【龔成問答信箱】（Q21781-Q21800）

Q21781：

龔sir, 我係你舊生，有關於現金流嘅問題想請教，我偶爾聽到你評論一些公司現金流強，請問現金流強、普通、弱有什麼指標?謝謝你百忙抽空回答

龔成老師：

投資者會分析企業的現金流量表，在年報可以找到的，當中會分為「經營活動」、「投資活動」、「融資活動」3部分，而我地會集中分析經營活動部分。

如果企業的經營活動現金流保持強勁，反映企業憑做生意，持續保到理想現金流，除了反映業務不差外，企業得到大量現金，無論發展，又或派息，都是有利因素。

你預保持年年正數，就是現金流強或普通，而當中的數字大，就是強勁。當然，我地仍有好多因素分析，例如現金流量表的各項目，盈利的情況等。

------------------------------------------------

Q21782：

龔老師你好丫，我係你嘅忠粉，我有問題想請教你的‍

我現時28歲，剛上車一年，地點係粉嶺聯和墟帝庭軒，買入價係550萬。

想問下黎緊幾年個區樓價升幅大唔大？因為我見附近又有新盤開賣。

我想過幾年轉返出沙田或荃灣的地方住。所以先上車再換樓，咁樣做岩唔岩丫

龔成老師：

坦白講，粉嶺聯和墟始終離市區有距離，就算去翻地鐵粉嶺站，都要坐小巴或行一段時間，長遠的升值潛力不算大。

當然，聯和墟有點似一個小鎮，如果工作地點不是市區，從本身的生活配套上，其實不算差，因此不是劣質。

你擁有一個物業，都算是處於「物業追物業」的狀態，不過選擇物業就不是最好類別，但都不是差。現時你物業，可持有的，到你日後，可轉翻出去沙田或荃灣，無論自住定長遠升值能力都會較好。

------------------------------------------------

Q21783：

龔老師你好。我今年已32歲，一直都沒有理財概念，只係被動地儲錢（即係用剩先儲，但我唔買名牌嘅）。

上年好不幸地被裁員，剛剛搵到工，但人工只剛剛夠食住行+俾屋企人藥錢（年頭驗到有事），差唔多無剩。而我亦只是個文員仔，唔望會加人工，就算搵新工都唔會加到好多。

我嘅人生好似入左個死胡同咁，晚晚臨瞓時都眼濕濕，唔知未來點算。

目前儲蓄只有20萬，深明擺係銀行只有慢慢眨值，想請問有什麼資產增值的方法？

龔成老師︰

現時大環境唔係咁理想，就業市場，以至人工收入受到影響，係正常，唔好諗得太負面。大環境我地係改變唔到，但個人心態係可以改變。

你先要了解自己未來工作發展目標，講緊係長線，10年以上。

再睇翻，現時工作，可唔可以幫你達成目標。如果唔得，那這份工作，純粹只過渡性。你就要工作之餘，努力為你目標工作做準備。

學習相門知識、上相關課程、或者做有關兼職。目標係當市道轉好時，這些經驗可以增加你成功就職理想工作的勝算。

至於財富增值方面，你要一改以往金錢觀念。想做到理想財富增值效果，每月我地係先要儲起一筆錢投資，到真係有錢剩，才作休閒消費，概念是跟你以往係倒轉。

我建議你有時間的話，可以找些增加收入方法，例如兼職、網上小生意等，目的係每月可以開始空出一定資金，作投資增值。

以你32歲，可以選擇一些「平穩增值股」+「潛力股」作投資目標。

到你每月可儲到錢時，你可以每月先用一半儲蓄做月供股票，另一半就先儲起架策略。

由於你投資知識不高，因此可較集中在平穩增長類股，至於潛力股，只宜小小注。此期間，你最好是努力提高投資知識，才慢慢增加翻潛力股比例。

餘下現金就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

至於20萬，我建議你扣起半年開支和屋企人藥錢。有剩的一半，你可以分注買入上述股票，餘下同樣等大跌市機會。

------------------------------------------------

Q21784：

龔sir你好，我今年年初開始接觸到你呢個Facebook page，好有啟發，慢慢開始改正我投資觀念，仲一次過買左你幾本書希望增加投資知識。

有兩個問題想請教你：

1）未認識你呢個網之前只係靠屋企人一d介紹買入一d股票，所以唔識睇“平貴”同優質程度去揀同買，宜家手上股票組合需要慢慢調整，

其中手上持有696呢隻股票，而且係組合入面都佔左幾多（大概20萬入面嘅5萬）。我睇過你嘅書知道呢隻股票有佢嘅獨特性，但我當時2-3年前嘅平均買入為$21-22，

宜家佢股價一路都上唔返去。我因為某d原因暫時唔可以再投入額外新資金去買股票，可以動用黎買嘅現金只有萬五左右。如果我得戶口入面個二十萬黎增值財富，

咁我應該繼續放係度繼續等待定先賣出部份黎增加現金同買其他股票增值？

2）另外，你係書度提過可以留意係生活之中自己喜歡嘅野同埋身邊嘅潮流黎發掘潛力/優質股。最近香港人都係度談論Viutv/mirror/error，

我都係一份子。請問龔sir點睇電盈前景？我睇過佢地係電視業務之前都仲蝕錢，但已經慢慢開始有改善，如果佢地咁嘅走勢，

會唔會有潛力突破到一直以來嘅“穩定”？
先謝謝你！

龔成老師︰

1) 中國民航信息網絡（0696）係資訊服務及網絡管理解決方案商，目標市場為中國航空客運及旅遊行業。

例如電子旅遊分銷系統、機場旅客處理系統等，過往業務穩定，有長線投資價值，不過不是高增長類。

你買入價有少少貴，但又唔係好貴，可以守。若你係年青至中年人士，這股適合，照持有就可以。但由於佢佔你組合較重比例(個股應維持少於組合15%)，我建議你都部份，換至其他優質股，咁會較好。

記住，我地投資股票，就等同你投資緊一間企業，一盤生意。你必需了解佢業務、賺錢能力、行業發展、財務狀況等，才去做決定。

如果你而一刻投資經驗較淺，不懂定平貴。你可以用分注或者月供模式去儲貨，去平衡買貴貨架風險。

現時大市只在合理區，你餘下5萬蚊就先儲起，等大跌市才出手。

2) 生活選股法，係其中一個選股模式。因為這些企業和你生活息息相關，所以你較易了解佢當中營運模式和優勢。

但這只是初級，之後我地就要進一步審視佢本質、行業未來發展、財務狀況等等，才可以決定，是否一間值得投資的企業。

電盈（0008）雖然業務算穩定，但由於負債較多，都有一定風險。

VIU TV最近的確發展不錯，但當你再仔細分析佢年報。你會發現媒體部份，其實佔佢收入比重不高。

因此，就算佢有較理想發展，當整個集團盈利幫助，唔會好大。

這股作為收息股，可以，但增長力不強，若你較年輕，就不宜持有太多。同時負債多有風險，不建議大手投資。現價合理的。

雖然這隻算不上係優質股，但你這個思考模式係正確。只要你再努力學習更具體的投資知識，和累積經驗，相信你長線會有唔錯成績。

------------------------------------------------

Q21785：

龔成老師你好，一家準備移民到英國生活，賣出香港物業後可預計套現800萬。

準備到當地買一層$200~300樓自住，其餘想投資賺取生活費，因為未必會在當地工作，所以需要現金流。

請問：用50%~70%資金買英國樓收租，其餘買收息股好唔好？

如果買收息股，應該係買英國股？還是買港股比較好？

因為對英國股票唔熟悉，只有留意港股，阿sir有無英國收息股推薦？

我見阿sir話個組合要平衡，同一股不能太多，咁一般收息組合應該買幾多隻股票？

(好難搵到太多唔同行業又有6%以上既收息股）例如3988 1398 939 都係銀行業

多謝阿sir解答

龔成老師︰

買入自住物業後，用50%~70%資金買英國樓收租，其餘買收息股架策略，係可以。

但你投資英國樓時，緊記只可以投資一些真正了解的項目，堅守「不認識就不投資」的原則。

確保自已真的已了解當地的物業市場、租務市場、法例、經濟發展。而物業有潛力，租金回報率又理想，咁就可以。

另外，唔好用晒全數資金去投資，要保留一部份現金在手，大約半年開支左右(你可自己按情況調整)，以備不時之需。

至於收息股，其實你買美股、英股、港股都係無問題。你只要睇翻你自己的認識程度、交易成本、稅務成本等，去做決定就可以。

我自己主力研究港股，所以比你建議，都會集中係港股。由於現市大市只係合理區，有不少優質收息股，都無6%咁高。

但我地唔會知，未段一段時間，佢地會唔會回到6%以上。所以，我地只可以策略性地，因應平貴，係現階段先入小注入貨。每有回調，再慢慢加注。

但正如你所講，係配置股票組合時，唔好太集中某行業，以免出現過度集中性風險。相同行業不可佔組合多於30%，而單一企業不要高過15%。

特別要留意係銀行業，佢營運模式較特別，風險會比一般行業為高。必需堅守30%這個準則，如果可控制在20%以內，會更好。

收息股︰港燈（2638）、香港電訊（6823）、恆生（0011）、工行（1398）、置富（0778）、陽光（0435）、深高速（0548）等，大多有5%股息

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

（你可睇下《50穩健收息股》當中仲有好多）。

最後，你要留意英國係收取股息時，係會抽稅。係計算你實際現金流時，你注意這點，以免高估左實際股息回報。詳細計算方法，建議你上官方網頁，或者向當地稅務顧問查詢。

------------------------------------------------

Q21786：

你好，龔成老師，我今年34歲，獨女，屋企供滿左層居屋市值大概480萬，月入4萬，之前因為種種原因幾乎沒有儲蓄。現時有5萬現金，MPF 30萬，

黎緊每月可以儲1.5萬

1. 希望可以55歲退休，想之後每月有最少2萬現金流，請問我應該可以點步署？

2. 屋企人曾經提出以現有單位再買私樓，但居屋原來不能再按，所以唯一方法就係賣出現有單位再另外買私樓，請問長遠計係咪私樓會保值啲？

老師有冇建議我可以點做？點樣安排會好啲？
多謝龔成老師

龔成老師︰

1) 如果你希望55歲退休時，每月有2萬蚊現金流，以股息率6%計，你需要本金400萬。

你可以用「平穏增長股」 + 「潛力股」的組合，去累積這筆資金。現在你每月先用5成儲蓄，即$7500做月供。其餘先儲起，用一邊月供一邊儲蓄的策略。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

