.
最近有種想練腹肌的衝動。但由於我是瘦底的關係，真係驚自己亂做，攪到越嚟越瘦。加上好多健身器械除咗重，其實女仔未必識正確使用方法。所以揾個有牌嘅專業PT真係好緊要。我就最鐘意去 @supermotionhk 到健身。除咗有專業有牌嘅健身教練之外。最鐘意佢夠乾淨，啱晒我尼種有潔癖嘅人。除咗健身之外仲有好多唔同元素嘅堂可以上，有空中瑜伽、香薰瑜伽、頌砵、跳舞、泰拳、跳舞仲有親子瑜珈。包羅萬有，健身都可以多彩多姿。

阿妹，想食乜！同你介紹返咩係菜！

亂鳩咁黎系列，啊，應該係全職炒散系列話做就做，今日，我係菜檔陪同店主賣左半日菜，真係眼界大開，唔講太多，去點！

1）是日任務，賣菜！地點，屯門新墟街市，下午時段

2）政府街市，非領匯，檔口係兩個連位，目測菜品種類超過三十款，每款都唔算多

3）第一單生意，菜芯，一斤，廿蚊（覺得貴？咁要睇埋落去）

4）首先介紹返店主先，八十後，用五百蚊入行，零晨五點係街市前走鬼，然後投標入左街市擺檔，新墟檔口已經有八年歷史

5）店主只有一人，無請員工，返工時間，未發達前，凌晨四點幾五點，到晚上八點，幾乎你收工就要返屋企訓等聽日再開檔；發達後，朝早七點半，去到檔口叫早餐嘆，六點收檔走人

6）賣菜都會發達？一日搵幾多？黃金年代一日純利四五千走唔甩，今日就唔同講法，想知今日埋數賺幾多？慢慢睇到最後一點

7）如果想入行賣菜人工幾多？店主分享，你連菜芯同芥蘭都唔識分咁做，都一日700，當你熟手，甚至一手就可以精準拎到一斤菜時，就由一日900－1200不等，但你要搬菜，無體力請自重

8）有冇假放？你見街市有冇休息？幾乎只放新年，唔好講周末假期，長短周，連紅日你都要返工，店主聲稱只會去旅行時先會放假

9）付出咁多，你得到咩？養妻活兒，買樓唔太大既樓絕對無問題

10）睇到呢度，想入行做店主？請睇後面，會講晒所有條件比你聽

11）開始你問我答環節，咩季節食乜最好，低級問題，夏天食瓜果豆，冬天就菠菜豆苗西洋菜西芹粟米蘿蔔

12）菜芯公價係幾多？無所謂公價，唔同地方有唔同價錢，同樣係菜芯，由貴至平既排列大約如下：City Super，一田，大型連鎖超市，街市「執」菜檔，街市「唔執」菜檔，街邊大型菜店（夜晚會放晒出黎一份份平到五蚊有交易個種），而店主既菜芯係20蚊一斤

13）五蚊斤菜芯其實你都買到，點解店主會賣20蚊斤？上面講到一個「執」字，會執既菜檔普遍都貴，因為店主會將唔靚既菜頭菜尾都幫你處理好，唔好睇同壞既菜會丟左，你返到屋企只需要洗一洗就可以直接煮，有別於「唔執」檔，其實佢地有三分一都用唔到，佢貴係貴在個人工錢（其一）

14）有機菜合集，點去分辨有機菜？當你發現檔口有一大個「有機產品」Logo時，佢先「有機會」係有機菜，無Logo就一定唔係，想保證有機，請去大型超市就一定唔會呃你

