//立ち上がれ勇者は 中譯:他似係咖喱Yuu~笑話//🍛🍛🍛 • 呢個collab 應該係一年前數碼暴龍大電影最終章個時話搞，但由於太高質，製作需時，懇請大家體諒。 Btw想大力表揚producer/ 創意總監/首席製片人 @frankieyip54 ，無佢大家係唔會睇得明歌詞的。plus 當日大家嘅投入程度超高，好彩無叉錯腳跌落去😀 • Posted • @t08music 正經野冇人睇 唔正經有人睇 唔正經加正經有冇人睇😤😤😤 他似係咖啡Yuu～笑話🍛 Popcorn 囉啦咭Lee醫療🍿 ========================= Full Version: https://youtu.be/GM_NMbmZ7Lo ========================= 和田光司 ターゲット～赤い衝撃 Rearrangement | T08 作曲︰太田美知彥 作詞︰松木悠 ========================= Credit Vocal: Nat Wan @natwansiuju Re-Arrangement & Keyboard: Frankie Yip @frankieyip54 Drums: Lawrence Wong @okaylaw Bass: Ray Sze @raysze_ Guitar: Kelvin Li @kelvinb9sus Mixing: Big C @bigc0907 @bigc.production Video Produce & Editing - Frankie Yip @frankieyip54 ========================== 📍Follow us on IG ========================== T08將會推出更多不同系列影片，Stay tuned 歡迎合作☺️Dm Us ========================== Please follow us: Instagram: https://www.instagram.com/t08music/ Facebook : https://www.facebook.com/t08music/ #ターゲット～赤い衝撃 #和田光司 #空耳歌詞 #デザート #カバー #butterfly #digimon #digimonadventure #hkig #insta #music #cover #anime #いいね #太一

數碼暴龍大電影吐槽感受文（劇透慎入） #LastEvolution 從「被」感動，到現在去「尋找」感動「消費」感動，期望用消費者身份入場，用錢去買回童年的喊位。 -------- 終於抽時間去了看數碼暴龍大電影，作為20年的超忠實粉絲，曾寫過一首歌去致敬，我對這套電影簡直是十萬級期望，卻換來一大堆失望.. 【不錯的故事鋪排】 故事講述八神太一，大和等人終於步入社會，開始被磨平棱角，成為社會的一個小齒輪。 大和小時候曾經很喜歡吹口琴，長大後放棄了曾經的音樂夢。身旁的阿丈已成為醫生，光子朗已成為社長，自己卻是一事無成。 「遇怪魔我急於變大個，匆匆歲月換來什麼偉大成果，無名氏有一個」 小時了了。曾經拯救過世界的大和，看見街上Busking的人，樂器店的小朋友吹口琴，夢想已經離他很遠。 一次戰鬥過後，數碼佩章突然出現一個計時器，才發現當被選中小朋友正式長大為平凡大人時，數碼精靈就會完全消失死去。愈多的進化和戰鬥只會加速數碼精靈的消失速度。 其實這個故事設定非常好，提醒曾經以為是被選中細路的我們，當甘於平凡時，我們心中的數碼獸都會消失。