2) 居屋雖然投資價值，一般都遜於私樓，但好處係投入資金較少。可以用空出資金，作其他投資之用。

由於你這間是自住屋，是否配合你長線生活需要，會比佢保值能力更重要。除非你現時自住樓，真係好唔理想，配合唔倒你長線生活要求。否則，我唔建議你沽出。

若你想投資物業，你可以先用優質股增值，到一定金額才買物業投資。

------------------------------------------------

Q21787：

早晨龔sir,我除左月供apple外，頌可以月供咩股票可以做到五年連本賺200萬，月供資金有1萬蚊其實有無咁既機會？

現持有9988兩手、823四手、6618兩手、966三手、BIDU 8手，Apple 26股、JD京東20股,Qcom 21股 美股都係依兩星期內先入手

現持有股票還可行？

龔成老師：

你月供apple，可以，佢有質素，無論持術、發展、品牌、銷售網絡都十分強，是可以長線持有的股票。

佢設計了各種各樣的消費電子設備，如智能手機（iPhone）、（iPad）、智慧手錶等。

而iPhone占蘋果總收入的大部分。另外，蘋果亦為客戶提供各種服務，亦是一些延伸的賺錢模式，如蘋果音樂、iCloud、蘋果電視、蘋果支付等。

由於已經發展得好大，因此，最高速增長期已過，之後會進入穩定的增長期。長遠的投資價值仍在，但要留意股價。近年大部分時間在合理區中上部至略貴的水平，如投資要分注，長線。

至於其他股，都可以持有，基本上都是有質素的。

不過，你較多比例集中在科網類別，這會出現集中風險，你要注意翻。

要5年$200萬，$10000月供，仍未足夠的，你要提高金額同時供其他股。另外，每月仍要儲到基本現金，等機會。

選股無問題，但最好平衡翻個組合。同時，在買入時，要慢慢分注，不要一次過買入太過。要同時留現金。

------------------------------------------------

Q21788：

Sir,其實到水桶3楷段買收息股，基本上長期收息，不會常常買出買入，應該選優質的企業的股息越高越好，你常推介的置富和陽光分別5.7%、6.1%

我見3988中國銀行有7.1%更多，反而很少推介是否有問題呢？

龔成老師：

其實最好是建立一個「收息股組合」，因此，幾隻都得，可同時持有。

但我地在分析收息股時，要同時考慮佢業務，因為業務將會影響佢的股價及股息變動，金融業的不確定性以及內銀的風險，比本地的收租企業，前者風險較高。

------------------------------------------------

Q21789：

龔sir。本人48歲，因健康問題已退休，正準備移民往台灣！有幸在半年前朋友介紹而認識你！

購入你的作品，有股票勝經、年報勝經、50穩健收息股、財務自由行及80後百萬富翁！

想請教，我現持有以下股票：

66 有728股 （在IPO時購入一手，持有多年有碎股！）
178 有6000股 （平均價$1.927）
270 有6000股 （平均價$13.773）
435 有1000股 （平均價$3.48）
778 有2000股 （平均價$6.98）

823 有100股 （購入價$69.9）
1398 有1000股 （購入價：$4.94）
1810 有400股 （平均價：$23.35）
2638 有1000股 （平均價：$7.77）
2800 有500股 （購入價$26.62）另開始月供，每月投入$4000

另有3067 有500股（平均價$17.66

我會繼續購入，還有50萬資金！

1.請問龔sir 我是否買得太多問種類股票？

2.需要整合一下嗎？可以如何優化？

3.另我還想購入9988及0285作長線投資！

麻煩你

龔成老師︰

1) 你現時持有種類和數量，算可以。長線計，組合維持10隻左右，會較理想。

2) 從質素上而言，你持股係無問題，可持有。但由於你係退休人士，投資選項時，我地要保守少少。

你應該較集中係「收息股」類別，因為你退休之後係無收入，需要透過「收息股」的現金流，去支援你的生活開支。

因此，你應以「現金流是否充足」作大前題，去考慮你個財富配置。現時你收息股只有陽光(0435)、置富(0778)、工行(1398)和港燈(2638)，唔算太多。

長線計，唔好太集中係幾隻身上，應建立一個平衡的收息組合，包括不同企業和行業，唔好太集中係個別股票。相同行業不可佔組合多於3成，而單一企業不要高過15%。

以下係一些優質收息股，你可以參考下。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

當然，你都可以參考我<50穩健收息股>書中資料。

如果你現有收息股，產出現金流已經係足夠應付你基本生活。你才考慮增持一些「平穏增長股」來增值，好似盈富(2800)、港鐵(0066)、粵海(0270)、領展(0823)、莎莎(0178)等。

否則，「平穏增長股」類持有現貨好了，唔好再加注。

而小米(1810)、安碩恒生科技(3067)這類「潛力股」雖有增長潛力，但波動性太高，唔適合你。現貨可持有，但唔好加注了。

現時大市只在合理區，你可以用多15-20萬，以分注形式入市。餘下的就等大跌市，才用來入貨。

但由於你將會移民台灣，加上你本身身體都有些問題。建議你先預留相關的潛在支出，才開始投資計劃，這樣安排會較為穏當。

3) 阿里(9988)和比亞迪電子(0285)同屬「潛力股」類別，波動性太高，唔建議你投資。

------------------------------------------------

Q21790：

龔成老師你好！本人想請教你有關投資方案 , 本人50歲 , 因市況不景氣, 剛被公司辭退, 待業中 , 家中有兩老需照顧及供養。

本人住公屋, 有積蓄大約25-30萬, 希望老師可以指導如何投資增值, 以維持家庭基本生活.

感激萬分 !! 謝謝 !
本人為基層人士

龔成老師︰

我地做財富增值，係需要因應人生階段、投資經驗、客觀環境等因素，去作出一個配置。

由於你暫時無收入，加上有雙親需要照顧，中短期現金的需求不少。所以我地投資前，先要保障好你生活上無問題，做好防守部份，才考慮進攻。

以你現時情況，我建議你先儲起半年基本開支(包括照顧雙親部份)的應急錢，計好數，真的「閒錢」才開始投資計劃。

你可以用「收息股」作投資目標，雖然佢增長力唔高。但派發的股息，可以為你提供穏定現金流，去減輕生活支出的壓力。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）或收息基金(3110)都可以。

如果你能承受到風險，有些更有超過8%、10%的高息股，但股價就略有風險，要自己衡量，佐丹奴國際（0709）、中石化（0386）、互太紡織（1382）等（記住，股價略波動，只能小注）。

但要留意，現時股價只是合理，未到平宜。因始資金不要用盡，大約先用一半，以分注形式慢慢入貨，餘下等大跌市才動用。

到你將來工作變得穏定，有更多空閒資金可作投資。你就可以加入一些較有增長力的「平穏增長股」，去提升翻個增長力。

但現階段，你應以維持家庭基本生活為主要目標。故先集中係能提供現金流的「收息股」身上，「平穏增長股」就暫時不要考慮。

平穏增長股：金沙（1928）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）、長建（1038）

------------------------------------------------

Q21791：

龔Sir，最近我媽媽退休，有一筆$28萬退休金，現想幫她作投資，想請教一下阿Sir

Plan A
$20萬 股票收息股投資
$5萬 作定期或買Ibond
$3萬作後備資金

收息組合
6823 (15%)
1883 (15%)
778 (15%)
6 (15%)
435 (15%)
1038 (10%)
939 (5%)
1373 (5%)
1398 (5%)

Plan B
$25萬，特選客戶優惠
放5年，每年回$6萬，5年後總共得到$30萬
途中如需提出餘下金錢，則不可再累積任何利息，並需收取3%手續費

龔Sir 對兩個計劃有什麼意見？那個較好？

龔成老師︰

整體而言，PLAN A會係較好。

如果想組合更加平衡，可以加入ＧＸ恒生高股息率ETF（3110），同時減少你部分15%幾隻股的比例，去到10%，會較好。

因為你不少選股，都有相同類別的情況，例如相同是電訊，相同是房託，長建（1038）與電能（0006）關連性都高。

PLAN A以收息股作為主力，再加入風險較低的Ibond作平衡。而且，整體回報都明顯較PLAN B為高。

當然，PLAN B都有佢好處，就係回報係更有保證。因為始終收息股都係股票，會有一定不確定存在。

你可以在風險承受能力和回報之間，取個平衡，去決定用邊個計劃。

------------------------------------------------

Q21792：

成哥，我今年一月碩士畢業，過多幾個月就黎25，一d工作經驗都無。因為讀書讀得太多，現在覺得早我兩年出黎做嘢d人好似都好好。

我自己見mt第二輪failed左， 覺得好失敗25歲已經輸俾人地同年齡好多。雖然上左你股票班投資有斬獲，但事業上確是0。

突然覺得自己全部都係0，係社會廢物。好想消失係呢個地球。我應該點算。

龔成老師︰

你現在才事業剛起步，一切由零開始，是正常的。

加上現時市道較差，未必可以短間內找到心儀的工作，但唔好咁快放棄。

同時間，如果未能找到合適工作，都唔代表無野做。你可以做些兼職，有收入之餘，可以獲得工作經驗，如果同你本科有關，咁就更好。

另外，你可以有時間，去借書返來進修其他知識。把握現在空閒，去上些有用課程。

保持個人積極態度，無論對你本身或者見工，都百利而無一害。

另外，我建議你加強一些讀書以外的技巧，例如溝通、領導、處事等。記住，無人生來就是廢物，只是你未找到自己的真正價值而已，加油！

------------------------------------------------

Q21793：

龔sir你好，我睇左你本5年買樓4部曲，想請教你

我27歲，老公30歲。2人月入大約$43000。已問銀行話我同老公收入及職業可買530萬樓下的樓按9成都冇問題。

我同老公睇緊灣仔區樓，我地睇左十幾間樓，有間心水單棟樓，賣445萬，中銀估價430萬，匯豐估400萬。開放式實用207尺，間屋四正，但42年樓。打算用首置按9成收租

樓的詳細：

好處：
間格實用四方，多窗
高層（非頂層）向東，景觀開揚有山有公園望，光猛
落樓30秒即到地鐵站（囍匯旁近合和中心)
旺中帶靜，樓下條街唔嘈（唔係對正大馬路及叮叮路）
裝修企理四正，再油油就ok
冇任何滲水情況
廁所乾濕分隔整齊
平路入大廈唔洗行樓梯級
管理費唔貴，平其他單橦樓$400-$500
外牆及大堂已大維修，來緊換升降機都唔洗業主比錢，大廈有盈餘200萬及政府津貼50萬

唯一唔好處：
42年樓齡，現在可按30年，但將來放好難放。

主要想買樓收租，現在租金下降，但都位置方便都應該放到$11000-12000。感覺間樓幾好，就算老左冇地方住係到住都唔差。

我們目標係400萬/under 400成交，都係我地budget內。灣仔20-40年樓齡較貴，而且有啲太近街市。所以比較心宜這物業，只是擔心樓齡老，但灣仔區的樓都係比較老，我需要擔心之後難放售嗎？