15）有機菜係咪無農藥？錯，有機菜都有機會有農藥，只係係規管下你唔可以用多過幾多農藥，就算你食有機都「可能」有農藥使用過

16）有機菜係咪好食D，店主話根本難以分辨，味道口感同營養都唔係因為有機同無機而出現分別，你覺得有機菜好食既就食有機，開心就好

17）店主係咪賣有機菜？唔係，但店主主要係賣本地農場既菜，亦因為咁，呢個係佢貴過外面既原因之二

18）本地農場係咪好食D？唔一定，但一定會比進口菜新鮮，因為係運送過程會比進口菜短好多，本地菜由佢收割到街市，大約一兩日，店主話，大陸菜芯係寧夏過黎，唔通飛機空運咩，陸路過黎，又要車程又要過關，黎到香港去批發再派貨，自己計放左幾多日啦，當菜新鮮，自然就無咁老咁多渣

19）幾點前買菜最好？中午前啦，中午後就開始有野賣晒，當然你食大路野都會比較易買到

20）幾多錢先送蔥？店主話真話係，睇佢心情，我見佢有時送蔥有時送辣椒有時送蘑菇，靚女係有多D野送（以我觀察）

21）超甜粟係咪真係甜？係，但你要確認到佢真係超甜粟，最簡單分辨係粟米粒有黃有白，如果粟米鬚呈銀色就係極品（我打開粟米見到有條死蟲，店主話呢種通常都會捐去食物銀行，黑心店就會切走照賣）

22）讀者你問我答環節，有部份我都答左係上面，蕃茄係咪個底有粒星就甜？唔係，最緊要紅同軟，因為熟到軟既先代表甜

23）有機菜係咪會多d蟲，係，因為用少左農藥，整體會「樣衰」過無機菜

24）點樣洗菜最好？浸，然後洗兩轉都夠晒

25）入貨有冇MOQ，你一百蚊都可以買，有錢就得，有機菜要買唔難，但你要再轉賣有機菜就要有牌

26）菜係咪一定要噴水，係咪呃秤？店主即時展示佢既霧化噴壺，噴完之後佢問我，你覺得重左幾多？點解要噴水，店主有兩個解釋，一，依家街市有冷氣，比冷氣吹到菜乾左會唔好睇同老，所以冷氣位一定會噴水；二，因為大家都理解有水既菜先新鮮，為左滿足大家既心態，佢噴比大家開心下

27）菜有水係咪好快爛？唔係，店主話，你條菜乾到無晒水份，你放幾耐佢都係咁，但一定唔係好事，水係有助保存

28）如果買左菜食唔晒點保存？浸冰水，溫度會令菜保鮮；想放雪櫃點好？浸完水，飛水，唔好滴住咁放入雪櫃，唔駛乜報紙啊保鮮袋等等，其實都差唔多，因為家用雪櫃有抽濕功能，所以放保鮮格係會有助菜保留水份

29）菜係咪海鮮價？可以話係又可以話唔係，之前講到，有機、無機、本地、進口、地點、有冇執過都會影響價錢，當一棵菜芯係你眼中只係菜芯，咁就係海鮮，但你知道佢係一條本地有機執過既菜芯時，就係物有所值

