［今日寫呢啲］今日反而寫得快。不過朝早先出，因為呢啲位就最多牛鬼蛇神，噪音不絶，要過濾下先諗下寫乜，唔好畀情緒影響。

一向都建議你唔好睇咁多即食資訊，睇書睇文OK，即時新聞就睇少啲。雖然有時總有啲能樣會不停主動whatsapp你。

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

美股嘅，不幸地冇開到陽燭，但開市個跌幅都低過期貨好多，冇計。但Anyway，跌2%，有乜好討論？

係喎，5月以嚟最大單日跌幅喎，但其實5月跌乜？你仲記唔記得？我就唔記得啦。你睇個VIX，仲低過5月嗰時添

所以驚？唔驚。但到底係冇事好快定落嚟，定係未夠驚仲有排跌？就要Patreon入面講了

但都係講返香港，你見昨日我都有講，鬼媒冇乜人講咩香港共同富裕，事實你見壇嘢星期五已經，但星期五夜期ADR等等都冇乜反應，係星期一跌咗你先出嚟放大。

咁當中有乜玄機，就問返你嘅中南海密探，或者我Patreon講（不過我冇密探）。不過，幾時股市都唔會話你知「點解」跌，係「因為」恒大定「因為」鬥香港地主？你睇股價就兩樣都跌，但恒大高位蒸發九成幾，同恒基恒隆嗰啲跌幅就真係兩回事。

恒大嘛，正路地就星期四還唔到債券嘅息，會係違約，要債務重組（但，如果還到呢？）。爭在點善後。咁呢啲咁敏感嘅嘢當然唔在呢度講。但一樣有啲嘢睇到嘅

至於，巧多人關心嘅撈底，其實我係唔關心嘅。因為我冇錢。月尾嘛（20號仲唔月尾？其實我10號已經冇錢）。咁你真係要嘅，我估都下星期先，睇埋星期四咩回事。

不過呢，幾時都話，唔好中二病，你嘅口味唔代表全世界嘛。我到而家都不能理解做乜平時個個扮晒煙奴神，但一大升大跌就變晒股神，呢個又覺得自己可以高位沽，嗰個又覺得自己可以低位撈。咁怕且係好有成就感嘅，這是我難以理解的，我都係好難理解個世界

但唔緊要，我唔理解都好，你要做嘅，一樣有推介畀你。但你見市場好有效率的：多農地嗰啲咪跌得最多（下？你唔知邊間多？咁就要睇文了）！收租唔起樓嘅咪跌得冇咁多！騰訊阿里巴巴咪再跌少啲（方丈很忙）

所以詳細名單 Patreon都有，但，都大致係一分風險一分回報，你大膽咪摶最多農地嗰幾間，冇咁大膽咪收租股。正如我本書講，最緊要對自己坦白嘛。發現自己受唔到壓嘅，咪接受佢，唔係咩可恥嘅事。

撈底？幾時都可以架。問題唔係個市唔係股票唔係共產黨，係你本人嘛。即係你買完即跌10%又叫救命嘅，咁就算吧啦。

Good read嘅三篇。第一篇作者用黃金同美股示範，邊樣係較好嘅投資？視乎你邊個年代。但你見個週期好長，係十年廿年咁。你身處其中，連升十年嘅嘢，你一定當定律，連輸十年嘅嘢，一定當垃圾。但偏偏之後就轉。所以你要接受人都係短視，唔好以為自己點巴閉，應該分散啲，「如果你錯呢？」。亦因為咁我先話，唔信都要買，甚至唔信先要買。我都唔信我坐飛機會撞機，但我會買保險。

第二篇，教父級人馬寫。ESG投資得啖笑。好多人連ESG投資都唔知係乜（我知，你想覆我個全寫嘛，多謝喎，原來我唔知）。韋拿踢法似我，我同作者一樣，都係覺得「ESG投資又做到好事 又對投資好」係一大笑話。首先，乜嘢係好事？用童工唔好？咁亞馬遜啲司機冇得屙尿呢？富士康呢？搞歐超聯呢？另外，ESG高嘅公司回報好啲，只係因為佢地有錢搞埋呢啲垃圾。第三，邏輯上冇乜可能加多啲限制反而投資回報高啲。詳情？就睇Patreon講

