【4月15日】多家銀行股業績出色，美股借勢高開，惟鮑佬稱在加息前會減少買債，科技股帶頭回吐，道指升53點或0.16%，標指跌0.41%，納指跌0.99%。納指升至前頂14175時現阻力，自4月以來首次出現陰燭回落，短期要測試13750支持，下方較大支持位於13450。標指創新高後，動力亦有所加強，留意下方4080支持力度如何。
受惠經濟反彈，摩根大通、高盛及富國銀行業績均表現出色，整體股價走勢亦符合預期，起碼沒有出現好消息出貨。市場焦點一轉又放在全球第一大加密貨幣交易所Coinbase身上，怎料股價高開低走，較令人失望，或許是受到鮑佬言論影響。
鮑佬噚晚繼續放鴿，指出加息需兩大條件配合，一是通脹要維持在2%以上，二是要等待勞工市場完全恢復後，才會考慮加息。不過他最後提醒，加息前會許會先縮減QE。比特幣年初至今上升的升浪，主要是反映通脹回升下，美聯儲仍繼續QE印銀紙，會令銀紙急速貶值，比特幣作為取代黃金成的對沖通脹工具，成為市場熱炒對象。故此當鮑佬提到縮減QE時，無論是比特幣，還是靠借平錢起家的科技股，走勢立即受壓，便是這個原因。
如圖太郎早前所言，美國政府投入了數萬億美元救市，在經濟未完全康復前，是不會輕易放棄QE，更重要今年美債的新發行將創新高，卻遇上債市回落，面對需求減少，美聯儲更不得不繼續QE托市，否則債市由牛轉熊，無人買債，財政部的幾萬億美元新債不知由誰埋單了，這便是為何美聯儲明知通脹上升，還要繼續QE的主原。
外資再買入82億元A股，過去3日合共買入251億元，3大指數有所回升，分別升0.6%至2.24%不等，惟成交仍然不太活躍，陸資仍然相當保守，兩市成交只得6540億元。科技類股份受惠於TSLA股價大升有所反彈，但噚晚TSLA回吐了4%，且看今日A股科技類是如何反應。
回說港股，恒指仍在28300至29200之間遊走，橫行上落市方向性不大。內地基金銷情放緩，北水入市熱情減退，只買入23億元港港股，一向以勇見稱的北水也無錢入市，港股成交縮減至1381億元，入市資金不足成為港股死穴。
首季度一眾熱炒品種，如電動車概念股、SaaS概念股，由於蟹貨重重，此刻又無大手資金流入，結果難逃一彈即死的魔咒。相反個別小主題卻成功吸引資金流入，港股似乎由過往的炒概念轉而炒業績，安踏（2020）近日走勢趨強，立即公佈首季度零售按年升40%，當然部份原因是去年基數低所致，但增長吸引令資金有所流入。
隨著「禁廢令」政策出台，紙飲管取代了膠飲管，至今有內地A股有7家造紙企業發出盈喜，其中有6家淨利潤增幅超過一倍，相當誇張，早前港股的晨鳴紙業（1812）指首季盈利增幅在4.4倍以上。
「禁廢令」是大趨勢所在，未來需求只會不斷上升，早前筆者介紹過的中國澱粉（3838），也有禁廢概念，可降解塑料PLA將取代化工類膠袋，PLA的原料正正是由玉米提煉的澱粉，也是中國澱粉主打產品。在需求上升下，澱粉價格今年回升至每噸3300元，不過產品價格上升同時，也面對原材料玉米價格上升，從去年業績中可看出，澱粉加工價只有每噸323元。
自踏入2021年，澱粉價格因需求仍然靠穩，但玉米價格開始回落，4月份加工價已由去年平均的323元，拉闊至每噸510元，即是有62%的升幅。不要忘記當去年加工價仍是323元時，去年上半年盈利增速便有168%，若今年上半年加工價維持在500元以上，估計上半年盈利可望再增長50%以上，以現時市盈率4.6倍，將降至3倍，加上每年有5厘息收，相信現水平絕對不貴。

