陳詠謙都有打手。。。。。。

本身對呢個人冇咩唔好既感覺，只係嫌少少哂左陳奕迅啲歌既曲，不過再多睇其他人既comment, 愈睇愈有問題，呀，係咪應該寫篇blog講下佢好？

路見不平，自命正義，終於都要挪用寶貴時間，去點評陳詠謙嘅大作，嘗試為民請命。其實點評歌詞實在非我所長，音律押韻我亦只有皮毛了解，但係畢竟自細聽香港流行曲聽大，有感仗義執言先至無負香港流行曲於我人生嘅啟蒙，唯有挺身而出，盡力而為。先旨聲明，寫歌詞唔同寫散文小說，遣詞造句確實有彈性得多，可以不拘泥於傳統，而寫得意象曖昧，含意深隱，亦唔代表詞作有誤，因此內文要寫嘅，主要係順應網民意見，針對絕對無法原諒嘅大弊，例如立意古怪、錯用詞語、表意混亂等各種問題，某啲顯而易見嘅小病，例如〈龍舌蘭〉直頭唔啱音呢類大家心照不宣嘅，就唔會多講。以下我精選咗十首算係近年街知巷聞嘅垃圾作品淺評分析，希望可以拋磚引玉，畀便交流。

1. 高山低谷

第一首，必定要揀林奕匡嘅成名作，因為一黎呢首亦係陳詠謙成名之作，二黎林奕匡係一眾受害歌手之中搵陳詠謙寫得最多歌嘅一位。由於呢首都算係佢填得相對認真嘅歌，稍為認真去聽，相信大家都意會到歌詞要表達嘅訊息，就係寫二人地位不對等，情人遠在天邊，抒發可望不可即嘅感慨，類似《詩經》中嘅〈蒹葭〉。而正因為立意明確，只要聽眾細加咀嚼，就會發現有唔少用語係異於我地平常嘅語文習慣，而各種誤用，都唔足以稱上鑄造新詞，而係徹底嘅錯用，長久咁用落去絕對會影響我地嘅語文鑑賞能力。

廣為傳唱嘅副歌之中，寫到「渴望被成全」，呢點係中學生都常犯嘅錯，語文水平略高嘅人都會知問題喺邊。首先，渴望社會或他人成全，寫渴望成全已經夠清晰，亦合乎文法，根本毋須強加被字。其次，就當佢係被動句，被動句多數常用於呈現負面情況，例如「他被歌迷離棄了」。雖然漢語歐化潮流之下，被字亦會拎黎寫所有被動情況，用法分別係：一、強調被動，如「他被上司提攜了」，但較恰當嘅用法應該係「他獲得了上司提攜」；二、施事者不明，如「他被痛罵了一頓」，唔知邊個鬧咗佢；以及三、強調謂語，如「民意被政府騎劫了」，突顯民意遭不當操作。近幾年社會風氣好中意講「被自殺」、「被抑鬱」、「被捉迷藏」去嘲諷中國對待異見人士嘅卑鄙手段，亦突顯被字特質。因此，成全本來就必須取決於他人，「渴望被成全」中嘅被字份屬多餘，而參考返林夕作品，佢係傾向少用呢個被字，更加從來唔會濫用去充塞字數。

然後係「腳下路程難以削短」，亦係不當。要貫徹文意，最準確應該係用「縮短」，但係唔啱音，唔用得。削字，多用於削皮去屑、削弱削減、削職以及剝削，而路程之縮減，勉強用削，拎最近則只有削弱削減一義，但削減係指從原定數目之中減去若干數目，多數牽涉具體數量。而「天一黑天一光揮發了一句再會」亦係睇得明而寫不通。考慮到揮發一詞必定要同所揮發之物共同出現，可見句意係指呢一聲拜拜會蒸發會消失，咁睇返上文下理，到底點解突然會有呢句拜拜？同埋周而復始每日講拜拜又應該點樣理解？係咪指每日返工放工同人講拜拜都係多餘？呢句都係有待解釋。加上「只見人下墮」令人聯想到跳樓，「我繼續埋藏我愛戀」嘅愛戀應該寫作感情，以及整體故事空洞，成首歌都無法打動人心。無可否認，用山勢為喻，以陳詠謙水平計，已經係上佳之作，但係真係慘不忍暏。

2. 別來無恙

第二首，因為一句「我現時自己肯做飯」而飽受批評，加上陳詠謙本人沾沾自喜現身解話，亦係一定要寫。首先，我絕對唔反對援引口語入文，推廣粵語理所當然，但豬隊友推廣得眼高手低，就係成事不足，敗事有餘。「我現時自己肯做飯」之所以不能接受，首先係做飯唔係廣東話，做愛至係，其次係破壞意境，寫得太白。根據陳詠謙本人陳詞，佢認為一個人dry到要自己煮飯好適合主人公情況，而唔押韻都係刻意為之，因為咁樣對應返故事主角悔疚一世，凡事都看破，其實呢兩點問題都唔算大，因為個出事位係在於呢句只係表現自己獨立嘅例子，而唔係概括句。副歌開首，普遍係直抒胸臆，或者概括痛心程度，甚少會兜口兜面隊一句嘢出黎，聽眾話聽到尷尬嘅原因，應該係咁。參考返黃偉文嘅「二百年後在一起／應該不怕旁人不服氣」，或者林夕嘅「世界將我包圍／誓死都一齊」，其實都相當直白同口語化，但就一啲都唔突兀，反而引起到好多人共鳴。

值得一提自然唔少得「來年陪著子女學行／紀念當初我們的愛情」。由於主人公目前單身，我地不妨假設子女係指對方嘅子女，但既然係咁，又係邊個想借用呢啲子女去紀念主人公嘅愛情？同埋若要紀念，子女非己所出，兩者關係喺邊？呢句真係相當費解。然後自然亦要談及「王菲的孤寂／多麼孤寂」。眾所周知，王菲有首〈百年孤寂〉，但咁樣抽孤寂二字借代全首，相當突兀。加上以反復修辭強調孤寂，極有濫竽充數之嫌，借用連登網民一句，一個肥柒on9仔自己打緊xanga個場景，真係完全咁呈現咗出黎。而我覺得有一句，亦係表現得出陳詠謙其人對於成語嘅運用係只取片面之意，唔識其中內涵——「恃住雄辯滔滔／隨便的把你喝罵」。呢種情況喺中學生作文之中亦係相當普遍，因為佢地背誦成語而又缺乏廣泛閱讀，對於詞語嘅理解唔係由字句之中而得，因此就會畀老師打曬交叉。雄辯滔滔一詞褒多於貶，多數用於讚美，例如「這位律師雄辯滔滔，聽得旁聽市民心悅誠服」，又或者杜甫《飲中八仙歌》中嘅「高談雄辯驚四筵」，一般係指其人發言具說服力，以理服人。雖然世俗有言，「事實勝於雄辯」，但雄辯唔等同於狡辯詭辯，因此同情人爭執，同埋事後亦知道自己理虧，係咪應該用雄辯滔滔，亦係值得商榷。

呢首歌其實有一點特色相當鮮明，相當陳詠謙，就係每句都係個腦冇點諗就不加修飾咁講出口，而且句與句之間割裂去睇都完全無礙傳意。對歌詞冇乜要求嘅人，未必察覺到問題所在。同樣生活化嘅情節，其實楊千嬅嘅〈假如讓我說下去〉都有，「但我把／談情的氣力轉贈誰／跟你電話之中講再會／再會誰」即係冇人同我傾電話，「暴雨天／我至少想講掛念你／然後你／你最多會笑著迴避」就係顧左右而言他，甚至熄機潛水，但林夕之所以一啲打xanga嘅感覺都冇，係因為佢掌握以至駕馭得到何謂藝術——將自然同現實加以修飾加以轉化，呢一層人為工夫就叫藝術。〈別〉描述主人公分手後陷於懊悔，內容貼近生活，照計係好易畀聽眾代入，但就正因為咁，意圖代入嘅聽眾聽到一頭霧水，代入無方，可以話係高不成低不就。