30）冰菜上面既冰係咩？鹽份，所以冰菜有咸味

31）點氹師奶？店主教路，男既全部叫老闆，女既全部叫阿妹，呢個問題係我聽到佢叫緊一個六字頭既阿嬸「阿妹」後問……

32）點打敗家農呢類菜品店？有錢，你有一百億既可以同佢鬥過，但店主表示自己有一百億不如收息嘆世界，點解仲要賣菜？

33）仲請唔請Partner？店主無意開分店，依家佢賣菜係興趣（從佢撩阿姐既行為中，我信佢係真心喜歡賣菜）

34）點解每種菜唔同價錢但收幾錢就咁快計到？店主話當你日日都計，計足十年，你都可以

35）芫茜同蒽點樣可以放得耐啲？店主無奈表示，食左佢啦，真係要放，冰水，曾經有客問佢菜可唔可以放兩個月，店主指左對面間菜乾店叫佢買菜乾

36）每日賣淨既菜會點處理？一，食物銀行；二，賣比餐廳，通常都唔會掉，收檔時我見佢薯仔、薑、蒜頭呢類貨會留之外，其他全部入膠袋，夜少少會有人收走送去餐廳

37）平均一斤菜有幾多利潤？唔定，愈大路既菜利潤愈少

38）有冇人收陀地？無，最多都係舞獅派財神，十蚊打發走個種（佢係政府街市）

39）老老實實賣菜係咪生存唔到？係，答案太長，下回分解

40）如果你想入行，可以點？店主表示，如果你可以申請到政府街市，一個月租金平到你唔信，只要你開舖都唔會憂，領匯就唔好諗，原因太長，下回分解；以佢舖位做例子，起動成本只係兩萬以內，是日入貨1052，本真係唔算多

41）如果聽日係世界末日，店主只可以食三種蔬果，佢會食乜？非本地系列：日本產香菜、法國番薯、荷蘭甜椒；本地系列：香港椰菜、荷蘭豆、扁豆（原來兩種豆係唔同）

42）有關點揀菜……篇章太長，我會之後再解釋，今日記野都記到我頭都暈

43）是日進貨成本，1052；是日銷售額（只計紙幣）3800

44）是日本人收獲，老細請左我食外賣，一條老細精心挑選既蘿蔔同粟米，同埋一堆聽極都唔厭既賣菜知識趣事，請容我叫老細一聲，師傅！！！！

作者的話，今日真係獲益良多……我對菜真係一無所知，比佢笑左我好多次，對於一個完全無架子，願意分享成行所有情報同潛規則既店主，仲完全不求回報，佢話唔好開佢名，以免比人點錯相！我代讀者們再一次多謝佢，而我都同佢講，我仲有好多問題想知，一定會定期再搵佢！

所以讀者們如果有問題想再問既，請留言！！！！！！！！！

如果喜歡呢個系列，同埋想感謝店主既分享，請比Like Comment and Share！！！！！店主有偷偷睇Post！

賣菜系列將會下周再來！而我亦準備做圖文版本，需要較長，敬請留意我既更新

一個我自己由BB開始已經去嘅公園，依家因為住得遠所以無咩機會帶3個去睇、去玩、去探索🥲。
.
暑假嘅一份常識科功課將我哋一家人帶到去呢個公園，令我再次醒起呢個由細已經覺得好好玩好有趣嘅好地方。😄
.
亦正正呢份功課，我哋決定舉行一個家庭活動，叫埋屋企人一齊去，一於邊玩邊做功課！😜
.
一去到又係離不開 衝入去公園嘅情景😂，小朋友係要放電嘅！
因為我哋4:00pm至到，但 #教育及展覽中心 4:30pm要關門，所以第一件事入去玩吓小遊戲同睇動物標本先，然後再去睇真動物，無奈嘅係去唔到同樣係4:30pm關門嘅「 #溫室」🥲，下次我哋一定會早啲嚟再玩過！
另外，見門口有牌寫住星期日有導賞團，如果有興趣可以留意一下。😊
.
我哋今次主要睇動物同植物，
有哺乳類動物：
婆羅洲猩猩、紅頰黑猿、金頭獅狨猴、環尾狐猴、白面僧面猴 等等，十幾種唔同嘅猴類動物。
另外，仲有一個 ‘狐獴之家’ 添！