希望大家多一點👍及多share支持一下🙏
版權所有 不得轉載
#圖太郎

【龔成問答信箱】（Q19241-Q19260）

Q19241：

在平穩增值的觀點上來說，老師你會比較建議買入盈富，還是平穩增值的個股？例如港鐵。

龔成老師︰

若講增長潛力，個別股票會較好。

如果講平衡性，由於盈富（2800）係一籃子優質股票，所以會較高。其實我通常建議網友買盈富，目的是「平衡組合風險」，如果講增長，盈富當然不是最強。

若你資金不多，只可投資好少量股票，咁會較難做到分散風險，這時候投資盈富會係一個好選擇。

------------------------------------------------

Q19242：

老師你好，之前報讀了你股票班, 老師話小米會上到30蚊, 估不到咁快已到價, 請問長線小米會不會過百蚊？

小米暫時已賺了6位數字，從來未試過一隻股票可以賺咁多錢，感恩可以遇到老師，記得老師話賺到100萬之後，好快就有第二個100萬，另外想問進階班會唔會好難？搵倍升股會唔會容易啲？

希望可以搵多啲錢請工人照顧媽媽，媽媽年紀大，自己份人工又少，唔做去照顧媽媽又唔夠，請問老師現在有冇潛力股可以買入？

希望可以入多啲貨，祝老師身體健康，心想事成！

龔成老師：

小米（1810）有質素的，只要我地仔細分析企業，從長遠的角度分析就知這企業有質素，所以我自己都有貨，我都會長線持有的。

我相信佢現時的股價，已足份反映了佢這刻的企業價值，因此，要再大升不易。

反而應該耐心持有，等企業有更大的成長。

對，有左第一個$100萬後，第2個、第3個，會更快！

至於進階班，是基礎班再接上去的，如果你基礎班跟到大約7成，都可以跟到的。

現時不少潛力股都上左，你見《50優質潛力股》，10隻潛力股中，過半都倍升，所以現時要找已較難。

反而你可考慮安碩恒生科技（3067），這基金可長線。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂，因此，這刻不能大注投資。最好的策略，就是月供，或自行分注小注慢慢收貨，原理如同不斷儲貨，這樣就能平均買入價，減少風險。然後就長線持有。

------------------------------------------------

Q19243：

Hello 龔sir,
你說的恒生科技ETF是3088 還是3032？

龔成老師：

其實有4隻3032/3033/3067/3088

暫時睇，3067管理費較少。

4隻基金都是追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂，因此，這刻不能大注投資。最好的策略，就是月供，或自行分注小注慢慢收貨，原理如同不斷儲貨，這樣就能平均買入價，減少風險。然後就長線持有。

------------------------------------------------

Q19244：

龔sir,可唔可以介紹一下除左上你既股票班可以學到比較全面既企業估值法，你撰寫嘅其中一本書有教到企業估值法？或者有冇介紹？感謝

龔成老師

企業估值，由於要考慮到最新的大環境去進行分析，如果以一本書去表述，會好快變得作用減左，因此，我在企業估值的教學，都集中在股票班。

你都可以睇《股票勝經》又或巴菲特相關的書。

------------------------------------------------

Q19245：

Hi Sir,3913 合景 [email protected] 是新股, 點知坐艇, 一直知阿Sir不贊成投資新股, 所以現停止新股; 想問 阿Sir會有咩策略? 照沽出還是長揸先?

增長力高少少, 睇中1177 自製供股, 已入 7.82@1000, 現價算不算便宜, 值得繼續入手嗎?

Thanks.