3. 經過一些秋與冬＋哪裡只得我共你

Dear Jane嘅簡單易明K歌之選，又係陳詠謙傑作。「兩眼一黑／然後失控」令人聯想到頭暈倒地以及精神病發，九唔搭八，而領起句嘅「一些」同「與」本來就係蛇足，事關寫歷經秋冬同揮去驚恐就已經夠曬精煉。副歌「 無謂再關心你／我沒資格慰問你／無謂再騷擾妳／我沒這塊厚面皮」其實都幾適合失戀聽眾，但量詞之選用，直接反映出陳詠謙不諳避俗，缺乏語感。所謂語感，其實就係語言使用者對其所熟悉嘅語言有冇敏銳感覺﹐能否領悟語言文字真實意思以及必然會引起嘅聯想﹐直覺必待厚積薄發，同語文根基息息相關。用塊字去形容臉皮，會令人聯想到塊狀死物，進而聯想到牛皮豬皮，就算句子本身幾有詩意，一個塊字都足以盡廢前功。語感佳者，可以善用詞語刺激聯想，但語感弱者，萬一誤用就會弄巧反拙，呢一點，所有寫作者都應當有所警覺。

另外，「得到的若期望有限期／失去的未重聚已別離／後悔如我遍地」亦係反面教材。遍地呢個詞語其實好有畫面，例如自由民主遍地開花，或者風吹草低牛羊遍地，只要一見遍地，讀者就會聯想到數量之多，發展之盛。但觀照呢句歌詞，遍地嘅理應係後悔，但寫出黎引起嘅聯想就係主人公遍地——大概係因為TVB重播《西遊記》太多，我所諗到嘅係孫悟空大顯神通，一條猴毛落地即可化成千百猴子猴孫之勢，同後悔之情極為矛盾，成個感覺極之滑稽。參考返陳奕迅一首〈黑暗中漫舞〉，其中有一句「猶如自卑水銀瀉地」，當中嘅水銀瀉地，即係水銀流到一地都係，令人聯想到玻璃落地隨之流瀉，一發不可收，非常適合用於形容主人公每每獨自揣摩情人心理之時嘅自卑爆發，同時深化主題，令人可以透過具體比喻去感受主人公單戀嘅卑微渺小。兩相對比，大家就會理解點解後悔遍地係不知所謂，而自卑瀉地則係神來之筆。

順手講埋〈哪裡只得我共你〉之中，為人詬病嘅「我們身邊太多假人／心中太多傷痕」。第一個問題，係陳詠謙點解要寫假人，因為準確而言，呢首歌想傳達嘅係對抗世俗眼光，而主要世俗現象並非虛假；第二個問題，係亂咁簡化為假人二字，又會引起不當聯想，令人諗到CPR練習用公仔，櫥窗display公仔，驅趕雀仔嘅稻草人，甚至消防處嘅任何仁。除非佢係明知到會引起不當聯想都要用，否則明顯又係語感薄弱之過。睇埋「途經幾百萬傷口」同「與外界／未隔絕我共你／能停止呼吸」，我更有理由相信，假人所指，真係CPR練習用公仔阿Anne，而「不掙扎／只緊扣」，亦一定係指緊三角巾同繃帶，成首歌係為聖約翰救傷隊暗中宣傳。

意境係一樣好抽象嘅嘢，而某年書展講座，林夕就曾經講過意境可以分為三種境界，一係山寨，二係自己創造，三係灌注生命同感情。第一種，就係運用約定俗成而又根深蒂固嘅傳統意象，亦即係中學生學習寫作必學嘅大自然景物，諸如星星月亮太陽天地花草，其中若果突然出現現代物品諸如蘋果電腦應用程式芝士拉絲抹茶爆漿，文章就會意境盡失，而陳詠謙明顯係畫虎不成反類犬嘅示範人物。第二種，自己設定，就好似林夕有期好中意用探戈咁，以跳舞相持比喻情愛拉鋸，寫得貼切就可以自成一格，睇返陳詠謙大紅作品，可以話係冇一首做到。第三種，用返林夕自己舉嘅例句，「滿街腳步突然靜了／滿天柏樹突然沒有動搖」之所以有意境，就係因為作者觸覺敏銳，以「滿天」而非「滿街」去寫柏樹，所以就描寫到樹勢之高，從而襯托出主人公獨自流連街頭何其微不足道，而其身影又係何其嘅失魂落魄，得出融情入景而後情景交融嘅效果。當一位做到寫景則情景相生，說理則情理兼備，而另一個則直接將秋與冬寫出黎，其後又再將「只知感覺失了蹤」寫出黎，文學係咪真係一句各有各觀點就可以打發紛爭，聽眾心中自有答案。

4. 百年不合

眾多歌手入面，周柏豪其實同陳詠謙係最夾，而原因係周柏豪畀人嘅觀感本來就冇乜文化，因此陳詠謙嘅詞質樸庸俗而又文句不通，反而非常配合周柏豪形象。以〈百〉為例，其實我聽咗好多次，都唔明何謂「即使今生擱淺／苦等隔世盛宴」。陳詠謙低手之處，就係唔識連用一系列有關比喻去經營意象，生硬插入詞語，但又缺乏前後呼應。見到擱淺，讀者自然會聯想到海洋，聯想到輪船，聯想到鯨豚，但〈百〉偏偏冇一樣嘢係關事。由於人係唔會擱淺，讀者必須自行領會擱淺之意，偏偏陳詠謙又冇建構到完整比喻，寫到不倫不類。參考返麥浚龍嘅〈吃鯨魚的人〉，黃偉文寫得清楚吃鯨魚者為何人，所以吃鯨魚呢個人類根本唔會做得到嘅行為亦好易理解，而「隨時能屠殺／也不必講究良心」中嘅屠殺，亦唔會偏向無關主題嘅多餘聯想例如種族屠殺，落點相對清晰。

然後我地亦可以研究「若未夠赤裸／撫摸到永遠」同「在婚紗中再見」想表達乜嘢。前句之中，赤裸應該係指主人公將自己心聲表露無遺，但對方無動於衷，然而呢點基礎，根本幫唔到讀者去理解到底係邊個撫摸邊個，同埋點解要撫摸，可謂上文不接下理。而後句之中，在婚紗中唔同在婚禮中，到底點樣至可以進入婚紗之中，又係百思不得其解。陳詠謙可能會辯稱呢啲就係創意，同埋寫到明在婚禮中再見就係死板，但達到一定文字鑑賞門檻嘅人，相信會知道咁樣寫絕對唔可行。

講返成個敘事，其實真係撲朔迷離。我至今再聽，都係諗唔明到底主人公同埋對方係情根早種，定係有緣無分。歌詞講到今世「當你想行前一寸／愛下去又發現你／站到一邊」，又講「卻是證實這段愛／沒有起點」即係對方根本唔過電，發展機率近乎零，既然如此，點解主人公會有認定大家係「分開一百年／捱到今生才遇見」？「拉扯著那根線」又到底從何而來？《紅樓夢》之中，曹雪芹一開始就以神話領起，寫賈寶玉係頑石入世，而林黛玉則係絳珠仙草，其後兩人一生糾纏係命運嘅安排，此之所以愛得轟烈，傷得淒苦，但同百年好合正正相反嘅百年不合吹到咁大，去到最尾只係講返某一世嘅小情小愛，未免流於小題大做。

5. 小問題＋3am

AGA嘅〈小問題〉係好聽，但一聽就發現取材好大問題。雖然應付失戀各有各法，喜愛夜蒲放肆買醉都可以係反映現實，但主人公個性之差難逢敵手，我估唔到連詩雅都終於會遇到競爭。「穿起高踭取悅人」同「只記得我新結識那碧眼金髪的氣質」，於我而言，某程度上係物化女性，矮化女性；「只須很悉心的設計／裝飾我這身體」同「只須很瀟灑的破費／修葺我每處枯萎」，刻劃出主人公滿足於物質，只顧外在，形象實在相當廉價。最弊嘅係，首歌完全冇任何自強之寄意，反而係以「我只得這一點智慧」為放浪行為開脫，歌手形象徹底崩壞，MK到無以復加。

