雖然這篇搵啲野寫歌詞鄉民發文沒有被收入到精華區:在搵啲野寫歌詞這個話題中,我們另外找到其它相關的精選爆讚文章
在 搵啲野寫歌詞產品中有24篇Facebook貼文,粉絲數超過0的網紅,也在其Facebook貼文中提到, [記得四哥發哥都已見過面。後來榮升主角太突然](*)Dear, write some god damn thing TLDR:下個月開始,《信報財經月刊》有我。記得買。 1. 我有無數咁多古怪嘅寫作習慣。其中一個唔少人知,就係我篇文寫乜都未知,幾時會有都未知,但一早會有個題。例如我篇《楊枝甘露的...
搵啲野寫歌詞 在 丹尼爾·海的兩三事 Instagram 的最佳貼文
2021-07-09 13:37:37
【盛夏友晴天 算係近年迪士尼最差嘅卡通電影?!】 ……🚨含少量劇透…….. 我係迪士尼個page見到以下呢啲comment: 1.【剛睇完,都算好睇,劇情一般下,覺得編寫的跟島上孩子完全無溝通,只根女角有直線聯係,只是三個人同魚的相遇,比賽又無刺激感。】 2.(票房冠軍) 【只因呢排無其他戲睇… 其...
搵啲野寫歌詞 在 kwangorrrrrr Instagram 的最讚貼文
2021-03-13 21:51:08
🗻 Day13 比天氣預報呃左既天陰第13日十一點出發 琴晚飲多左所以買左個飯團同拿鐵解酒當早餐 今日同平時一樣一路行一路寫歌 一路篤住支行山杖一路寫歌詞既時候 突然間好順口咁唱左 「如累了 請你相信只要捱下去」 果一刻唔知點解啲眼淚係咁流出黎 我喊住笑自己做乜咁白痴咁小學雞既歌詞都可以喊到咁 原...
搵啲野寫歌詞 在 ?????? Instagram 的精選貼文
2020-11-02 11:55:17
喂黎嘉駿 想同你講多次野呀okay呀可 未呀未接受到,好似好近,又好似好遠 「其實佢真係好錫你」 我知呀我真係知,冇人比我更清楚你點對我 啲cap圖只係好少好少部分,我就係要同所有人講 你對我幾好 但我係憎你鬧我呀我係唔想比你話呀吹呀! 我嬲呀好嬲呀,但你話你會無限次原諒我 仲有呀,我都唔多喊 ...
搵啲野寫歌詞 在 Facebook 的最讚貼文
[記得四哥發哥都已見過面。後來榮升主角太突然](*)Dear, write some god damn thing
TLDR:下個月開始,《信報財經月刊》有我。記得買。
1. 我有無數咁多古怪嘅寫作習慣。其中一個唔少人知,就係我篇文寫乜都未知,幾時會有都未知,但一早會有個題。例如我篇《楊枝甘露的誕生》,聽講係愛情小說,寫咗廿幾年只係得個題。《第一次的親密接觸》嘅作者痞子蔡都有呢個習慣,小說一定有咗個題先,然後先寫。
2. 我更進一步,十幾廿年前已經會有個題,等件事發生。好似門捷列夫個元素週期表咁(Periodic table,啲化學畀返晒老師未?)。同你估嘅唔同,當年佢整個表嗰時,唔係列晒1—100出嚟,當時唔少元素根本未被發現。但佢一早留定位,知道會有一個咁特性嘅元素,一直都在,只等你發現。後來果然後人就發現到嗰啲元素,性質同佢預期嘅差不多一樣,成件事實在型到不得了(**)
3. 當然我唔係門捷列夫,我不能確定呢一日會發生。可能十年,三十年,甚至死嗰日都唔會有。因為涉及太多嘢。但總之,呢篇文個題,係我好多年前已經諗的,just in case.而家就可以解封了。
4. 忘掉那一天,記不起是那年,但應該係好早期,我甚至未做金融。有一年,我在書展,見到有個唔靚仔嘅瘦皮猴,推銷緊佢本新書,好似唔太多人理佢。佢話可以幫我簽名
5. 嗰個,就係龔耀輝。
6. 後來嘅事,係我開始打銀行工,開始睇《信報》。一來公司有,二來Reuters部機上面有。
7. You are what you read,最早期我可能受陶傑張小嫻影響,後來我就受游清源影響。金融方面,當然就係睇《信報》時,蔡東豪同龔耀輝。
8. 等我懷念下當年,circa 2004 -2006,我在美國銀行大廈返工(蕉行嘛)(***),閒唔時就係睇下《信報》,就係睇佢幾位老哥。當時我成日午餐就在和記大廈(已拆)間星巴克,記得嗰時個姐姐認得我,我漏低咗嘢幫我keep住,仲手寫住我個名(星巴克姐姐知你個名有幾奇?我又唔會用假名)。硬係覺得嗰時嘅人心好啲,星巴克啲女都靚啲。定只係嗰時後生,入世未深?