我們仲要睇其他樓，希望發現荀盤。感謝sir解答，謝謝！

現在我們同朋友一齊夾租新界私樓3房單位，兩人租樓支出共6300。如冇意外未來5年都會同朋友一齊住慳錢。

另外因為我未來大約5年後可能會quit現在full time社工的工作，想自己做塔羅諮詢師+part time 社工，所以襯現在工作穩定，想先上車然後遲啲放心追夢。

兩個都第一次買樓，希望將來可換大屋/再買多層。這個上車盤可取嗎？

龔成老師︰

若能做到你預期租金回報$11000-12000，租金回報率，勉強算係可以。

雖然位置係唔錯，但始終係偏舊，相再轉手較難。而且維護成本，可能都唔少。再加上，實用面積太細，連一個基本家庭生活的尺寸(約300尺)，都未到，都係扣分位。

我明白你策略係先細屋，後大屋。但要這策略成功，其中一個重點位，就係個細屋必需有一定增值能力，至少同大市同步。

你現時灣仔這個納米尺寸的單位，能否做到，我較有保留。

如果你未找到合適單位，其實你都可以用優質股，去先做住增值。加上你未來5年住屋問題，都算解決左。

除非你真係找到租金回報率理想、單位又有質素、價格都可以，才出手置業。否則，你唔需要急於一時。

------------------------------------------------

Q21794：

Sir 早晨，我上佐3堂睇埋80後的百萬富翁，開始有d投資既概念，想幫我媽媽買入水桶3既股票，發現佢原來係好多年前開佐個股票戶口，

當中有1102環能國際同埋1150米蘭站，但一直無理到d股票，雖然佢好彩當時都有買到d水桶3既股票，但原來而家呢2隻股票已經供過好次股或者係合股，

佢手上既貨變哂碎股，量唔多既，分別係500股同2000股，但而家賣又賣唔出，可以點做？

同埋我都想問個問題，劣質股係唔係可以跌破0股價或者負數？如果會，甘會點架？股東會唔會被逼補倉架？麻煩哂你

龔成老師︰

首先，持股數量多與少，係唔係碎股唔重要。我地是否持有一隻股票，最重要係睇質素。

環能國際(1102)年年虧損，無投資價值。

加上核數師意見，每年都是「保留意見」，代表盤數有機會有問題，建議盡快沽出。

米蘭站（1150）質素不太好。

佢每年的生意持續下跌，加上年年虧損，投資價值不高，建議沽出。

劣質股係可以跌到個價好細，但唔會跌破$0或者負數，所以唔會有補倉情況。

你所講的補倉，多數是一些槓桿性投資(例如︰用孖展買賣)，才會出現。一般去買正股，係唔會出現咁架情況。

------------------------------------------------

Q21795：

請問9888百度2021Q1業績公佈後最新PE9和預期PE4是怎樣理解？

有時見到靜態市盈率及TTM，又是怎樣。

龔成老師︰

我地一般會成日講的市盈率PE，就係「靜態市盈率」。
[計算︰現時市值，除去最近一年的總純利]

而「市盈率TTM」，係表達現時總市值，相對過去4個季度的純利。[計算︰現時市值，除去最近4個季度總純利]

由於年度數據，只會一年更新一次。故用季度作比對，數據會相對較新，會比較貼近現況。

若「市盈率TTM」比「靜態市盈率」細，你可以理解為，佢近季度盈利能力係有上升。但緊記，我地投資要分析長線和整體，唔好單用這個數字，就下結論。

至於「動態市盈率」，主要係預估本年全年純利。
[計算︰現時市值，除去預測本年度全年總純利。]

由於只係一個預測數字，只宜作參考。

------------------------------------------------

Q21796：

龔老師，你好。本人31歲，月入1萬5。月光族。手上無存款，年供2萬儲蓄，月供1100人壽醫療。卡數負2萬。

無家庭負擔，每月俾3000家用。自己搬出來跟男友同住5年，算普通生活不用負擔。

本身十分在意外表，定期會做facial, 已經維持13年。戶口一有錢就會一筆過買treatment ＆美容針。每月平均有2000在護膚品。

近期開始留意老師專頁，覺得自己真係井地蛙，原來大家都可以咁有錢。希望以後可以開始投資，但無方向，唔知老師有無好介紹。

雖然有睇到有相似個案分享，但大家都有積蓄... 我一無所有，所以好迷茫。原本有2萬5工作，因為疫情辭退之後，只能搵返1萬5，之前試過有輕生想法，覺得自己30歲人好失敗。

想問下開股票戶口？我應該開邊間？本身自己只有匯豐出糧戶口，但朋友分享話citi bank股票戶口比較好？

龔成老師︰

現時礙於大環境欠佳，其實好多事情都未必可以控制得到。但相信長線，疫情會過去，生活與工作都會慢慢重回正軌。現時艱苦，只係一時，唔好氣餒。

而且，有時這些不利的環境，反而可以激發我地的潛能，造就你的成功。

其實，要做財富增值，唔一定係本身好高人工，或者已有一大筆資金，才可以做到好效果。其實只要你每月有一筆閒錢，可以定期做投資增值，已經係可以。

因為你尚算年青，能進行資產增值時間較長，複息效果會較佳。只要你好好把握時間，努力學習正確投資方法，和每月努力儲錢，相信都可以做到不錯效果。

只要你這刻努力，做好理財，定目標，好肯定你過5年後，會比過半同齡人的財富更加多！

投資戶口，你可以係銀行或證券行開都得，只要佢費用合理，又方便你自己，咁就可以。

你現時還很年輕，儲蓄保險這類產品，不建議持有太多。雖然風險較細，但增長力不高，會拖慢你財富增值步伐，你要自己平衡下。

另外，你要想方法，令自己每月能空出一筆資金，作投資增值之用。

你可以考慮做兼職、做網上小生意，去增加收入。同時間，要睇翻日常生活，有無乜野不必要開支，係可以減少。

到你每月都可以空出一筆資金，就可以進行月供股票，去為自己財富增值。

你31歲，建議你用「平穏增長股」 + 「潛力股」的組合。現在你每月先用5成儲蓄做月供。其餘先儲起，用一邊月供一邊儲蓄的策略。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

------------------------------------------------

Q21797：

啊sir ，我是你的忠實讀者。我希望40歲可以做到有被動收入，不至於退休但可以財富增值。

我初學買股票，而因為老師的書。暫時都有小小的回報，大感謝！

但因為手頭上的股票感覺上太多，之前覺得樣樣都會升，就愈買愈多，有d賺有d蝕。

最近想重整一下，希望可以老師指點指點

手頭上月供︰
2800,2823,788

其他嘅就係︰
1997 ($28蚊入)
1928 ($27蚊入)
2845 (平均 $135入)
286 ($41.8入)
522 ($100入)
2388 ($22.5入)
293 (疫情時膽粗粗6.15入)

以上有好大部分都係因為老師嘅分享而有小賺，感謝

另外有一部分就蝕︰
1810 (平均28.5)
0606 (平均 64)

仲有一堆美股︰
APPL, TSLA, NNDM, ARKK, ARKF
美股收息指數
VYM, SPLG

我知道老師集中講港股，可否指點一下迷津，如何重整一下。

感謝

龔成老師︰

你現時股票數量有點多，而且都偏雜亂。長線最好集中翻10隻左右，會較容易管理。

另外，你要明白一個概念，我地持有一隻股票與否，關鍵位是企業質素、前景，不要被買入價影響。因為我地買股票就是買企業。

買入價，你的賺蝕，只是一個心理因素，該企業長遠的發展，才是我地是否值得持有的重點。

如果企業有質素，但股價短期下跌，就不用擔心，照持有就可以。

如果企業無質素，但你現時蝕錢中，繼續持有只會令你財富繼續貶值，因此要賣出。

如果企業質素轉差，就有可能要減持，因為這股佔你組合的比例，未必值得太多。

而且，唔好見個市越升，就越買，咁係好危險。因為市況狂熱時，不少股票個價，都會被炒高，你好易會買貴貨。

如果你對點定平貴，唔係太有信心，未來投資可以集中用月供方法，去減少這方面的風險。

港股中，你持股大部份都有質素，可長線持有。

但愛帝宮(0286)質素較一般，長線換至其他優質，相信會較好。

國泰（0293）同樣質素只是一般。其中一個風險，是油價，睇翻佢過往多年，油價對佢成本影響好大，令佢盈利十分波動，就算佢利用對沖，都唔係好成功，反而試過因對沖而蝕大錢。

另外，航空業對經濟週期較敏感，收入不穩，同時唔算係一個好賺錢的行業，因此這股的質素只是一般。

就算佢重組，得到新資金，只是比佢「捱過這一關」，並不是賺錢能力方面有改善。你想持有都得，但不宜太多。

至於0606，我估你係打錯股票編號，應該是想說眾安（6060）。佢業務都有發展力的，但業務仍有不確定性。

初步睇，企業有發展力的，不過風險同時存在，因此唔建議太大注投資，這股都可長線持有的。

至於美股，同樣大致上都係有質素。但留意Nano Dimension Ltd (NNDM)，初步睇佢業務都有吸引力，但暫時未做到收支平衡，風險會較高。投資與否，要自己衡量。

而月供方面，你現時組合已經可以。安碩Ａ５０（2823）和盈富(2800)係一籃子優質企業，較有風險分散能力，分配上，用這2隻做重心會較好。

現時大市只在合理區，每月資金唔好盡用。最好留有部份，等大跌市出現時，可以用來掃貨。

------------------------------------------------

Q21798：

你好,本人今年40歲, 1家4口, 家庭收入$50,000, 有3層物業 (合共約$2300萬, 己不用供款), 但由於都係細單位, 所以另外租住一間大物業, 暫時收租夠交租同埋夠交小朋友學費。

本人考慮8-10年退休, 想問應如何打算。本人有100萬亞洲債券基金,有約4厘, 另月供約$2萬股票(包括2800, 823, 9988, 388, 2, 1299)

謝謝解答!