龔成老師：

合景悠活（3913）由合景泰富集團（1813）分拆上市，主要在中國從事為住宅物業及商業物業提供綜合物業管理服務，服務包括：

（１）預售管理服務：預售展銷單位和銷售辦事處的清潔、保安及維護等。

（２）物業管理服務：清潔、保安、園藝、維修及維護等。

（３）商業營運服務：服務包括前期規劃與諮詢服務、租戶招攬服務、租戶管理服務及營銷推廣服務等。

（４）增值服務：物業代理服務、家居服務（管家服務、裝潢、拎包入住服務、團購服務。

財務數據顯示這企業的生意增長理想，盈利都不差，不過，上市年期短，財務數據可信程度會減。

長遠發展正面的，不過估值方面就唔平，就價仍在合理區頂水平。如果你貨不多就守住先。

中生（1177）出左業績，比預期差，所以股價都有所回落，都是正常市場情況。

不過，又唔需要太過著重短期業務，一間企業中短期業務總有變化，都好正常，最重要是睇長期。這刻長期分析，又未算差，整體質素無變，長遠仍是有發展的。當然，仍要多觀察之後的業績，先有更立體的情況，但暫時見唔到核心改變。

佢由之前的貴，去翻現價合理區中上部，現價又未到大手時機，相信中短期仍波動，要有心理準備，但長遠無問題的。你有貨可持有，如果加注，要慢慢加，唔好急。

------------------------------------------------

Q19246：

老師，我想問如果而家我儲1萬等跌市，另外用一萬月供，咁月供應該供幾多隻股票同埋比例應該點呢？

我見你d post 多數都係每隻月供約$2000

如果供2隻平平穩增長（盈富/領展/金沙/平安），一隻潛力股（阿里/騰訊）？

龔成老師：

你儲1萬等跌市，另外用一萬月供，方向正確。

至於月供那些股，第一，一定是優質股，第二，要睇你風險承受能力，盈富（2800）是最為平衡的，再加上領展（0823）可以。

至於加一隻潛力股，可以，你可選阿里（9988），如果想建立潛力股組合，考慮安碩恒生科技（3067）都得，月供。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂，因此，這刻不能大注投資。最好的策略，就是月供，或自行分注小注慢慢收貨，原理如同不斷儲貨，這樣就能平均買入價，減少風險。然後就長線持有。

------------------------------------------------

Q19247：

我依家21歲 目標係5年可以有100萬

不過澳門既月供股票唔抵，手續費同倉費都高，我草錢等啱價位小注可以嗎？還是都係月供好啲

龔成老師：

澳門月供的確有點煩，如果真的月供，你應該集中一隻去做月供，只月供盈富（2800）。

又或者，以自己儲錢模式，久不久就以一手手模式買入，由於一手手模式，買入價風險比月供模式為高，因此，你唔好心急入。

你年輕，是財富增長黃金期，好好增加你的知識，同時不斷儲蓄、投資，我相信你一定可以完成目標的。

------------------------------------------------

Q19248：

龔sir 好多謝你甘用心回我的問題，我問其他投資專家一d問題佢地多數唔答或好hea甘答，你真係一位好老師！

講返先，既然投資股票係長線，睇公司既企業質素，唔受短期影響。那麼阿里巴巴9988呢？

佢企業質素唔差，業績有賺有增長，但只係受外圍因素影響，螞蟻，美國果邊打擊，佢既股價由300去到25x -26x，似乎唔知幾耐先上返280 290 300⋯這樣如果在高位持貨是否止蝕再換d近期炒起既股？

如果之前250以下入呢？是否長渣？因為外圍因素往往好影響股價多於企業發展對股價有利好，所以Lee d情況(其實都幾經常發生)影響如何決左持貨中既去留？

龔成老師：

阿里（9988）有質素，有增長力。

佢係業務層面，擁有相當的優勢，不少業務處於壟斷狀態，同時增長理想。加上正不斷發展延伸業務，這都會成為企業增長的潛力，預期增長會持續，這是阿里最大的賣點。

以企業的長期發展計，這股的確優質，但在現價唔算平的情況下，投資值博率只屬中等。

當然，這股增長力強，只要業務與盈利大增，之後就算股價不變，都會慢慢調整到合理的估值區域，所以，這刻不是全無值博率，只是值博率不算好高。

佢最近面對內地監管可能收緊，因此風險度增加左，最大的影響在於螞蟻的貸款業務，這亦是中國叫停上市的其中一個原因。

因為這部分是一些網上的小型貸款業務，增長快，但監管並不如銀行般緊，因此，中央會有更多的監管針對這部分，影響了賺錢能力。

整體上，阿里，長遠仍是有發展，賺錢能力雖然有少少減，但長遠會同政府同議一些監管方法，以及找到合理的賺錢模式，你預阿里$250以下是合理區的頂位，這股可長線。不過，中短期會波動。