而用字方面，「我不要雙眼承受雨季」嘅雨季又係毫無鋪墊就彈出黎，引用返林夕嘅意境論，雨季係老嫗能解嘅傳統意象，要寫唔係唔得，但成首歌冇提過水，冇提過雨，連眼淚都冇提過，突然以雨季去寫哭泣，就係顯得突兀嘅原因。再睇「別這樣干擾我一生」，干擾係同接受訊號有關，如果對方係干擾，主人公應該由頭到尾都係對佢反感，但既然曾經癡心錯付，對方好歹都係過氣情人，要貶損對方，以打擾形容，會比干擾合適。參考返黎明嘅〈我這樣愛你〉，會見到林夕有用覆蓋去寫主人公對情人嘅愛綿密如羅網，而「何時才發現／就算天涯海角／都可能覆蓋」之中嘅覆蓋用得準確之餘，更加迎合到和記廣告行銷要求，一石二鳥，天衣無縫。

而〈3am〉其實一首好難出事嘅歌，事關英文部分都應該係跟返demo，偏偏又畀陳詠謙踢出身價。「如假開心開心開始假得很／倒不攤開這張牌」運用頂真，但又係砌詞搪塞；而「終於真的真的不再有情意」同「 終於真的真的不同行」用詞重複，但真的二字唔係歌詞要旨，因為主人公只係夜半失眠，唔係陷入幻想，分唔清夢境同現實。陳奕迅嘅〈不來也不去〉之中，有「如煙／因給你遞過火／如火／卻也沒融掉我」，林夕嘅頂真係用得其所，因為兩句確有承接。而同樣係陳奕迅嘅〈K歌之王〉之中，有「才令我因你要呼天叫地愛愛愛愛那麼多」，其中嘅愛字四連，有嗌破喉嚨之意，係愛到力竭聲嘶嘅出色詮釋，又係用得啱啱好。

6. 矛盾一生＋揮揮手

JW嘅〈矛〉唱到街知巷聞，控訴對方不知上進，無意結婚，好多人都會引用「矛盾只因深愛著」自況，而我自此至終，都唔明乜叫「跌下來瘡疤」，而「怎會沒決心成家」亦有力問鼎陳詠謙十大缺乏語感排行榜三甲。成家呢個用語從來唔會喺抒情歌入面見到係有原因，事關多元成家、成家立室、立業成家中嘅成家，係新聞用嘅正經用語，一般人談婚論嫁，多數都係講返結婚就算，唔會選用咁沉重嘅字眼。正如我地唔會喺同朋友傾偈嘅時候話「有見及此，我會出席」，或者「多謝你諮詢我意見」，而係會講「你咁講，我就去喇」，或者「多謝你肯聽我意見」，又正如去餐廳嗌嘢食落order，我地會講「I would go for this one」，或者「I would like to take this one」，同自己朋友或者情人講嘢，就算幾咁相敬如賓，多數都係講「I want this one」，頂盡都係講「Can I have this one」，用字係應當有場合之分，身分之別，唔可以隨心亂講，任性亂寫。〈揮〉之中有句「成為寂寞人口／脫去戒指」，所犯同上。

而講到用韻乸西，〈矛〉副歌用死「aa」，以嗎吧為主，輔以架怕疤，亦係佢嘅代表作。雖然林夕曾經話過押韻其實並非必要，只係因為要迎合主流見識至堅持押韻，但用韻會令首歌易記易上口，亦令文本朗讀之時有節奏美，都有合理之處。押韻毋須句句押，隔句押亦得，最重要都係睇旋律頭，但無計可施就求其採用「aa」韻，呢點大概就係師承黃偉文嘅結果。黃偉文所填嘅〈囍帖街〉同〈苦瓜〉雖然都係大熱，但取材新穎，都掩飾唔到其人押韻手法之不足——用助語詞押韻，畢竟係有啲技窮。反觀我個人相當中意嘅〈東京百貨〉，陳少琪喺副歌係用「iu」為韻，填咗照秒少調潮票，詞句曉暢而不落俗套，可謂熟能生巧，自出機杼。

再呼應返AGA首〈小問題〉，其實〈矛〉嘅故事都係不知所謂。空有冤氣對白，缺乏具體劇情，hook line勉強可以漁翁撤網，但副歌完全打動唔到人，此其第一問題。第二問題，就係愛情觀片面膚淺，從未細加探討愛情，更遑論明寫愛情，暗寫人生咁樣去傳道解惑，繼續流行曲社教化之功能。林夕寫情寫理天下無雙，黃偉文偏向市井，都算寫盡失戀苦戀，入心入肺；而周博賢專寫時事，針砭時弊，周耀輝別具詩情，寫歌寫出詩嘅朦朧美，基本上係各有特色，而陳詠謙嘅風格，大概就係攞你命三千式殺人於無形，一聽到就想飛歌轉台——我斗膽封陳詠謙為寫歌界嘅葉念琛，相信冇人會有異議。

7. 姐姐＋活著為求甚麼

李克勤自己都係識寫詞，點解會接受到呢首歌詞，我覺得重驚人過向曼聯送禮。「原來沒有你／但仍愛你／才後悔當天不肯留住你」雖然略嫌肉麻，但出現喺主流情歌其實真係一啲問題都冇。問題係，呢首歌所描述嘅係家傭，主人公對佢抱有嘅應該係感激之情，而唔係愛情，到底點樣至會牽掛到「朝馬尼拉的方向想起你」，視姐姐為「愛的傳奇」？唱到「忍痛／將你淡忘」，我直頭覺得李克勤情深過楊過，根本應該離婚休妻，另娶姐姐。

情節上，呢首歌都有犯駁之處。一般而言，如果僱主僱員關係良好，姐姐離職之後，雙方都會保持聯絡，好少音訊全無。而既然姐姐冇離開過香港，亦即係轉咗僱主，咁主人公又點解會炒佢魷魚？「誰料我路過砵甸乍街／竟找到你」呢種電光火石，好難講得通。我嘗試去消化故事，唯一可以諗到嘅就係主人公情不自禁，苦戀姐姐，家人發現之後執意驅逐姐姐，結果主人公只可以喺姐姐有可能出沒嘅街頭巷尾搜尋對方倩影，重溫舊夢。假如有朝一日李克勤真係轉行呢種路線，講婚姻背後辛酸，講自己同屋企姐姐打得火熱，或者大眾會受落都唔奇。

用字方面，呢首歌最差嘅係「天天飾演乖少艾」，其他都可以放過陳詠謙。話說少艾一詞，語出《孟子》一句「知好色則慕少艾」，解年輕貌美嘅女子都真係好有歷史。而現代人之所以認識少艾，相信都唔係因為讀古書，而係聽得多青春少艾呢個配搭。撇開姐姐點解會以少艾形容呢點唔講，艾本植物，少艾即以艾草正鮮比喻少女亭亭而立，可見少已經係形容緊艾，而乖少艾三字呢個組合，就即係用咗兩個形容詞去寫植物，而乖係唔會拎黎寫植物。即係我地可以話一個老人家老當益壯，如同長青樹，我地唔會話佢襟老長青樹，因為長青已經表達到健康，而且襟老都唔會係要黎形容樹。

順便講埋〈活〉。林夕珠玉在前，黃偉文都有首〈燕尾蝶〉勉強壓卷，陳詠謙挑戰社會議題，無異於引火自焚。「容顏暴露摺痕」所指嘅應該係個樣好老，皺紋暴露老態，又係要聽眾自己諗。「幾個悲哀章節日日重播／天降天災萬民地上縱火」，所指嘅應該都係天災人禍大家有責，但縱火狂徒為何人，又係語焉不詳，除咗令人諗到喜怨無常嘅舊約上帝，都真係冇乜idea。

