【龔成問答信箱】（Q21081-Q21100）

Q21081：

老師1:我現在有一半錢約100萬已投放在股票市場
現蝕10%

你覺得我應否將剩餘100萬等待股票市場見底時入貨？會否好大風險？我現在組合新經濟股

2:我市值約4百幾萬的樓夠3年，我想先放售，再等待股票市場獲利才買樓，你認為這樣安排好嗎？

麻煩你了
老師，謝謝

龔成老師：

1）最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

至於你餘下$100萬，唔好太心急入貨，最多用$20萬，同時要買翻D舊經濟股，建立一個平衡的組合。

你可分注投資，無人能估到幾時見底。

2）唔建議。

第一，樓市可能會上升，你賣樓可能要貴買翻。

第二，投資股市要長期先能賺錢，同時不要假設一定能賺。

第三，你一買一賣成本高。

因此，持有原物業較好。

------------------------------------------------

Q21082：

如果第一次買你啲書，應該由邊本開始先
好多謝你解答到我嘅問題

同埋我想問如果一隻股停牌，咁我係咪完全攞唔翻啲錢？

龔成老師：

你可首先睇：

《80後百萬富翁》
《股票勝經》
《財務自由行》

之後再睇其他。

書本在三聯、商務、誠品都有得賣。由於部分書在一些書店已斷，所以若你見唔到，問下職員就得（又或向職員訂都可以）。

以下是我的12本書：

《80後百萬富翁》（第9版）
《80後2百萬富翁》（第4版）
《80後3百萬富翁》（第2版）
《財務自由行》（第7版）
《大富翁致富藍圖》（第5版）
《50優質潛力股》（第4版）
《50穩健收息股》（第3版）
《50值博倍升股》（第3版）
《股票勝經》（第3版）
《選股勝經》（第2版）
《年報勝經》（第2版）
《5年買樓4部曲》（第2版）

如果一間公司停牌，即是暫時停止在交易所進行交易，你無法賣出，但不代表無左間公司。

首先，要睇下咩原因停牌，有時只是一些消息要公佈而短暫停牌，當然有時都會由於財務問題而長期停牌。

間公司可以照運作，但就無法交易，投資者基本上無野可以做，只有等。

------------------------------------------------

Q21083：

龔sir您好，我是新手，141入咗京東健康，日日跌，您可否畀啲建議應該繼續長揸還是止蝕先？

另外，您覺得太平洋航運ok嗎？
謝謝解答

龔成老師：

京東健康（6618）有質素，這股可長線。但你在貴的價位買入，相信你未有企業估值能力。

這股有得守的，佢業務主要提供線上線下的醫藥出售和健康管理服務，業務布局包括醫藥電商、互聯網醫療、智慧醫療解決方案、健康服務等4個大板塊。

京東健康旗下京東大藥房，更是內地線上線下收入規模最大的零售藥房。其互聯網醫院，日接診量超過10萬次。

質素上，京東健康是有的。但由於估值難，不確定性大，就算現時回了不少，暫時只是合理區頂至略貴。

這股如本身有貨，貨不過多，可長線。但如果太多貨，可能要減部分去平衡風險。

太平洋航運（2343）係全球具領導地位的現代化小靈便型及大靈便型乾散貨船船東及營運商之一及全球的多元化航運服務供應商，總部設於香港。

佢經營三大海事業務：乾散貨船、拖船及駁船及滾裝貨船業務。集團的核心船隊由逾百多艘貨船組成，直接為大型工業客戶服務。

過往業務算是不過不失，但盈利波動，有出現虧損，反映行業變化較大，整體的投資價值為中等。

現價合理區中上部，不是不可投資，但又唔值得佔組合比例太多。

------------------------------------------------

Q21084：

老師，175吉利 、2158 醫渡 近期都drop ... 想聽下你分析

龔成老師：

我地唔需要太理會中短期股價，最重要睇翻企業長期發展就得。

業績弱將會對股價短期不利，企業價值都有少少影響，不過最重要睇翻長遠價值，吉利（0175）本身的質素不差，擁有一定的銷售網絡及品牌，不錯的市場策略及定位，而又能把握中國汽車市場增長的機遇。

長遠來講，佢的品牌與發展在中國仍理想，2018年，吉利透過旗下海外企業，動用超過$500億人民幣收購戴姆勒股份公司9.69%股份。由于戴姆勒股權結構分散，所以吉利已經成為了戴姆勒集團最大單一股東。這不單有利佢有中國發展，同時長遠，可能加快了海外發展速度。

另外，佢未必發展自己的電動車品牌，但會發展當中的技術，相信在合作及自身價值上，長遠仍是正面的。

現時價位在合理區中上部至頂位，股價波動，有貨可長線。如果現價入貨，小注都得。

醫渡科技（2158）估值一向都貴，就算現時都唔平，不過這股長遠有發展，我地最重要是睇翻長期的企業價值。佢有潛力的。可長線。

提供基於大數據和人工智能（AI）技術的醫療解決方案。集團主要向醫療行業的主要參與者（如醫院、製藥、生物技術及醫療設備公司、研究機構、保險公司、醫生和患者以及監管機構及政策制定者）提供服務和合作。

