冇寫新嘢，又Po舊嘢～
————————————
【你的鼻環是如此的難以忘記～】

兩個問題：1.梁朝偉唱歌好唔好聽？2.梁朝偉戴鼻環好唔好睇？

1.瀟瀟灑灑的給我瀟灑的相機——吓？相機？相機點瀟灑法？
2.Oh I’m so sorry，不是「相機」是「上機」。這一句來自梁朝偉名曲《一生一心》。
3.唔知點解地，梁朝偉唱歌總是令我感到怪怪哋。像他第一首名曲《朦朧夜雨裡》，每逢唱Live，硬係覺得他入慢了半拍或四分一拍——總之就慢咗啲啦，但聽得多，又覺得，入慢咗又點啫？好大問題咩？冇計，因為唱的是偉仔。我自細就鍾意偉仔——全因《新紮師兄》的杰仔。我不知怎樣形容當年《新紮師兄》給我的震撼，而我萬料不到，梁朝偉唱歌給我的震撼，竟然是《新紮師兄》的十二萬倍。
4.嗱嗱嗱我唔似其他人咁，覺得梁朝偉唱歌難聽，我只是覺得怪，一種好難形容的怪，一種愈聽下去會慢慢習慣甚至迷上的怪。
5.怎樣才算唱歌好聽？曾幾何時，有人把喉核好似有靈性咁識得郁上郁落，視為唱歌好聽的附帶表象；也有人認為，唱歌稱得上好聽的歌手，就是無論聽錄音帶 / 黑膠 / CD抑或現場，佢把聲都要一樣。以上，一概被統稱為唱功。
6.那麼梁朝偉肯定冇乜唱功。我好似從未見過他唱歌時喉核會生性地郁上郁落。而聽他唱現場，又同錄音室版本唔多同（例如唱《朦朧夜雨裡》硬係好似入慢咗）。
7.離奇是他在上世紀90年代出過多張專輯。不計1993年的粵語精選《難以忘記的你》，同年就先有張國語大碟《一天一點愛戀》（係呀，一個被認為唱廣東歌都唱不好的人竟然挑戰國語歌）；跟住，1994年，《重慶森林》上映那一年，直情出夠三隻你歎，《一生一心》、《為情所困》、《日與夜》（《一生一心》是EP）。而自小就鍾意偉仔的我，自然三隻買晒！尤其愛《一生一心》和《為情所困》——歌暫且不說，單是封套已經無可抗拒！《一生一心》上的朝偉大頭，幾執頭髮在有點偏色的情況下，有意無意間垂在他雙眼之間，心心眼！《為情所困》，不玩大頭，玩一格格電影菲林，格內除了他，還有周嘉玲——兩位就像在重演《重慶》中的激情，心心心心眼！我可以好大膽咁講：即使以今時今日目光去看，這兩個封套依然經典，依然贏晒市面上九成廣東專輯封套（嗰九成簡直完全喪失美學觀念的核突嘔心示範）。
8.咁，啲歌呢？Well，歌曲本身，其實都是很典型的中慢板情歌套路，但全仗朝偉的深情和深情及深情，每一首，都被Add了無盡的深情Value，明明再直白再冇嘢的一句歌詞，由他去唱，定必化成情深的一句：《為情所困》的「這一生為情所困 / 只為當初妳的心太真」（你睇，強如朝偉都會為情所困！）；《一天一點愛戀》的「一天一點愛戀 / 一夜一點思念 / 給我一句真的誓言 / 讓我可以期待永遠」——把聲已夠深情，睇埋個MV，全程就咁影住朝偉獨坐木凳，Keep住把不羈的髮Fing來Fing去，有時又含吓條頸鏈……最後，望住你，甜笑，完。連性好AV的我也被打動。
9.要唱Live時，朝偉就以一身當年的我難以名狀的時裝風格示人（後來才知道源自Grunge），而最最最最最最最最最最最最勁的是：他．戴．鼻．環。今天回看，你或者會笑，但在當年，是多麼的出類拔萃驚世駭俗——連四大天王都冇個敢戴。可以說，90年代的朝偉以歌聲和衣著（別忘記他還有著裙！），創造了一個只有他自己才Carry到Handle到的歌手形象。前無古人，也應該後無來者。
10.回到一開頭兩個問題。1.好聽。好聽不基於喉核識唔識郁呢啲門面嘢，而在於看不見的感情，我們是聽人唱歌而不是聽Machine唱歌。2.好睇——肯定比你同我以及大部分男歌手戴得好睇。

