😔😔

抗疫避災唔一定要學古人咁重陽登高遠足，香港人放假留多幾日喺屋企係唔駛死嘅，但係因為一場人為災禍卻令其他本來無事嘅大自然環境同野生動物無辜受災，咁我哋嘅行為又同嗰啲嚮往自由自在，唔肯戴口罩共同抗疫四圍播毒嘅白痴有咩分別？

尋日復活假第一日估計好多郊區都同其他熱門景點一樣，無可避免會成為假日「放監」但被困香港嘅市民復活避災勝地，依日難得放晴就再次嚟到塔門依個小島獨自去清灘，期間目睹遊人喺大草地跑跑跳跳放吓狗放吓風箏飲飲食食影吓相，宿喺間屋道太耐覺得唔自在就嚟草地上紮個營宿喺個營道HEA吓，除曬口罩四人以上聚集玩吓笑吓暫且擺脫城市嘅約束，不亦樂乎…

可惜喺過程中難免會習以為常地產生無數食品即棄塑膠包裝和餐具，大部份人食完飲完當然想即時棄之而後快，膠樽膠袋膠飯盒膠叉膠羹膠飲管隨處可見(卻未見有外科口罩)，但最關心依啲垃圾嘅反而係喺嗰道生活嘅野生動物，佢哋除咗識得食草仲會好醒咁喺人類棄置嘅垃圾堆中摷廚餘維生，當然佢哋係唔會醒到識分邊啲係食得，邊啲食咗會長年塞喺個胃直至佢消化不能再食唔到嘢，行為變相係慢性「被自殺」幾時死咗都無人知又「無可疑」，因為抗疫大過天根本無人會理一隻新界牛嘅死活。

你不殺隻牛，隻牛卻因你而死，無錯，你可能會問新界隻牛食膠食到死(如貝澳Billy)關我鬼事？但個海食膠食到就嚟缺氧令全球氣溫上升就實關你同我嘅事，仲有啲海洋垃圾邊道嚟？真係山長水遠登島玩樂嘅人先至會為大自然環境帶嚟垃圾嗎？當然唔止…

記得前年「山竹」過後塔門弓背灣依道嘅破壞實在慘不忍睹，唔單止係超強颱風吹斷咗幾多棵樹咁小事，而係岸上堆積嘅垃圾數量個厚度相信係永遠都無法清得走，依日所見當年沖咗埋山邊嘅大小海廢依然健在，有啲太巨型難以清走，有啲就細到夾唔起出動吸塵機都吸唔走，好彩嘅就可以俾路過嘅義工見到執起佢，唔好彩嘅就深藏不露喺底層與大自然溶為一體，又或者被一波巨浪從岸邊扯返落大海，被好蠢嘅海洋生物或植物誤當成食物或宿主，從中吸收「養份」。

其實環境唔健康，受災嘅最終都係我哋人類，我哋係想逃避一場災劫同揾返久違嘅自由，但同時卻因此而為其他地方帶嚟災禍，唔一定係強國人入侵先會咁我哋香港人佔嘅比重都實在唔少，依方面竟然可以從現場收集到嘅垃圾作品牌調查後粗略估計到出嚟，實際數字我俾唔到大家我只係憑感覺嘅啫！

牛牛食草嘅位置下方石灘上，無錯上個月先至Set咗支監察鏡頭Mon住海岸垃圾嘅情況，但遊人嚟到享樂後產生嘅垃圾又點樣控制？無㗎！只能強制大家自律，棟個木牌呼籲吓啲遊人記得「自己垃圾自己清」，又或者等下次有義工組織嚟自發清理情況才能有望改善，只不過此等揾你唔島嘅偏遠地帶，你山長水遠千辛萬苦帶啲垃圾嚟現場棄置就唔係咁容易運離個島送去堆填，帶走嘅一係就當地摷食物嘅野生動物食落肚，一係就被強風吹走或岸邊扯返落海，再二次污染其他更偏遠嘅地方，繼續將災難轉移到另一個大家眼不見為乾淨嘅環境來承受，而塔門只不過係成個地球村嘅縮影，難道到地球很危險嘅時候我哋就有能力可以快快回火星去避災嗎？