根據大行報告，於2019年，集團收入在中國所有醫療大數據解決方案提供商中排名第一，在中國醫療大數據解決方案市場中的市場份額為5.0%。

睇翻大行對佢2020-23年預測，收入和毛利增長分別為73%和83%，增長力唔錯。

佢平台有一定擴張性，長遠受惠更多醫療保健客戶使用平台。不過公司客戶過度集中，以及依賴公共部門。

但佢依然係在燒銀紙狀態，係一個扣分架地方。整體算係有質素，但要注意風險，投資時唔建議大注。

之前貴，現價算是略貴，最好回翻多D先考慮。

------------------------------------------------

Q21085：

你好，龔成老師一向有留意你分享，感謝令我增進左好多都投資知識！

本人持有以下股票
比亞迪 $240 （500）
美團 $370 （100）
小米 1810 $29（4000）

耐世特 1316 $12.66（3000）
鐵塔 788$1.85 （20000）

最近見著個市上日日甘跌，個心好驚！請問可指點一下，以上持股可沽定留？

龔成老師：

最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

比亞迪、美團、小米、耐世特、鐵塔。

質素無問題，只是你買入價全部都在貴的價位買入！

相信你在投資時機，以及企業估值能力上不足，建議你在下次投資前，加強這方面的能力。又或者你以月供模式進行，風險能大大減低。

這些股票暫時只有守住先，但要耐心先上得翻。

------------------------------------------------

Q21086：

龔sir你好！想請教

（1）恆指已經開始加入新經濟股，咁2800增長力會唔會增強？股息率會減少？

（2）小弟持倉沒有新經濟股，3067會唔會最好既選擇？個股來講，1833同9618得唔得？

（3） 小弟基本上持倉都係舊經濟股，咁係咪應該將資金買入新經濟股，減少入舊經濟？

（4）788出左業績，鐵塔業務只係有2%增長，而其他業務有較大既增長，應如何解讀往後既增長力？

（5）788可以繼續月供嗎？

（6）1257，1212可以繼續增持？

龔sir你已答左超過20000條問題，真係幫到好多人！

龔成老師：

1）理論上會，但同時當中的波動性會增加左。但長遠來說增長力會提高。

2）如果你年齡不算大，應該加入新經濟股，建立更平衡的組合，3067是最適當選擇，但要慢慢分注入，不要太急。

至於個股，1833、9618，可以，但你不能太集中同一行業。

3）對，你應該設計翻長期的新舊經濟股比例，然後慢慢向這方向行。

4）中國鐵塔（0788）不是無質素的。始終中國的3大電訊巨頭，都是佢的主要客戶，以及大股東，當5G發展，佢一定會受惠，因此前景仍然正面。

佢現時的收入都增長，盈利都保持向上，但增長比之前略減，加上股本回報率不高，是這股較弱的地方。若分析佢市盈率，會見到現時仍然處較高水平，反映佢雖然股價回落左唔少，但仍然未到平。

這股算是合理價。

這股長遠仍算有發展力，可長線。不過，潛力度比過往略減。

但如這刻買入，分注入可以的。

5）如果你追求增長，不如考慮其他，而原有貨可持有。

6）持有可以，但未必值得增持得太多。

------------------------------------------------

Q21087：

你好，龔sir
我現在持有

9911 買入價6.15，8000股
1810買入價24.5，1400股
1378買入價11.96，1000股
8083買入價2.95，12000股
9633買入價60，1400股
1833買入價115，200股

我本身打算今年置業，但資金都在股票市場到。現在不知應該怎樣做。希望龔sir指導我一下

龔成老師：

如果你今年要買樓，其實唔應該投資股票，因為買票一定要長線，慢慢等企業成長，而中短期只是因市況波動而上落，而無人知買樓一刻大市短期情況。

因此，你要開始賣出股票，可以分注賣出，不要完全買樓的一刻先賣。

上述的股票，不是無質素，但都要慢慢分注賣。

你應該先賣出較為波動的，中國宏橋（1378）、中國有贊（8083）、赤子城科技（9911）、農夫山泉（9633）

之後再到，平安好醫生（1833）、小米1810）。

------------------------------------------------

Q21088：

阿Sir,上年年尾問過你買樓，但至金仲未買到心水樓，如果唔買樓，現在百幾萬只放在高息按揭戶口，其實如果唔買，可以買d什麼，每個月可以有正現金流？

但唔選擇買樓好似無左杆桿效應，又用唔到我份工可以借按揭的quota(又想快d用到個quota,因為好想辭左現在份工，做得十分不開心），所以好煩惱

龔成老師：

其實你要想清楚，自己會買樓定唔買樓，如果買樓時短期會進行還是長期。

如果資金打算中短期會買樓，就唔好動用了。

因為我地投資，一般都是長期性的，始終中短期上落可以大，同時要長期先有確定的回報。因此，要確定該資金不買樓先會投資。

如果買樓，就暫時持有現金，同時繼續睇樓。

------------------------------------------------

Q21089：

龔sir 請問一下美團443，吉利34，小米31.4 會不會升返呢d 價呢

我高位入左，而家跌死，唔知點算

龔成老師：

小米（1810），不用擔心，長線就得。

業績弱將會對股價短期不利，企業價值都有少少影響，不過最重要睇翻長遠價值，吉利（0175）本身的質素不差，擁有一定的銷售網絡及品牌，不錯的市場策略及定位，而又能把握中國汽車市場增長的機遇。