（戴鼻環相在留言。）

又是多年前的舊文。
————————————
【今夜像霧像雨又像風，不妨卿卿我我】

回到90年代，有唱片公司為了宣傳自己的歌，可以向電視台買一個晚間時段狂播自己的歌。

1.因為這個時段（也因為我當年仲有持續地開電視），我識唱一首歌。
2.今夜的星光燦爛，那半醉一雙眼，透過了友誼界限……
3.林帆《今夜》。一首你明明冇買碟但都應該識得哼頭幾句的歌——唔只識唱，甚或仲好記得個MV：某夜，隆重地著上冷衫乙衫的林帆，在一個沙灘緩緩步行，離奇是沙灘上早就布下了一個由唔知邊個布下的Blur Blur哋燈光陣（Blur是鏡頭效果），而更離奇是，鏡頭突然閃出一條友，著住件Tee，恍如體操選手般過度活躍地跳嚟跳去再打埋斛斗，看得（著住冷衫的）林帆好不興奮，而更更離奇是，這時林帆竟然坐在一張相當歐陸味的床上——Who擺這麼一張床在沙灘上？唔重要，重要是一班幕後創作人為了營造「今夜的星光燦爛那半醉一雙眼透過了友誼界限」這淒美意境，真的苦心孤詣地，做咗好多嘢，擺咗好多Props，也應該使咗公司唔少錢……
4.但真正使錢的是，一間唱片公司為了推廣旗下歌手，是可以向電視台買一個時段，晚晚播幾首歌，持之以恆地播播播播播播播播播到我事隔多年依然識得唱《令夜》，兼背得出個MV。
5.那間唱片公司是飛圖，只是我們大部分人都慣咗口叫佢「飛圖卡拉OK」——在那個未有電腦揀歌再幫你換埋碟的年代（而是有個膠File，攝滿寫著密麻麻編號的紙，你想唱邊首，就唔該根據張紙去櫃枱攞相對應的LD，所以不是揀歌唱，而是揀碟唱，為慳時間惟有成隻碟唱晒），我們去唱K（當時會好隆而重之地講「去唱卡拉OK」，恍如沒有「卡拉」，成件事就冇咁OK），走唔甩，一定唱過飛圖卡拉OK之出品。
6.我尤其欣賞那些為拍而拍的MV。A歌手明明不是飛圖門下，飛圖為了製作A歌手某首作品的卡拉OK版，是會專誠請幾名Model仔或演員仔（有些在好多年後真的紅咗），專誠拍一個MV，MV仲會盡量嘗試配合歌詞內容，從中你會看見一種近乎偏執的認真……也有一些，冇人的——嚴格來說應該是冇一個特定的人，因為成個MV就是齋拍世界各地美景，讓你唱歌之餘眼睛想旅行，一首MV，N種感受。
7.然後，飛圖也有屬於自己的歌手。例如梁雁翎。有一個秘密，咁多年我都冇話俾同學和老師知——我．愛．梁．雁．翎！我由衷地覺得梁雁翎好靚！OK你可以話佢娘，但「靚」和「娘」，是兩種不相關而又可以並存的性質，一個人自然可以靚得來完全唔娘，但娘，同樣也掩蓋不了一個人的靚……但當年的我未讀過亞里士多德，不知道以上道理，以致當同學們話佢娘時，我只能（揞住良心）附和……現在不同了，我已經唔使理班同學，可以大聲講：梁雁翎好靚呀！《像霧像雨又像風》好好聽呀！《你怎麼說》仲好聽啊！同蔡濟文合唱的《慢慢地陪著你走》亦好動人呀（當年我幾咁想邀請女同學L跟我合唱，無奈一直不敢開口……）！
8.當然，還有卿卿。她真的能夠用聲音，演繹出一種唔係你話扮就扮到的性感淒怨 & 風情；當大家只記得她的《擋不住的風情》，《卿卿我我》才是我的卿卿首選。
9.Yes，這就是90年代初的香港樂壇。你可以去迷天王天后，可以去愛純情玉女，可以去捧位置二三線但歌藝相當一級的男歌手，也可以好似我咁，晚晚臨近午夜開電視聽卿卿林帆梁雁翎（而又唔使話俾同學知）——你有得揀，因為真係有得俾你揀。
10.為求懶係首尾呼應，且讓我用《今夜》副歌作結：今宵方知往日孤單，期求明晨夢幻不散，過去欠你現在奉還～～