災害無論係有形定無形抑或係「新型」都好，真係一次都嫌多更何況係經自己將禍害擴散開去，其實過程中好多起因我哋都係可以避免嘅，例如減少不必要嘅日常消費行為，盡量唔買唔用即棄塑膠包裝嘅飲品同食品(小學生都曉自備水壺去旅行點解你唔識)，即使買咗用咗都唔好隨意棄置堆填應考慮回收或重用，皆因現場所見執到嘅所有即棄物品其實大部份本來都係可回收嘅「不是垃圾」，即使佢只不過係一個膠樽膠袋發泡膠還是紙包盒，唔好同我講太複雜唔識塑膠分類同唔知送去邊道回收，識得學行就始終會有一日識得學走，只可惜大城市鼓吹嘅即食文化，卻令人類學習與大自然共存嘅行為不斷退步。

環保走塑「源頭減廢」成日有人講講到口都臭，亦唔係個別人士嘅專利，反正生於喱個時代「疫」境自強就是「有種責任」要學懂自救，咁我哋(包括所有大自然生物)共同賴以生存嘅環境又有得救嗎？難道大家唔覺得疫病嘅降臨係大自然對人類作出嘅無聲控訴嗎？我唔信任何宗教，但深信凡事有因必有果同報應，若然未報只是時辰未到，喺全球氣候暖化超越那個「臨界點」之前實在需要我哋自覺受災中嘅人類深切反思同行多一步，我唔想依一代人到成功「康復香港」之後但摧毀咗環境革咗成個地球嘅命。

#大埔區
#塔門大草地
#弓背灣石灘
#獨自去清灘
#抗疫避災
#災害轉移
#牛牛會食草
#仲摷垃圾食
#貝澳Billy招手
#大海缺氧升温
#山竹颱風肆虐
#氣候急劇惡化
#惡果若然未報
#只是時辰未到
#海廢監察鏡頭
#監控形同虛設
#自己垃圾自己清
#山野玩樂不留痕
#不是垃圾可回收
#塔門不是垃圾站
#海洋垃圾冰山一角
#康復香港時代抗疫

(聲明：本文放得喺Public Group就預咗可以公開俾任何人分享，媒體想轉載全文PM本人禮貌上知會一聲及出街後注明出處，幫忙推廣環保理念當然無任歡迎。只是某間「數字」紅媒不問自取所有圖片避重就輕節錄登出本文部份內容，做法就顯得有點兒不夠專業，其圖片檢視介面混入擾人廣告Banner遮擋，相簿尾段無故更加插一些貶低個別行山人士干擾生態行為之相片對比，文末殘體中文人士之偏頗立場回應更加係不堪入目…

大自然環境係人都有權利去享用但同時亦有基本嘅責任去守護佢，海廢垃圾種類和數量亦只反映該位置受影響之實際情況，並不等如邊類包裝佔嘅比重較多邊方面要承擔更多責任，懇請俾過任何Reaction嘅大家不分顏色背景共同盡返大家應盡嘅義務就是，Thx！)

受海廢及行山露營活動干擾嘅地方又豈止塔門一個，有興趣嘅請延伸閱讀近期嘅行動記錄：

東龍島大型淨灘行動：
https://www.facebook.com/leomakcw/posts/10216338768486497

嶼南水口灣淨灘行動：
https://www.facebook.com/groups/1683370671991485/permalink/2529248974070313/

南丫島東澳深灣淨灘行動：
https://www.facebook.com/groups/489271274921029/permalink/570137386834417/

「成功」就是認真做好每一件小事情！

http://daily.family543.com/post04196311021023?u=119&utm_source=fb&utm_medium=1754932364757627&utm_campaign=int

日本人做事真的謹慎😝

今回は私の日本の好きなところを紹介していきます！
もっとありますが、今回は４つ絞りました！
ぜひ見てください！

【タコパ後編】
今日はたこ焼きを食べながら、「日本人との嫌な思い出」について話していきます！
日本人は毛を気にする人が多いですね！笑
ぜひ見てください！

【タコパ前編】
今回は私の家でたこ焼きパーティーをやります！
日本と香港の友達を誘ってきました。
たこ焼きを食べながら、日本人の素晴らしいところについて話していきます！
ぜひ見てくださいね！