如果有貨，可持有，但就唔需要太急加注，如果未有貨，現金足，可以這刻小注，之後跌1成以上再加注。

------------------------------------------------

Q19249：

龔成老師您好！小妺現時35歲！沒父母陰！沒學識！只靠自己！月入2萬！

沒有流動現金！有供樓（每月還款＄10000）！每月使費剛剛好⋯⋯最多只可以有一二千蚊剩下！

股票：
001:3000股（平均價$57）
005:800股（平均價＄58）
388:300股（平均價$250）
700:200股（平均價$280）
868:2000股（平均價$7）
883:10000股（平均價$8.6）
1800:2000股（平均價$16）
2318:1000股（平均價$55）
2338:1000股（平均價$11.5）
2388:2500股（平均價$34）
2858:3000股（平均價$6.5）

叧外有2隻合股到、跌到無眼睇：
340:3000股
1387:200股

因為沒有現金流！所以近來有心儀的都無錢買！我想問我應該怎樣整合部署？

另外！我有一份月供$1800的保險，但沒有儲蓄成份！
要改為有儲蓄成份的會比較好嗎？（我另外有買一份保險基金月供$1500）

懇請龔成老師比意見小妹！
感謝萬分！

龔成老師︰

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你年紀計，應著重增值方面。匯控（0005）只係收息股，唔適合，故不要再加注。

中國交通建設（1800）、中海油（0883）、易鑫集團（2858）和濰柴動力（2338）增長力唔強，又未能去到最高質類別，建議唔好持有太多。

潼關黃金（0340）和中國地利（1387）質素欠佳，應盡快沽出。

保險方面，買足夠保障就可以，唔需要儲蓄成份。

而基金方面，你都要了解翻佢質素和升值能力。你可以用盈富（2800）作比較，佢年平均增長約10%（連股息再投資），去決定維持這基金，還是轉投至其他優質股。

現時你儲蓄唔多，但可以先用佢來月供盈富（2800），令你財富可以維持升值能力。長線計，你要想辦法令自己可用資金增加（如做兼職、減開支等），去提升財富增值效果。

------------------------------------------------

Q19250：

老師，我覺得自己做錯決定

我新股抽左中通快遞@218 一手
但第二日見佢直插多10幾%
就已經放左，後來好後悔太衝動！點知可以保持心態！

阿里巴巴又係196 時買！210 又放左！宜家見佢就直上$300

成日覺得自己做錯決定⋯
謝謝老師

龔成老師：

其實，中通快遞（2057）都有質素。又唔需要太過擔心。

睇翻佢的資料，佢係中國較領先的快遞公司，於2002年成立，按總包裹量計是中國領先的快遞服務供應商，市佔率約2成，佢通過全國性網絡提供送件服務，以及其他增值物流服務。

佢的網絡基礎設施，由90個分揀中心與282條自動化分揀線，由約9,050輛自營幹線車輛服務超過3,400條幹線線路組成，網絡覆蓋全中國。

至於財務數據方面，生意與盈利都不差，不過，始終新上市數據未必好準，要慢慢先見真章。現價平就唔平貴，不過有發展的，如果小注無問題的，這股值得長線。

你有幾樣野要學習：

1）明白買股是企業，要經過仔細分析，試下每次買股票前，都逼自己寫下份簡單報告，寫低買入的理由，這公司的質素，投資策略等。

2）你要用長期的角度分析，我見你只集中在短期股價，你要改正翻。

3）唔好升少少就賣，這是散戶經常犯的錯，要長線投資。

------------------------------------------------

Q19251：

老師：你好！想請教你我月供2800、66打算加新經濟股9988和268好嗎？麻煩你

龔成老師︰

這個要視乎你年紀，如果你偏年青，加入一些潛力股係可以。但你若較中年，這些股票就不宜持有太多。

月供方面，阿里巴巴（9988）係可以。但金碟（0268）就太貴，暫時不宜做月供。另外，以下都係一些有質素的潛力股，給你參考。

安碩恒生科技（3067）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園（1448）。

------------------------------------------------

Q19252：

你好 老師，想請教應該幾時止賺/止蝕？ 現持有（1585）賺，（285）賺及（2013）蝕，我個人認為每隻都係長線，有發展，但如果一直keep著唔放，可能短期內突然急挫