【 你睇，司棋姐嚟喇！】
_
有啲嘢，真係傾落先發覺 ── 原來對很多電視迷而言（包括本人），「司棋姐」根本就是Simply Irresistible（無可抗拒）！
_
以為香港人對廣告Hard Sell有「潔癖」？事實並非如此。睇完會藐，抑或會笑，甚至主動CLS（留言、給讚、轉發），視乎哪個客戶出錢、隱藏的品牌理念、由哪位藝人參演，還有最最最最重要：條橋點先？最新鮮滾熱辣例子，是剛於周一（13/9）上架、由外賣品牌「戶戶送」出資拍攝的四分鐘廣告短片《Deliveroo呈獻：送辣送到Site》，竟然想到並成功邀請自從拍罷《溏心風暴3》（2017）後便甚少公開露面的李司棋擔任第六代Deliveroo Rider。
_
翻查資料，過去兩年曾經飾演外賣員的計有吳肇軒（外賣界Mr. Cool）、何啟華（戶戶送一齊踩入每一戶）、ERROR（戶戶一把口，三百種胃口）、張敬軒（戶戶離奇查咩案？）、古天樂（熱到除3），再到今次「司棋姐」出馬，看到箇中蹺妙之處嗎？答案是：若按照演出資歷和年齡區分，每次登場的「新一代」外賣員都是愈來愈資深，但他們與「新一代」之間的距離反而愈來愈近。就以「司棋姐」為例，一九六八年參選「香港公主」，憑出眾美貌奪冠，同年加入電視圈，拍過多套膾炙人口的劇集（一九七七年期間短暫效力麗的電視），作品包括《啼笑姻緣》（1974）、《山水有相逢》（1980）、《輪流傳》（1980）、《流氓皇帝》（1981）、《真情》（1995-1999）以及《溏心風暴》（2007），又曾兼任配音員（經典美劇《合家歡》聲演小寶）以及《歡樂今宵》主持，這一大堆履歷，甚具重量，惟在新世代眼中不過是「咸豐年發生嘅事」，沒有共鳴。
_
但出道已半個世紀的「司棋姐」深明人在江湖，最棹忌恃老賣老堅離地，所以就算近年於幕前相對低調，在網絡世界依然活躍，不時在個人Instagram發帖，講飲、講食，見見朋友，拍拍靚相（專誠到尖沙嘴天星碼頭與Anson Lo的大型慶生廣告牌「合照」），甚至偶爾穿黑絲襪展露健康性感加佻皮一面（三歲定八十，2015年「司棋姐」接受有線電視訪問時已承認性格貪玩，所以18歲時才會瞞住家人參選「香港公主」），識玩程度拍得住後生仔女，這種貼市作風，粉絲相當受落，追蹤人數已多達6.6萬，這亦解釋了為何創作團隊會想到邀請「司棋姐」合作拍攝今次的新廣告，因為「司棋姐好Hip」的形象深入民心，毫無違和感的甜美感覺，拿揑角色性格和情緒的柔韌度高，只要廣告有她的參演，而且是男女老幼皆為目標群眾的外賣廣告，就可以演活新紮rider角色、成為網路熱話。
_
事實上，截至周五（17/9）傍晚六時半，這條廣告片已累積超過90萬點擊（IG和YouTube），因為經過多年用心經營而得來的觀眾緣，足以令「司棋姐」今天在幕前做甚麼，觀眾都會想看、有興趣看，哪怕廣告第一句對白已經「Hard Sell到暈」：「我第一張單就送到戶戶送獨家優惠嘅麥當勞地獄脆辣雞腿包！」但因為好久不見，因為坊間罕有，因為那人是「司棋姐」，所以不少觀眾照單全收，願意由頭睇到尾（見到她Chok個超人甫士，再以《聖鬥士星矢》的主題曲做BGM襯托畫面，甚至日本動漫式喜感）。而「司棋姐」今次在廣告中的另一個重要責任，是將香港演藝界老中青三代串連在一起，一個外賣袋，一架升降機，讓觀眾知道今時今日除了李司棋外，還有梁祖堯、張文傑和張天賦（MC），甚有大師姐聯乘新世代的意味，當中最驚喜的是她開金口獻唱MC的派台歌《反對無效》，這一段我反覆看了N咁多次，試問當今香港，又有多少位資深藝人能夠放下身段跟新人一起玩？
