狗語翻譯器(下)
.
平時呢個時間,好多人放狗,但今晚,好多朋友仔都唔見咗。
.
我明,呢頭係富豪住宅區,富豪係特別多祕密。
.
我垂頭喪氣咁番屋企,繼續無食野,餓咗兩日,
.
肥佬好擔心,送咗我去寵物醫院,醫生話要住院觀察,
.
呼,我終於放心食餐飽飯,
但我知道,出院後,就係我嘅死期。
.
夜晚...
狗語翻譯器(下)
.
平時呢個時間,好多人放狗,但今晚,好多朋友仔都唔見咗。
.
我明,呢頭係富豪住宅區,富豪係特別多祕密。
.
我垂頭喪氣咁番屋企,繼續無食野,餓咗兩日,
.
肥佬好擔心,送咗我去寵物醫院,醫生話要住院觀察,
.
呼,我終於放心食餐飽飯,
但我知道,出院後,就係我嘅死期。
.
夜晚瞓唔著,見佢地無鎖實個籠,我就出去行下。
.
見到兩個獸醫竊竊私語,我諗住偷偷繞過佢地,點知撞到張檯。
.
兩個人望向我,獸醫甲鬆一口氣:「哦,係隻狗啫。」
.
「蠢材,狗語翻譯器就黎面世,到時隻狗會告發我地架!」獸醫乙衝過黎捉我。
.
又黎?我根本無聽到你地講乜!
.
我搏命跑,我知道醫院有得人道毀滅,唔可以俾佢地捉到。
. ,
好不容易逃出醫院,天大地大,我應該去邊?
.
我識路番屋企,但番去都係死路一條,
唔通,從此我要做流浪狗?
.
街邊大屏幕播緊新聞:「近日大量寵物狗死亡,懷疑有狗隻傳染病......」
.
我無估錯,枉死嘅唔止莎莎一個,人類居然覺得係傳染病,
.
或者,到狗語翻譯器面世果日,就係我地滅族之時。
.
點解人類要整翻譯器黎害我地?無人反對咩?
.
我好快諗通,點會有人出聲,出聲即係心虛有祕密;
.
相反,狗主會大力支持,顯示自己坦蕩蕩得黎,又有愛心。
.
不知不覺間,我遇到一堆同伴,
.
見到佢地乾淨嘅皮毛,我就知道,佢地唔係流浪狗,
.
係同我一樣逃命嘅寵物狗,同是天涯淪落狗。
.
一班狗懷住心事,向前行,但無人知道目的地喺邊,
.
人類真係會放過我地?
. ,
突然間,我諗到一個救世嘅方法:毀滅語言。
.
人類翻譯我地嘅語言,但如果,我地根本無語言呢?
.
唔再發出有邏輯嘅訊號,唔再溝通,只會亂吠。
.
當狗語唔再存在,翻譯器就無法通過測試。
.
「我同意。」第一個回應嘅,居然係我偶像,
佢擅長作詩,作品《再別狗糧》膾炙狗口,比得上人類嘅「床前明月光」。
.
「我願意用生命去捍衛語言,但依加,係成個狗族嘅存亡。」
偶像好堅決:「傳遞完訊息,我地就唔再講狗語,下一代唔識,亦唔會有人翻譯。」
.
所有狗都好合作,翻譯器面世前,要將呢個訊息,話畀全世界嘅狗知。
.
狗隻文明,從此毀滅。
. ,
為咗生存,每隻狗都好合作。
.
「狗語翻譯器測試失敗。專家指出,狗語並不存在,
狗隻智慧低下,不足以發展語言,只存在生存本能。」
.
所有狗,都鬆一口氣,
.
我終於可以番屋企,肥佬好開心,
女主人望我嘅眼神,亦唔再有質疑。
. ,
幾個月後,肥佬搵咗隻母狗畀我配種。
.
無任何溝通,我毫不猶豫咁撲上去,
我唔知佢同唔同意、唔知佢平時有咩嗜好,甚至唔知佢叫咩名。
.
因為我同佢,都失去咗語言嘅權利,
.
可能佢會幫我生個仔,但佢唔會係我女朋友。
.
有溝通嘅,叫愛情;
無溝通嘅,叫配種。
.
-完-
. ,
#狗語翻譯器 #狗 #dog #短故 #故仔 #廣東話 #粵語 #陳美濤 #短篇 #小說 #hkgirl #hkig