長遠來講，佢的品牌與發展在中國仍理想，2018年，吉利透過旗下海外企業，動用超過$500億人民幣收購戴姆勒股份公司9.69%股份。由于戴姆勒股權結構分散，所以吉利已經成為了戴姆勒集團最大單一股東。這不單有利佢有中國發展，同時長遠，可能加快了海外發展速度。

另外，佢未必發展自己的電動車品牌，但會發展當中的技術，相信在合作及自身價值上，長遠仍是正面的。

有貨可長線，只要你貨不過多，無問題。

美團點評（3690）有潛力的，過往一直虧損，到近一年，開始有正現金流，這是一個實質的利好因素，因為之前一直在燒銀紙，現時初步見到成效，不過，估值的方法好虛無，因為現時的市盈率仍過百倍。

如果有利好消息，佢可以上好多，但如果估值修正，股價可太跌。

只可以話，潛力是有的，現價唔算平，大約合理區頂至略貴，但不是完全無投資價值，不過，一定不能大注。小小注，是較好的做法。

你預佢股價波動，如果持貨太多，可能減少少，但如果不多，可守的。

------------------------------------------------

Q21090：

請問老師1093石藥，1177生物，兩隻股誰較有投資價值？

龔成老師︰

中生（1177）和石藥（1093）都係有質素，潛力度會係中生佔優少少。

現價計，石藥值博率較高，算係合理區中間。

而中生只在合理區頂部，2者現價都可以分注入貨，並長線持有。

------------------------------------------------

Q21091：

你好龔sir！想請問一下我前排$190入左二手2382舜宇光學，睇業績好過市場預期，但股價升左一下就不停跌，該股請問值唔值得長揸？如否，幾多價位止蝕比較好？

老師點睇石油股？$3.02入左857中石油，但近排不停跌...

同埋都想等968信義光能跌到$12，1211比亞迪跌到$120比較合理價格才入，我不怕買不到

只怕買左虧損（冇賺到的錢不算蝕），以上價格會較為合理嗎？感謝老師

龔成老師︰

你唔好太著重短期情況，多睇翻企業長期發展。

信義光能（0968）就算$12都未算話最吸引的價，但無貨，可先小注。而比亞迪（1211）$120才算開始合理。

舜宇光學科技（2382）有一定的質素，過往由於手機市場高增長，令佢鏡頭業務受惠不少，但近年手機增速開始減慢，你預佢增長力會變得較平穏。

問題係你買入價偏貴，現時佢回落左，都仲有少少貴。但由於佢有質素，你現貨可長線持有。

至於，中石油（0857）都算有質素，但這始終是商品企業，產品沒有差異性，只能賺取合理的利潤，不算是最高質的類別，投資價值中等，這類股不宜持有太多。

石油是商品，當中沒有差異性，佢地要將石油賣出，只能跟國際油價，這令佢處於被動狀態，沒有價格自主的能力，這令佢地的獨特性有限。這類商品企業，都可投資，但就要明白不是最高質的企業。