8. 半祝福＋Gonna be alight

周殷廷其人已經不知所終，但由陳詠謙操刀嘅作品，將會遺臭百年。祝福舊愛，同類歌曲多不勝數，但希望情人「快樂得更明顯」，係咪即係指對方之前都係快樂，但快樂得較為收歛？若果快樂都可以有introvert同extrovert之分，而陳詠謙又真係寫得出，其實確實會好有啟發。副歌致命，在於突然加插槍擊，「如果他真的比我好／別再時時開槍亂掃」，again，敗壞意境。Verse2主人公心態慢慢轉變，講起對方已有新歡，其實都易明，但「你已毫無疑問找到安慰睡眠」呢句又係病句。找到應該係指向人或者物件，虛嘅找到人生方向都得，但睡眠係一種狀態，進入夢鄉可以，但搵睡眠出黎係講唔通。

上承周柏豪歌曲入面大量運用赤裸，陳詠謙又再無緣無故加插情色，好地地一首最後祝福，即刻變到俗不可耐。諗到對方會同新歡有性行為係可以理解，但以「隨便白天纏綿／夜晚裸露別來送我上苦路」白描，就係自亂佈局。〈半〉嘅基調係純情，周殷廷嘅定位亦非大講鹹濕，裸露二字亂入，格調之粗劣，真係不敢恭維。

〈G〉其實都係聽得過嘅歌，風格有啲似林奕匡首〈Good Man〉，但細聽之後又聽到副歌有句「甚麼東西正在變做美好的團體」，不知所云。Verse2有句「青春出於笑容裡／開滿花」，其實都解得通，但第二句「率真出於眼神裡／一句話」嘅嗰句話從何而來，又係毫無預兆，石頭爆出黎咁。好地地一個新人，唱咗首膠歌，然後就萬劫不復，真係不無惋惜。

9. P.S. I Love You＋壯舉

張敬軒係我本人極之欣賞嘅歌手，好彩佢人在英皇而非華納，未來唔似會再有同陳詠謙合作嘅可能。〈P〉其實算係不過不失，但因為林若寧同林夕寫過好歌畀張敬軒，而張敬軒自己早期作品都寫得青澀可愛，陳詠謙嘅歌就相形見絀。故事寫因戰禍而天人相隔其實好清楚，但主人公喺副歌嘅內心戲，可謂不明不白。「忘掉了生死／用愛跟這世界對比」，其實睇唔出邊個死咗抑或係一齊死，但既然係人生無常，話係不可以抱著你，會比「不需要抱著你」更加合理。然後「逾越了生死／當知這份愛從沒禁忌」又係全無鋪墊，因為首歌冇講過呢段感情係禁忌之戀，而為死去情人守節，亦唔係禁忌。「生死難忘／別忘記自己」，驟聽似係一種提醒，提醒自己要好好生活落去，但其實突然筆鋒一轉嘅呢個提醒，同「在雲中禱告／祝福你／繼續飛」係冇衝突，因為主人公由頭到尾都冇話過要殉情。

然後繼續睇Verse2﹐病句又至。「當一切／沒法逃過了劇震」，既然係逃唔過，點解又會用個了字？「誰在瓦礫中獻吻／講永別卻那麼接近」，卻前卻後轉折不清，卻字無法理解。「捉不緊的有太多／這一雙手在提示我／時辰到／人如初」，呢雙咁重要嘅手又係突然出現，極其量只可以話佢上接Verse 1之中「硝煙裡／讓我除去了面罩」嘅手，但有冇必要用雙手除，聽眾不妨存疑。快飛去結尾，「珍惜這份愛才是勝利」換成粵語，就應該係「珍惜呢份愛先係叫贏」，然而本身主人公未有誤解勝利定義，因此亦冇要糾正嘅地方，陳詠謙想用才是二字帶出乜嘢訊息，我都依然未悟到。

另外亦必須要討論〈壯〉，畢竟呢首可以話係陳詠謙眾多作品之中最言之有物嘅一首。我地都知道所有創作者喺寫自己最熟悉嘅題材往往係寫得最入肉，林夕寫苦戀寫到出神入化，黃偉文寫同志戀情別出心裁，都係因為有親身經歷，所以緣事而發，份外有感。意淫其實冇問題，樂而不淫，無傷大雅即可，而陳詠謙擅寫不顧後果嘅價值觀，就寫出咗吳雨霏嘅〈告白〉同陳奕迅嘅〈碌卡〉兩首佳作，係要欣賞。然而我地必須思考嘅係，一個填詞人只寫得好呢種缺乏深度同修養嘅歌詞，可唔可以稱為最佳填詞人。無可否認，黃霑林振強林夕等人確實係一下子將平均數扯得太高，令到後來者好難超越，但文從字順，詞有所指，應該係最低標準，如果連咁都做唔到，直接出demo派台instead of固守曲詞俱全嘅舊例，可能至係更佳出路。

10. 給兒子的信

唔少為陳詠謙平反嘅人都話呢首寫得好，以此作結，真係最好不過。一般人一定先入為主，覺得寫畀自己親生仔，點計係誠意之作，冇理由鳩寫，但陳詠謙不負眾望，又一次成功鳩寫，本色出演，繼續陳詠謙獨樹一幟嘅意思含糊，言不及義。「成年路太遠你學識怨命／所以任性／難受但我會繼續供應」，唔知佢供應啲乜，照計係愛，但真係讀者估，唔係作者寫；「若我有天跛了／你戴上我的眼睛」驟聽好有意境，其實唔知戴上父母嘅眼睛為乜——靠後生傳承自己人生經驗，唔使等老咗至做；代爸爸去環遊世界，亦冇理由用返爸爸對眼；陀住爸爸一對眼球出遊，反而顯現到少少心意，但又不切實際，背離常理，總之點講都唔通。

再睇「如果天地狠狠的將一切理想／破滅了」又係反面教材，大家千祈唔好有樣學樣。破滅，常用於理想或者幻想破滅，此中破滅非關外力，只可以係自體消亡，如果想話理想破滅係外力迫成，簡單可以用消滅用殺掉，靚啲可以用扼殺用磨蝕。雖然語言潮流時刻變動，我地唔可以一味泥古，但將某物破滅呢種寫法，如無意外，過多一百年應該都唔會獲得學界同世俗認受。用呢句病句做副歌第一句，有人話一聽就無名火起，呢種反應真係合理不過。

宏觀睇返成首歌，主人公到底抱持點樣嘅心態育兒，我亦甚為不解。佢有話「還是流我的血／你別忘掉」，提醒對方記得有自己嘅支持，亦有話「是我對不起你」同「可以恨我」，承認自己生仔出於自私，似乎有盡力善待同保護小朋友去盡力彌補之意，但再睇「我對你好／不須答謝我」，又主動提起自己嘅好，提起完又話「不須答謝我」，聽完只覺呢個爸爸暗啞底想要人知恩報恩，但又唔敢直講，扭擰造作。更加得意嘅係，呢個爸爸一直都流露無限愛意，又講到唔介意小朋友失敗，只求佢開開心心，但又忽然狠心咁話「註定某日我將拋棄你於荒野」，到底係因何而生嘅轉折？拋棄本身暗含主動之意，字面意思只可以解讀為主人公主動為之，但呢個爸爸愛心爆棚，應該係對親兒不捨不棄至係，點解會註定拋棄親兒？如果佢想講嘅係人世間自有規律，迫到父母不得不拋棄子女，咁就一定要講得清清楚楚，否則就好難呼應其後嗰句「你永遠有一種愛／從未缺少」。概而言之，呢封信真係好深奧，除非佢身體力行去抵制香港政府強制十二年義務教育，用自己一套中文去教仔，否則佢個小朋友未來都好難聽得明佢想表達啲乜。