龔成老師︰

你現時應透過累積優質資產，去幫自已財富增值。到你退休時，再轉換成收息資產，去創造穏定的現金流，以支援自己的退休生活。

物業都係其中一種優質資產類，除左有升值潛力外，都能提供穏定現金(租金)，所以係合適的。

但我地財富組合除左要有增長力和質素外，平衡性都好重要。你現時資產明顯係偏重於物業類，長線你應加入一些優質股，以免過於集中個別資產類別，而產生風險。

因此，你新資金建議優先投入股市，去令成個組合更平衡。

現時你月供組合的股票，都係有質素和適合你。當中阿里巴巴(9988)和港交所(0388)係潛力股，以你年紀，大約佔組合4成好了，否則風險性會過高。

若你投資經驗較一般，或者承受風險能力較弱，再要將比重下調多少少。

現時大市只在合理區，每月資金唔好盡用。最好留有部份，等大跌市出現時，可以用來掃貨。

至於債券基金，坊間分好多種，你要小心睇，因為有d風險低，無乜問題，有d則有潛在的風險，絕對不是保本的產品，有機會出現了「賺息蝕價」的情況。

第一，有些債券基金，會投資「高收益債券」，即是「垃圾債券」，你一定要睇睇佢所佔的比率。

第二，債券基金往往不是單純地持有債券，而是可以作買賣，以及利用衍生工具作對沖等策略，即是可能有價格上的波動。

第三，不少銀行都會提供借貸，以槓杆去放大回報，以平息借貸去賺取息差。低息環境時間題不大，但進入加息週期，不止借貸成本增加，同時債券價格往往在加息期下跌，雙從打擊下，投資價值成疑。當然，若然加息步伐不快，息差利潤就可觀。

我不是說債券基金有問題，只是說明當中的風險，因為市面上的基券基金好多，你要仔細分析。

------------------------------------------------

Q21799：

老師，你覺得綠置居買唔買得過呀？近排鑽石山綠置居有點兒想抽。但投資價值是否比不上居屋？

而且你本書話黃大仙區投資價值不太高

龔成老師︰

綠置居投資價值會稍遜於居屋，但由於佢定價會比居屋低，故都有投資價值。

今次鑽石山綠置居，位置在鑽石山港鐵站附近，交通十分便利，故有一定吸引力。

雖然黃大仙區，本身人口老化，區內人均收入低，較難撐起樓價，故投資價值不高。但若作為自住樓，都有一定價值。因為佢定價較居屋低，能節省一筆資金，可以用作其他投資之用。

因此，只要佢適合你生活需要，而且有供得起，其實買都係可以。

------------------------------------------------

Q21800：

龔sir,我有些關於前途的問題想問，我現年33歲，現職學校合約文員，月薪萬幾，每次續約會多幾百元的升幅，這份工的優點是返工地點近屋企，

而且放工時間準時和放得早，但近日經過思考後我的目標是將來想財務自由，有自住樓，成為全職投資者，那麼我是否應為了得到穩定收入而投考政府文職公務員，

如果想成為全職投資者條路應怎樣走，謝謝老師答覆

龔成老師︰

我地可以透過投資和累積優質資產，去達至財富自由目標。

但大前題係你要有資金，最少每個月都可以有一筆閒錢，可以用作投資增值。

若你已經有個明確目標，係想做到財務自由，而現有工作收入又較難做到，你就時候作出改變，努力去提升自己收入，為財富增值創造基本條件。

到你每月有一定閒錢，就可以開月供優質股，去累積財富。之後，到有一定資金，就可以加入物業類。當資金累積到足夠數量，你就可以換成收息資產，去創造現金流，支援財務自由生活。

而要做到全職投資者，投資對你而言，不單要係興趣，而且更要成為你強項。若你現時對投資無乜了解，你就要先由一個「基本知識投資者」，慢慢開始提升自己。

你要花大量時間，努力去看相關書籍、睇年報聞、睇新、、上課程，去學習如何分析一隻股票。

到你累積到分析50間企業和長期實戰經驗，你就可以變成一個「有實力的投資者」，以算有做全職投資者的基本條件。

但要突破至最高層次的「真正專業投資者」，已經不單是投資知識的問題，因為要突破，就要擁有很強的分析力、很強的眼光、很強的心理質素。這些要更長時去磨鍊，才會做到。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q21521-Q21540）

Q21521：

老師,我受持1826（已停牌）。請問以下是甚麼意思? 我應答應嗎? 我$2.2買的

『中國銀河國際證券（香港）有限公司代表要約人提出有關收購旭通控股有限公司（股份代號：1826）全部已發行股份

（要約人及其一致行動人士已擁有或同意將予收購者除外）的強制性無條件現金要約，每股 0.158港元』

謝謝老師

龔成老師︰

這個要約，代表有機構想收購你手上旭通控股(1826)股票，作價為每股HKD0.158。

至於答應與否，我地要從資產角度考慮。如果企業係有質素，長線有升值潛力。你接受要約，就等同放棄優質資產，換回只會貶值的現金，係不值。

所以，你要先了解企業本質，去再決定。

旭通控股(1826)主要在香港從事提供金融相關信息及技術服務；新發展工程之承包服務等。

集團在2021年3月31日表示，因核數師對其2020年度的綜合財務報表發出不發表意見，故暫時停止買賣。

在為投資者，而一刻係無野可以做。而一刻未知背後原因，所以好難話會唔會可以復牌，只能說機會係有。

但睇翻本身質素，唔算係好高，而且公司規模好細。過往股票都十分波動，這類股票最多只宜好小注。

此股唔係完全無價值，但不算高，加上有一定風險。暫時睇，接受要約會係較好選擇。

------------------------------------------------

Q21522：

另外想問老師，新年前科技股大升好勢時，十年投資回本了，也有少少賺，但現在科技股回調，又倒蝕番，所以之前有少少唔開心，後來再聽老師FB，再想想自己組合內的股都不是有問題的公司，所以會繼續持有

但想進行一些調倉，之前買了京東健康及微盟，近排跌了不少，想溝少少（占倉不大）所以想放1手美團（共有3手），唔知咁樣操作如何？

龔成老師：

第一，平常心對股價，股價上上落落好正常，你唔好太著重，最重要是企業長遠的發展與價值。提高你的心理質素。

第二，我地最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

你要睇翻自己的持倉比例，是否，以及應該加多少新經濟股類別。

京東健康（6618）及微盟（2013）都有潛力的，但現價只是合理區頂至略貴，如果你這類股比例唔多，可買入，但不要買入得太急，要慢慢分注。

至於美團（3690）如果你持貨較多，可減。

記住，整個方向不是睇你的買入價、賺蝕。而是「優質度」「比例」。

------------------------------------------------

Q21523：

你好，我係最近先開始睇你fb，睇完想重新審視自己既股票，下面係我現在持有既股票：

- 港鐵500股@$43.15
- 匯豐400股@$75
- 電能1000股@$40.3

- 建行15000股@$6.6
- 煤氣4100股@$12.89
- 西部水泥40000股@$1.3

現在29歲，想請教下呢個組合會唔會太保守？有幾隻仲放咗幾年都仲蝕緊錢，覺得總會升番上去/蝕就收住息先，呢個心態係咪唔岩？

另外，見你話同隻股唔好佔太重比例，應該點計個比例（用錢/用股）？Thanks

龔成老師︰

首先，你見蝕，就收住息先，等佢上升翻。這個想法，是不正確的。

我地是否持有一隻股票，應該睇佢長線質素。所以，佢股價有明顯下調時，你就要睇翻佢山現調整的原因，唔好主觀咁「估」佢會升翻上去。

如果唔關佢本身質素事，純粹係中短期價格波動，我地就唔洗理。相反，我地發現係因為佢長線質素轉差，係而個時候，就算蝕多少，我地都要減持，甚至完全沽出所有持貨。

投資增值時，我地係會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你現時只係29歲，應先以增值為主。但你現時組合中，以收息股居多(0005、0006、0939、2233)。這些股票不是無質素，只係佢地增長力好弱，主要係收下息。

現時你持有太多，會拖低左成個組合的增長力。建議你慢慢分段沽出部份，換碼至以下有增長力的股票。

你將來可以用「平穏增長股」 + 「潛力股」作目標，去創建你的組合。

由於你投資知識不高，因此可較集中在平穩增長類股，至於潛力股，只宜小小注(約3成)。最好是你先提高投資知識，等你有一定知識，先慢慢增加翻潛力股比例(約5成)。

至於，我所講個別股票唔好佔過多。其實是指任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你長線要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於3成，而單一企業不要高過15%。

我地計算時，係用佢價值，即係你"股價 x 持有股數"。

但盈富(2800)就不受此限，因為它是一個包含55間優質企業的基金，這些企業來自不同行業。因此，盈富(2800)就算在組合中佔較大比重，都唔會造成過度集中性風險。

------------------------------------------------

Q21524：

龔SIR, 你好, follow你facebook有兩年了, 我好認同你的投資方法。

所以平時除左睇你facebook外, 亦買左《選股勝經》、《50值博倍升股》、《5年買樓4步曲》增加自己投資知識。

我和老公打算置業，過去幾個月先後到香港仔/田灣、大圍、荃灣睇過樓，睇左超過20個介乎400-450萬的單位，發現如下：

1. 如想買300呎左右的單位，樓齡通常較高，介乎38-42年左右；
2. 如想買20-30年樓齡，單位通常較細，得230-260呎；
3. 如想買300多呎+20幾年樓齡，地點就偏遠，在屯門。

我們感到矛盾，不知如何選擇，究竟買樓時要看樓齡定呎數，我已經睇左《5年買樓4步曲》，但都決定不了，所以想請教下老師，謝謝！

龔成老師︰

你現時發現這個現象，係正常。

在同一價錢下，想大點，樓齡自然會較高，否則只能找較細單位。要尺寸和樓齡都較理想，地理位置多數係較偏遠。

至於選擇邊間，先要睇翻你置業原因。若果係為投資，(2)的尺寸太細，不達至基本家庭生活所需，所以投資價值會較弱。而(1)和(3)都可以考慮。

若你目的係為自住，就真係要睇翻你自己本身生活需要。例如你長線會生小朋友，(2)就未必太適合。如果2位都係香港島返工，(3)就唔係咁理想。

所以，作為自住屋，那一個會較合適，只有你們才會最清楚。但記住，唔好單係考慮現在，要諗長少少，未來5-10年對你們是否都係適合。

最後，我地是否購入這間自住屋，除了睇佢適唔適合你需要外。緊記堅守「供得起」這個大原則，咁就可以。

------------------------------------------------

Q21525：

龔老師，我無投資經驗。

有3.5m cash / 有層8.5m 既樓

兩公婆月入 10萬，每月洗費一共6萬左右，其餘都係草起。

兩人大約30歲，想愈早退休愈好。只係草，無投資，驚輸晒。

你有冇小小建議點出發 開始錢搵錢？

龔成老師︰

其實你只儲錢，不做投資增值，本身已經係輸左。因為現金只會一直貶值，令你這筆現金的購買力一直減少緊。

所以，你長線一定要建立一個財富增值組合，令財富保值之餘，都有一定提升。

我地進行財富增值，其實就係將一直貶值架"現金"，轉換成"優質資產"的一個過程，佢可以係股票、物業、一盤生意等等。

由於你已經有一間物業，為免令組合過份集中係物業類，造成風險。你350萬現金，我地應用優質股，去創造一個增值平台。

以你大約30歲，可以選擇一些「平穩增值股」+「潛力股」作投資目標。

以現時大市合理區狀況，你可以考慮用部份儲蓄，進行月供股票。你可以每月先用一半儲蓄，另一半就先儲起架策略。

你現時投資知識不高，可先集中在平穩增長類股，至於潛力股，只宜小小注(不多於3成)。此期間，你最好是努力提高投資知識，才慢慢增加翻潛力股比例(約5成)。

但你要留意，潛力股有增長潛力，但股價波動性都唔細。如果你想再保守D，可以先全數投資「平穩增值股」都可以。你自己因應個人風險承受能力，去修正係無問題。

現時你的350萬就先動用30-50萬，餘下的現就等你累積一定經驗，才動用入市。如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q21526：

