今日黎到荃灣既滿屋食日式放題，價錢好吸引一人只係要二百幾蚊，可以食2個鐘。 坐低梗係即刻用電話掃QR code落單。選擇非常多，有刺身，壽司，燒物，炸物，鍋物等等。 落完單就去自助區，有其他小食，湯，甜品，生果，飲品，熟食可以自取。 好快就放到成枱都係野食，雖然係任食但睇落都好精緻喎。 壽司方面我地叫左鹽燒左口魚邊，火炙厚燒芝士鰻魚，鹽燒三文魚，火炙醬燒廣島蠔，芝士軟殼蟹卷。鰻魚同三文魚厚切燒過都好惹味。 清酒煮蜆，牛肉鍋估唔到咁大鍋，熱辣辣咁送上枱，蜆湯酒味濃郁，牛肉鍋有好多菜同牛肉，仲有粉絲同蛋。 三文魚，吞拿魚，油甘魚，帶子刺身用冰送上，好新鮮，味道鮮甜。 蒲燒鰻魚，鹽燒海蝦，燒菠蘿，燒羊鞍，燒帶子都燒得好靚好惹味好出色，全部都encore！ 炸物係即叫即炸，炸蠔，多春魚同芝麻雞翼都炸到好香脆，熱氣都要食啦。 仲有鮑汁燴花膠，竹笙瑤柱蟹肉翅，未影相就掛住食既和風汁牛柳粒，避風塘炒墨魚仔，全部都好有份量，可以同朋友開心share 。 甜品都好多款色，不過雪糕限1人1杯。食完大家都捧住個肚走😂 。 。 滿屋日本料理 荃灣眾安街55號大鴻輝(荃灣)中心10樓 。 。