9. 無論如何,嗰時我就心諗。嘩,幾時有一日到我會寫《信報》?
10. 至少在2000年時,我已經發夢在報紙在專欄作家。當時厚著面皮厚著包皮咁電郵某人請教,仲畀佢第日在專欄串我。但,佢講得冇錯嘅係,write some god damn thing(唔係原文).呢個亦係我而家叫啲小朋友做嘅嘢。
11. 時間飛到去大約十年前,《信報》搞咗個「動筆動思考」嘅東西。作家培瞓,或者當搵新血咁。當時我在耆英已撈得不錯,但寫作嘅事業,等於零。
12. 而去到呢個位,我實在so gay都要講。我大學年代識嘅嗰位網友,已經實現咗自己嘅夢想(算係?),在有線講咗波好多年。佢點入行架呢?正係參加咗有線嘅比賽。我仲要係睇住嗰場比賽,甚至記得佢係講曼聯對車路士。舊年同佢食飯講起,佢當然完全唔記得呢件事。
13. 不能話受佢影響,因為當時佢已經講咗好多年。但總之,「動筆動思考」壇嘢,我就覺得自己都係要write some god damn thing,寫咗篇文去。三十歲那日不要臉,參加了挑戰
14. 有圖有真相,我都唔知我仲keep住呢個email
15. 結果?我有個朋友入圍(唔係寫金融的),本人當然名落孫山。明顯寫得未夠好,或者緣份未到。
16. 又或者,係未夠努力。
17. 當年某評審睇咗我篇文,問我有冇啲正經啲嘅(陰功,我以為嗰篇已經好正經!)。正常真係好飢饑嘅人,應該會寫多篇。但我好似只係回佢:冇喎,這是我的風格。(唔肯定有冇第二句)
18. 咁,who cares你咩風格?邊位?
19. 況且,Let’s be frank,機會成本。我由中學開始已經鍾意寫嘢,但畢竟你鍾意唱歌同你去紅館開演唱會係兩回事,你鍾意踢波同你去咗奧脫福踢一隊又係兩回事。
20. 正如上面講,當時我在耆英都撈得不錯。當然都熱愛寫作,但我都熱愛空姐(誰不愛),但我總不會日日走去約空姐,對不?唔使返工咩。咁我摶上位升職加人工緊要,定寫文緊要?
21. 你可以話即係我未夠熱愛,或者寫得未夠好,總之whatever,就又過咗十幾年。媽的,人生有幾多個十幾年?
22. 但生命嘅嘢真係唔係一條直線,卒之2021年,《信報財經月刊》,搵我寫嘢!