_
因為好奇，想知道更多廣告拍攝細節，所以冒昧透過製作單位向「司棋姐」問了幾條問題，竟然收到真─人─回─覆，OMG！
_
【 司棋姐Q&A 】
_
（1）游大東：當初收到Deliveroo邀請拍廣告做「新紮RIDER」，當下有何感覺？
_
司棋姐：第一時間覺得：一日邊拍得晒？故事又咁長，過程一定有阻滯，所以（拍廣告前）已經向跑步隊請了兩日假，結果導演可以一日內完成，真心佩服導演以及年輕廣告團隊的準備功夫。亦都驚訝Deliveroo（客戶）點解會諗到佢（即她自己），竟然畀自己做他們的Rider，有冇搞錯？因為自己好長時間沒有拍香港廣告，今次是Out of Comfort Zone（跳出舒適圈），不再是之前賣鈣片等「老友記廣告」，所以是很好玩的經驗。
_
（2）游大東：知不知道很多後生仔很鍾意睇你IG？
_
司棋姐：開始之前沒想過會這樣受歡迎，由幾百個Likes，去到有幾千個人Like我的Post，原來自己在IG都可以跟年輕人一拼(哈哈)。（當初）開IG是因為自己以往只能被角色規限，不停要做阿媽、阿嫲，沒機會展現個性，在IG終於可以做回自己，得得意意，隨心所欲，自己不停Post食物相，係因為自己真的為食，不是賣廣告，原來這樣反而會多人Like，亦因此有更多機會與後生一輩交流，鍾意你或唔鍾意你都來得很快很直接。今次是第一次跟阿祖、German和MC合作，之前大家未見過面，開工前，我都（只能）去他們的IG初步了解一下；不瞞你說，其實拍攝之前我甚至未聽過MC（尷尬笑），看IG才知道他原來很受歡迎。
_
（3）游大東：怎樣看今次廣告裏的跨代合作？
_
司棋姐：我不擔心跟阿祖合作，因為他很有經驗，反而開始的時候有啲驚MC（笑），因為擔心他不認識自己，又擔心他會覺得自己是前輩，會怕了自己，但最後他與German都給我很多驚喜，他們很有活力，能夠從他們身上「學到嘢」。我不是「老屎忽」，曾經試過拍劇集，有位前輩臨時改劇本，將自己全部戲份「飛走」，所以都要提醒自己，要遷就一下年輕人，令他們不會那麼大壓力，令年輕人接受你，他們就會用最自然的方式對你。
_
（4）游大東：今次拍Deliveroo廣告有甚麼趣事？
_
司棋姐：自己要扮萌、扮熱血和驚青，惟有當自己拍緊IG Stories（限時動態）。阿祖扮鬼扮馬，不停「爆肚」，爭啲接唔到戲。唱MC的《反對無效》唱錯歌詞，第一眼望到他的玉帝造型爭啲（笑到）噴飯。畀German女僕造型嚇親，因為好似比自己更可愛。
_
《Deliveroo呈獻：送辣送到Site》足本睇：https://bit.ly/3EpEa1p
_
（17092021）
_
#游大東 #游大東影視筆記 #李司棋 #梁祖堯 #張天賦 #張文傑 #戶戶送香港 #是日戶戶送 #美味日嚐 #送辣送到Site #戶戶送優惠 #戶戶送麥當勞 #地獄脆辣雞腿包 #菠蘿脆辣雞腿包 #DeliverooHK #DeliverooOffer Deliveroo #DeliverooPresents 梁祖堯 German Cheung (張文傑） MC 張天賦 月巴氏 / Work Super Guy