阿sir我59歲,以下是本人的投資，請给意見。
700,100股，已收回成本。

388, 200股$196.6
9988, 200股224
1810, 1800股$19.6
3067, 500股$20.25
2382, 100股$196.8
2800, 1000股$27.03

5, 800股$58.9
939, 4000股$6.165
3988, 9000股$3.225
884, 2000股$6.1
1313 ,2000股$8.72

有部分16年持貨至今，現想將5号和3988沽出，換入中银香港，請給意見

是否太多，太散，發覺散户十大犯錯之一，神聖價位，自己就犯咗啦！時常睇住當年7OO，388，$19幾入，就當這是神聖價，要見番才入，於是將資金入其他，越買越多，其實心想入5至6隻，又不知如何選擇，好股可奇多，怎買得哂，請阿sir指点

龔成老師：

你59歲，以這年齡來說，潛力股不應太多，除非你本身是較能承受風險的人。否則，你可能要調整翻，起碼都唔好再加注在潛力股。

只一方面，銀行股比例太多，你這年齡，的確可以有一定比例的收息股，但就不能只集中在銀行股。建議你慢慢減持翻銀行股，同時，可以加入其他收息股，例如港燈（2638）、深高速（0548）、香港電訊（6823）、置富（0778）、陽光（0435）、高息基金（3110）都可以。

其實你持有的股票，基本上都是有質素的，因此，本身選股的問題不大，只是配置上的問題。

------------------------------------------------

Q21527：

阿sir,現有問題想你幫助。兒子現年26歲，有一份穩定工作’在員工合作社，每月供15000元，利息三厘。以前跟同事買牛熊証，有小小收穫。

但沒時間跟，我勸他不要投機，他也聽我說話。
然後他於$295，買了一手9988。＄52買滙豐二手。点知又不派息。

最近入了小米5手＠27.5,中移動1手@55，亞厘爸爸1手@225,全部下跌。

最近他很灰心,懷疑自己不適合買股票,問我怎辦？
他可以每月剩1萬元,員工合作社剩5仟元，有甚麽投資組合建議？多謝解答！

龔成老師：

第一，唔建議佢再投資衍生工具，發行商食水好深，唔好再做水魚。

第二，不要用短期股價去衡量投資成績，要用長期的企業價值分析。

第三，佢要懂得建立一個平衡的財富組合。要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

佢持有的股票，並不是無質素的，不過以佢的年齡，收息股就不用太多。另外，佢部分股的買入價略貴，令佢買入後股價下跌，其實本質無問題。

建議佢從「設計長遠的投資組合」著手，而不是著重這刻的股價。

------------------------------------------------

Q21528：

老師，2018，3319，590，3918呢幾隻股票，值博率同合理區邊隻會最好？

龔成老師︰

現時4隻股票，都算在合理區。但當中六福集團（0590）算係合理區中間。

另外，要留意瑞聲科技（2018）本身已有一定的規模與技術，長遠發展正面。不過，佢增長力不是好強，你預佢只係平穩增長類別。

金界控股（3918）畢竟是在新興市場，不確定性較大，在注碼上不能投資得過多。

雅生活服務（3319）不錯的，佢無論在業務本質、規模、品牌、財務數據、前景，都是理想的，反映這企業有一定的質素。

加上這企業的背景因素，以及行業的發展，相信這企業的前景不差，有長線投資的價值。

整體是有長線投資價值的。現價合理區中上部，不過股價都會有時出現波動，投資宜分注進行。

如果你能承受風險及控制注碼，金界值博率會較高，另外，雅生活服務都有投資值博率。

------------------------------------------------

Q21529：

我有點問題想問︰

1. 如果想去評估一啲未有盈利，但有前境嘅新經濟股， 係咪要進階課程先有?

2. 如果想評估一啲企業上市未夠5年 ， 但係有盈利 ，例如小米，( 我睇你書講話要睇五年)，

咁如果呢啲公司未有五年報表， 基礎課程幫唔幫助到去評估?

龔成老師︰

【基礎班】對象是初中階的投資者，5個選股方法、捕捉時機、投資策略、計平貴，會教3種企業估值方法、年報分析、3大財務報表，都有一定的內容，同時會派一份6頁紙的「企業評估表」給學員

【進階班】18種企業價值計算方法，年報全面分析，10倍股選股，研究企業，研究名財務報表，財務比率應用與分析。

進階班可以話係基礎班的延伸。

1) 你讀完基礎班，會有一定企業分析能力。但要分析不同行業、不同性質的股票，進階班會有較全面的教授。

其實一些未有盈利的企業，用一般估值方法，都會較難得出一個穏當的答案。

因為，佢主要投資價值，都係來自「未來」，是一個未知之數。

但唔代表我地無野可以做，我地可以透過深入了解，佢現時財務結構、行業狀況等，去估算佢將來成事機會。

或者係成事前，集團有無能力，一直維持正常營運。例如有無足夠資金支持研發、市場推廣等工作。這些因素，我地都可以在分析財報中找到答案。

令我地係「估」算將來發展的同時，有較「踏實」的理據，在背後支持這個答案。

這些財報相關知識，進階班會有較詳細教授。對分析這類股票，較有幫助。

2) 這類上市不足5年、但有盈利的企業。你都可以用基礎課程的方法，去做個估值。但由於數據較少，我地就要相對保守。

投資時，都不能大注，以平衡不確定性的風險。

------------------------------------------------

Q21530：

A) 成哥，想請教下啟德住宅投資價值

1.近九龍東商業區核心區
2.沙中綫過海後可以係紅磡轉車
3.附近土地供應唔多
4.配套暫時未完善
5.夜晚行過都屬於靜中帶旺

B) 另外想問下沙田一城仲有無投資價值
1. 自成一國大型屋苑，生活配套設施齊全
2. 附近土地供應唔多
3.出九龍東核心商業區近
4.靜中帶旺

C) 如果我買樓用作投資，大約600-700萬左右。
灣仔
黃竹坑
大圍
沙田一城
啟德

D) 唔好意思，仲有一個問題。因為無人名既關係，所以我要比多15% stamp duty .咁仲值唔值得？

龔成老師︰

A) 你都講到大部份重點，其實政府未來會將九龍東發展成第二個核心的商業區，當中包括了啟德及周邊地區。

當未來更多政府或私營機構搬入東九，交通和生活配套日漸完善，都會對附近住宅需求，產生正面影響。

啟德絕對有一定投資潛力，係可以考慮。

B) 其實九龍東發展，除了啟德外，只相隔數個港鐵站的沙田區，都會有正面影響。

而且佢作為地理位置有優勢，沙田區是新界東與市區的連接位，在整個香港的地圖上，可以算是一個中心。

第一城作為大型屋苑，整體配套算完善。附近又有港鐵第一城站，交通便利度算唔錯。

故第一城都有投資價值，但潛力度，無啟德咁高。

C) 從地區上計，啟德升值潛力會較高。其次會係黃竹坑、大圍。

D) 現時香港樓市算係合理區頂，值博率本身已經唔好高。再加上有15%印花稅，令到回報再打折扣。

所以，而一刻我地唔需要急住去投資物業。你有資金，可考慮先用優質股增值，值博率會較高。

------------------------------------------------

Q21531：

老師你好！我今年將踏入27，我打算重組我個組合，然後長期持有。目標想年回報有15%up！可唔可以比少少意見。

3 （未持有）
66（未持有）
270（未持有）
788（～74.5%）
968（未持有）

1177（～4%）
1810（～4.5%）
1448（～4%）
3918（～5.5%）
9988（～7%）

1.之前入得太多788！打算賣出大部份轉至其他股票。如果這10隻股各佔10%成為我的組合，潛力是否足夠？

我想做到潛力股：平穩增長（7:3 到6:4間）

2. 我想賣出部份788後先入少量未持有既股票，然後留住2-3成現金加每月存錢等股價有機會下調再分段入，請問題這計劃可行嗎？

龔成老師︰

1) 個別股票，就算再優質都好，不要超過組合15%，否則會出現過度集中的風險。

所以，你要將中國鐵塔(0788)部份沽出，慢慢換碼至其他優質股。

你上述股票都有質素，每隻10%都無問題。

如果你想做到年增長15%，可以用這些股票，再配以你7:3或6:4比例。但你要明白，潛力股增長力雖高，但波動性同樣都大，你要明白這風險。

若你投資經驗較淺，我就唔建議你潛力股佔咁高比重。你可以先佔約3成，到你慢慢累積到一定投資經驗，才慢慢加大潛力股部份，會較為穏當。

2) 現時大市在合理區，現金和股票比例，最好係各一半。

你用賣出部份中國鐵塔(0788)的資金，為未持有的股票先入首注，係無問題。將來到股價有明顯回調，才慢慢加大入貨力度，就可以。

------------------------------------------------

Q21532：

龔成老師，

1. 想問下阿里爸爸既質素如何？尼排佢好多壞消息，但我認為佢基本面不差，我打算每月都儲d阿里爸爸，請問現價算貴嗎？

2. 另外，我想問多個問題，之前睇左你個金錢騙post，唸起最近aia的每月派息計劃，息率有8厘。我睇過資料，係買以下基金：

安聯動力亞洲高收益債券基金

https://hk.allianzgi.com/documents/hk-allianz-dynamic-asian-high-yield-bond-amg-factsheet-tc

入面既成份主要係買BB級或以上的債券，尼類投資既風險大嗎？因為基金吸引之處是每月派息，可以做到現金流，

但佢能派到8厘另我覺得可能有些風險冇留意到，所以想請教一下

感謝老師一直以來的回覆，不趕的，你安排好時間就回覆，而且是可以公開的。

龔成老師︰

1) 阿里巴巴（9988）有質素，有增長力，之前貴，現價去翻合理區。

係業務層面，擁有相當的優勢，不少業務處於壟斷狀態，同時增長理想。加上正不斷發展延伸業務，這都會成為企業增長的潛力，預期增長會持續，這是阿里最大的賣點。

以企業的長期發展計，這股的確優質，但股價都有一定的波動，現價算是合理翻D，但都不是大手時候。

始終將面對內地監管可能收緊，因此風險度增加左，不過，我相信佢的整體優質度仍在，內地不是不想佢賺錢，只是想規管佢。佢已建立好完善的業務，因此本身是無得輸，只是賺多賺少問題，現時監管多左，點都會影響賺錢能力。