由價佢會比較受油價影響，自主能力不強，加上油價中短期可以好波動。長遠增長力只屬中等，現價合理，小注持有可以。

------------------------------------------------

Q21092：

阿sir 你好啊 第一次問你問題 想問下9911 1772適唔適合持有

之前見佢地升個陣唔小心入左 但依家日日見住佢地跌 應該要止蝕定佢地都係有d價值 ，可以擺住先？唔該晒

龔成老師︰

赤子城科技（9911）主要從事開發一系列移動應用程式、健身應用程式、遊戲應用程式等。

業務上，係有吸引力的，不過，我一向都新股半新股都無興趣，因為真實面要慢慢先見到。

由於上市時間唔長，故較難準確估值。若你只係持有小注，可以守住先，但同時你要明白當中的風險。

贛鋒鋰業（1772）同樣上市時間唔長，這類企業數據較少，好難分析。

只見佢的盈利略有波動，業務上算有點潛力。但現時市盈率近270倍，點都係貴高。

如果你係小注，可長線持有，但你預佢會較波動。

------------------------------------------------

Q21093：

龔成老師，你好。我對自己持倉的股票無乜信心，每天都望到個市咁動蕩，好有無助感。
希望老師可以幫一幫忙

我暫時持有6865兩手，價位為$35，1801一手價位$100
3800一手，價位$3

老師，請問可以怎部署？
暫時虧蝕了約40k

好想老師教一教導我

龔成老師：

最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

福萊特玻璃（6865）有質素。

佢主要在中國生產及銷售光伏玻璃，此外，亦生產及銷售浮法玻璃、家居玻璃及工程玻璃，並向中國大陸、日本、新加坡、韓國、台灣、德國及美國等地客戶，銷售產品。

睇翻佢的資料，佢的光伏玻璃產品主要用於生產晶體硅光伏電池，以及用作薄膜光伏電池的蓋板，而佢的生產設施位於浙江省嘉興市。

無論生意與盈利都增長理想，財務數據正面，這股值得長線投資。唯一擔心的就是估值問題，始終現價唔算平，近期股價有時在合理區頂。

如果你持貨不過多，無問題。

信達生物（1801）有質素的。

保利協鑫能源（3800）風險就較高，這股唔建議持有太多。

其實你有兩個問題。

第一，太集中在近期熱炒類別，其實你應該建立平衡的組合，部分資金投資盈富（2800）、港鐵（0066）這類股無問題的。

第二，都在貴的價位去買入，你之後要學好企業估值，下次就能避開風險。

現時只有持有，守住先，但就唔好加注。之後應投資其他類別建立平衡組合。

------------------------------------------------

Q21094：

龔sir!我是你的海外粉絲，我有買香港的股票，能不能幫忙分析一下海底撈。從$80塊跌下來。我在$65入第一注，當下太重手了，下了1萬股。

然後天天跌，現在已溝貨至2萬5千股。均價在$62左右。

現股價已虧損20萬港幣左右。心理開始有壓力，去或留，還是一直加倉？

現今已不多，如在一直加倉，需要賣掉其他股票（港股持有阿里巴巴/快手）但目前海底撈已佔港股8成倉。所以想問一下你意見，謝謝

龔成老師：

海底撈（6862）有質素。但你買入價貴，以及太集中，這就是問題所在。

先講本質，佢以「海底撈」品牌經營火鍋店及外賣業務，火鍋菜單由鍋底、醬汁蘸料以及在鍋底烹飪的食材三個主要部分組成，可點單鍋、鴛鴦或四宮格鍋底組合，餐廳提供多種調料及食材，以及供應小吃、酒和飲品。

在中國有好多分店，以及外國都有。

生意增長力強，有規模，有品牌，整體正面。相信長遠仍有發展的。

不過，這股市場比佢好高估值，之前貴，就算近期下跌，仍是略貴，你在這段時間加注，當然高風險。

你現時已過量持貨，不要再買入了。

等上翻少少，要分段賣出，減風險。餘下適當的貨，就可長線持有。

這股有質素，不是無得守，但你投資策略有問題，因此要平衡翻風險。

------------------------------------------------

Q21095：

老師你好！非常appreciate 你不求回報式去給我們意見

這種有俠義精神的人已在這世界越來越少

不好意思，想請求你的意見，希望你可指點一下

我本人is a business owner of a broker firm (insurance) , family biz. 穩定收入$100k plus per month. With year end bonus ard $300k each year.
Fiona To

1. 有住宅物業收租$27k, 供$10k still owe bank ard $2m, 物業市值大概 $12M

2. 有工廠大廈收租 $6k, 市值大概 $2.4M (no mortgage, cash purchase)

3. Still hv ard $1.5Mcash sitting in bank

4. 每月可save $20K

5. 現有$300K 3988 bought at $2.75

1. 我想問可以怎樣好點安排這狀況？現在45years old, 怎樣再增加財富？

2. 如買股票，供股？每月應該共多少？及買什麼股票？請指教

龔成老師：

1）你現時的財富比例，偏重於物業類別，而股票就較少，建議你加強股票部分。

至於你現時的物業，一直持有就得，無問題。

如果你現時的投資目標是財富增值，就更適合投資股票。只要是平穩增長類股就得。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

2）你45歲，最大路是平穩增長股：考慮盈富（2800）。

另外再加：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果你想增長，可以加部分潛力股。例如平穩增長股7、8成，潛力股2、3成。

潛力股可考慮：安碩恆生科技ETF（3067）、阿里（9988）、騰訊（0700）、港交所（0388）、舜宇光學（2382）、小米（1810）、ＧＸ中國電車基金（2845）、中生製藥（1177），但就要明白波動性比上述會高左，同時風險大左，你要自己平衡。部分要等回少少先入。