第三篇，講美國通脹進入新階段。冇話你知會再惡化定係消退（唔好咁膚淺），只係個推動力唔同咗。之前係二手車，臨時嘢，好快消退，但之後有其他嘢了。

每日一圖仲正，第一個講SPAC差不多死晒，真係要講我想開香檳慶祝。根本就巧立名目古已有之，只係早排錢太多亂炒發夢股，又講到點高科技發明。而家就死晒，集資數目大跌，然後十隻有八隻都潛水，衰過你買大陸股。

第二圖，全球國家債務對GDP比率。比較低嘅，伊朗秘魯土耳其，「一定好穩定」。比較高嘅？日本加拿大美國，「一定爆晒煲」。嘻，現實當然唔係咁簡單，文入面講。Facebook教主買樓都做30年按揭啦！

第三圖，可能你聽過80/20，但股市不適用 — 1.5%嘅股票，貢獻咗過去30年差不多全部財富增長。剩返嗰98.5%，碌碌無為甚至輸錢。咁你可以諗下啟示係乜，你覺得自己係揀股天才揀得到嗰1.5%嘅，祝你好運，「咁你副身家係咪全球1.5%？」（其實唔難）

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

【國立大台每周精華 16-08-2021】

立國視野，大台匯聚，最強陣容，下午割據。 「國立大台」集合最強主持，築起大台，集時事、娛樂、消閒、社會於一身，多路進攻，建立香港意識，刻劃我國文化。 星期一至五，4pm－6pm，震撼網絡，守護我國。
熱血時報網站連結 http://www.passiontimes.hk/prog/84

節目免費重溫目前只能維持24小時，如想隨時重溫所有熱血時報節目，請即訂購PassionPrime
http://www.passiontimes.hk/prime/

星期一：
第1375集：ATV炎上商法玩鳩薛影儀， 今日要紅最緊要膠？/ 理性看待好姊妹/《熱狗》導遊地獄：大黑繩地獄/ 希拉里花藝見聞

節目連結：http://www.passiontimes.hk/prog/84/1375
主持：黃洋達、林海、希拉里、綺喬、762
首播日期：2021-08-09

星期二：
第1376集：小粉紅辱華新標準 用emoji撐奧運台灣隊都中/ 戀泥星期二：Julia Ballenger的陶偶/ 訂閱PassionPrime 支持自己人 / 《獸色可餐》皮相易改 本性難移

節目連結：http://www.passiontimes.hk/prog/84/1376
主持：小菜、和、Asuka
首播日期：2021-08-10

星期三：
第1377集：阿A再次挑戰，為《梅艷芳》改歌詞/ 矽谷推WFH減薪，有冇OFFICE返代表階級高低/ 新牌買二手車注意事項，長笛Ken中伏經驗分享/ 點樣用運動減肥最有效率？

節目連結：http://www.passiontimes.hk/prog/84/1377
主持：黃洋達、法子、阿A、長笛Ken、Anson
首播日期：2021-08-11

星期四：
第1378集：Spotify試開平價版 只為衝破俾錢心理關口 / 綺喬蒲機舖玩跳舞機的日子 / 日本政府防疫立場飄忽 日日樹立新敵人 / 揀選拔永遠都係講吸金力

節目連結︰http://www.passiontimes.hk/prog/84/1378
主持：小菜、Crystal、綺喬
首播日期：2021-08-12

星期五：
第1379集：《Free Guy》A.I. 覺醒自由意志 / 《自殺特攻》人物誌： Bloodsport 與 King Shark / Captain Carter 引發SJW 內戰～Let them fight!!! / You Either Die A Hero or You Live Long to see Woke writers turn you into a Bisxual

節目連結：http://www.passiontimes.hk/prog/84/1379
主持：Eric、Henry、Alvin
首播日期：2021-08-13

［今日寫呢啲］今日就勁咯，美股跌成1000點，教你點自處。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