#安心出行 #安心出軌
特別嗚謝：石門Explorer Fusion Restaurant

《會過去嘟》#識唱一齊唱 #填左幾日 #嘟條L

原曲： 會過去的 – 許志安, 車婉婉
作曲： 陳輝陽
原詞： 黃偉文
改詞： 志安 ※ 心穎@二次音樂

安心監視你我出走
買餸吔嘢　同出街拖狗
哄騙我嘟後　最怕是然後

猶如疫埠　但冇確診造就
六時無堂食　似咀咒
這武肺　最安心的借口

沒有裝安心　即刻與晚市分手
看戲買嘢　員工都早抖
引誘我遷就　日後寸草不留

為人念舊　沒有廢 app 侍候
鈴聲都仲會保留
要掃碼　唯有就掃賓周

# 從前共你講　不要裝亦不要嘟佢
為何常常要嘟　真太累
正苦一再推　又逼你嘟佢
然而從無　確診逐個追
(明明全無確診　硬要推)
　
廢老嘟晒過去鬼咁有趣　都叫你去與狼同行
為何唔去嘟都有罪
靠太空掃爆佢　嘟到佢震嘟到佢錯
我們如何仍然能活下去

有事沒事像打疫苗
你(與)我會過去嘟
從而可放心去

沒有新IPhone　裝app讓你我失救
放棄晚市　藍絲都失守
戰況太轟烈　為突破這陰謀

尋回舊物　仲有兩G侍候
如Startac 仲有保留
要掃碼　藍店亦冇得走

嘟得過 (什麼)
有廢老話 (什麼)
安心吃　理佢屎或糖有幾多

邊個 (茂波)
仍然留戀 (国歌)
支針決意要去買国貨
他朝癱咗諗清楚
只怕後悔當初

Repeat #

有冇病　為做局長順民
個個會過去嘟
安心養你我圈內被略過誰和誰
大時代變傀儡　IQ 告退

＝＝＝＝＝＝＝＝＝＝＝＝＝＝＝＝＝＝＝
?支持晴天林PATREON粉絲會：
https://www.patreon.com/sunnylammusic

⭐Facebook：
晴天林 Sunny Lam http://www.facebook.com/music.sunny

⭐Mewe：
https://mewe.com/p/sunnylammusic

⭐ IG: sunnylammusic
http://www.instagram.com/sunnylammusic

⭐YOUTUBE被黃標，PayMe助養窮困音樂廢青晴天林：
https://payme.hsbc/sunnylam
http://bit.ly/38YfI6Z

⭐海外PayPal:https://paypal.me/sunnylammusic

＝＝＝＝＝＝＝＝＝＝＝＝＝＝＝＝＝＝＝

加入 愛馬士同學會 成為我的初級同學&榮譽班長
https://www.youtube.com/channel/UCwVVbyZZS3lyg3dUM4yRC-A/join


----
過嚟我 IG say個 hi 啦 @Mayaoo ❤️
http://instagram.com/mayaoo
買野想要Discount? 入嚟我個 Telegram啦 !
https://t.me/mayao_ma

-----
[改造系列]
▶️【還原靚靚拳】基情四射周漢寧，要MAN返次喇！放棄學業做演員？
https://youtu.be/2YkQL2fKcfk

▶️毒男宅男變身萬人迷 ? 髮型嘅重要性 ✨ 由頭開始改造
https://www.youtube.com/watch?v=jF0I2PGT-zI&t=3s

▶️[ “真”素人大改造 ☀️] 還原靚靚拳今次如何拯救男仕？?
https://youtu.be/8PvP7CMlHRA
-----
[0號實驗室]
▶️【0號實驗室#8】黑暗森林系感覺－我有權投 with 谷祖琳Jo Koo
https://youtu.be/lP7616hkKVc

▶️【0號實驗室#7】漫畫系感覺－兩種人 with 何嘉莉Lillian
https://youtu.be/EzNzVo9XYl8
-----
[馬馬音樂]
▶️Mayao 馬天佑 《超過些》Official Music Video
https://youtu.be/mDghlLbVVxc

▶️Mayao 馬天佑 《大妄想家》Official Music Video
https://youtu.be/FCooHB7FjIM

▶️馬天佑 Mayao / 鹿角少年 (Official Music Video)
https://youtu.be/UgHZngvDnq4
-----
[Other Video]
▶️兩萬蚊入手名牌袋?你都買到Lisa揹過嘅袋！✨2020秋冬手袋分享
https://youtu.be/4VE6MC7x94U

▶️[還原靚靚拳] 國際巨星篇✨與Jessica連線扮靚靚?
https://youtu.be/WuUT3JsUi9M

▶️［試晒上咀］痴線爆靚唇膏系列??空氣絲霧唇釉全試色? 搽完即刻變高文英？? 螢光橙色效果如何？?｜推薦+試色
https://youtu.be/82HjcIynH_M
-----
?Please like the video and leave a message if you enjoyed it
?Instagram: http://instagram.com/mayaoo
?Facebook: http://www.facebook.com/mayaomatinyau/
?Weibo: http://www.weibo.com/mayao617
?Email: mayao@fameglory.hk
?Telegram: https://t.me/mayao_ma
?TikTok: https://vt.tiktok.com/j1uugj/

------
To brands:

If you are looking for a collaboration or wanted me to review products, here is the detail.