而然，電影在Butterfly主題曲和超進化的熱血過後，就是一系列失望的開始。 【被放逐的初老觀眾群】 首先，20年前最早一批看得懂數碼暴龍01的小朋友大概8-14歲吧？20年後他們也28-30幾歲了吧。但太一大和設定仍然是20出頭的社會新鮮人，那很明顯Bandai仍然是想把觀眾年齡層壓低，延續系列的壽命..所以一開始我就有預感我們是被Bandai放逐的初老群組。 【廉價的進化】 記得以前每當太一們被逼入絕境，才會進化一級，加上電結他的進化音樂，令還是小朋友的我有無比的激昂感動。 但大電影裡進化變得廉價，你竟然跟我說對付一隻垃圾成熟期鸚鵡獸，竟然天使獸打不過，連完全體的天女獸都不夠打...誇張到要出動機械暴龍獸跟獸人加魯魯獸圍嘔一隻可憐的鸚鵡獸。區區一隻成熟期要出動3隻完全體+1隻屈機天使獸，完全是為進化而進化..為播歌而播歌 去到後期當遇到那隻月光女神獸初始形態，竟然一下子出動到奧米加獸.. 之後一言不合又進化成奧米加獸，非常濫。最令人憤怒的是，戰鬥暴龍獸和鋼鐵加魯魯獸一秒都無出現過！成套電影一秒都無！ 最最最最童年崩壞是，奧米加獸還再進化，但係係勁·樣·衰！變了一個連名字都沒有的人型土著.. 進化，被壓榨得太廉價。 【小朋友式的黑白對立】 電影尾段有講到，女Boss所建立的烏托邦，是為了讓人類和數碼精靈不用分離的世界，也道破了太一大和才是搞亂檔的壞份子。這也讓人有思考空間，如世上絕大部份人選擇安穩，那麼打破安穩的少數人是正義還是邪惡？ 本應是一個可以讓人深思的對立劇情，但很快就被編劇給出引導性的非白即黑之「主角永遠正義論」。 那個冰封冷冷色調的世界以及「壞人」們壞壞的造型，那些眼帶紅光的邪惡Label，根本就已標籤了著黑衫是壞人，著白衫是好人的膚淺二元式對立。 【中二病式鏡頭+對白】 明明電影裡有很多本應賺人熱淚的情節，但那種日本動漫式，兩個主角一起講同一句Tagline對白，又或是太一一個眼淚特寫，也必定要給大和一個對稱的眼淚特寫，真的讓人很抽離。不知是否太一和大和簽了合約必須要有相等對白和鏡頭數量，否則完全不明白為何要用中二病手法處理😢 【總結】 其實還有很多很多本應能成為經典的情節可以放大，例如是阿空不戰鬥的原因是什麼，可不可加入更多她的現實心理爭扎；又，當太一知道戰鬥進化就會加速亞古獸死亡速度時，為何不以人性的懦弱去考慮選擇避戰的矛盾？另外太一們只選擇了自己所想要的決定，從來沒有跟亞古獸商量是否應去戰鬥，把亞古獸當成是附屬品一樣... 很多很多吐槽的同時，也讓我靜下來反思，小時侯看數碼暴龍時，為何從不會介意這些小節？其實亞古獸還是那個小朋友的亞古獸，變大個的原來只有我..這套卡通片仍然是給小朋友看的卡通片，但經歷社會的洗禮，我們對於一套卡通片要求卻越來越多。 從「被」感動，到現在去「尋找」感動「消費」感動，期望用消費者身份入場，用錢去買回童年的喊位。在麻木的社會，被選中的小朋友已麻木得不再容易被感動。電影中太一正式成為大人，亞古獸最後死了；而我們這一代90後小朋友也成為了別人期望的大人，童真也死了。 在電影Credit過後，那盞無情得連Fade-in也懶得做的戲院環境燈，就像是告訴你，消費完童年感動的成人禮結束了，由遇怪魔我「急於」變大個，成為遇怪魔我「終於」變大個。 送上挽歌之聲在【遇怪魔】的歌詞預言： 「年輪枷鎖沒辦法閃躲，我已經不似我」 #遇怪魔我急於變大個 #數碼暴龍 #數碼暴龍大電影 #lastevolution #亞古獸 @singtosay