總結

時間有限，每首只可以點評少少，但不知不覺，都寫咗六七個鐘。我試過填詞，知道填詞唔易，但自知之明，理應人皆有之。我相信大多數人都係不滿佢「我叻仔我可以肥」嘅招積，不滿蜀中無大將，而廖化竟自以為曹操。我個人偏好林夕，上文信手拈來例子大多以佢作品為主，希望大家體諒。最後衷心希望呢個寫得相當簡單嘅分析，算係勉強整理得到大家嘅見解，我知「殘忍只須一棍」同衛蘭都好恐怖，但考慮到其中問題同以上例子大體相似，在此不贅。辭多歉甚，如有補充賜正，歡迎切磋交流。

https://gnimmm.com/2018/11/25/smartfatchan/

這是由曾焯文博士翻譯「如是我聞」成文字,如今全文照刊,歡迎您上節目觀看!其他的,不斷刊登。

FOURum「如是我聞」10 May 2018
《 巫之一 》
如是我聞之巫(一): 　
因為返了香港約個幾禮拜，停了這個節目，今曰重新與各位見面。今日如是我聞題目都係講一些千奇百怪事物，但形式有些小改變。我希望十五分鐘一段落，大家可先睇睇，中意再睇埋下一段。每一段十五分鐘。一個節目分為兩段落，此後可能每加。
另一問題，我仍講返一些以前有興趣的occult，意即一些古靈精怪，不能以常理解釋之現象或問題。提出來，好奇觀眾可再深入了解，自己再翻書找資料，做自己生活興趣。大部份這些資料學校都不教，我至中意學校不教的，學校教的一般定了題目，興趣不大。學校不教的，海闊天空，好大好多，多到自己窮一生之力，無法了解，若然好好研究接觸，實在充滿神秘，幻想，我人生至重要之嗜好，望大家同好者體會箇中情趣。
今日頭十五分鐘會講巫術。一聞巫術，大家皆膽顫心驚，恐巫術害人。但此處講的巫術非害人巫術，而係不同社會文化有不同巫術。
先講中國巫術，大部份為白巫術。巫術分黑白，WHITE MAGIC，BLACK MAGIC，皆西方語言。中國巫術無分黑白，起源久矣，非當如害人或超自然能力之表現，只不過係大約超出人力而不能解釋。
史學家認為巫者舞也。古代無舞字，巫代表埋舞蹈之舞.。巫者，舞也。巫者，無也，無者，無物，NOTHING之意。古無無字，無通巫。後方有無。又曰巫者，美也，美麗事物。又巫者，靈也，靈者，靈驗、靈活、有靈性之物。

又曰巫者，醫也，巫者，解決不少身心問題的人。古無專業醫科。巫兼醫生，慢慢醫生技落入迷信情況，非靠真草藥、治療、針灸、推拿醫人。反而求神，求莫明其妙力量醫治，或找莫明其明、無根據方式醫病，故史記有道: 信巫不信巫，抵其死，不治也。醫理有科學技術，勿信非科學技術，超自然力量，令自己情況愈差。

信巫不信醫，弊也。巫、醫源頭一樣，最早醫生皆赤腳巫醫，以生活經驗醫病人，找些草藥煲了，使病人好返。中國傳說: 神農嘗百草，神農氏是否人，而今難確定，但神農氏可能係一種人，一族人，或一個職業統稱。這些人自己可能無病，但有心醫人。故登山周圍採藥，嘗完百草，將草藥配方記低，經多年經驗而成中國醫書或醫術。
草藥其實不定係植物，亦可能係礦物質、沙石，但內有醫病元素，不只植物，礦物質，甚至水質、井水、簷水、河水、泉水，均可醫病。

中醫學博大，任何自然物均可用以醫病。最早做此類工作者稱巫，非後來古靈精怪作法者始稱巫。巫此數解，大家聽完可能有少少懷疑。
其實當年所謂巫者，古老職業也，從事者皆以身體語言唱歌跳舞之藝術家。巫者舞也，非交際舞，而乃祭天地祭神姿態。口中吟詠讚美詩句，而手舞足蹈，真心感受感恩，歌頌神明，為之巫，非普通人可做，須經訓練，或內心有聰慧，其感受可助完成祭祀工作。
巫漸成當地部落村落神人溝通工具，經巫師可能與神靈溝通。亦有神棍冒充，蒙騙愚人。清朝太平天國洪秀全自稱聽見天父天兄聲音，教其如何作反，好何革命。中多污穢之事，頗為驚人，如後宮有成千妃嬪，人家不許，自己大把。跟往助手楊秀清話不單你聽得見，我亦聽得見。乃又自稱通靈，亦可聞上帝聲音，於是兩個指揮內訌。此皆冒充，完全仿古巫能通天地之神秘。
好多可能係真，好多可能係假，尤其好多人發表預言，好多時不靈驗。不靈則曰天機不可洩漏; 靈則自稱通天曉。故此種巫術為求生本領，呃人騙鬼車大炮。
東方巫術此段完，休息一陣，再來下集，又有十五分鐘，講下西方巫術。多謝各位，陣間再會。

《 巫之二 》
如是我聞之巫下集。上集講了中國巫者，古時巫者舞也、無也、美也、甚至醫也。大家聽過祖先黃帝，其實是否獨立個人？小時老師錯解黃帝為獨立個人，黃帝雖在史記出現過，但係傳說人物。 近代黃帝名稱可為氏族名，非獨人物，而係氏族。中國黃帝之黃，乃黃色之黃。秦始皇始自稱皇(EMPEROR)，大帝稱號，之前諸侯王，三劃王，甚至周朝王帝，亦不稱皇。 何以稱黃帝？而非紅帝、綠帝？黃帝乃傳說中華夏共主，共同推舉為主人，率領人物。後來五帝之首。黃帝相傳姓公孫，因出生於軒轅之丘，故亦稱軒轅氏。又有人曰其姓姬，姬妾之姬，因當日於姬水出世成長，故以姬為姓。中國三王五帝前，未必有姓氏，中國姓氏多源自居住地，亦有分封之地。 比如我姓劉，劉字本身解釋風雅。有三把刀，上高卯字一把刀，下底金字亦金屬製品，旁邊兩楝亦刀。意思明顯為用刀。用刀何所以？非宰割食物，而係殺人。故劉字解釋殺人，劉其人，古書有道，殺人也。今通常不用此義，只留姓氏義，此姓氏亦分封地，以分封地為姓氏。中國人姓氏，多以分封地或居住地決定。方才話姓姬，姬水之地，故姓姬。 又名有熊氏，非因有熊人也。加拿大有熊人死兒童，小童睇慣卡通片漫畫，以為熊人仁慈，但原來熊人爪如五把刀，落來，細熊都二百幾磅，大熊過之，力水一抓落來，真係五道傷口，割穿心肺。並非真有熊人，而係黃帝在有熊此地，建立國家領土，故亦稱有熊氏。 當時五行學說已流行，有熊氏軒轅黃帝以土德為王，金木水火土，五行，以土為五德所在，士色若何？簡單觀察，土色黃色YELLOW，故亦稱軒轅王帝為黃帝，以土為德，而土色黃，故稱黃帝，易記哉。 學校老師少解釋，聽我節目就有此種文化解釋。此氏族或個人相當聰明，對當時中國人有貢獻，打敗蚩尤，使中原長久和平。建立農業社會，故尊為祖先黃帝，所謂炎黃子孫，我等為黃帝子孫。炎帝係另一位，有人話係黃帝，容後研究報告。 黃帝對當時中國人有何貢獻？首先發明曆法。中國農曆曆法非只以月亮盈虧來計，廿四節氣，有四個實依太陽，包括立冬、立夏、立秋、立春。以北半球太陽返回歸線，再返轉頭，計算。其他以月亮盈虧計算。此種計算曆法有助黃帝建立農業社會耕種曆法，即在北半球中原，農民依農曆所示節氣而耕耘，幾時下種，幾時除草，幾時收割，幾時冬藏，全依曆法，通常準確，尤其在中國北方。依曆法工作，自然暢順。好多時非廿八日為一週期，而係三十日方為一週期，故有潤月，容後再講。 除了曆法，黃帝尚發明許多天文地理、陰陽五行、甲子幾年、十二生肖，甚至有謂其同文字圖畫音律皆有關，或占卜音樂祭祀。好多人話甚至風水皆黃帝後來的發明。我等通稱中國人文化，最早生活習慣，遵守之規律，從古代文明開始已擁有，而且延續四千幾年，中間改變之處不多，但持久遵行，成為中國人指標文化，政治經濟力量不能移半寸。 黃帝對手蚩尤史記有記載，居長江流域，中原南面，未到香港，香港是否在中國南方有政治是否正確講法，長江流域亦為中國南方，有所謂九黎，民族名，當時當作南蠻，可能非北方的人，但如今都算中國人。這些人可能係苗族，亦可能係藏族，或其他少數民族，同黃帝之間戰爭衝突若何？ 今日就此打住，下回第三回，再分享蚩尤同黃帝之戰，及後所引致結果，下回分解。 多謝 各位捐款，支持鼓勵，今日如是我聞兩節新形式，暫且說再見，拜拜。

