽天長 怎樣地久》，同劇演員包括游學修、當奴、楊淇、朱栢謙、白只和王曉怡，張珮華則是監製和出品人。 _ （06092021） _ #游大東 #游大東影視筆記 #商台 #叱咤903 #WASABI #短期租約 #久天長地 #游學修 #白只 #當奴 #楊淇 #朱栢謙 #王曉怡 #06092021 @schoolmates.cc.studio @schoolmates.noveltheatre #張珮華 #廣東爆谷 @28music.journal