［馬達加斯加脫貧，靠嘅呢條繩—歐梳繩］寫過幾次馬達加斯加。咁其實都係stereotype，嗰幾樣嘢。首先係 荒失失奇兵，之後係雲尼拿（http://bit.ly/2JTlJc1 雲呢拿貴過白銀，咁馬達加斯加發達未？），麵包樹同狐猴　（http://bit.ly/2Ro5OXw），仲有馬達加斯加係窮到仆街，全球尾十，窮過北韓（其實好多地方都窮過北韓）　（http://bit.ly/2RiFZIB　馬達加斯加人均收入係六十年前一半—但冇人理呢兩千五百萬人）

好啦，炒雲尼拿當然冇乜前途（話時話，爆煲未？），咖啡好賣都係益咗星巴克，雲尼拿好賣唔會益到當地人。但而家就真係有條新財路：就係歐梳繩！

歐梳乜？唔係起廠，係歐梳白領工作去馬達加斯加（！），好似英美公司歐梳去印度，同菲律賓咁（香港啲廣東話call centre就上大陸）。

正如印度同賓賓識英文，印傭識荷蘭文（講笑，係唔識的）咁，馬達加斯加嘅優勢，就係講法文！係喎，窮到仆街都係講法文，真係乞食都型過啲大陸盲流。但，唔止馬達加斯加講法文丫，摩洛哥突尼西亞毛里求斯，仲有民主同香港睇齊嘅塞內加爾（http://bit.ly/2Rq7ksf　一個民主，各自表述）都講法文！咁點解係馬達加斯加？

首先，因為多人（兩千五百萬人，真係得人驚，但你唔會認識到任何馬達加斯加人，除咗荒失失奇兵嘅企鵝）。二來，低人工，都話窮到仆街，八成人只係一日用兩蚊美金。最低工資係四十蚊美金，而呢啲歐梳繩公司出到百三蚊美金一個月請人，當然請到啲最勁嘅人，即係唔會甩皮甩骨，識在電話答你投訴呀換積分呀叫外賣呀唔會一舊飯咁。例如Deliveroo 歐梳嗰啲，同客講識用vous 同啲外賣仔就用tu。C'est magnifique! 。而人工講緊係摩洛哥一半，更加唔好同法國比。

Bonus就係原來法國佬（或其他有錢法語系國家）覺得馬達加斯加法文幾好聽，夠溫柔，又冇咁快，冇摩洛哥法文咁粗魯。

不過最關鍵嘅，原來係上網網速！相當奇怪地，窮到燶嘅馬達加斯加，網速反而係全非洲最快。咁正如塞內加爾民主同香港差不多，其實馬達加斯加網速仲快過英國法國德國加拿大！

所以，呢啲歐梳繩公司，就好似雨後春筍咁啦。十年前十間八間，而家幾百間。

好重要嘅係，歐梳繩雖則被視為低端嘢，但對馬達加斯加絶對係好東西。唔似種雲尼拿咁望天打掛，大上大落，同埋大部份益晒財主。亦唔似礦業咁，其實唔使點請人（加上亦係大上大落，益晒財主）。紡織業就請得多人，但太低技術，請啲友只係畀最低工資。歐梳繩係唯一會請得多人，又畀到高人工嘅行業，係咪好偉大呢？

所以呢，呢個窮足咁多年嘅國家，應該有機會見到可以脫貧，開始有中產階級了。係呀，百三蚊美金個月梗係中產，其實有份白領工返嘅已經係中產。邊似香港咁一年去幾次日本用成皮嘢個埃瘋幾皮嘢個手袋食米芝蓮然後話自己唔係中產係基層

不過睇到關鍵未？最關鍵係乜？最關鍵係，識法文！多得法蘭西殖民咋。咁當然，總唔見香港做過英語歐梳繩中心。點解？香港人英文差可能係原因，但主要係：香港人太有錢，一路都係。人地只會係印度菲律賓。

至於點解馬達加斯加網速咁快，就另一個故事了，有機會再講

我跟 Jiun Too 湘君 做了一件很「聰明」的事~

每到年尾的時候，星巴克就會推出新一年的Planner，
今年我和湘君就很努力地在完成15杯的目標，
但最近湘君發現她喝得幾杯都沒有記錄在他的戶口裡，
因此當然要打電話去客服投訴啦~~~~

結果........客服告訴她，
她拿去買咖啡的那張卡，
是我的!!!!（暈@@）

對不起湘君，害你丟臉了~(XP)

喂喂喂，又黎喇喂！！

各位撐數碼廣播、撐DBC 、撐大班的攻勢一浪接一浪！！

如果大家對於DBC數碼廣播停播感到怒憤；希望表達你們的感受及憤怒，我們不如約埋一齊到申訴專員公署去投訴商務及經濟發展局!

日期: 十月十六日(星期二)
時間: 上午10:30- 12:00
集合地點:上環信德中心(招商局)
商塲二樓
星巴克(Starbucks)
中銀櫃員機

[會有著dbc風褸的義工以便識别]

你們可選擇於當日10:30至12:00的任何時段到達集合地點，到時我們可分批約每十五分鐘前往公署投訴。

如你未能趕及上述時段到達集合地點，可自行到招商局大廈30樓申訴專員公署投訴，他們會辦工至17:00，中間無午膳時間。

或者大家無暇親身上公署投訴，可選擇以郵寄、電郵或電話等方式提出投訴，詳情請看以下連結:

http://www.ombudsman.hk/t_tc/how_to_complain.shtml