對於這類優質、有發展，但現價未算特別平的股票，小注分注投資，或月供，是較好的方法，算是平衡了風險與增長的考慮。

這股可以長線投資的。預佢現價約合理區中上部。你月供的話，現價開始係可以。

2) 債券基金，坊間分好多種，你要小心睇，因為有d風險低，無乜問題，有d則有潛在的風險，絕對不是保本的產品，有機會出現了「賺息蝕價」的情況。

第一，有些基券基金，會投資「高收益債券」，即是「垃圾債券」，你一定要睇睇佢所佔的比率。

第二，債券基金往往不是單純地持有債券，而是可以作買賣，以及利用衍生工具作對沖等策略，即是可能有價格上的波動。

第三，不少銀行都會提供借貸，以槓杆去放大回報，以平息借貸去賺取息差。低息環境時間題不大，但進入加息週期，不止借貸成本增加，同時債券價格往往在加息期下跌，雙從打擊下，投資價值成疑。當然，若然加息步伐不快，息差利潤就可觀。

初步睇你隻基金，主要投資在內地房地產類的B至BB級債券。不論行業和評級而言，都係有一定風險。

佢派息雖然有8%，好似係唔錯，但你要明白一定風險存在。而且，你要了解翻，到底8%是否保證。

我不是說這債券基金有問題，只是說明當中的風險。而投資與否，就要你自己因應個人風險承受能力，去作出衡量。

------------------------------------------------

Q21533：

你好老師，我想問永利澳門(1128)和澳博控股(0880)，是不是長線持有，沒有問題？

因為已買了一段時間，可能當年都升高位買的，所以一直都升不回去，而且無股息。

但我看Facebook 老師有說過這兩隻都是有潛力的股，所以不知該不該賣出。

另外，找了幾間書店，才找到這本50優質潛力股。

龔成老師︰

永利澳門（1128）和澳博控股（0880）品牌及資產質素都不差，雖然中短期未必好強，但長遠仍是正面。

但你預佢地，唔會係高增長類，只會較平穏發展。

你現貨照長線持有，沒有問題的。

50優質潛力股在三聯、商務、誠品都有得賣，但有時會斷貨。所以，下次你見唔到想買我架書，可以問下職員（又或向職員訂都可以）。

------------------------------------------------

Q21534：

龔sir你好呀，有野想請教你。我朋友今年26歲， 佢做網上生意的 月入唔太穩定，但平均約有3萬多。由於佢份人好慳的，一個月佢大約可儲27-8k左右。

佢手頭大約有110萬cash，佢想請教你應該點配置好，佢想有最好既財富增長效果，應該買樓好(佢想買500萬樓下的樓)，定還是用來買股票比較好?

佢同我講 呢幾年買樓既人好好賺，一層樓平均持貨3-5年轉手賣出可賺百萬，但又驚黎緊幾年樓價會跌，因為受政治局勢等因素影響。

想問你點睇 如果佢將手上的錢用哂黎買樓，但咁樣做的話，之後每個月佢既錢都會所剩冇幾，因為拎左大部分錢黎供樓，未必有錢再投資股票。

唔該哂呀sir呀~!!

龔成老師︰

我地投資股票好、樓市好，都唔好用「估走勢」來做策略。我地應該用翻個資產本身的平貴度，去作為入市指標。

現時香港樓市，大致在合理區頂位。相比優質股的值博率，相對較低。從投資角度，我地應用優質股去增值較好。

除非你找到一個價廉物美的旬盤，否則先投資優質股，會對你較有利。

以26歲這個年齡，是財富增值的黃金時期，要好好把握，盡你一切的力量去儲蓄、投資、學投資知識。

由於你朋友收入不穏定，最好先預留一筆生意上營運資金，加半年生活開支，才開始投資計劃會較好。

你朋友可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。

平穩增長股：潛力股
7：3
（如果你朋友投資實力較強，可增加潛力股比例）

你朋友可先用每月5成儲蓄做月供，其餘先儲起，用一邊月供一邊儲蓄的策略。

平穩增長股：考慮盈富（2800）。

另外再加：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

潛力股：安碩恆生科技ETF（3067）

另外再加：阿里（9988）、騰訊（0700）、港交所（0388）、舜宇光學（2382）、小米（1810）、ＧＸ中國電車基金（2845）、中生製藥（1177），但就要明白波動性比上述會高左，同時風險大左，你要自己平衡。部分要等回少少先入。

現時大市只是合理區，現有資金可以先投入約一半，用"分注"形式，慢慢買貨。餘下資金和每月所儲倒的資金，就等大市出現一定程度的下跌，才大力度掃貨，然後長線投資。

若此期間，樓市有較大回調，或者有入市好機會，佢都可以動用這筆儲下來的資金。

另外，如果佢長遠有自住需要，就可以考慮投資物業，否則如果純投資角度，你朋友照我上述所講的方向進行就得。

緊記，我地做財富增值，係講緊成個配置。長遠你唔可以只有股票，到你用股票累積到一定金額。

你都要去找機會投資樓市，令成個組合唔會偏重左係個別資產類。

------------------------------------------------

Q21535：

龔成老師，請問你預計以下20年的月供計劃可滾存到甚麼金額？謝謝！

12,66,388,700,823,1177,1211,1810,3690,9988每隻各$2000，共$20000

龔成老師︰

我假設投資回報有10%（連股息再投資），你每月投資$20000，20年後大約會增值至1350萬。

但當然這只是個預算，到時實際多少，要睇到時市況而定。

你現時組合，有7成都係潛力股。若你係好年輕，本身都有一定投資經驗，而且都能承受較高風險，這組合係可以。

但如果你想風險無咁高，可以換入一些平穏增長股部份，令組合波動性減少。

平穏增長股：金沙（1928）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）、長建(1038)

另外，比亞迪(1211)現價偏貴，月供等佢回到$150才開始，會較好。

或者可考慮GX中國電車（2845），這基金的目標是追蹤Solactive中國電動車指數NTR「相關指數」表現緊密相關的投資回報。

持股中最重就係比亞迪A股（002594），以及與中國電動車產業有關的股票，中國因為能源問題，長遠一定要發展電動車，這是大方向，故此股有一定投資價值。

現時大市只在合理區，每月資金唔好盡用。最好留有部份，等大跌市出現時，可以用來掃貨。

最後，你要留意這個組合，唔可以長時間都維持7成係潛力股。因為佢始終有一定波動性風險，當你越年長，比例就要相應減少。

若你現在好年青，可以用你7成，並慢慢減少。到40歲要減至4成、到50歲應該只餘下2成、將近退休應該為0%。

------------------------------------------------

Q21536：

Hi老師。我有努力，同時都有無力感，唔知係咪方向錯，所以努力既回報好低效。

同埋我都幾介意，我屋企人成日係度比較，點解大學生出黎都搵甘少錢。

我個科要考professional qualification 先會人工高，我有放工就去自修室溫書，但一返到屋企聽到啊邊個子女搵5 6 萬，幾勁。

唔明，我既人工點解低過中學生，唔明讀書有咩用。

我係fresh grad後做左2年幾，因為公司上年凍薪，所以我人工唔高。我有少少衝動，有幾秒搵過一份更高既人工。

但唔會咁做，同埋佢地係重視錢。所以連我既男朋友都唔滿意，有俾說話我聽。

錢唔代表一切，我深知人工高，我屋企人先會俾番應有既respect。

龔成老師︰

我明白你點解會有這樣感受，因為你在正為默默付出，為將來打併，但身邊的人郤看不到。

其實，我地係股票、物業、以至投資在工作，我都睇的視野，一定係長線。

你現時人工可能較少，但如果這工作經驗，再加上你將來的professional qualification，會令你收入大幅提高的話，這個投資係絕對值得。

你現時所選修的行業，點去發展才最好，相信只有你才會最清楚。

我見你其實已有想法，而且已經進行中。只要你相信這條路，長線發展係會唔錯，你就唔應該太在意今天人工較少過個問題。

至於家人和男朋友，我覺得可以再理性溝通，或許他對你職業生涯規劃，未太了解，才會出現這個情況。

記住，我地係唔需要同別人做比較。每個人性格、目標、能力、背景都大不同。只要找到自己最想行的路，咁就可以。

------------------------------------------------

Q21537：

龔sir ,另外現時我想買樓，之前睇你著作（5年買樓4部曲）,有一點唔係好sure

因為我現時持有資金，夠2成首期，但我諗緊到底借按揭8成定9成，始終如果用曬2成做首期，手頭資金就會好緊拙。

諗緊好唔好按9成，但將餘下資金做投資or擺mortgage link...

我份工係穩定的，供樓沒問題

龔成老師：

如果你手上資金太緊，我建議用8成半或9成，因為你手上完全無現金，是危險，以及在理財上不是好事，反而有少少現金作防守，是必要的。

不過，高成數按，如9成，的按保費會較高，所以你可在8成半，或9成，之間選擇，如果想留多少少資金，就9成，寧願比多少少保費，留一定的防守力比自己。

餘下資金就mortgage link，唔好比自己無晒現金。至於投資，就要利用之後的儲蓄進行。

------------------------------------------------

Q21538：

龔成老師，我決定下月開始月供股票。想你給我以下組合意見。

安碩3067: ＄2000
盈富2628: ＄1000
小米1810: ＄1000
阿里9988: ＄1000
舜宇2382: ＄1000
港交所388: ＄1000
比亞迪1211: ＄1000

原本想包括騰訊，但好像＄1000只買得1.5股，好少。

另外有一問題，有沒有書籍或途徑可以令我了解市場資訊，而知道對往後股市或個別股票有什麼影響？

例如：美元或債息升／跌？加大QE？美國加息？加減中國存款準備金？

央行放水？油價？公司回購？配售等等
會影響市場什麼？什麼類型股票受影響？

你不用逐一解釋，我想知有什麼途徑自學了解，因為我不了解市場動向，亂入市好危險，麻煩你解答，謝謝！

龔成老師：

上述的組合，可以，這些都是有質素的股票，長期月供適合的。

不過要留意，當中不是都是潛力股類別，你要注意翻相關風險（並不是不可，只要明白在這情況就得）。

至於市場資訊，其實你每天保持睇電視的財經新聞已得，我已睇了20年，因為較為重點，比你自己睇網站更好。這個學習過程是長期的。

當然，個別名詞的意義，你就自己行上網尋找。

另外，建議你要有知識的基礎，《股票勝經》這書適合你的。

------------------------------------------------

Q21539：

你好阿sir, 留意左你個page好耐，亦有跟你平時嘅教導投資，月供股票同埋低位吸納一啲優質股（阿里巴巴$190買入）長遠投資。

最近見到 比亞迪 同美團 跌到巴巴聲，本身有月供比亞迪，唔知而家係咪好時機直接購入一啲貨，兩隻股票點解會跌成咁嘅？

我睇左好多新聞都唔係好明，求指教，另外阿里巴巴我覺得$240樓下都叫合理價位可以增持，你點睇？

謝謝！

龔成老師︰

其實佢地下跌的原因，第一，市場之前預期得太好，現時出來的業績與業務合理翻，股價就會回歸理性，第二，之前貴，因為之前新經濟股熱炒，而市場情緒正常翻，股價就會回落。第三，一些監管問題，近期中央對科網企業的監管增加，影響了這些企業，所以股價自然下跌。