FOURum「如是我聞」18 May 2018
《 巫之三 》
好了，繼續今日遲了的如是我聞。抱歉，今早有事辦，做延至今日黃昏，即香港時間朝早，同大家見面·今日仍講巫術。
上次已講了中國之巫，講到黃帝蚩尤大戰於涿鹿，大戰結果大家都清楚，小學老師都有教。
近代解釋乃是蚩尤為黎族或藏族，有人以為苗族。族群名也，入於少數民族。
中國語言不通，或膚色五官些少不同，當非漢人。非漢人不緊要，但漢人古代歧視之，當少數民族係蠻夷，其文明進程慢些，但亦有共民族風格特色。今少數民族擡頭，大家皆知五十六個少數民族同漢族應和洽相處，共同建立一個祖國，一個中國。
在這關頭，黃帝同蚩尤大戰可謂漢族領袖同少數民族領袖率領兩族人生死決戰。大戰中，當然古代滲入好多神話，如當時天氣惡劣，賴蚩尤放毒氣，山林漳氣，令戰場糢糊一片，利於蚩尤蠻族進攻。
黃帝所領軍隊都茫無頭緒，不知何端是頭，真的陷入混沌之境。
但黃帝相當聰明，所謂民族領袖或多於一人，能知磁石有南北二向定位，做出指南車，用石令車上人手指向南北，南北定位後，可定埋東西，於是可辨方向，不怕大霧迷離，仍可掌握地形方向，終戰勝場仗。

蚩尤敗後，聞說落荒而逃，從此匿居深山野嶺，黃帝子孫遂能統治大地。話雖如此，再用常識想想，除辨別方向定位外，打仗並非如此簡單，中間包括有形武器，無形志氣，陣法及戰略，這些皆致勝原因。
似乎無提及黃帝族人用何戰略打贏蚩尤，只道黃帝發明指南車，能辨方向定位，然後於大霧中戰勝少數民族。
我認為此在今日不足夠，亦有好多講法，我們異日再分析。但今日仍講巫。
黃帝能算巫否？廣義而言，巫中立無眨義，巫性質或為醫學，或為占卜，或為政治領袖。當年巫在中國只無貶義，而且可能有褒義。山海經中見十巫，十位巫師皆爭取人定勝天，幫人。
西方恰恰與巫結大因緣，因西方有宗教關係。基督教成為羅馬帝國國教後，公元三、四世紀時，或更後期，羅馬何等國家？
相當雄武，戰備能力高之國。能令全歐洲大部份地區，尤其是地中海中心邊緣地區，今羅馬、希臘、歐洲法國南部、西班牙、北面非洲、摩洛哥、利比亞、以及埃及、蘇彝士運河、以色列猶太地區，皆羅馬帝國屬土。遠征軍可至英國，如今去英國旅行，不妨到BATH（巴斯）一探，該處遺留了羅馬最喜歡的浴室。當時的浴室已有暖水供應，有儲水池。勢力所及，無遠弗屆。諺語有道：條條大路通羅馬，羅馬乃繁盛羅馬帝國首都，亦意大利首都。
大家去意大利旅行，會發現好多古蹟，必去處包括鬥獸場，李小龍曾同對手在該處決戰，景當然是搭出來的，但都利用了名勝，隔鄰為當時羅馬首都文化區。

好多建築至今仍在發掘中。聞得羅馬建地下鐵時，困難重重，因掘掘下，又會出現古蹟，又要考古學家，歷史學家，考證判斷，不易建成地下鐵。
不同香港，發現宋朝村落，在宋王臺附近，好隨便清理了，古蹟證明香港宋朝時，千年前，已有居民在宋王臺附近耕作打魚，甚至開繁榮市鎮，有待考古學家繼續發掘。我希望有更多好發現。其實，我認為這種資料大勝於開條地下鐵。
講返巫，當年羅馬帝國信了耶教，教義中世上有神，有敵對之魔鬼，根據經典，乃光明天使LUCIFER(路西弗)，因妬忌人，比其更高級，或更得上帝恩寵，故妬忌心引致作反，率三分一其他天使組軍隊，聖經，猶太教書籍，都話其為靚仔英俊天使長，居然夠膽想將主人上帝的天上王國推翻，自立為王，因而被打落地獄，率領的三分一天使亦成魔鬼。
我們通常有一字形容路西弗，曰撒旦，有幾個講法，有道撒旦乃官階名稱，信教與否的人都研究魔鬼來歷，因為所有壞事全入撒旦的數，如何入法？我們今日暫停，第二段講到耶教時，再詳談。第一段完。

FOURum「如是我聞」18 May 2018 《 巫之四 》

今日如是我聞第二節開始。上一節講到耶教中有魔鬼，Lucifer(路西弗)乃魔鬼王，本靚仔光榮之至的天使長，奈何因妬忌(傳說)作反，率三分一天使成魔鬼。三分一其實好多，幾萬、幾十萬、甚至幾百萬，天將天兵，不講得笑。
因教義謂有魔鬼，故一切邪惡皆魔鬼引誘人造成。魔鬼本身亦惡之象徵。好多教徒問何以上帝不滅魔鬼？無魔鬼，世界就美麗無醜惡了。神學講到上帝交予人是非之心，自己性情可選好與不好，這種自由叫意志自由。
自我決定之意志，聽起來頗有趣，聖經其實並無自由意志一詞，係神學研究出來而已。
因有邪，故天主教廷認為魔鬼經常作祟，至今仍有魔鬼作祟。因天主教仍有驅魔，七三年電影驅魔人，兩位神父同受魔鬼入身的受害人驅魔，卒之老神父心臟病發歸天，後生神父將魔鬼引入自身，然後跳樓同歸於盡。
那受魔鬼入侵的少女，最後恢復健康，聞得改編自真實故事。
究竟有無驅魔？有無魔鬼？耶教認為一定有，無就教不能立。魔鬼反面證明神存在，乃非常重要的證據。　
故天主教至今仍有驅魔。非所有神父主教皆可驅魔，教皇頒佈了一專家名單，專門從事驅魔活動，好似當年耶穌驅逐魔鬼出受害人身體。
當然，巫無法證明正面，於是當作壞，因有超能力，超自然方式，令人驚。在耶教教義，只有神/耶穌，或其賦能之人，方可做此等神蹟工作，天主教聖母瑪利亞仍可，非人人都得。
巫者，一種超能力現象，負責產生這些力量之人或為男人巫師，或為女性巫婆。教會邏輯甚簡單: 這些人受魔鬼差使，這還了得？
這些人一旦發現或審清楚，就會燒死。
當年有兩位多明尼我神父，著天使之槌/魔鬼之槌一書，記載男巫女巫特點，如何審訊懲罰。
中世紀二百年間，死了約七十五萬人，皆涉及巫師被天主教所殺。此數字未有正式統計，牽連甚大。
尤其當年歐洲組織一種法庭，非世俗法庭，而乃宗教法庭，稱宗教裁判所，其中神父法官都經常引用兩位多明尼我神父之天使之槌內容，判定誰人為巫師巫婆。當年好多婦女，大都上了年紀，從事今所謂赤腳醫生工作，於鄉下小鎮醫人小病，往往成功率頗高，甚至接生，英文叫做cunning，今解狡猾，但一般又解聰明醒目女士。因有此能力，好多人覺得其能力非天主或耶穌所賜，或為魔鬼所賜。
這還了得？變了異端邪說。天主教義早期對異端邪說如何處理？一般燒之。非若秦皇焚書如此簡單，而乃將犯異端邪說罪的巫師巫婆綁住，一把火燒死。
而今焫一焫你都好痛，何況下面透火，煮熟你，變成焦炭。嚇都嚇死，但好多人觀禮，覺大快人心。唉，可惜。中國本少獵巫，但乾隆時曾出現風波，同獵巫有關，洋人孔菲力，寫了本小說，名「叫魂」，詳述一故事，好多人因此枉死。獵巫時代，最後至十八世紀，仍有條法律懲罰巫婆巫師。
甚至遠至美國SALEM(今所謂沙龍香煙)，當年亦有後生女子，中老年女人，受獵巫風氣摧殘，因此被處決。
英國蘇格蘭，算文明些，處理巫，不用火刑，用問吊，即掛臘鴨，掛在絞刑臺上吊死。
中間有無寃案？我夠膽講，全部寃案。事關所有證據講法，都係用醅刑迫供，而且離奇古怪。
獵巫事實:歐洲火燒，蘇格蘭美國問吊，我們下回分解。下週準時分享，獵巫得人驚事情，請了老友翻譯成白話文，技術員正上字幕，上兩回字幕好快同大家見面。今回字幕亦會同大家見面。有埋字幕，相信更加可觀。同時其他節目亦正準備加字幕。多謝各位收睇捐贈，今週拜拜，下週再見。


