《反黑路人甲》第一集，張振朗最搶戲！

～ 大台劇集的開頭，通常都唔會太差，就算無乜驚喜，都會穩穩陣陣，通常去到十集以後，就會開始嚟料，拖悶散亂皆陣列在前，唔知呢套會否結局一樣呢？不過，今次用喜劇形式，不斷惡搞經典電影和電視劇場面，好似當年《娛樂插班生》和《難兄難弟》這種類型，如果笑料處理得好，演員又配合得到，其實受歡迎唔難，問題關鍵在喜劇好靠演員，這批演員可以嗎？

～ 第一集由節奏到劇情，交代得相當爽快，無拖泥帶水，大致上主要角色已經出場，人多但交代並不混亂，王浩信做這類型角色，好過做懶有型同好打得嗰種，不過論造型同演技發揮，最搶戲應該是張振朗，白頭造型ok，差點被賴慰玲迷姦一幕，差滴眼淚便完全時《最佳損友闖情關》，荷蘭叻被吳君如霸王硬上弓的場面，成集最好笑呢段。

～ 感情線如果最終是「王張」成為CP，我會超喜歡。

～ 女一FYY個角色並不討好，做差人走去賄賂記者，知法犯法！今集最大作用是派福利。

～ 湯怡首次做大台劇女一，浮沈多年，她的演技近年進步不少，欠個機會，唔知這套劇係唔係？穿著運到內衣是否代表她在劇中做運動選手？

～ 連續三部劇都有高Ling同李成昌，真係想迫人睇到厭？不過點都好過連續三部洪生和朱小姐。高Ling同王浩信《流氓大亨》「so what」一幕都幾好，但繼續玩《喜劇之王》尹天仇同那本演員自我修養書真係好Q悶了，好心停手啦！

～ 觀眾直覺，買兇殺全家和final boss一定係姜大衛。(其實係典型大台套路)。

～ 望見片頭那些介紹惡搞的電影，好自然諗起王三日，差不多齣齣戲都係咁玩。

#反黑路人甲 #港劇 #TVB #王浩信 #張振朗 #馮盈盈 #湯怡 #高海寧 #傅嘉莉 #姜大衛 ＃徐榮 #賴慰玲 #朱敏瀚 #蔣家旻 #石修 #張國強 #李成昌