［泰國親子好去處］🔥兩兄弟超開心~終於去到餵長頸鹿啦🦒🦒🦒去左全亞洲最大既野生動物園「Safari World 賽佛瑞動物園」呢度夠一家大細玩一整日+超多動物🐘🦏🐆🐅🦓🦌 麻煩晒TaraLife 曼谷包車接送 一日遊，最後仲帶我地去食埋平價海鮮餐廳 ，咖喱蟹超好味😋加河畔景超靚呀🌅~ #曼谷必食餐廳 #SavoeyThai #SafariWorld #賽佛瑞動物園 #Taralife #親子好去處

3間曼谷必食餐廳｜行過錯過一定會後悔 泰國都算係東南亞我好鍾意嘅地方，因為有好多好野食，又有好多野買。因為我去旅行無咩特別行程，就係食共買對我最重要haha。去旅行梗係Hea㗎啦，日常生活返工返學仲唔夠緊湊，仲要去旅行安排一連串活動去跟著，我唔得囉，我要釋放下。 通常我只會安排食嘅行程，查左地址之後就睇下附近有咩景點可以順便行下haha。係呀，順便㗎咋，食對我黎講最重要，所以第一遍文都係寫食haha。黎曼谷有3個地方我一定會去食，幾乎次次去曼谷都必食。一間食泰菜，一間意大利菜，一間雞飯，雖然呢幾間都好多遊客去，但真係好好食囉。 講左最多人知果間先啦。 呢間紅大哥水門雞飯真係好多人排隊，除左本地人會去之後，遊客都特別多。一黎到曼谷一定必食囉，唔食會覺得無黎到曼谷囉。1960年開到而家，幾十年都Keep到水準，幾年無黎，再去味道都一樣，實在太難得。 全間舖店員著嘅衫都係我最鍾意嘅桃紅色，太易認得。位置係Central World對面Big C再行落啲轉個彎就到（The Palladium World Shopping Mall對面），行下街買下野都好方便。 雞好滑、無骨、個汁好濃味，嘩！太耐無食好掛住。最緊要係價錢又平，送果個湯又好飲。真係超值，呢個價錢做到呢個級數，食到覺得賺左。喂10幾蚊港紙，香港飲杯凍奶茶都唔止啦，下話。好正，心心眼。 Kaiton Pratu Nam Chicken 地址： Phetchaburi 30 Alley, Khwaeng Makkasan, Khet Ratchathewi, Krung Thep Maha Nakhon 10400泰國 去Central World行街街，順便可以去食泰國菜，呢間泰菜個咖哩炒蟹好好食。隻蟹好新鮮，啲肉頂殻，啲肉咬落去果下好結實，唔會好似食左水蟹咁食左陣風咁。個咖哩汁仲有蟹膏一齊煮嘅，撈飯可以食幾碗都得啦。 仲有其他海鮮都好新鮮，食左個燒墨魚都好好食。其他炒菜，炒飯都好好味，但唔記得左影相XP。其實個炸魚都好好食㗎^^。 泰國有10間分店，1979年羅勇海邊創立第一間餐廳，係一間好有歷史嘅海鮮餐廳。仲有間舖有手信賣，有幾樣我去親都會買。鹹魚我媽一定會買，煮魚香茄子好好味。仲有魷魚同魚仔，又辣又好食。所以呢間舖我唔食野都會去買手信。 Leam Cha Reon Seafood 地址： CentralWorld, 4, 4 / 1-2, Central World, 3rd Floor, Rajdamri Road, Pathumwan, Khet Pathumwan, Bangkok, 10330, 泰國 到左壓軸呢間意大利菜，真係必食，真係好正，好正，同埋好正。點解會去曼谷食意大利菜，因為價錢唔貴又食到超值嘅質素。認識呢間餐廳真係好耐好耐之前，聽說張國榮生前都好鍾意黎呢度食野。屋企人都好鍾意哥哥，所以偶像會去嘅餐廳，仲唔去朝聖咩。 第一次去已經好驚喜，點嘅所有菜都好有水準，無一樣係失望。而且呢度開酒都好平，真真正正飲飽食醉先走。其實呢度唔俾影相，我冒住生命危險咁拍攝，偷偷摸摸咁樣樣haha。 Caesar Salad芝士好多，Parmesan勁多勁好食。 Pizza Parmaham 嘩，芝士牽絲，餅皮手工做，太太太好食，Ham 又多，好抵食。 Bristany Lobster 食完真係大叫左出黎，太耐無食過咁好食嘅龍蝦，食完想轉圈圈。可能海洋污染關係，我覺得而家無咁多新鮮龍蝦係香港可以食到，一係食到嘅啲肉都好霉。呢隻波士頓龍蝦真係驚為天人，一食落口就已經覺得好有鮮味，啲肉好結實之餘可以食到一詩詩嘅口感，實在係太犯規。個意粉煮得啱啱好，有小小辣味，意粉仲有蝦膏一齊煮，OMG太美味。 T-BoneSteak 燒到恰到好處，5成無出血水。肉有炭香味，食完齒頰留香。 之後有一個甜品一定要食，係一定，係必食。Tiramisu 呢個甜品真係好食到不得了，好綿又有好濃芝士味同小小酒味，食晒之後真係有一個完美嘅Ending嘅感覺。 本身好鍾意呢個甜品，因為佢背後有一個故事好浪漫。就係軍人要去打仗，妻子用屋企剩餘物資做一個甜品俾軍人上路，Tiramisu 係意大利文有帶我走嘅意思，OMG 太浪漫。 我真係好鍾意呢間餐廳，又可以著靚靚，又可以食好味嘅意大利菜。黎曼谷一定要Book位食呢間意大利菜^^。 Zanotti Il Ristorante Italiano 地址： 21/2, 1st Floor, Saladaeng Colonnade Condominium, Silom Road, Silom, Bangrak, Bangkok 10500泰國 #hkiggirl #hk #hkig #hkgirl #hkiggirl #hkblogger #thaifood #foodporn #instafood #instatravel #instablogger #instatraveling #Bangkok #zanotti #leamchareonseafood #KaitonPratuNamChicken #italiano #bangkokmusteat #hkyoutuber #instayoutuber