現時持有的中行（3988）可持有，這是收息股，可長線，不過增長力就有限。另外，你應該建立一個「組合」，不能只持有一隻股。

你可以將現金分注投資。當然，現金不能用盡，只能用部分，慢慢分注投資。

同時，你可以做月供股票，每月月供$2萬，可以的，上述的股票都可以。

------------------------------------------------

Q21096：

如果買小米月供建議？因為佢業績出嚟又唔係差喎，加上又傳佢話做車

所以我就想月供15000蚊小米
15000就儲蓄，等位入其他股

龔成老師：

小米（1810）有潛力的，而我地分析時，最重要睇長期，而一些較初步的因素，如造車，唔好放得太大。

佢現時的產品性價比高，相信在全球好多個國家都會有市場，佢長遠只會進一步增長。

同時，佢建立的平台是佢長遠的增長動力，先賣手機，再利用手機的平台延伸銷售小米家電。長遠正面的。

這股可長線，現價合理區頂位至略貴，小注分注可以，但唔好入得太急，預佢股價仍波動。回多10%更有投資值博率。

你可以月供小米，但唔建議過度集中在一隻股。

同埋建議集中長線投資。

------------------------------------------------

Q21097：

阿sir，1.我留意左隻籃月亮已經但過招股價呢隻幾錢便宜價定已經係？同埋潛力嗎？

2.如果想買京東健康幾錢可以開始收集？

3.2158醫渡科技幾錢先合理價？因為已經跌左唔少

4.同埋新經濟股當中邊一最隻最值得，因為我倉大部份係舊經濟股想加新經濟股但唔個邊隻最有潛力

龔成老師：

1）上市價不能作準的，佢可以用一個貴的價錢上市。藍月亮（6993）有質素的。

佢有「中國P&G」之稱，成立於1992年，擁有衣物清潔護理、個人清潔護理和家居清潔護理三大系列共73個品種的產品。

佢係中國洗衣液有龍頭地位，加上毛利率高，賺錢能力強。睇翻佢之前的資料，以零售額計算，藍月亮在洗衣液市場、濃縮洗衣液市場及洗手液市場的市佔率均為第一，分別為24%、28%、17%。

整體有質素與發展力，不過現價唔平，之前貴，現價算是合理區頂，勉強小注投資都可以。

2）京東健康（6618）有質素，這股可長線。

其業務主要提供線上線下的醫藥出售和健康管理服務，業務布局包括醫藥電商、互聯網醫療、智慧醫療解決方案、健康服務等4個大板塊。

京東健康旗下京東大藥房，更是內地線上線下收入規模最大的零售藥房。其互聯網醫院，日接診量超過10萬次。

質素上，京東健康是有的。但由於估值難，不確定性大，暫時合理區頂至略貴，所以如投資，小注都可以。當然回翻1成更有值博率。

3）醫渡科技（2158）有潛力的。可長線。

提供基於大數據和人工智能（AI）技術的醫療解決方案。集團主要向醫療行業的主要參與者（如醫院、製藥、生物技術及醫療設備公司、研究機構、保險公司、醫生和患者以及監管機構及政策制定者）提供服務和合作。

根據大行報告，於2019年，集團收入在中國所有醫療大數據解決方案提供商中排名第一，在中國醫療大數據解決方案市場中的市場份額為5.0%。

睇翻大行對佢2020-23年預測，收入和毛利增長分別為73%和83%，增長力唔錯。

佢平台有一定擴張性，長遠受惠更多醫療保健客戶使用平台。不過公司客戶過度集中，以及依賴公共部門。

但佢依然係在燒銀紙狀態，係一個扣分架地方。整體算係有質素，但要注意風險，投資時唔建議大注。

之前貴，現價算是略貴，最好回翻多D先考慮。

4）潛力股：安碩恆生科技ETF（3067）

另外再加：阿里（9988）、騰訊（0700）、舜宇光學（2382）、小米（1810）、ＧＸ中國電車基金（2845）、中生製藥（1177），但就要明白波動性比上述會高左，同時風險大左，你要自己平衡。部分要等回少少先入。

------------------------------------------------

Q21098：

老師，我買左以下股票, 而家跌緊, 要唔要止蝕好？定長渣？

302、419、5、670、9608、489、305、136

龔成老師：

最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

華誼騰訊娛樂（0419）、宋都服務（9608）質素較一般，宜賣出。

至於其他，都可以持有，但所持有的股票，不少都不是最高質素類別。你日後在選股，宜增持一些更高質的，以及可考慮一些ETF，如2800、3067。

------------------------------------------------

Q21099：

Hi 老師，睇番對上一次俾你既message 係上年8月，依家過左7個月，我終於鼓起勇氣辭左工（份工雖然能勝任，但已經無挑戰）

之後去左一間初創（另外有公司會自己接projects黎做），呢間初創係我非常陌生既行業

同時自己亦希望可以接項目試下創業，但突然發覺自己好似咩都唔識，好驚會唔得，開始好大壓力

另外，聽你話繼續月供股票，雖然數目不多但年回報有8%，今年會加碼繼續供。

多謝你，我諗我會定時係度同你update, 希望keep住個進度。

最後，祝你安康，開心！繼續教更多人。

龔成老師：

每個人最初都是由零開始，無人一開始就識，但世上有好多人，因為怕新事物，而永遠無進步。你現時已行出重要一步，保持向前就得，你要加油！唔好因為小問題而放棄，你已行對了大方向。

