《一覺瞓醒，發現所有人都講緊另一種語言（4）》
第一集：https://is.gd/egRc36
第二集：https://is.gd/GlMzyS
第三集：https://is.gd/BigufS

04

一隊斗蓬車駛嚟，數十個著住保護衣嘅人從車上跳落嚟，分頭將滿街嘅屍體搬上車，動作俐落輕快得好似只係搬緊一班注定被屠宰嘅牲畜。而街上嘅行人依舊直行直過，喺佢哋臉上察覺唔到絲毫嘅驚懼之色。


Johnny抬頭，見到路牌上面嘅字已經變咗一堆睇唔明嘅符號，驟眼望去，猶如一道巨大符咒重重壓喺頭頂。


佢環視周圍，唔止路牌，就連商店招牌、廣告牌、燈箱，全部都變晒樣，佢覺得自己好似被困喺一個貼滿鬼畫符嘅異度空間一樣。


喺佢未意識到自己做緊咩之前，佢已經拔足狂奔，往阿豪嘅住所用盡全力跑去。


───


三個人分別坐喺唔同角落，偶爾對上眼，又會馬上低頭，避開對方嘅視線，屋內嘅空氣愈嚟愈焗，大家嘅心情亦愈嚟愈煩躁。


「乞痴！」Johnny成身濕晒，不斷喺度震，唔知道係因為凍親定係因為剛才目睹嘅畫面。


阿豪拎咗一條毛巾畀佢：「你抹乾個身先啦，早排流感死咁多人。」


Johnny接咗毛巾後話：「而家出面死得仲多。」


「或者我哋諗下最近發生過咩事，試下搵出個源頭。」Hailey一路咬指甲一路講。


「會唔會係北韓發射咗核武，搞到人類基因突變？」Johnny仍然臉色慘白。


「咁點解我哋三個冇事？」Hailey質疑。


「其實我哋三個有咩⋯⋯共通點？」阿豪托一托眼鏡。


Johnny首先話：「我係屋企獨仔，讀書唔成中五畢業就出嚟Sell寬頻，嗰時人人都喺街度Sell，企足成日都得個桔，所以我就主動入你呢啲冇看更嘅唐樓逐家逐戶Sell，都叫搵到下食。我日日都係開工收工，冇咩特別，上星期拎咗大假自己去日本旅行，噚晚凌晨一落機就返屋企瞓，今日一開工就嚟咗你呢度喇。」


Hailey接住話：「我係一個作家，唔暢銷嗰隻。」Hailey苦笑幾聲後繼續講：「Johnny講得啱，我喺精神病院住咗大半年，我知道自己已經好返，但醫生話我仍然有自殺傾向，唔肯畀我出院，無論我點樣講點樣表達都冇用，於是我開始明白語言會有失效嘅時候，所以我唔再話自己好返，我亦唔再嘈住要出院，我每日按照既定Schedule，食飯時食飯，食藥時食藥，瞓覺時瞓覺，佢哋終於都準備畀我出院，不過我又點會估到出面嘅世界會更加瘋癲。」


阿豪望到Hailey手腕上深淺不一嘅傷痕，佢尷尬咁移開目光，簡短地介紹自己：「我係遊戲測試員，即係專門幫人試Game，每日都係喺屋企打機。」


「就咁聽，我哋三個人嘅職業、生活習慣同最近去過嘅地方都完全冇重疊或相似嘅地方。」Johnny望住Hailey，眼神呆滯咁講：「會唔會唔正常嘅，其實係我哋。」


Johnny呢句說話，又令大家陷入長久嘅沉默。


「你哋有冇聽過『火雞悖論』？」Hailey打破令人窒息嘅沉默。


「假設呢個世界係一個火雞飼養場，飼養場有一個主人，佢每日朝頭早準時九點會餵火雞，日日如是，風雨不改。火雞群入面，有其中一隻比較聰明嘅火雞觀察到呢個定律，而佢亦嚴謹地喺不同嘅情況下持續觀察，無論係晴天定雨天，星期一定星期日，天氣炎熱定涼快⋯⋯喺佢反覆驗證之後，佢向所有火雞發表演說，話宇宙規定咗每日朝早九點就會有食物降臨，然而喺佢發表偉論嘅當日，飼養場主人出現，唔單止冇帶嚟食物， 而係將佢哋全部殺晒。」Hailey抬起頭望向Johnny同阿豪，「因為當日係感恩節。」


「意思係，我哋以為嘅所謂常理、所謂宇宙規律，好可能只係一連串巧合嘅因素，作為宇宙內渺小嘅存在體，係好難意識到呢點。可能呢個世界從來都冇所謂嘅正常，或者今日，就係我哋嘅感恩節。」

「而我哋係被殺淨嘅火雞？」Johnny指住自己嘅手微震。

叮──

電話嘅鈴聲喺斗室傳嚟令人毛管直豎嘅回音，大家同時望向阿豪檯面上嘅電話。


阿豪深呼吸一口氣，然後拎起電話。


幾秒之後，佢滿臉疑惑咁話：「有個人喺Telegram Send咗呢張圖畀我。」


熒幕上只有一張布滿不規則圖案嘅黑白正方形圖，驟眼睇有啲似QR Code，但當長久咁望實張圖，扭曲而密集嘅紋理會令人有不安嘅感覺，好似隨時會有一張破碎嘅人面冒出嚟。


「你識唔識呢個人？」Johnny問。


阿豪一邊望住張圖，一邊搖頭。

「咁唔好應佢，我哋而家嘅位置好被動，可能呢啲就好似啲有毒郵件咁，隨機派出去，用嚟引我哋上鉤。」Johnny嘅髮尾仍然滴緊水。


「唔係呀，呢個應該係一個謎題。」阿豪忽然衝去電腦前，眼神有一種異樣嘅神采。


－－－－－待續－－－－－

我哋80 Shares再繼續。

3/31-4/3台北世貿婦幼展
堡攤的設計圖終於出來了
上次力拼四格之後～
這次更選了「正方形」的角位
雖然在很邊緣的地方
一直擔心燈光太暗能見度不佳
所以這次特別加裝燈箱招牌
希望能更醒目
雖然費用比較高
但為了不讓自己後悔
展現品牌價值！最後還是決定花下去😂😂😂

#加油加油每次參展都在挑戰自己
#無論是體力精神甚至整個團隊
#都是一次很好學習的機會（表明看很開🤣🤣）