【有陌生人用wechat約你見面，千祈唔好去…】(2) . . .命運是不可預料，亦不能夠違抗，而命運有分為兩種。 .第一種是即使兩人相愛，也逼著要別離的命運。 .而另一種…是儘管失了憶，仍是會遇上的命運！ . .「你個仆街終於都嚟咗喇？」阿細踏前一步，朝我的臉狠狠掌摑。 .「喂…妳癲咗啊做乜打我？」 .「你問你自己啦仆街！」 . .我摸著灼熱的臉頰：「嗱好老實，我想同妳野戰，但呢樣嘢未發生，我諗而家都唔會發生喇。另一樣就係妳P圖太重手，呢個係事實。請問我仲做錯啲乜？」 . .大廈非常昏暗，走廊只有幾盞瀕臨報廢的燈管作照明，我故意用手機螢幕照向阿細，讓她親眼看一下自己跟wechat頭像的對比。 . .說起來…廢置而等待拆卸的大廈，要亮著的燈管來幹嗎？！ . .「咪照啦仆街！」阿細用手撥開我的手機，我注意到她耳朵跟臉頰的接連位，有一道顯眼的疤痕，由頂端往下伸延到前耳骨的位置。 . .我瞬間被怔住了… .我拚命埋到深處的記憶一下子全都浮現出來，就像不管怎樣將水泡壓進水底，它還是會咚一聲蹦出水面一樣。 .心臟絞痛，令人不快的嘔吐感伴隨而來。 .不會這樣巧合吧？！ . .『啪！』阿細公平地將我另一邊臉都摑了。 .「妳打夠未啊？我都未話妳啊，帶我嚟呢啲咁嘅地方！」我的耳朵被摑得嗡嗡作響：「乞嚏！」這裡彌漫著粉塵，一下深呼吸害我又打了幾個噴嚏。 . .「阿亮你食懵咗啊？係你約我嚟呢度㗎！你話呢度係你屋企啊！」 .「吓？」 .阿細從手袋裡掏出手機，把對話記錄展示給我看：「你睇吓啦！」 . .『不如嚟我屋企啦，有大岩蛇捉啊！親～』我仔細一看，訊息確實是從我的頭像發出去的。 . .「唔係喎，係妳約我嚟呢度㗎！」我也給她展示訊息。 .『屋企無人，我又驚黑，一個人點訓得著喎。』 . .「……」阿細難以置信地拿著我的手機，我也將她的手機搶過來，其餘的訊息都跟我接收到的一樣，唯獨這個訊息，在同一時間各自發送到我跟她的手機裡。 . .「咁究竟呢個訊息…係邊個send出嚟？」阿細。 .「我都唔知，但而家最重要嘅係離開呢度先。」我的鼻子一直都癢得要命，但大概是習慣了吧，剛才的眩暈感已經消失了。 . .「廢話…」阿細按了幾下我的手機，然後擺在耳牠旁：「你個電話都係收唔到。」 . .她的電話也一樣，網絡跟通話都完全沒有訊號。 . .「你啱啱嚟到啊？」阿細問。 .「係啊，行咗幾層想落返樓下，就發現點都落唔返去，所以咪敲窗囉…」 . .說畢，我把頭湊近窗戶，像是被某種東西遮蓋住，完全看不見外面有光線透進來，也聽不到有半點聲響，彷彿這裡與外界完全隔絕一樣。 . .「我試過啦，個窗點推都唔郁，外面好似畀道牆封實咗咁…」阿細。 .「我唔信！」我用手肘使勁打在窗戶上，玻璃做的窗不單止沒有碎開，還發出跟打在牆壁一樣的厚實聲響。 . .我摸著痛得要命的手肘，在阿細面前咬著唇堅忍住。 .「咁不如試吓向上行啦。」我提議。 .「我頭先就係想上天台求救，點知行咗十幾層，就聽到你把聲喇。」 .「我不停落，妳不停上，但係我哋兩個相遇…？」 .「唉！死梗啦今次…」阿細的聲音哽咽。 . .她幾乎要哭出來，抽泣的聲音再次喚起我的記憶，我使勁地甩一甩頭，現在不是記起這種東西的時候啊！ . .「妳跟我嚟。」我跟阿細步出房間後返回樓梯，用指甲在牆上劃了個交叉，然後往下走。 . .走落一層，交叉消失了。 .走回上一層，在同一位置依舊沒有我畫的交叉。 . .「無可能㗎，我明明喺呢個位畫咗交叉！」 .「阿亮你睇吓，地下啲腳印都唔見晒啊。」我低頭一看，的確…這裡的地板鋪了一層厚厚的灰塵，我們剛從房間走出來，沒可能沒有遺下腳印。 . .「妳企喺度，我試吓行落一層，妳望住上面，睇吓我一陣會唔會見返妳。」 .「唔好啦，我自己一個人好驚啊。」阿細拉著我。 .「我想做個實驗啊！試晒所有方法，先諗到點先返到出去㗎啦！」 .「唔好走啦…」 . .我沒理會阿細，她畏怯著抓住後樓梯扶手往上望。 . .這是我從小到大的壞習慣，總喜歡將所有東西拆開，又或者走進同一家鬼屋十多次，將人扮的鬼的蔽藏地點和機關通通找出來… . .很多年前的人類，把火焰當成魔法，是因為人們不懂生火的技巧。 任何事都有它的運作方式，我絕不相信這世界存在鬼怪或魔法之類沒有真憑實據的東西。 . .我慢慢的走落一層，探頭一看… 阿細不見了！ 我立即跑回上一層，還是不見阿細的蹤影。沒可能的！阿細到底跑到哪裡去？ . .（待續）