[gfmurmur9869] 哩排天氣潮濕，就諗返起以前ex屋企無抽濕機又無冷氣，次次去我都燥到pk，我諗我嗰時真係好愛佢先忍得到，而家諗返起嗰個地方根本唔適合人類居住。佢屋企人養咗好多蛇蟲、雀、貓之類，成間屋都勁臭，仲要濕漉漉，喺佢屋企過夜真係愛嘅考驗嚟。 後尾買咗抽濕機都空氣清新機，有好好多，但佢屋企人叫佢出街就熄咗佢，於是我次次開門都仲係又臭又濕。佢父母唔係同屋住，佢間屋係無人打理，污糟到乜咁，仲要係著鞋入屋入房🤢。我幫佢拖地掃地完，唔駛半日就會污糟返因為太多櫃嘅窿窿罅罅。佢屋企係舊式公屋得一邊窗，但嗰邊窗長期都掛滿衫同雜物，無錯，佢地嘅衫係掛喺窗內因為佢屋企人掛滿晒嘢開唔到窗，以致佢屋企係不見天日，外加一晾衫就焗到間屋濕晒。簡單嚟講就係又暗又濕又臭又污糟。 咁都係唔去佢到過夜嘅啫，但同佢拍拖連餐好少少都無食過，最好嗰餐就係啱啱一齊嗰時我搵咗間西餐（人均$2XX），之後都係食茶記（一齊咗大半年），佢就淨係識講對唔住，然後射波唔返工。😑 難聽啲講，我係紆尊降貴同佢拍拖，我嘅生活品質完全係倒退十年，連中學時都不如，中學有返工都間唔時去bar& restaurants ($5XX-$7XX)，同佢一齊就日日食樓下茶記（佢親戚開唔駛畀錢）。 而家唔係講我捱唔捱得，係講緊我本身唔駛捱但要陪佢捱。我嗰時梗係覺得：「平平淡淡幾好呀～捱多陣佢事業上軌道就得㗎啦～（佢27我22）」，但最關鍵嘅事情發生啦；我地都係住大西北，佢喺九龍返工，我有日就扭計要佢買包爆谷畀我食（地鐵站嗰間），點知佢話唔買、驚寵壞我，我真係吱一聲笑咗出嚟，八十蚊寵壞我？無錢孤寒喳？雖然喺我發脾氣佢最後都係買咗，但我記到而家，因為真係好9孤寒。 咁關於生活品質都算啦，其實都只係依家諗返起不爽啫，但嗰時我係OKAY。最撚慘係佢連旗都扯唔到，佢話咩以前啲運動創傷積積埋埋搞到佢啲筋膜發炎，所以扯旗會痛，一齊咗咁過我淨係爽過一次，嗰時係佢做完PT冒住再拉傷嘅風險同我搞，我都好多謝佢嘅。咁不過打後都無正常搞過嘢。佢差不多次次都係扯十秒又軟，畀假希望我，我次次都好唔開心直頭懷疑係咪我唔夠正，但我同ex ex 又無哩啲問題。而且佢有嚴重臭狐，沖幾多次涼都係好酸臭，要後入/女上先唔會聞到。我次次聞到都要閉氣，因為真係攻鼻。不過我想講，我性慾好大，但我完全無諗過要搵sp，我只係晚晚諗起都暗自神傷，連碟都無心情捽。 最後分手係因為佢喺我生日整喊咗我，唔記得咩事，好似係佢前一晚講咗啲嘢。我本身係個好重視過生日嘅人嚟，因為我覺得日常生活好悶，當有個藉口去玩去蒲都好。跟住我同班朋友去玩唔預佢，佢就同我啲朋友求情，我都係話唔想佢出現，嗰日過得幾開心舒暢㗎。過咗幾日我又同佢分咗手啦，今次係我第6次講分手，前5次係因為上面講嘅嘢而講分手，跟住我又覺得我愛佢要忍佢陪佢所以又復合，最後哩次我決定唔再愛佢，愛我自己。 最後我想借問聲有無人知點改Siri boyfriend? Siri 記得我現任，仲識send sms畀佢，但次次講”call my boyfriend” 佢都會打返畀前任（文中哩個），真係好柒。 ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig #香港 #情侶 #香港情侶