我自己在中學都好怕演講的，最後都是迫自己去做，否則，我就無機會做到現時每次上堂過百人。錯過左好多機會。你要加油！

月供是長期的，保持進行就得。

------------------------------------------------

Q21100：

龔成你好，我上年大學畢業，係大學個陣已經經常挽牛熊，好似上左癮咁濟。贏粒糖，但就輸間廠。

經常覺得可以翻到身。

而家出黎做野，都繼續玩，明明成個星期都贏緊，但可以好快輸哂。

呢個心態好想戒甩，但一有錢就身痕，想問你個時有咩方法戒甩衍生工具？

龔成老師：

我20年前，都同你一樣，玩左幾年短炒、衍生工具、孖展，輸足幾年。

我當時大量睇書，睇全球最成功的投資者、基金經理，睇佢地的方法，原來佢地的投資方法好簡單「買入優質股長線」。

我當時明白，我要有錢，就要跟佢地的方法。

我當時比左個方法自己，防守自己再短炒，就是每次買入股票前，都要逼自己寫一份詳細的企業分析及買入單，我每可以做買入這動作。

由於要經過詳細的分析，每次都好花時間，我投資變得好小心，之後就贏錢較多。

所以到而家，我在課堂，都會派一份6頁紙的「企業評估表」比學員，就是令佢地在日後買股票前，可以小心分析。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

［追病毒日記] 九月7日週ㄧ/英國閉關第168天
19:45更新：🏴󠁧󠁢󠁳󠁣󠁴󠁿蘇格蘭與🏴󠁧󠁢󠁷󠁬󠁳󠁿威爾斯local lockdown

|今日動態|

英格蘭🏴󠁧󠁢󠁥󠁮󠁧󠁿今天宣布了將希臘🇬🇷的七個離島除空中走廊剔除，自週三凌晨4am起由這七個地方入境的旅客需要居家隔離14天：Lesvos, Tinos, Serifos, Mykonos, Crete, Santorini and Zakynthos.
＃打破我以為總在週六關安全門的規則
＃葡萄牙還在混

英國🇬🇧連續兩天(週日和週一）新增感染人數超過2900人，週六是一千多人，數字增加得有點讓人驚心了，今天這個數值和五月中旬差不多。

現在報疫情會考慮通報系統的作業延誤時間，以及一個地區相對的人口數目，換算成過去七天平均、以及每十萬人的比例，這樣本週（到七日）每10萬人有21.3位新感染者，前一週是13.9人。
＃英國踢出空中走廊的門檻是每10萬人有20人感染
＃空中走廊盟友可以把英國踢出去了

今天交通部長還有新政策：是以後空中走廊以島為單位，關走廊的話不需要擴及整個國家。
#希臘有超過6000個島
#100人以上居住的島也將近百個
＃快把英格蘭踢出去!

不過以上是全國的數字，大倫敦地區目前沒有拉警報的跡象， 有的話就跟里茲市一起列入觀察名單了。
#答客問
＃里茲九月四日前七天平均超過27
＃曼城是40還在地區性緊縮名單上

📣更新

1.蘇格蘭🏴󠁧󠁢󠁳󠁣󠁴󠁿擴大區域性防疫措施緊縮範圍 local lockdown，原本格拉斯哥及鄰居區域，再新增附近幾個地區，目前共六個地區政府劃入紅色警戒區，約110萬人限制互訪親友。

2.威爾斯🏴󠁧󠁢󠁷󠁬󠁳󠁿也宣布第一個local lockdown, 在南威爾斯的Caerphilly， 非必要禁止出入該地區、11歲以上進入商店需要戴口罩😷（威爾斯還沒有規定室內要戴口罩）、禁止親友互訪、過夜。


|疫情數字自己看|

📍目前官方的疫情數字公告系統「每日新增人數」是以四國為單位，沒有單獨列「大倫敦區」這一項。（在大倫敦市的官網可以找到幾天前的「新增人數」，但沒有當天的，有興趣知道的人就每日看「累積總數」自己加減。）
https://coronavirus.data.gov.uk/

📍感染率（R值）預測有分區標示，倫敦在0.9~1.1之間，和英國全國平均一樣。
https://www.gov.uk/guidance/the-r-number-in-the-uk

📍有個地圖可以查全國小社區（以7200人為單位劃分一區）的感染比例（但不是每日更新），倫敦地區大致上還算相對安全，有興趣的人可以用郵遞區號查看：
https://www.arcgis.com/apps/webappviewer/index.html?id=47574f7a6e454dc6a42c5f6912ed7076