如是我聞之巫下集。上集講了中國巫者，古時巫者舞也、無也、美也、甚至醫也。大家聽過祖先黃帝，其實是否獨立個人？小時老師錯解黃帝為獨立個人，黃帝雖在史記出現過，但係傳說人物。
近代黃帝名稱可為氏族名，非獨人物，而係氏族。中國黃帝之黃，乃黃色之黃。秦始皇始自稱皇(EMPEROR)，大帝稱號，之前諸侯王，三劃王，甚至周朝王帝，亦不稱皇。
何以稱黃帝？而非紅帝、綠帝？黃帝乃傳說中華夏共主，共同推舉為主人，率領人物。後來五帝之首。黃帝相傳姓公孫，因出生於軒轅之丘，故亦稱軒轅氏。又有人曰其姓姬，姬妾之姬，因當日於姬水出世成長，故以姬為姓。中國三王五帝前，未必有姓氏，中國姓氏多源自居住地，亦有分封之地。

比如我姓劉，劉字本身解釋風雅。有三把刀，上高卯字一把刀，下底金字亦金屬製品，旁邊兩楝亦刀。意思明顯為用刀。用刀何所以？非宰割食物，而係殺人。故劉字解釋殺人，劉其人，古書有道，殺人也。今通常不用此義，只留姓氏義，此姓氏亦分封地，以分封地為姓氏。中國人姓氏，多以分封地或居住地決定。方才話姓姬，姬水之地，故姓姬。
又名有熊氏，非因有熊人也。加拿大有熊人死兒童，小童睇慣卡通片漫畫，以為熊人仁慈，但原來熊人爪如五把刀，落來，細熊都二百幾磅，大熊過之，力水一抓落來，真係五道傷口，割穿心肺。並非真有熊人，而係黃帝在有熊此地，建立國家領土，故亦稱有熊氏。
當時五行學說已流行，有熊氏軒轅黃帝以土德為王，金木水火土，五行，以土為五德所在，士色若何？簡單觀察，土色黃色YELLOW，故亦稱軒轅王帝為黃帝，以土為德，而土色黃，故稱黃帝，易記哉。
學校老師少解釋，聽我節目就有此種文化解釋。此氏族或個人相當聰明，對當時中國人有貢獻，打敗蚩尤，使中原長久和平。建立農業社會，故尊為祖先黃帝，所謂炎黃子孫，我等為黃帝子孫。炎帝係另一位，有人話係黃帝，容後研究報告。

黃帝對當時中國人有何貢獻？首先發明曆法。中國農曆曆法非只以月亮盈虧來計，廿四節氣，有四個實依太陽，包括立冬、立夏、立秋、立春。以北半球太陽返回歸線，再返轉頭，計算。其他以月亮盈虧計算。此種計算曆法有助黃帝建立農業社會耕種曆法，即在北半球中原，農民依農曆所示節氣而耕耘，幾時下種，幾時除草，幾時收割，幾時冬藏，全依曆法，通常準確，尤其在中國北方。依曆法工作，自然暢順。好多時非廿八日為一週期，而係三十日方為一週期，故有潤月，容後再講。

除了曆法，黃帝尚發明許多天文地理、陰陽五行、甲子幾年、十二生肖，甚至有謂其同文字圖畫音律皆有關，或占卜音樂祭祀。好多人話甚至風水皆黃帝後來的發明。我等通稱中國人文化，最早生活習慣，遵守之規律，從古代文明開始已擁有，而且延續四千幾年，中間改變之處不多，但持久遵行，成為中國人指標文化，政治經濟力量不能移半寸。
黃帝對手蚩尤史記有記載，居長江流域，中原南面，未到香港，香港是否在中國南方有政治是否正確講法，長江流域亦為中國南方，有所謂九黎，民族名，當時當作南蠻，可能非北方的人，但如今都算中國人。這些人可能係苗族，亦可能係藏族，或其他少數民族，同黃帝之間戰爭衝突若何？
今日就此打住，下回第三回，再分享蚩尤同黃帝之戰，及後所引致結果，下回分解。
多謝 各位捐款，支持鼓勵，今日如是我聞兩節新形式，暫且說再見，拜拜。

大家會因為片名而想看一部片嗎？我就是那種很容易被片名吸引的人。
＃這不是一個可以說謊的時刻 #ThisIsNotATimeToLie 真是個好名字。
無意中看到了一個 Post 是關於「＃世界奇異動畫」被誤稱作「＃世界奇異動物」，對於那些偏執不認錯的人我們是無可奈何的，但我是因為這Post 而搜尋了「世界奇異動畫」的片目，所以，改節目名的朋友不要生氣，大家也知道是去看動畫，大概只有那一直說成動物的人以為大家是去看動物。