咁就錯過當中既賺取，我應該先賺取一部份等下降少少先再入手還是一直持有？謝謝

一直持有是否係因為滾利息？

龔成老師︰

我地是否持有一隻股票，唔應該睇佢個股價，而係要用個企業質素去做決定。就算中短期下跌，只要質素無變，照持有都無問題。

至於你講出現下挫，會令自己失去賺錢機會，這個想法不正確。因為我地唔應該去"估走勢"，無人知你沽左貨之後，會唔會一如你預期咁再跌，佢可能會反而大升，到時你就會進退失據。

只要企業有質素，長線持有才會對你最有利。

一直持有和複利無關，複利息模式一定要有「再投資」的動作，即收到股息後，進行再投資，可以投資原有股票，又或其他優質股，從而得到再增值效果。

你3隻持股都有質素，但雅迪控股（1585）負債唔輕，而微盟集團（2013）盈利和股價上佢都幾波動。此2隻股可投資，但只宜小注。

------------------------------------------------

Q19253：

新手一問，請問7299係未好似港股咁玩？同埋係未要轉倉？

如果想玩金做中長線咁投資可以嗎？

龔成老師︰

ＦＬ二南方黃金（7299），當中有槓杆成份，要留意風險。升的時候你會賺多左，但跌時候你損失同樣會係雙倍。

另外，你要明白黃金是沒有現金流的，持有無法創造出經濟價值。我地買佢主要作用，是對沖黑天鵝事件。

所以，投資黃金係可以，但不用佔財富比例太多（<3%），而且持有的應該為實金。

你買賣如同買賣股票般進行就得。

------------------------------------------------

Q19254：

老師你好，我想問下呢～ 因為2013（12.8有貨），1313（12.12有貨），1478（8.9有貨）

呢啲全部都高位入左，其實而家佢哋跌到咁低，係咪可以溝貨會好啲？

另外想請問2800，合理價係幾錢？謝謝

龔成老師︰

首先，你現明白溝貨與分注是不同的。溝貨是愈跌愈入，同時不理企業質素，不理自己的設定金額，盲目去入。分注則是「一早定好買入策略，一早定好本金總數，並以有策略的模式進行」。