｜後EOHO折扣餐廳｜

分店超多、口碑也不錯的Pizza Express 餐廳股東們，決定收攤不做了。＃默哀 ＃希望有新東家包養免得員工失業

為了避免更多這種遺憾，大家在合乎防疫安全的情況下要多多消費支持心愛的店家。

📣除了昨天整理的全國連鎖餐廳，以下加碼整理倫敦地區的小型連鎖店或獨立小店繼續推行類似EOHO折扣的名單：＃快收口袋

📍A Mano Coffee Bar & Kitchen, Orpington （義大利餐廳）＃這家特價到十月底
📍Balans, London （soho 的小餐酒館）
📍Bar Estilo （西班牙下酒菜tapas)
📍Bestro (現代風法國小館）
📍Boisdale （當代英國菜、威士忌吧台與雪茄走廊）
📍Bombay Brasserie （印度餐廳）
📍Elite Pubs （旗下酒吧餐廳有獨立的名字）
📍Casa do Frango, London （葡式tapas)
📍Fish!, London (Bough 市場裡的海鮮餐廳）
📍Gaucho （阿根廷餐廳）
📍Hawkyns, Amersham （大倫敦通勤帶，勉強算入）
📍Heliot Steak House, London （牛排屋）
📍Hot Stone Steak and Sushi Bar (店名說得很清楚）
📍India Grill, Loughton （印度燒烤？我很想知道）
📍José Pizzaro, London and Surrey （西班牙餐廳）
📍Kanishka, London （時髦的北印度菜與酒吧）
📍Kricket, London （現在印度菜，空間類似Dishoom 的混搭風格）
📍Laguna, London （北印度菜）
📍Little Bay, London （當代歐洲菜，空間像是在劇院裡，有現場歌劇表演）
📍Ludoquist!, London （桌遊主題的輕食館）
📍Mr Fox, London （雞尾酒吧）
📍Nac, London （法國小館）
📍Ombra, London （威尼斯風格下酒菜）
📍Paladar, London （拉丁美洲下酒菜）
📍Pasta Remoli, London （不用解釋賣什麼）
📍Pizza Pilgrims, London （同上）
📍Saffron Circle, London （印度餐廳）
📍Sagardi, London （西班牙巴斯克地區傳統菜）
📍Shack-fuyu, London （日式家常菜）
📍Sticky Mango, London （當代英國菜，專營某地區的葡萄酒）
📍The Crown & Two Chairmen, London （soho的酒吧，好品質經典酒吧菜色）
📍The Jones Family Kitchen, London （專賣牛排，以及自豪的酒單）
📍The March Hare, Guildford （英法菜色餐酒館，大倫敦通勤區）
📍The Three Cheers Pub Company, London （美食酒吧）
📍Tokyo Pizza, London （日本風義大利餅/日本人做的披薩，是有芥末和納豆口味嗎？）

以上餐廳有人吃過嗎？歡迎說說值得推薦的菜色 ＃或是不要踩的地雷

（明日待續）

［金融101］［香港有水到！］事先張揚！真係大師冇點你，我冇乜見有人講。當然我在收費專欄上星期已講咗，而家先在呢度講，保障返課金讀者。未課嘅記住幫手。

1. 講返，少少標題黨，但真係冇呃你。

2. 上半格呢舊咁嘅東西，除咗睇本地銀行股嘅行家，或者金管局職員，或者各大銀行做Treasury 之外，應該冇人會睇。而再三強調埃汾正係做Treasury出身，剩係呢樣都比絶大多數其他評論員有資格講。當初真係估唔到蕉行嗰年半經驗咁有用，「好似教主去上書法堂咁」。

3. 講返，係咪冇媒體報？係有嘅。但呢啲咁悶嘅新聞，冇乜人睇。但其實各大傳媒都有報（金管局啲新聞稿？）（https://bit.ly/3cg7Jnb）。信報寫到明，銀行結餘將增至740億

4. 咪就係，上半格，我圈住咗嘅數。由540億，升到740億。冇花冇假。升四成喎！唔係細數目，對不？

5. 然後你心諗，嘩，香港銀行體系結餘得嗰540億架咋？咪李嘉誠副身家四份一都冇（誠哥講緊大約300億美金身家）。計下數，得540億，香港800萬人，咪每人拎7000銀就提晒！（當得200萬人響應，都係每日提三皮嘢）。

6. 呢個謬誤，舊年咩提爆香港體系時常見。錯在邊？好簡單，邊個話你提嘅錢係嗰舊「結餘」，根本就兩個概念，完全唔明點解有人覺得間分店得一個魚柳包我去買兩個人地就會執笠。FYI，香港銀行體系嘅「存款」，港紙講緊70000億，外幣亦都係大約70000億港紙等值，夾埋係14萬億。你提嘅係呢舊東西。

7. 係喎，14萬億嘅存款，但成個銀行體系結餘其實540億。好似潛烏龜咁，根本大家 net net ，你諗下呢540億，其實可以話係idle嘅，銀行當然唔會放得多，有剩嘅都放出去，平價貸款又好，拆畀同業又好，乜都好。

8. 講返，做乜個銀行體系結餘會大升？有啲technical，但你睇返信報段文，咪有講甚麼減發外匯票據咯。見唔見我張圖圈咗EFBN？Exchange Fund Bill and Note是也。呢啲就專業啦，好心睇少啲鳩文啦。