不過首先，斷啱診先。有人話驚Delta變種，即係而家係2020年1月2月翻版，係真嘅話，夠嚇死你。當時美股一個月跌三成，我當今次只係得一半咁勁，15%，講緊道指5000點，而家1000點啲人已經叫救命。

之但係，劇本又真係咁簡單重覆？真係再封城？你估會唔會？另外，好似上星期先講緊通脹呀經濟過熱呀工搶人呀加息呀縮表呀，咁即係邊樣先係？ Patreon入面有講

驚？我唔知有乜好驚喎，5%調整都唔夠，咁都驚嘅不如返屋企磨墨。個L個又話等調整買，跌嗰時咪又係嚇死。然後或者有幾件夠膽嘅，你買完即時再跌10%，咪又係「止蝕」。

點操作，文入面有教，但我同意畢菲特講呀，你當啲股票係長期要買嘅，佢減價你應該開心喎。咁你擺明係一夜企嘅，就食得鹹魚抵得渴，日日擔驚受怕啦

另外都有快手雜評一堆，CCL嘉年華郵輪嘅，咁嘅市況下當然跌返落嚟，但唔少讀者之前都走咗啲，仲有嘅點處理？應唔應該撈？文入面講。仲有理文化工746就企得硬，但同CCL一樣，早早話你知唔係坐過世嘅股票，Patreon文入面有講點搞

另外，今篇冇講，但遲下會寫埋，隻東岳189先神奇頂級超卓，之前日日新高，昨日（星期一）都可以升8%。遲下會寫。冇推過冇買過的，唔會出術

恒大3333啦喎，你話呢？咁敏感嘅梗係留返文入面講。不過搞清楚一樣嘢，亦係好多人思考方法嘅盲點：佢唔爆煲，不等於你應該買。你買中資銀行咁多年都冇爆煲呀，但回報又如何？同樣地，佢好大機會爆煲，亦不等於你唔應該買，NetFlix Tesla都一度係煲爆邊緣。世界唔係咁簡單嘅

文入面亦都有講埋騰訊同Zoom呢排嘅收購，仲有美國成功阻止ASML賣光劇機畀大陸（但，大陸都仲佔佢十幾二十巴仙收入），以及到底Nvidia做乜可以逆市升

夠晒豐富，都仲未講到去每日一圖同Good Read

每日一圖第一張，夠晒震憾。大家都知（你有睇我Patreon咪知），美國呢排嘅所謂通脹，好大部份由啲二手車價推升，啲價升到癲。而家甚至有啲係用咗一年嘅二手車，貴過新車！一反傳統新車落地打個折嘅傳統智慧。點解會咁？文入面講。提示？好似之前PlayStation定任天堂Switch都試過咁

第二圖嘅，以前美國10年債息個圖同CPI通脹係跟得好貼的，但呢幾個月完全背馳晒，你見5.4% CPI，但債息而家跌到1厘邊緣。點解會咁？文入面講

第三圖嘅，咪就係呢一刻，分析員估嘅2021企業盈利，當然高過佢地舊年嗰時估嘅數，但，都仲低過2019年疫情前嗰時估嘅數 —之不過，美股升咗60%喎，搞乜？Patreon入面講

Good Read嘅，第一篇，咪就係冇嗰樣整嗰樣。話而家ig潮流興玩photo dump喎，即係乜？好似啲長輩咁，當垃圾相薄咁亂咁放，冇filter冇主題。扯，我一向都咁玩（證明我係長輩）。但，點解會有咁潮流？我諗起早排日本啲AV興叫個女優落咗妝再拍

第二篇，勁咯，世代之爭，財富正義。好多人以為只係香港問題，實情係全世界嘅問題。不過第度有得投票，隨住啲老嘢死嘅死痴呆嘅痴呆，新一代就開始有得投票，個權力就開始轉移了。文入面有講，全世界都向左轉啦，根本係必然，係咁架啦

第三篇，Facebook教主嘅槍手，講公司嘅企業價值。當然就係造大造強（十分大陸嘅用語），大到政府都驚。評頭品足女同學嘅平台，變成1萬億市值嘅巨企喎，你估講笑？

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