如果你係"分注"的話，你可因應平貴和質素，去進行。若是"溝貨"，就不是再入貨，因為再平，都只會令你增加風險。

微盟集團（2013）雖然跌左唔少，但估值依然係貴，唔好加注住。

華潤水泥控股（1313）有質素的，不過業務就較有波動，佢過往的盈利數據上落都大，因此股價的變大亦會較大。

此股長遠是正面，但就要留意股價上落會較大。現價加注都可以，但要控制注碼，唔好佔組合太多。

丘鈦科技（1478）本身唔算差，前景不過不失，但市場估值的變化就相當大，當企業有不同的消息，都會對股價有一定的影響。

整體來說，不過不失，波動是這股最大的風險。而價算係合理區，可分注，但只宜小注。

盈富（2800）己在合理區，可分注儲貨。

------------------------------------------------

Q19255：

1）恒地（0012）同長和（001）、長實（006）息率差不多，但見老師通常推介月供恒地

好似未見過提長和系，兩者業務發展有好大分別？

2）最近在天星銀行提左一筆20萬私人貸款，60日內還完全免息

請問有冇最低風險、最高回報方法運用呢20萬？例如做定期？

謝謝

龔成老師︰

1） 恆基（0012）是有質素的股票，佢是全港持有最多農地的發展商，長遠的價值一定會慢慢釋放。相比長和系2隻股票，佢潛力會較高。

而長建（1038）主要做基建，長和（0001）則是大型綜合企業，包括基建、碼頭、電訊等。2者同樣有質素，但潛力不及恆基。

2） 60日係一個極短時間，就算投資最保守的優質股，都會有出現波動機會。

因此，你只可以做最保守架事，就係做定期。

------------------------------------------------

Q19256：

老師你好，我報左你黎緊的堂
但係有D問題想係上堂之前問左你先

A. 我現時持有
1. 復星國際656 入市價$9 4000股
2. 中國鐵塔788 入市價$1.41 20000股
我應該繼續持有嗎？

B. 現時政府提供的百分百擔保特惠貸款
我大概可以借50萬
我應該借回來之後作一些低風險投資賺取差價嗎

因為看你的書說說不要借貸投資
但這個息口真的不高，所以想再聽聽你的意見

C. 有什麼財經節目可以介紹以增進投資知識？
我有多年看十點無綫財經

但看過你的書之後就覺得所謂的專家都是今天講升明天睇跌

所以想找更實際的方式增值自己

謝謝，股票班見！

龔成老師︰

A） 你要明白一個概念，我地持有一隻股票與否，關鍵位是企業質素、前景，不要被買入價影響。

復星國際（0656）不算差，質素都算有，但不算好強。但業務如醫藥、健康產品，會有較大的業務波動，同時在中國經濟轉弱下，中短期會有影響，因此業務因素令股價受壓。

此股都有質素係度，如果佢佔你組合唔算太多，可以守，但預佢中短期內都會較弱。

中國鐵塔（0788）有質素的，這股本身有質素、有前景，中國的3大電訊巨頭，都是佢的主要客戶，以及大股東，當5G發展，佢一定會受惠，因此前景仍然正面。

股本回報率不高，是這股較弱的地方。行業上，佢係有壟斷優勢，而且中國5G和未來發展成數字大國架策略，都會對佢有利。此股係有發展潛力，你買入價合理，長線持有就可以。

B） "借貨"係投資中最後皇牌，去到係好明顯機會才會用。雖然透過借貸投資，從中賺取息差，是可以。

但現時大市只在合理區，未算好平，會有較大機會出現「賺息蝕價」的情況，令你計劃得不償失，你要明白有這個風險。

C）我地最重要是得到「資訊」，不是「意見」，財經新聞、每日新聞，你要睇，但你要懂得分析佢所講的野有無用。

我花最多時間，就是睇企業年報，一定有用過你不斷聽無聊意見。當然，基本的新聞與財經都要睇。

股票班見！

------------------------------------------------

Q19257：

老師你好，点睇1302.先健科技，522.AsM太平洋，两只的合理区与平价是多少，

現价觉得有点貴，特别是1302.現在看股票勝经。。如果有不明白再问你。

哪些网站选股比较好？
感激

龔成老師︰

先健科技（1302）為心血管及周邊血管疾病及紊亂所用先進微創介入醫療器械的研發、製造及營銷商，主要提供先天性心臟缺損封堵器（包括ＨｅａｒｔＲ、Ｃｅｒａ及ＣｅｒａＦｌｅｘ等三代系列）。

雖然近年生意都有增長，都有潛力，但始終規模細，不確定性較高，業務可能有潛力，但現時的市盈率處高水平，值博率較一般。

要回到合理區，最少要回較多先算。而且此股盈利都好波動，只宜小注投資。

ASM PACIFIC（0522）有質素的。佢業務為設計、製造及銷售半導體工業所用之器材、工具及物料，以及表面貼裝技術配置機。於湯森路透的報告中，ASM被選為全球百大科技領導企業之一。