爬行類：
放射陸龜╱輻射紋龜、盾臂龜
.
睇完哺乳類動物，我哋穿過 #時光隧道 去睇睇鳥類動物：
美洲紅鸛、長冠八哥、黃頸黑雁、丹頂鶴、藍鶴 等等，有成廿幾三十種。
.
每款動物都有一個介紹牌，方便大人話俾小朋友知動物嘅特性。👍🏻😊
.
原來時光隧道入面有好多舊相，由1865年至1982年嘅公園相片，從中睇到公園好多嘅變化，如果經過不妨留意下。
.
另外公園內有900多種植物，大部份品種都來自熱帶同亞熱帶地區。
包括：松柏、無花果、棕櫚、桉樹、玉蘭、茶花、杜鵑、春羽等；而較罕有嘅植物有：水杉、福氏臭椿、克氏茶、葛量洪茶、金花茶等等，植物附近都有標籤說明，我哋又認識多咗各種植物同樹木嘅特色啦！😊
.
除咗睇動物同植物，佢哋更係要去埋兒童遊樂場玩返一陣至肯走啦！😆
.
沿途經過 #噴水池平台花園 都好靚，同埋噴水池旁邊嘅小食亭位置係一個好好嘅打卡位，有幾隻猴類動物嘅公仔可以影相📸️！正！👍🏻
不過啲人仔已經一技箭咁跑走曬，捉唔到佢哋影相lu！🤷🏽‍♀️
算吧啦！😂
.
PS：香港動植物公園小知識 ~
佢係香港歷史最悠久嘅公園，1871年全面開放，更由1876年起陸續飼養雀鳥同哺乳類動物，1975年正式由「 #兵頭花園」改名「 #香港動植物公園」。
.
公園本身同佢部分位置都有開放時間咖，大家如果去玩要留意呀！
噴水池平台花園：5:00am至10:00pm
溫室 / 教育及展覽中心：9:00am至4:30pm
哺乳類動物區：8:00am至5:00pm
.
.
.
#家庭樂 #香港本地遊 #假期 #本地遊 #假期好去處 #週末好去處 #親子活動 #假期活動 #週末活動 #本地好去處 #家庭活動 #三年抱三 #香港公園

OTK：01:42、03:35、07:22
BGM：https://youtu.be/lKMqwRv3plI
※本牌組很可能被改弱，請斟酌使用

加入肥貓丸頻道會員，享專屬會員徽章：
https://www.youtube.com/channel/UCbr1TwV0Tk7LeQ5Yzi0vRxA/join

※本牌組很可能被改弱，請斟酌使用
附上牌組：
AAEBAcn1Agj6DsIPrRCdxwLO6QLx+wKPggPwrAML3AaRswLy0ALamwPrrAO/uQPs0QOV3gOT5AOK7wPnoAQA

#爐石OTK

Daiwa，Shimano及所有牌子的電動丸(電動捲線器)均有其接駁電壓Volts的限制，萬一使用不當的電源，電動捲壞了也不知甚麼原因。
在網絡世界所得資訊，很多電動丸的損毀,卻是因使用船上提供電源所致，原因可能是船電輸出功率會因船上機械運作而產生不同變化所致，唯真正原因，眾說紛紜。
在我一群釣友中，絕大部份都會自攜電源供電捲之用，影片乃提供參考而矣。

呢條《陳浩南教書篇2014【警察招募日】》惡搞《古惑仔4之戰無不勝》經典一幕，今日2021年睇返都十分有共鳴！

片中，陳浩南一把長髮變成雀巢，佢亦由原本嘅古惑仔變成警察，透過改對白寸盡香港公安、特首同警界一哥「哦，原來你就係包二奶嗰個朱Sir呀？」「我同你差唔多年紀嘅時候，我都差啲入咗警隊。點解想做警察呀？巴閉囉，英雄主義，疊馬。我唔鍾意你，我可以逗你；我唔妥你，可以耷你。」「你話你鍾意梁振英吖嘛？你見過梁振英未呀？」當中，以呢句對白最貼合依家世情「依家邊有人做古惑仔架，要做都做警察喇。」Exactly，依家香港邊個最惡呀？唔係黑社會，梗係有牌爛仔最惡架喇！又當中，以髦毛版陳浩南揸警棍怒打遲到學生一幕最靚抽！點解？你明白的。

影片來源：學舌鳥 Mocking Jer
https://www.youtube.com/c/mockingjer

#游學修
#何啟華
#香港警察
​