23. 我唔記得係「四哥」定「發哥」講(懶FC了),當年《信報》搵佢寫文,佢嘅反應係「𦧲飯應」(原文照錄)。亦係我早兩星期嘅心情。
24. 講多無謂,write some god damn thing.稿已交,講日本股票。10月頭會出版,到時記得買。最開心係佢地可以畀我寫三千字。
25. 當然啦,如今我四十看從前,枝筆已鬆軟。「四哥」「發哥」都冇再在《信報》寫文。但唔緊要,依然仲有好多好嘅作者。唔係講我啦。你也可以是孔少林,我們都是原復生。
26. 彩蛋:當年,2006,唔知「四哥」定「發哥」在《信報》,貼中意大利拎冠軍,鳩威咗一排。今年,2021年,本人一樣貼中意大利拎冠軍!固然都係七分好彩,但,至少寫波,我就應該勝過「四哥」「發哥」了。
27. 彩蛋二:居然畀我搵得返當年掟去嗰兩篇稿,不如遲下貼上嚟?而家睇返,「都唔係真係咁差啫」,「咪同我而家啲文差不多」。證明我過去十幾年都冇乜進步過,但可能啲讀者品味越嚟越低,造就我都有人睇。又或者「四哥」「發哥」等等收晒山,池中無魚蝦自大,廖化作先鋒咁。
(*)都係鍾意高登改版多啲。「記得飯島 松島 都已見過面 後來榮升主角太突然」。原諒我騎劫咗一個應該相當文藝中產嘅post,但,唔通中產文青唔睇AV?早兩年我去到松島(牛舌!)打卡亦都係貼呢句歌詞。不過in case anyone care,我係既唔睇飯島,亦唔睇松島嘅。甚至三上悠亞 波多野結衣我都係唔睇的。懶係唔跟主流嘛,由呢啲嘢都睇得出。但又不過,你見我買股票又係買返 Facebook Microsoft 等等,主流到唔主流,所以唔好輕易將 「平時嘅口味」同投資嘅性格撈埋嚟講。正如跑馬拉松嘅人,未必買股票有恒心。運動員在場上可以受壓,可以超高心理質素,但唔等於唔會有心理問題,唔會亂買嘢傾家蕩產。世界唔係咁簡單
(**)好多書有講,例如呢本(https://bityl.co/8eCm)
(***)無獨有偶,嗰時我去耆英證券見工,都係嗰度!仲要係樓上!「所以唔使請假見工」。最正係我take咗佢地offer嗰日,放工就撞到後來嘅鬼頭上司同我一齊迫電梯。
==============
已烴2000人訂!多謝大家!Two thousand people can't be wrong!(扯,幾百萬人冇訂添!).下一個目標當然係攞你命3000!
==============
月頭訂最抵!一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100. 畀年費仲有85折,20/40年費VIP 送本人著作一本。
搵啲野寫歌詞 在 Facebook 的最佳貼文
【盛夏友晴天 算係近年迪士尼最差嘅卡通電影?!】
……🚨含少量劇透……..
我係迪士尼個page見到以下呢啲comment:
1.【剛睇完,都算好睇,劇情一般下,覺得編寫的跟島上孩子完全無溝通,只根女角有直線聯係,只是三個人同魚的相遇,比賽又無刺激感。】
2.(票房冠軍) 【只因呢排無其他戲睇… 其實主線好雜亂】
3.【睇左 算係近年迪士尼最差既卡通電影 水準大幅下降
比之前彼思動畫,喱部差少少】
4.【小朋友睇會覺得唔錯。嬉嬉哈哈 講下友情。重色輕友。
非常非常平庸。沒出色之處。 跟inside out 和 coco 差了幾十個馬位。】
樂壇點解會『已死』?
就係因為香港人好鍾意用以前嘅好做比較
八九十年代啲歌好聽…所以而家啲歌就唔好聽
《Inside out / coco 》太出色…所以新嘅就唔好睇
點解一定要咁比較?佢又唔係續作…又冇關連
如果拍返《inside out 2》你又會話炒冷飯
所以PIXAR好明題係想玩一啲完全唔同 新鮮嘅主題
之前幾套都好複雜 好meaningful
今次就玩小品簡單 我自己就覺得好清新
年頭已經有一套《soul 》
年中再嚟多套 我就會覺得佢將成功方程式不停重複
新海誠《天氣之子》 又係好複雜好多野講
反而咁簡單嘅卡通真係好耐冇睇
雖然Mirror同Error都係ViuTV出品
但你唔可以咁樣比較 因為路線唔同
《Inside out》 同《Luca》亦一樣
我唔明點解主角要跟島上孩子溝通??
島上居民得幾個作用
1.擾亂父母 2.畀父母攪攪陣 3.最後跳起yeah同BBQ
人類根本就係得嗰死飛仔 爸爸 同 茱莉亞 有作用
其他根本係茄喱啡
比賽唔刺激咩?比賽刺激唔係在於比賽本身
係在於路卡點樣完成比賽之餘 又唔好畀人發現佢係海獸
落雨唔刺激咩?好刺激喎!