世界奇妙動畫
World Amazing Animations
17 September 2016 (Sat) 2:30pm
MCL德福戲院 (MCL Telford Cinema)
.
(98’／包括15部短片including 15 shorts／DCP、高清數位檔HD digital format)
.
《三缺一》MISSING ONE PLAYER
(導演Dir：雷磊Lei Lei／中國China／2015／4‘30／無對白No Dialogue)
打麻將時三缺一的情况非常糟糕，伙伴們在麻將桌上的等待是别無選擇的，三個人流着眼淚，默默承受着憂傷。但是他們相信，麻將發燒友即將到來。
During a majong game a bad situation occurs. Everyone waits for the last player to show up. The three have no choice but to wait and sit there silently in tears. However, they do believe that the fourth player will come.
* Silver Dove, International Competition, the 58th International Leipzig Festival for Documentary and Animated Film 2015
.
《這不是一個可以說謊的時刻》THIS IS NOT A TIME TO LIE
(導演Dir：雷磊Lei Lei／中國China／2014／3‘30／無對白No Dialogue)
融合了說唱元素的斑斑斕詩畫作品，包括：拼貼、繪畫、音樂與設計，這部以舊書封面為元素的作品，帶給觀眾一個萬花筒的浪漫故事。
I’m scared, I don’t dare look ahead. This isn’t a time to lie.
Mountains and water, characters and objects in the film are all made with old book cover
.
《咔嗒咔嗒兩代情》CLICK
(導演Dir：Lee Jung-Min／南韓South Korea／2015／6‘30／韓語對白，英文字幕In Korean wiith English subtitles)
兩代人之間的溝通，從老人的菲林相機和他孫女的數碼相機之間開始。
Communication between the generations can occur from an old man’s analog film camera and his granddaughter's digital camera.
* World Premiere
.
《寄伴》JEFF CAME FROM THE PARCEL
(導演Dir：張瑋庭Chang Wei-Ting／台灣Taiwan／2016／3‘30／無對白No Dialogue)
機器人在天空郵局工作，日復一日整理郵件的生活單調無趣。突然郵包掉下一個男孩，他們彼此相伴，成為貼心的另類家庭伙伴。
Robots works in the Sky post office. The daily work in the post office is boring and dull. One day, a little boy Jeff comes with a parcel, and becomes robots special family member.
* Silver Award for Animation, Youth Film Festival 2016
* Special Prize (Animation), Vision Get Wild 2016
.
《送你心愛的小花》TA-DA
(導演Dir：Kim Yea-Jin、Shin Hyen-Kyeng、Jo Eun-Bi、Choi Eun-Na／南韓South Korea／2015／6‘30／韓語對白，英文字幕In Korean with English subtitles)
Peter是一頭膽小的熊，他鼓起勇氣送禮物給Amy表達他的愛。但她發現那是從她珍貴的花園摘來的花。
A timid bear Peter takes his courage to give a present to Amy to express his love. She finds that was from her precious garden.
* World Premiere
.
《DREAMER》
(導演Dir：王怡閔Amy Wang／台灣Taiwan／2015／3‘30／無對白No Dialogue)
小女孩墮入她的夢裡。牽著想像的氣球，她開始旅行……。
A girl falls into a dream. With imaginative balloon, she starts her travel...
* Melbourne International Animation Festival 2016
* MONSTRA – Lisbon Animated Film Festival 2016
* In competition, the 38th Golden Harvest Awards 2016
.
《饕》GLUTTON
(導演Dir：林慶典Ferris Lin、朱柏溢Chu Po-Yi／台灣Taiwan／2014／6‘／無對白No Dialogue)
人類自古以來就與大自然維持著良好的互動關係，各自擁有彼此的生存空間。但社會的進步，人們的慾望慢慢開始日漸滋長，卻因為無知的貪婪，造成環境失序，大自然復仇性的反撲，讓人類所擁有的一切歸零，嘗到自食惡果。
The gluttonous monster existed in our life. Parasitizing in greedy of people's heart of hearts. Let people be a devil. Eating our natural resource and destroy the animal's home. To get more commercial benefit, earning more money.
* In competition, the 38th Golden Harvest Awards 2016
* Sydney Indie Film Festival 2015
.
《根．更》TEAR DOWN
(導演Dir：陳柏謙Chen Po-Chien／台灣Taiwan／2015／5‘／無對白No Dialogue)
風和日麗的一天，小男孩「阿寶」本來要到後院與心愛的小狗「嘿嘿」玩耍。沒想到，美好的一天風雲變色，巨大的推土機慢慢逼近……
On a sunny morning, Bao, a little boy, was playing with his loving dog, Hei, in the backyard. However, the darkness hit, everything changed…
* In competition, the 38th Golden Harvest Awards 2016
* Taipei Film Festival 2016
.
《七五郎澤之狐》THE FOX OF SHICHIGOROSAWA
(導演Dir：Sugihara Tune／日本Japan／2014／13‘30／艾努語對白，英文字幕In Ainu with English subtitles)
北海道函館市的東山是狐狸的家，卻成為了非法棄置醫療廢棄物之地。狐狸母親為了尋找食物給孩子，從山上來到了人類的村莊。全片以日本原著民的語言艾努語說故事，是聯合國教科文組織列為極度瀕臨消失的語言。
Higashiyama, the home of the foxes, has become an illegal dumping ground. The mother fox comes down from the mountains in search of food to feed her children, and comes upon a human village. This story is told in the Ainu language, which has been deemed a critically endangered language by UNESCO.
* Audience Choice Award, Tokyo Anime Award Festival 2015
* 3rd Prize Online Award, the 31st interfilm 2015
* In competition, Kaohsiung Film Festival International Short Film Competition 2015
.
《黑色種子》BLACK SEED
(導演Dir：Francesco Rosso／愛沙尼亞Estonia／2014／7‘／無對白No Dialogue)
一個中年西伯利亞男人，在大風的草原生活，因為一位神秘的來客，令他的生活突變。荒誕加上現實主義，在這間小木屋裡，沒有希望的餘地。
A middle-aged siberian man living in a windy steppe, his life suddenly change due to a strange guest. Absurdity and realism are combined together into a small wooden cabin where there's no room for hope.
* In competition, Kaohsiung Film Festival International Short Film Competition 2015
* In competition, Seoul International Cartoon & Animation Festival 2015
.
《TURNING THE PAGE》
(導演Dir：李虹澐Li Hong-Yun／台灣Taiwan／2016／6‘／無對白No Dialogue)
Bopo是圖書館管理員，一成不變的生活讓他感到厭煩，直到發現一本可以改變職業的命運書。
Bopo, a librarian, is bored with his daily routine until he find a book of fortune that can change one’s career.
* Audience Choice Award, Youth Film Festival 2016
* Golden Award for Digital Media, A+ Creative Festival 2016
.
《摘月記》CATCH THE MOON
(導演Dir：陳變法Chen Bian-Fa／台灣Taiwan／2015／6‘／無對白No Dialogue)
靈感來自於一個華人文化與月亮有關的習俗「指月亮會被割耳朵」，一個小男孩為了追尋月亮而與爸爸發生衝突，負氣隻身前往而開啟一趟奇幻的旅程。
A story about the relationship of a father and a son in Chinese culture. The story happens in a mystery mountain, and the moon upon the mountain stands for the dream which seems untouchable.
* Bronze Award & in89 Special Award, Youth Film Festival 2016
* In competition, the 38th Golden Harvest Awards 2016
.
《神秘的森林蘑菇》MYSTERY OF THE MUSHROOM FOREST
(導演Dir：Kim Bo-Mi、Nam Min-Ji／南韓South Korea／2015／6‘30／韓語對白，英文字幕In Korean wiith English subtitles)
不知名的視頻發放給公眾，關於Dr. Kim和他的孫子Johnson登上研究巨型蘑菇的旅程。Dr. Kim想在他退休前，再次找到巨型蘑菇。
Unknown video is opened to the public. The video shows Dr. Sang-duk Kim and his grandson Johnson Kim, going on a journey to study the giant mushroom. Dr. Kim decided to find again the giant mushroom before he retires.
* The 11th Korean Independent Animation Film Festival 2015
* International Premiere
.
《驚心動魄今晚夜》TRAVEL BY FEET
(導演Dir：Khris Cembe／西班牙Spain／2015／15‘／無對白No Dialogue)
一次夜間火車的旅程；一卡載滿乘客的火車。在你的車廂中遇上一個惱人的同伴……為了得到一個和平的旅程，你可以去到幾盡？
A night train journey. A wagon full of passengers. An annoying companion in your compartment... What would you be willing to do in order to have a peaceful journey?
* In competition, Kaohsiung Film Festival International Short Film Competition 2015
* Annecy International Animated Film Festival
.
《蝸牛大歷險》ESCARGORE
(導演Dir：Oliver Hilbert／新西蘭New Zealand／2016／5‘／無對白No Dialogue)
這部蝸牛恐怖喜劇絕對會嚇到你笑到你個心離完又離！Claude和他的朋友離晒殼，卻遇上了天大危機，展開了一場驚險刺激的逃生歷險。
This snail horror comedy is so scary it'll shock your shell off! Claude and his friends are out of their element and in a whole lot of trouble when they choose the wrong lettuce for lunch. They must now find their way out…
* Best Character, Animago 2015
* Best Animated Film, Idaho Horror Film Festival 2015
* Best Film, Geek Short Film Festival 2015