《第一次見…應唔應該約佢睇數碼暴龍？》 / 「你傻架？bumble profile成個文青，但帶人睇毒男戲？」南哥如是說。 「你唔係有兩個小朋友，你估你會睇魔髮精靈？」Jason好串嘴回答。 「你又唔可以咁講，魔髮精靈又幾好睇架。」南哥回應。「喂！傳波啦！」 / 疫症繼續漫延，球場開封無期，幸好還有網上世界，可以同兩位兄弟隔空打波。今晚Jason女友回娘家，終於不用打動森，可以回歸NBA的世界。不過比賽第二，吹水第一。南哥有老有嫩，老婆不想南哥亂見人然後亂帶菌回家，「小心D好」是南嫂的口頭禪，所以南哥無得選擇。幸好近來本地感染個案變回零聲少數，早幾天南嫂破例，一家大小可以去看看戲，但首選當然是合家歡卡通片。成為父親的男人，最後的station就是Play Station，可惜，童年回憶的FF7 remake，暫時也只能FF。 / 「可以打牌，可以做facial，可以跑步可以健身，但唔可以打波。咩道理？（下減100句粗口）」Jason喝了兩三杯就激進起來。 / 「不如講返正題…應該睇咩好？」我好認真回應。玩了Tinder咁耐，被人玩咗咁耐：保險、傳銷、男扮女、豬皮扮舒淇等等等等等…轉玩Bumble，終於遇到一些正常人，不過一玩就有肺炎。App度傾了數個月，終於有機一見。對上一次拍拖已是數年前，沒練習太耐，感覺有點追不回來。所以才請教兩位兄弟的意見。 / 「鬼片係王道。新上有《女鬼橋》，《紅衣小女孩》班底點都有D保證。想搞笑嘅睇《女神撞正基OL》，不過泰國笑點嘅笑點啱唔啱佢就唔知啦。」Jason都叫影迷一名，所以會留意新戲。 / 「女鬼橋？我淨係聽過菊梓喬咋喎！」食字gag我好有信心。 / 「哈哈，你咁好笑，拍返套《笑年的你》啦。」Jason又清了一罐啤酒。 / 「一係入場睇返D舊戲，哥哥套《阿飛正傳》、《白髮魔女傳》上返。再唔係睇套法國片《醫生速遞》。個電台DJ話幾好笑。不」南哥早幾日揸車咁啱聽到一個叫《二台院線》嘅節目，扮搭到嘴。唯獨我…看了網上交友101的文章，說時下最流行文青打扮，個人簡介又打上幾句王家衛的電影金句，但我其實好王晶多過王家衛…愛動漫多過愛看書，即是曲型毒撚扮文青…所以數碼暴龍一映…身體就最誠實… / 「有人話肯陪你食麥記嘅女人娶得過…咁一個肯陪你睇數碼暴龍嘅女人…應該都溝得過…對吧？」我繼續陷入苦思... / 「車！都係D人吹出嚟架啫。同埋食一個麥記最多咪半個鐘，唔通你食法式麥記咩。佢唔gur都只係忍你半個鐘。但你睇套戲唔同喎…硬食個半鐘，走又落你面，唔走又自己無癮。我真係好少聽過有女仔係數碼暴龍迷。」Jason又清了一罐啤酒，然後認真起來。 / 「你諗返細個拎住部數碼暴龍機同人對打個陣，有幾多個女仔？唔通你睇完同佢分享你點chor機，點辛苦將隻鼻涕獸變熊仔獸、同埋係佢面前唱日文版嘅主題曲咩？」南哥補多兩刀。 / 我人生第一次識唱曬成首日文歌就係數碼暴龍的主題曲《Butterfly》。細個當然聽浩南哥唱中文版，但之後聽過和田光司唱的不同版本，一首本身帶有搖滾風格的熱血歌曲，原來也可以唱得咁深情。小時候沒什留意日文歌詞，但當看完數次數碼暴龍後，才知道日文版和劇情呼應得如此貼近…亞古獸、數碼世界、友情、勇氣、正義、向前衝的決心…一睇劇場版的trailer…一聽首主題曲就起雞皮… / 最重要…今次是太一、大和跟亞古獸、加布獸的最後進化…真正的集體回憶，比54億也救不了的終章… / 「一係咁啦。你自己一個人去睇，然後約佢去睇第二套戲咪得囉。一條友去戲院有乜問題？我之後一定諗辦法甩開老婆同對小朋友，一個人去睇《我的英雄學院》」南哥拋下是夜遺言就offline而去。 / 嗯…一個人睇…都好似係唔錯的提議… #攝時間劇場 #數碼暴龍 #LASTEVOLUTION #絆 #好耐無寫故仔 #決定諗到乜 #就寫乜 #無收錢 #抒情文 @neofilmshk