我本身係以為有人潑佢水咋 點知玩到落大雨咁激
之後嗰幕英雄救美仲好浪漫添
有人又話悶 有人又話主線太亂???
套戲就係太簡單 所以先會有人覺得悶
主線亂?
主線就係得兩個主角想贏比賽
而茱莉亞只想贏返次比賽 所以一齊組隊
另一邊路卡父母想搵返個仔
~完~
個故事仲簡單過《Finding Nemo》
邊到亂?(黑人問號)
Warrior 一定好聽過BOSS
歌詞又有意思 我一定鍾意Warrior多啲
但我第一次聽到BOSS嘅時候
係覺得開心 因為曲風好新鮮 有別於Mirror之前所有歌
而隻舞都係 成個感覺好好玩好輕鬆
歌同戲都係一樣
聽得多 睇得多 都想轉變創作風格
作為觀眾聽眾 唔好一嚟就話差過之前好多 今次唔得 乜乜乜
Luca 係近年迪士尼最差嘅電影????
我又唔覺
咁1/2的魔法/魔海奇緣呢?
其實我覺得《Luca》仲好睇過《Toy Story 4》
呢套戲簡單到冇乜金句
有都可能係『你喺到搞咩呀?你個蠢材!』(誤)
戲入面想講嘅 主角們 已經用行動做咗出嚟
好鍾意903 DJ阿檸寫嘅呢句「希望大家捉緊自己個艾伯圖」
有一個好似艾伯圖咁嘅朋友真係好難得
處處為你著想 佢嘅世界你係佢嘅唯一
如果你有 就要好好珍惜
p.s.我唔排除真係有人覺得唔好睇 同前作無關
但好多人都係睇完人comment先決定睇唔睇
如果見到樓上個啲comment 真係唔會敢去睇!
——————————————
#盛夏友晴天 #Luca #迪士尼 #彼思動畫 #pixar #disney #海獸 #友情 #冒險 #偉士牌 #Alberto #路卡 #艾伯圖 #電影 #卡通 #影評 #平反
搵啲野寫歌詞 在 吳業坤 Ng Yip Kwan Facebook 的最佳貼文
🗻
Day13
比天氣預報呃左既天陰第13日十一點出發
琴晚飲多左所以買左個飯團同拿鐵解酒當早餐
今日同平時一樣一路行一路寫歌
一路篤住支行山杖一路寫歌詞既時候
突然間好順口咁唱左
「如累了 請你相信只要捱下去」
果一刻唔知點解啲眼淚係咁流出黎
我喊住笑自己做乜咁白痴咁小學雞既歌詞都可以喊到咁
原來雖然好簡單但係確確實實唱出左呢一刻最真實既感情
一直以黎人生都係幾攰都好其實無退路亦無捷徑
方向對 捱下去 期望過既一定會出現係眼前(頓悟)
然後真心一抬頭就望到本身今日無諗住見到既富士山
果下我好似傻左咁係咁對住佢講:「 好靚好靚好靚真係好靚多謝你多謝你」
繼續一路行一路笑一路喊足足一個鐘(有影低但太Mk唔Po)
我諗呢個就係「痛著笑 笑著哭 到蒼老」
再搵到個位同佢合照然後好快就天氣差唔見左了
如果唔係琴日突然行小啲今日唔會有咁既體會
真係好耐無喊過(對上一次係坐小巴去做gym時聽住小句號諗起十年經歷過既野)
行多陣食個飯開始落雨而且沿路都係工廠幾悶
特登行左陣海邊但開始入夜同大雨行番去馬路
去便利店食左個杯面著番衫再發現原來有帶姐
一直衝一直衝踩水氹濕哂最後八點半到!
係酒店間バー同啲叔父傾下計又一日完結
我諗到左第十三日終於頓悟到今次既意義
點辛苦都好一齊努力💪🏻
番黎唱比大家聽
東海道五十三次十三日目
蒲原宿➡️吉原宿➡️原宿➡️沼津駅
約26km
📷Facebook有多啲相
🌈Ig story就好多廢片(今日少左)
#東海道五十三次
#gogokwangortokaido
#tokaido53