9. 某程度上，你可以當EFBN係收水放水嘅工具，金管局發呢啲東西，銀行去投（同美國投國債有啲似），價高者得咁。投嚟又有息收，另外仲幫到下盤數，滿足啲各樣監管需求（呢啲太複雜，不講）。

10. 咁你話係咪金管局放水？減發喎。一半半，你可以咁理解。但金融101話你知香港行聯繫匯率，金管局做嘅其實好有限，只係順手推下咁解。

11. 成件事個源起，當然就係因為美國大放水，而港紙拆息一直高過美金，所以你見咪吸引資金流入套利—個做法就係借平息嘅美金，存高息嘅港紙。咁人人搶港紙，港匯就當然強啦，早排三年新高添。早排咪寫過，睇多次啦（https://bit.ly/34vVUXc）（http://bit.ly/2VThJO5）

12. （呢段嘢我一年打幾十次，倒轉都識打，反正以前在蕉行同啲新仔解我都係咁講）

13. 好啦，明啦嘛？基本上係因為美國減息，香港拆息高，錢咪流入港完，最後入埋銀行體系結餘咯。

14. 有幾多？咪話升咗四成。返返去一年前嘅水平咁咯。

15. 當然了，又唔使太興奮。你知我呢啲唔玩嘩眾取寵，更唔寫埋啲好似吸引但錯嘅嘢。銀行體系結餘升，等唔等於股市樓市升？答案係，冇乜咁嘅關係。

16. 應該會再寫，但畀個簡單數字你：呢個銀行體系結餘，由2016年開始，每年都係跌嘅。由4000億跌到而家540億。咁但，你有冇見層太古城跌咗九成丫？

17. 況且，講明啦，年年個結餘都跌的，但樓就年年升，同時間，股票呢？2016年冇乜升跌，2017年升到七彩，2018年大跌，2019年小升。但年年個銀行體系結餘都係跌架喎。

18. 所以，早兩年啲人開心大發現話我知銀行體系結餘跌就代表股市跌，我當然話戇鳩。咁同樣地，今次銀行體系結餘升，都不代表股市實升嘅。

19. 當然，又可以睇下M2嘅情況。又講時講，大陸嘅M2增長，靜俏俏地又上返雙位數啦噃。

20. 記住，你話hard sell都好，以上呢啲，收費專欄寫咗的。根本個圖都係嗰度cap出嚟，而家讀者人數不錯，但暫時都未夠維持呀埃汾嘅基本生活（例如個個禮拜打返次高流灣，一年去幾次日本，最好去多幾次韓國，又去次歐洲咁）。所以繼續努力。

——————————————-

版務：收費專欄已推出，支持埃汾高質文章。幾舊水睇三個月，一星期三篇

請去呢度訂：bit.ly/2wVXndj
課程編號填: CC01
科咗水後後有Login及Password畀你

逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。

【#我最喜愛寵物品牌大奬 2020 – #寵物用品店 得主】

成立超過二十年，為香港最具規模的寵物連鎖店之一的「Q-PETS」，獲得首屆「寵物用品店」組別獎項，創辦人葉煜明Paul表示，得到大眾認同非常開心。

回想當初憑著對寵物的熱誠，創辨第一間店，到至今全線有超過三十九間零售分店，Paul覺得現在經營寵物用品店，不只是提供產品或服務，而是多了一份社會責任。

Q-PETS在2019年推行改革，店內不再出售寵物，推廣「＃領養不購買」。Paul覺得現今香港有種種原因，令流浪或棄養的寵物越來越多，實在很急切要想辦法，令無家毛孩獲得照顧。於是他們肩負起企業責任，期望能帶領社會及整個行業，做到動物零買賣，建立負責任的飼養毛孩文化，並協助流浪寵物找到幸福的家。Paul補充，「很多地方都有領養文化，我覺得這方面的教育宣傳很重要，更重要還是要做一個負責任的主人，不要棄養，將棄養數字減少，領養數目增加。」

公司未來發展方面，Paul希望為業界帶來更人性化及多元化的合作方向，包括與有相同理念的寵物界人士及機構合作，共同建立良好養寵物文化，並給整個產業鏈提供更多的業務發展，為有意投身寵物業界的人，提供適當的培訓。

Paul又說，「在外國，如果要養狗，首先狗隻是需要接受訓練，而主人亦有這個需要，他們要了解狗隻的脾性與特質，甚麼時候開心，怎樣的反應是憤怒等，這些訓練是讓主人和寵物建立信任，並讓主人知道如何應對狗隻，而在香港暫時還沒有這種文化。」

= = = = = = = = = =
【毛城城FB: https://www.facebook.com/MoCityHK/】
【毛城城IG: https://instagram.com/mocityhk】
【官網: www.mocity.com.hk】
= = = = = = = = = =
一站式 #寵物 資訊平台
✨想分享溫馨動人毛孩故事，或者得意相片影片？
歡迎FB Inbox #毛城城 或者 IG DM❣