這企業有一定的實力，而且增長力不錯，財務數據正面，行業前景正面，因此有投資價值。

不過，從過往的數據可見，業務都有略為波動的情況，始終這類科技行業的變化較大，存有不確定性，你要留意這點。

估值方面，現價算是合理區頂部。由於這企業規模已經龐大，你預佢比較難有高速增長。而且業務都有波動，不宜大注。

如果你想睇基本股票資料，一般投資網站都好足夠。但如果係選股，我地係要從佢多方面去分析，好似企業質素、行業前景、財務狀況等。至於選股網站，我在課堂中會具體教。

------------------------------------------------

Q19258：

老師你好，以下股票我持有多年，因之前不懂得管理，已蝕接近5成

請問那些我應該繼續持有，那些需換馬？ 可以給我一些換馬的建議嗎？。

跟你的方向投資了半年，已有小成，十分感謝！

6820 友誼時光 4000股
1538 中奧到家 6000
656 復星國際 1000
1476 恒投証券 2000
2139 甘肅銀行 4000
2858 易鑫 500

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。我地先睇翻企業本身質素，如果係優質，咁這些中短期波動，我地係唔需要理會。

FRIENDTIMES（6820）係是中國的手機遊戲開發商、發行商及營運商，專注於女性玩家的手機遊戲。

除發行自主開發的遊戲外，佢亦通過第三方分銷平台發行及營運第三方開發的遊戲，以及授權第三方發行商於海外市場發行及營運集團的遊戲。

見佢增長快速，佢這類公司的風險高，加上上市不久，根本不知佢的真實情況。因此，這股業務有發展，但同樣有風險，只宜小注。

中奧到家（1538）都可以考慮的，這股的業務都穩定，只是規模較細，加上背景方面不算強，令增長力不及其他大型物管企業。

現價合理，不過要留意股價較波動，未必適合投資太大注。

復星國際（0656）不算差，質素都算有，但你預佢中短期會較弱。

恒投証券（1476）主要從事證券承銷及保薦、證券及金融產品、證券及期貨經紀代銷等業務。

睇佢過往盈利都好波動，而且賺錢能力唔算強，整體質素一般。佢唔係完全無質素，但長線計，你慢慢換碼至其他優質股會較理想。

甘肅銀行（2139）同樣係質素一般，近年賺錢能力有變壞情況。長線計，換碼至其他優質股較好。

易鑫集團（2858）企業基本上仍處於燒銀紙的狀態，這類股風險較高，不過，我唔敢話佢完全無潛力。

這類股估值難，不確定性較高，只可以話，如果佢佔你組合不多，持有係可以，但暫時我未能確定佢業務真的向好。

換碼方面，如果你係年青至中年，以下股票都可以。如果你唔係咁認識以下股票，你可以換至盈富（2800），佢係包括52間質素不錯上市公司股票的組合，值得你投資。

平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、粵海（0270）、領展（0823）。

增長力較強的，可選安碩恒生科技（3067）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園（1448）。但佢地波動性和風險會較高，你要自己平衡。

------------------------------------------------

Q19259：

想問下中芯國際（981）依家適唔適合買
見到有師兄講摩根都有買入

同埋9988 255買入，應該繼續留嗎
感謝

龔成老師：

中芯國際（0981）業務有增長力，但未必能稱為好優質的股。

睇翻佢過往的業務情況，雖然仍每年的生意都有增長，但盈利就有波動，反映雖然大環境的市場在增長中，但佢的成本與售價，就未必在佢掌握的範圍，最後造成盈利波動的結果。

雖然這股都有前景，但以佢面對的情況，但好難將佢定義為最優質的股票。

加上此股近年升了不少，就算有所回落都唔算貴，加上之前熱炒過，股價大上大落，投資要注意風險。這股唔建議大注。

阿里（9988）面對內地監管可能收緊，因此風險度增加左，最大的影響在於螞蟻的貸款業務，這亦是中國叫停上市的其中一個原因。

因為這部分是一些網上的小型貸款業務，增長快，但監管並不如銀行般緊，因此，中央會有更多的監管針對這部分，影響了賺錢能力。

整體上，阿里，長遠仍是有發展，賺錢能力雖然有少少減，但長遠會同政府同議一些監管方法，以及找到合理的賺錢模式，你預阿里$250以下是合理區的頂位，這股可長線。不過，中短期會波動。