簡單來說，企業長遠質素無變，只是之前市場預期得太好，現時理性翻。

上述都是有質素的股，你可以持有，只要不過多就得，但就要留意股價會較為波動。

比亞迪（1211）2021年首季收入，相較2020年首季增長逾1倍，接近410億元人民幣。

收入增長幅度雖然強勁，但要留意2020年首季，全球經濟活動，正受肺炎疫情嚴重影響，令集團收入大幅下滑。

因此，今季收入出現較大幅度增長，很大程度是由於2020年首季收入的基數較少所致。

其實整個2021年首季業績，大致上算合理。

緊記，我地分析時，最重要是長遠的企業發展。

集團在新能車發展上，賺錢能力依然維持強勢，未來當技術、市場規模、成本控制等有利因素慢慢出現下，賺錢能力會進一步提高。

我估值上，暫時維持不變，月供最好$150才開始。現價月供風險有少少高，如果你有一定貨，最好停一停。如果真係好想供，必需控制注碼，只能好小注。

至於直接入貨，建議等回到去翻$120這個較合理水平，才作考慮。

而美團點評（3690）有潛力的，過往一直虧損，到近一年，開始有正現金流，這是一個實質的利好因素，因為之前一直在燒銀紙，現時初步見到成效，不過，估值的方法好虛無，因為現時的市盈率仍過百倍。

美團這類股票，如果有利好消息，佢可以上好多，但如果估值修正，股價可太跌。

近期中央政府有不少新監管政策出台，令不少大型企業，包括美團的風險都高左。所以，近期股票回調，相信部份是這個原因所致。

只可以話，潛力是有的，現價唔算平，之前明顯貴，之後回翻好少少，大約合理區頂至略貴。若你想投資，一定不能大注。先小小注或者月供，會是較好的做法。

而阿里巴巴(9988)，現價算係合理區中上部。你已經有貨係手，如果你資金好充裕，現價都可以加1小注，並長線持有。

------------------------------------------------

Q21540：

龔sir你好啊！真心覺得你講嘅野好inspiring！每日上Facebook第一樣就係睇番你嘅post! 夜晚就咪你嘅書！我有幾個問題想請教你 唔好意思有啲長。

1）請問你會唔會開weekend班？平日夜晚要照顧小朋友無辦法出嚟 唔知有無機會有啲上幾日嘅星期六班呢

2）我今年38歲 我諗住用以下比率砌個portfolio 一半資金用月供形式買入其餘等跌市 你覺得呢啲股票適合嗎 會否太散亂？

平穩增值
2800 (20%)
66 (10%)
1928 (10%)
VOO (10%)

潛力
3067 (10%)
QQQ (10%)
ARKK (5%)
1801 (5%)

9698 (5%)
916 (5%)
1448 (5%)
1177 (5%)

3）因為我想分散風險 所以想將部分資金投資美股 我應該如上咁買VOO QQQ ETF 定買美股嘅基金 佢哋主要分別係咩？我睇過ETF回報好啲同手續費應該平啲

4）因為計劃3年後回流澳洲 之前滙價低時買咗啲澳紙 佔資產大約15% 我應唔應用部分澳紙，去供澳紙結算嘅基金？

龔成老師︰

1) 我間中都會開星期六班的，通常一年開1、2次，星期六下午時間。

下次可能在今年年尾。

你或者可以預早留位，只要whatsapp 55457212我同事，打「留位星期六班」就得。我地有具體資料就會 whatsapp。

2) 以你38歲計，這個組合選股都可以。數量有少少多，你要留意翻你供咁多隻，會唔會每隻分配倒的月供資金，其實唔多。

因為你每隻供款越少，變相月供費用佔比重就越大，會影響到你長線回報。

如果每隻供款額係好少(例如少於HKD1000)，最好你就供少幾隻，將佢地集中D，去調低月供成本比重。

3) 你照月供VOO和QQQ就可以。

Vanguard標普500指數ETF〈VOO〉，是追蹤標普500指數的ETF。QQQ則是追蹤納斯達克100指數，同時不錯的月供選擇。

至於美股基金，你要睇翻佢當中的投資項目，因為每隻基金都可以好唔同。

你可以衡量基金的投資策略，所投資的資產類別、投資策略、風險程度、市場、以及過往的表現(可以睇佢過往5-10年，如果回報係比主要投資市場高，有機會值得繼續投資)。

4) 我地重點都係睇翻隻基金的質素和回報，如果有投資價值，都可以考慮動用這筆澳元作投資，但就不要為投資而投資。

另外，由於你尚有3年才會用這筆資金。如果佢金額比較大，我建議你都先將部份，換成港元去投資增值，咁會較有利。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

［ 關於半剖西藏虎 ］

前幾天分享了新的半剖西藏虎地墊，得到了很大的反響，有人問兩個尺寸分別是多少金額，擺設起來的大小差異呢？

現在就讓你們看一看，100公分跟150公分的差別，我專程借了朋友的辦公室拍給你們看看，電視是55寸曲面電視，應該可以很清楚的看出來兩張的大小差異了。

至於材質會做更換跟照片不同，是質感更好的長毛手工毯材質，預購價格也在這邊一併讓大家知道吧！

100 x 64 (cm)：三千六百
150 x 96 (cm)：四千五百

當然這是預購的價格，大概要等三週，運費的話分別是180跟250，因為這個長度大小基本上貨運就是這麼貴，加上國際運費，可想而知，大家可以好好考慮要入手哪個尺寸！

至於特規的200x128(cm)，就真的稍貴，但如果你家裡夠寬敞想要氣派輝煌的，九千塊就包運費給你！

預計是這個週末五六日要預購，你有幾天可以好好思考需要哪個大小，我個人是覺得100當門口踏墊很適合，150放小客廳很棒，至於200就適合透天厝，如果你還想要更大的，可以跟我談，我再跟工廠談。

對了～虎骨在大貨會做些微調整，圖片會放在限時動態，可以看一下唷！

好了～先這樣吧！你可以把這篇分享到限時動態給你的朋友們看看！

#jumper45 #tibetan #tibetantiger #rug #tigerrug #anatomy #halfanatomy #streetwear #streetfashion #streetstyle #streetsnap #streetculture #hypebeast #highsnobiety #hbx #lifestyle #deco

Payme [捐款]: https://payme.hsbc/deepwebkid




Instagram: https://www.instagram.com/dw_kid12/

Facebook: https://www.facebook.com/deepwebkid/?modal=admin_todo_tour
Spotify: https://open.spotify.com/album/2LjUOH9T9j21GiX8jzytu6
訂閱: https://www.youtube.com/channel/UC8vabPSRIBpwSJEMAPCnzVQ?sub_confirmation=1

我最高觀看次數的影片 (我為何不再拍暗網? 只說一次): https://www.youtube.com/watch?v=jbihKaqEEQw&t=127s

首支單曲: https://www.youtube.com/watch?v=UASHWB6Ai9Y

我的成長故事: https://www.youtube.com/watch?v=Kdhtp6A6YJE

這位才是真正的網絡垃圾: https://www.youtube.com/watch?v=jlJYDx1GP-U&t=263s

Billie Eilish出賣靈魂的方法: https://www.youtube.com/watch?v=pfB1S2uy5Po&t=115s
日本最殘酷的直播節目: https://www.youtube.com/watch?v=7E81OKVX7wc
我受夠了, 我的精神困擾: https://www.youtube.com/watch?v=aQ6uxaQhiS4&t=7s

[警告]史上最危險IG Story限時動態| 會導致你手機死亡
[警告]史上最危險IG Story限時動態| 會導致你手機死亡
破解會導致你手機死亡的阿拉伯IG Story限時動態
破解會導致你iPhone死亡的IG Story限時動態
[警告!!!] 破解導致你iPhone死亡的IG Story限時動態

Instagram story that kills your phone-pgtalal

之前我第一次在Instagram stories做了一part Q&A, 大家的反應數量和問題可以說是驚人.
那試想想如果當天你按進去我story後, 你電話突然這樣...
如何想打開都打不開, 再用另一部電按進我story, 結果又是一樣. 之後所有千千萬萬的暗友做同一件事結果又是這樣.
你應該會覺得我是創造了什麼詛咒限時動態 ..可能我會從你的電話爬出嚟, 對嗎?
那如果我告訴你這個星期外國發現了一個IG網頁你一按進去他的story你的電話真的馬上會動不到, 甚至有機會之後還有後遺症, 你除了想到被詛咒的限時動態外, 還會有什麼其他解釋呢?
我們今天的影片就是會有答案.

大家好又是我暗網仔! 一起破解IG史上最恐怖的 限時動態!

告訴大家這個IG 帳號名字前, 我先想提醒大家千祈唔好按進去亂試. I do not encourage doing that.

名pgtalal的IG頁有一個令人電話動不了（俗稱 “crash” ）的IG story. 這事件得到多個網路新聞網站報道. 令人百思不得其解.
亦同時令到 pgtalal成為近日受到最多關注和追除人數上升得最快的IG網頁.

奇怪的地方是如果你是用一部 ‘android’ 電話按進這個Instagram story這個紫色畫面會出現. 同時會播著一首名 ‘your love’ 的歌曲. 唯一奇怪的地方是不像其他的IG story, 你按電話畫面不能讓他暫停.

但如果你用iphone按進去這個Instagram story, 你的iPhone是會完全動不了. 會crash.

我試過用iPhone, macbook不同電器看IG, Facebook, Youtube. 東西都是大同小異.
那為何在這個情況下, 同一個story用不同電話看, 會看到不同的東西? 不同的畫面呢?
而為什麼簡單一個IG story會好像能完全控制你的電話呢？
是黑客入侵Instagram? Nordvpn又能幫到手嗎？

(題外話: 今天的影片不是由Nordvpn贊助的. 今天沒有贊助. 但如果你想贊助暗網仔以後拍多點好影片, 這是我的payme, 暗網仔donation, 下面也有link.多多益善少少無拘! 大家可能有看片知道我之前搬咗屋. 多謝大家繼續支持)

看完所有關資料. Pgtalal 帳號沒有頭像. 有一個7000多follower的私人帳號.

之前Pgtalal有一名電視劇friends女演員的post, 亦曾有3個不同會令到你電話crash的IG story, 現在看這個page, story 只有兩個, friends 女演員個post 亦消失了。
最後他還有一個douyin帳號. 只是長期在拍一個 ‘N’ 字. 到底什麼意思?
他帳號所有的字體都是阿拉伯字. 翻譯成英文後都是好像沒什麼意思.

其實整件事件都不像是靈異東西. 而係似某一個一個聰明人做的一種實驗.
這個出現在私人頁面簡介的”full stack developer” 這個職業就是證據. 電腦專家full stack developer精通前端和後端開發軟件.
什麼意思?
這是個很懂電腦的人在玩一個遊戲. 或是想prove一個point.
英國Youtuber Mrwhosetheboss用了一大dung電話逐一去這個IG網頁時發現不是每一部android電話都能夠避免 ‘死機’ 這個情況.
越舊的電話 被story搞死的機會率越大.