mayao@fameglory.hk

8/F C Wisdom Centre,
37 Hollywood Road, Central
香港荷李活道37號八樓

#記得訂閱並開啟小鈴噹

去年葉巧琳（Mischa）參加了《全民造星3》重新出發，這次經歷讓 Mischa 帶來極大的衝擊，不僅令她找回自己的初心，同時亦令她有感而發，創作了全新派台歌〈浸浴〉。

Mischa 前往《造星》的舞台，進行了 Casting後，她內心的感覺洶湧而出，她很想將這一切紀錄下來，於是就找來曾經憑電影《七月與安生》與金培達一同奪得第36屆香港電影金像獎〈最佳原創電影音樂〉的好友波多野裕介一同創作新歌，不過波多野裕介覺得既然內心的感覺這麼強烈，倒不如今次的創作，就先由歌詞開始，於是乎Mischa 就寫下了 Demo 用、名叫〈勇氣〉的歌詞：「從前的我像個超人一樣 / 強大 充滿夢想 / 現實多殘酷 / 聲音沙啞了　我還剩甚麼 / 跌倒過傷過背叛過迷失過被罵過踩過說過 / 以後怎樣過 / 手再抖還想到以後 / 還不想放棄」這個雖然只是Casting 階段時的感受，但字裡行間卻已看到Mischa 對演藝事業的毅力與決心。

大概到了8月《造星》pre-round 之時，Mischa 與波多野裕介完成了粗略的編曲後，沒想到公司同事跟監製 Edward Chan 聽後都隨即愛上這歌，並為 Mischa 找來林若寧著手填詞。那時候林若寧知道 Mischa 參加了《造星3》以及她的想法後便寫出了〈浸浴〉的歌詞。Mischa 覺得〈浸浴〉的歌詞是無可挑剔的，她說：「成首歌講緊我洗晒所有唔好嘅嘢，重新上路，喺《造星3》重新出發，重新開始認識自己，搵返自己嘅初心，喺過程裡面可以學到好多，比以前更加認識自己。」Mischa 更回想起在《造星3》決賽當晚演繹〈浸浴〉時的那個畫面，與同行的參賽者其實都經歷著同樣的洗禮，所以她很想將這歌送給所有參賽者。

如此貼身、Personal 的題材，Mischa 自然感受至深，所以今次灌錄〈浸浴〉的時間也比過去的歌曲短，Mischa 說：「因為疊住《造星3》拍攝期，嗰排瘋狂練歌，再加上成個人進入咗戰鬥mode，所以錄〈浸浴〉時好快已經達到 Edward嘅要求，最記得有一次係我入到去開聲試唱嘅 take 反而用最多，最後預多嘅錄音 session 亦冇用到，都幾 Surprise！」


立即到各大數碼平台收聽：https://sonymusichk.lnk.to/bath

Follow Mischa葉巧琳
▶ IG: https://www.instagram.com/mischaip/
▶ Facebook: https://www.facebook.com/MischaIpOfficial

⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆

〈浸浴〉
曲：葉巧琳 / Yusuke Hatano
詞：林若寧
編：Yusuke Hatano
監：Edward Chan / Yusuke Hatano
唱：葉巧琳


我想 清洗一身幽怨的嫉妒
我想 清洗肌膚剩餘的黑色素 重新上路
我想 清洗哭泣做成的臉上泥土
洗去自卑的焦躁 形象更清高
新一個人 對鏡子讚好

走失過自己腳步
觸得到只有霧薄弱到像番梘泡
流落到孤島

拾回活著的依據 面對我畏懼
將缺陷 將泡沫 浸在水裡
拾回活著的知覺 是有血有淚
新構造 比較敏銳 誰要作傀儡

最好 香水終於找到新味道
最好 挑選新的浴袍翩翩起舞 全新舞步
最好 更改新的造型比舊日還好
洗髮水洗走苦惱 回復我的好

貶低我換取愛慕
當擁抱親切度薄弱到像番梘泡
無論惡補怎惡補反正都不會得到
拾回活著的依據 面對我畏懼
將缺陷 將泡沫 浸在水裡
拾回活著的知覺 是有血有淚
新構造 比較敏銳 如一缸清水

完善我身軀
工作上再爭取

從此以後洗走你都反正失去
拾回活著的生趣 為愛太過累
想快樂 可以快樂 切勿望穿秋水
拾回活著的精髓 自信再結聚
洗過臉 經過浸浴 融化了眼淚
浸到水底裡 忘掉我負累 這個新的我比較敏銳
洗吧洗吧 洗吧洗吧 洗吧洗吧 溶化我過去


#葉巧琳 #MischaIp