如果有貨，可持有，但就唔需要太急加注，如果未有貨，現金足，可以這刻小注，之後跌1成以上再加注。

你有貨可守，但未必要太急加注。

------------------------------------------------

Q19260：

請問你認為1066 威高屬於優質股嗎？
現在合理區？

龔成老師：

威高股份（1066）都有質素的，不過業務有少少波動。

佢主要從事研發、生產及銷售醫療器械產品、骨科產品、介入產品、藥品包裝產品及血液管理產品，以及於中國經營融資租賃及保理業務。

長遠有一定的發展，不過毛利變化較大，盈利有不確定性。雖然有長線投資價值，但股價較波動，以及經常都貴。

你預現價合理區頂，小注好了。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

10/14 Bloomberg新聞摘要

<美洲新聞>
民調持續落後民主黨總統候選人拜登 美國總統川普對參院的掌控能力逐漸消失中
候選大法官巴瑞特在聽證會上的答辯 讓民主黨找不到可以反對她的理由
卡內基國際和平基金會調查指 72%的印度裔登記選民都將投給拜登 22%投給川普
紐約郵報報導 民主黨總統候選人拜登透過兒子介紹認識烏克蘭能源公司資深高管
摩根史坦利建議投資人多關注美國參院選舉 參院選舉將是財政政策的關鍵
蘋果新一代iPhone12的5G系列 因為價格較低且尺寸多變贏得市場掌聲
世界銀行通過一筆120億美元疫情方案 支援開發中國家購買或開發新冠疫苗
人體實驗出現安全性問題 禮來藥廠暫停新冠抗體療程的第三階段實驗
嬌生候選疫苗被迫暫停最後階段人體實驗 引發憂慮新冠疫苗的開發是否衝的太快
美眾院議長裴洛西和參院多數黨領袖麥康奈對新刺激方案立場對峙 選前通過的機率不高
美國雞肉供應巨頭PPC集團涉及操控雞肉價格 與美國司法部和解支付1.1億美元罰款

<歐洲新聞>
英國不會立即退出脫歐協議談判 首相強森預計歐盟高峰會後再決定
英國不放棄脫歐協議談判 英鎊兌美元和歐元雙雙應聲升值
研究指出如果英國最終未達成脫歐協議　義大利出口商恐受重創明年萎縮12.1%
英相強森啟動三級防疫 反對派工黨與政府科學家要的是全國性的「熔斷」封鎖
OECD(經合組織)警告英國今年經濟成長率將萎縮逾10% 2021年也將只限部分復甦
尋找疫情解套 德國總理梅克爾諮詢地方首長 法國總統馬克洪也將電視演說宣布更嚴格措施
德國五大研究機構經濟前景雙年報告 2020預估萎縮5.4% 2021年預估成長4.7%
義大利2021年預算草案 有意將無薪假補助計劃再延長18周
俄羅斯反對派領袖納瓦尼毒殺案 歐盟打算將相關6人列入黑名單
俄羅斯不接受美國凍結核武庫的聲明 拒絕在美大選前商討《新削減戰略武器條約》
荷蘭總理下達"部分"封鎖令 酒吧和餐飲場所八點前關門並呼籲大家避免搭乘大眾交通工具
英國軍情五處(MI5)首長稱英國會"做更多" 來嚴防中國對英國智財權的侵害

<亞非中東新聞>
深圳經濟特區40周年慶 大陸國家主席習近平賦予深圳自主權成為大灣區引擎
中美科技戰升溫 陸國家主席習近平為全球影響力尋求"創新高地"
大陸青島周日通報12人群聚感染新冠病毒 全市950萬人將進行普篩
吉爾吉斯總統向壓力屈服 國會通過剛從牢裡出來的反對領袖為新任總理
糧食價格上揚加上新冠疫情惡化 約旦、巴基斯坦和埃及等國開始加大糧食購買量
標普全球評級指出新冠疫情加上油價處於低檔 海灣國家金融機構進入薄利時代
以色列OPC能源集團擬挹注2億美元 投資美國的太陽能計劃
富士康須要承認在威斯康辛州的失敗 要擘劃出往未來前進之路必須先解決過去
日本ANA航空從五個機構共取得38億美元次貸 用以攤平因新冠疫情遭受的損失