去到某一些舊年份的電話根本完全打不開那個story.

這是代表什麼? 代表越新越多 RAM 越多處理能力的機器越能對付這個story. 亦解釋到為何最高只有6GB RAM的iPhone會不停死機.
唯一的解釋就是因為這個story是比一般story大, 所以需要多點RAM去處理. 可以這樣搞大一個Instagram story的嗎?

最後互聯網找出的答案非常神奇! 網上專家用metadata對比一個普通ig story的尺寸和這個放大story的尺寸　, 放大story大約比正常大18個數位那麼多! 即是0.5和180,000,000,000,000,000的對比. 想像一下, 一個capacity只能裝落 ‘零點幾’ 的iPhone 要面對18個 零的放大IG story時, 如何能不crash呢?

最後證實我們看到的只是一個IG 投票poll和計時器. 放大了的某一個角落. 所以怎麼按也沒有反應。

技術上的結論就是Pgtalal用了一個叫 http proxy的濾器, 有一點像Nordvpn, 讓他send data給Instagram 的server前能任意改變當中的data. 主要是誇大個story的size.
而IG 就這樣超超超超超大這樣　send給你電話讓你死機.

很多網上專家相信Pgtalal 這樣做是想make a statement看看IG security有多yuek!
人類安全要緊!!!
但....最後好像證明了這個pgtalal只有14歲...
所以他應該不是這麼偉大.
如果我14歲是這樣做只會是因為貪玩.

「主動式降噪，聲聲入耳更沉醉。

通透模式，可聽到周遭的聲音。

可選擇合適尺寸，整天都舒適。

巧妙，聽見新境界。」

---

舒適度

精巧貼合，更貼心。
我們為了佩戴的舒適度而精修細調每個細節，透過可選擇合適尺寸的耳塞套，締造「主動式降噪」所需的優越密合度，進而將入耳式耳機晉升至一個全新的層級。因此，你將全心全意地感受你的音樂，而忘記你還戴著的耳機。

柔軟且富有彈性的矽膠耳塞套備有三種尺寸供選擇，並且一按即合。使用「耳塞套服貼程度測試」，以尋找最合適的尺寸，並享受最佳音質。

這些具有內部收窄設計的耳塞套，能貼合你的耳形，確保 AirPods Pro 牢牢戴在耳中；而透氣孔能使壓力更均衡，讓你的耳朵彷彿毫無負擔感。

---

主動式降噪

沒有噪音，只有好聲音。
AirPods Pro 是款獨一無二，具備「主動式降噪」功能的入耳式耳機，它可針對你耳道內的幾何結構和耳塞套的貼合度持續進行調節，以隔絕外界噪音，讓你全心專注於正在聆聽的內容。

外向式麥克風能偵測外面的聲音。

因此，AirPods Pro 可以在你聽到之前，發出旗鼓相當的抗噪波，抵消外面的聲音。

內向式麥克風也能在你的耳內察覺你不想聽見的噪音，同樣透過抗噪波加以消除。

降噪功能以每秒 200 次的頻率持續地調整音訊，帶來令人沉醉的聲音，進而讓你全神貫注在音樂、podcast 和通話之中。

想要聽到周遭的聲音？只要按住耳機柄的力度感測器，即可在「主動式降噪」功能和「通透模式」之間進行切換；「通透模式」會讓外界聲音傳進耳朵，讓你與身邊的人聊天時，聽起來像平常一樣自然。

---

音質

聲聲天籟，從未如此悅耳。

「適應性等化」功能可根據你的耳形自動對音樂進行調整，提供層次豐富且一致的聆聽體驗，讓你享受優越的音質。

內向式麥克風和你一樣在聆聽聲音；然後 AirPods Pro 會調節中頻與低頻，進而微調音訊。

特製的高位移範圍、低失真的揚聲器驅動單體可呈現渾厚有力的低音。

超高效率的高動態範圍擴音器可產生純淨、卓越清晰的音質，同時還能延長電池續航力。

擴音器可強化揚聲器驅動單體，以消除背景噪音，並配合 H1 晶片一起控制聆聽音量。

具有動態頭部追蹤功能的空間音訊，讓各種聲音效果都能以最正確的方位圍繞著你出現，為電影和電視節目帶來劇場般的體驗1。

---

效能與設計

微小晶片，能力強大。
AirPods Pro 滿載技術卻體積精巧，完全根據我們的系統級封裝設計而打造；配備 H1 晶片，從聲音到 Siri，為各項功能提供強大的驅動力。

Apple 設計的 H1 晶片採用 10 個音訊核心，大大減少音訊處理的延遲，進而做到即時降噪。

系統級封裝設計經過精心排列，每個零組件的擺放位置均根據人耳的形狀，最大幅度提升舒適度、貼合度與穩定性。
使用力度感測器即可輕鬆控制音樂播放與通話，並在「主動式降噪」功能和「通透模式」之間進行切換。你也可觸碰並按住 iPhone「控制中心」中的音量滑桿，來變更模式。

AirPods Pro 的設計就是要和你貼身相隨，所以能抗汗抗水2，並具備擴大的麥克風網狀聲孔，在風大的時候，可提升通話的清晰程度。

---

電池

充電不用線，續航不怕累。
搭配無線充電盒，可提供超過 24 小時的電池續航力，並且可與 Q1 認證的充電器相容。電量不足時，AirPods Pro 會發送通知訊息到你的 iPhone，提醒你及時充電。

超過
24小時
聆聽時間搭配充電盒額外多次充電3
最長可達
4.5小時
聆聽時間充電一次
大約
1小時
聆聽時間僅充電 5 分鐘

---

巧妙的體驗

從開始配對到 Siri，
簡單易用。
就像 AirPods 一樣，AirPods Pro 能巧妙地連接 iPhone 或 Apple Watch。

自動切換功能可在 AirPods Pro 與多個裝置連接時，讓音訊在你的 iPhone、Apple Watch、iPad 和 Mac 間順暢切換。

「耳塞套服貼程度測試」可協助你找到合於耳朵的耳塞套尺寸，以及降噪所需的最佳密合度，為你營造最理想的聆聽體驗。

簡單說聲「嘿 Siri」，就能召喚你喜愛的個人助理；無論是控制音樂播放、通話、音量、路線指引，或更多其他功能，連手指都不用動一下，你全都能做到。

透過「音訊共享」功能，你可同時用兩對 AirPods 分享同一首歌曲、podcast 或其他音訊串流6。

----

心意的密碼，
只有你能譜寫。
來看看適用於 AirPods 的全新鐫刻選擇。表情符號、文字與數字可混搭鐫刻。

-
🎁雅典娜計畫🎁
http://bit.ly/BradleyAthena
🎁零工經濟實戰班研習會連結🎁
https://bit.ly/bradleygig
🎁TRW直銷革命軍研習會連結🎁
https://bit.ly/bradleytrw
🎁KOLF領袖行銷公式研習會連結🎁
https://bit.ly/BradleyKOLF
-
關注更多
我的Instagram：https://bit.ly/BradleyIG
我的LineID：yuchanchung
Google、Podcast、Youtube、Instagram
搜尋🔍「Bradley說故事」都可以找到我的內容！
特別節目：「尬聊NBA」Podcast
-

不要錯過 http://bit.ly/2lAHWB4

第二支 4K 畫質影片正式上線！
科技狗首支 4K Google Home Max 回看起來真的有夠尷尬...

螢幕面板資訊不透明這事兒也不是一天兩天的事情了
看過 30 台顯示器的科技狗當家扛霸子伊森的寫輪眼效能全開
帶你一步步檢測一下那些螢幕廠商都不告訴你的事！


::: 章節列表 :::
0:34 測試環境搭建
2:44 畫面評測工具
5:17 顯示能力實測
7:14 最後總結

::: 相關連結 :::
參考資訊
➡️https://bit.ly/373he7M

BZFuture 桌面大爆閃
➡️https://bit.ly/2MAuqrf

水姑娘的黃金聖品
➡️ http://bit.ly/2s4MYJF



::: 電腦配備 :::
處理器：Intel i5 9500K
主機板：GIGABYTE Z390 I AUROS PRO WiFi ITX
記憶體：GALAX HOF II DDR4 3600Mhz 8GB*2
顯示卡：GALAX GeForce® RTX 2060 ELITE White (1-Click OC) 6GB
硬體：GALAX ONE SSD 120GB
電源：Fractal Design Ion SFX-L 650W Gold
水冷：Fractal Design Celsius S24
機殼：Fractal Design Era ITX

::: 機殼規格 :::
上蓋：銀{白橡木}/ 鈦灰{核桃木} / 碳黑{玻璃}/ 金{玻璃} / 鈷藍{玻璃}
材質：鋁合金、鋼材、塑膠
尺寸：325 x 166 x 310mm
重量：4 kg
主機板支援：mini-ITX
電源供應器支援：ATX、SFX、SFX-L，長度小於 200mm
顯示卡支援：295mm x 125mm x 47mm
CPU 塔散支援：70mm / 120mm
儲存裝置支架：2 組 (2 個 2.5 吋 / 1 個 3.5 吋)
PCIe 槽：2
前 I/O 埠：USB 3.1 Gen 2 Type-C、USB 3.0 x2、3.5mm
上方風扇支援：120 mm x2
下方風扇支援：140 mm x2 (占用 PCIe 插槽x1)
後方風扇支援：預裝 1 顆 SSR3 80 mm 風扇
上方水冷支援：120 mm x2 / 240 mm x1

::: 螢幕規格 :::
MSI Optix MAG272CQR
售價：NT$13,888
螢幕尺寸：27”
螢幕比例：16 : 9
螢幕面板：VA
螢幕曲度：1,500R
色深：10bit (8bit+FRC)
反應時間：1ms (MPRT)
螢幕亮度：一般亮度 300nits
螢幕刷新率：165Hz
解析度：2,560 x 2,160
靜態對比度：3,000 : 1
色彩表現：92% DCI-P3, 120% sRGB
HDR 高動態範圍：HDR Ready
廠牌特色：NVIDIA G-Sync, AMD FreeSync, Mystic Light
I/O 連接埠：2 x HDMI 2.0b, 1 x DisPlayPort 1.2a,1 x 3.5mm Audio, 2x USB 3.2 Gen1 Type A , 1 x USB 3.2 Gen1 Type B
--------------------------------------
#FractalDesign #電腦螢幕 #科技狗

📖 Facebook：https://www.facebook.com/3cdog/
📖 Instagram：https://www.instagram.com/3c_dog/
📖 官方網站：https://3cdogs.com/
📖 回血賣場：https://shopee.tw/3cdog

▋ 有任何問題都來這邊找我們：3cdogs@gmail.com