突然間,有個靚女追我(上)
.
我叫陳小凡,今年二十歲,如果要用兩個字嚟形容我,就係「平凡」。
.
如果可以加多兩個字,我會用「窮」同「醜」。
.
至於女朋友,我非常清楚,這些機會不是屬於我的,所以亦都無俾人呃去做facial,或者成為觀音兵之類。
. ,
我嘅生活好枯燥,就係返學同返兼職。
.
...
突然間,有個靚女追我(上)
.
我叫陳小凡,今年二十歲,如果要用兩個字嚟形容我,就係「平凡」。
.
如果可以加多兩個字,我會用「窮」同「醜」。
.
至於女朋友,我非常清楚,這些機會不是屬於我的,所以亦都無俾人呃去做facial,或者成為觀音兵之類。
. ,
我嘅生活好枯燥,就係返學同返兼職。
.
嗰日喺學校,有個女仔行路唔小心,迎面撞落我度。
.
佢回過神來,用一雙水汪汪嘅眼睛望住我:「對唔住啊,你無事丫嘛?」
.
佢好靚女,我心中默念「這些機會不是屬於我的」,然後平靜地搖頭:「無事。」
. ,
點知靚女話:「我叫詩詩,我哋咁有緣,不如留個電話啊。」
.
「吓?」我呆咗。
.
「或者我留電話畀你,或者加FB、IG都得㗎。」詩詩非常主動。
.
喺詩詩嘅熱情下,我都留低咗聯絡方法。
. ,
自此之後,詩詩每日對我噓寒問暖,秒回訊息,主動約我睇戲食飯,仲買埋戲飛。
.
唔止咁,睇戲睇到恐怖位,詩詩仲乘機攬住我,細細聲喺我耳邊講:「好驚啊。」
.
我心猿意馬,但心底仍保持一絲冷靜。
.
食飯嗰陣,我老實同詩詩講,我屋企好窮,學費都係Grant loan。
.
詩詩依舊笑靨如花,對我好熱情,仲鼓勵我話我一定會成功。
. ,
以我嘅財貌,真係會有靚女主動追我?
.
我覺得呢個人相當有嫌疑,唔通想呃我買倫敦金?
.
我試探性咁講:「你平時鍾唔鍾意投資㗎?」
.
「投資,我唔識啊。」詩詩突然望住我:「你係咪想投資?」
.
我笑一笑:「講吓啫,都話我無錢。」
. ,
「我都儲咗幾萬蚊啊,不如我畀你,你拎去投資......你等等。」
詩詩居然轉身就走,跑去附近嘅櫃員機度,撳晒啲錢出嚟,然後塞畀我。
.
我完全反應唔到,詩詩仲安慰我:「蝕晒都唔緊要㗎,當練習吓囉。」
.
「我唔可以要你啲錢。」我當然拒絕。
.
詩詩神情委屈:「你係咪嫌太少啊?對唔住啊......」
.
我哋爭持咗好耐,詩詩先肯收番啲錢。
. ,
無幾耐,詩詩就向我表白。
.
女追男,隔層紗,喺佢嘅熱情攻勢下,我好快就淪陷咗,當然我心底都保持警惕。
.
但係,詩詩真係一個完美嘅女朋友,千依百順,從來唔用我嘅錢,食飯都爭住埋單。
.
我慢慢都無再懷疑,可能我命中注定,姻緣就係咁好呢。
. ,
我大學一畢業,詩詩就提出要結婚。
.
「我都好想娶你,但我仲未有經濟基礎,又買唔起樓。」我皺眉。
.
詩詩答:「駛乜買樓,租咪得囉。」
.
「租金都好貴。」
.
「你依加咪租緊間劏房,我搬入去同你一齊住。」
詩詩雙眼發光:「放心,我無咩行李,唔會佔你好多位。」
.
我仲有啲猶豫:「咁仲有婚禮嘅花費......」
.
「註冊就得啦,乜嘢擺酒婚紗都係身外物,最緊要有你。」詩詩捉實我隻手。
. ,
一個靚女,咩都唔要求,就係想嫁畀我,我點拒絕到?
.
婚後,初時詩詩都有返工,無幾耐佢就大咗肚,生咗個仔。
.
我努力賺錢,養妻活兒,但人工唔高,生活拮据。
.
好彩詩詩好體諒我,從來都唔埋怨我,亦唔會要求買咩貴嘢,同甘共苦。
. ,
我三十歲嗰年,有一日,我喺屋企搵嘢嗰陣,無意中發現咗一張紙。
.
紙質有啲舊,紙上有幾個人名,其中一個係我個名:「陳小凡,XX集團老闆......」
.
其他嘅人名後面,都係寫住咩公司老闆,坐擁邊個商場之類。
.
有幾個名我都認得,係城中聞名嘅富豪,而我個名上面畫咗個圈圈。
.
但我明明係一個窮職員,點解可以同呢堆富豪相提並論?
. ,
我拎住張紙問詩詩,詩詩神情慌亂,支支吾吾咗好耐,都諗唔出合適嘅大話。
.
詩詩嘆一口氣:「我講畀你知,你唔好離開我。」
.
詩詩話,佢自細就生得靚,覺得自己咁優秀,好應該嫁個有錢男人,富貴一生。
.
但佢由二十歲開始尋覓,一直到四十幾歲,都無一個超級富豪娶佢。
.
佢有同富豪拍過拖,但嗰啲富豪都係玩玩吓,唔係早就娶咗老婆,就係後來娶門當戶對嘅有錢女。
. ,
四十幾歲嘅詩詩一無所有,有一日佢精神恍惚,唔小心俾車撞到,然後佢穿越返去自己十八歲嗰陣。
.
佢好開心,佢決定搵一個未發跡嘅富豪,趁低吸納,第日富豪發達,就可以做闊太;
萬一富豪拋棄佢,都可以分一大筆身家。
.
我唔太明白:「你既然都穿越咗,點解唔利用穿越優勢,買吓六合彩、股票咁?」
.
「我係突然穿越嘅,都無記過六合彩號碼。」
詩詩嘆氣:「至於股票投資嗰啲,我前世掛住......尋找愛情,唔太留意時事金融。」
.
待續... #短故 #短篇 #小說 #陳美濤 #廣東話 #粵語 #tomatochan #突然間有個靚女追我
拮据粵音 在 陳美濤 Tomato Facebook 的最佳貼文
突然間,有個靚女追我(上)
我叫陳小凡,今年二十歲,如果要用兩個字嚟形容我,就係「平凡」。
如果可以加多兩個字,我會用「窮」同「醜」。
至於女朋友,我非常清楚,這些機會不是屬於我的,所以亦都無俾人呃去做facial,或者成為觀音兵之類。
我嘅生活好枯燥,就係返學同返兼職。
嗰日喺學校,有個女仔行路唔小心,迎面撞落我度。
佢回過神來,用一雙水汪汪嘅眼睛望住我:「對唔住啊,你無事丫嘛?」
佢好靚女,我心中默念「這些機會不是屬於我的」,然後平靜地搖頭:「無事。」
點知靚女話:「我叫詩詩,我哋咁有緣,不如留個電話啊。」
「吓?」我呆咗。
「或者我留電話畀你,或者加FB、IG都得㗎。」詩詩非常主動。
喺詩詩嘅熱情下,我都留低咗聯絡方法。
自此之後,詩詩每日對我噓寒問暖,秒回訊息,主動約我睇戲食飯,仲買埋戲飛。
唔止咁,睇戲睇到恐怖位,詩詩仲乘機攬住我,細細聲喺我耳邊講:「好驚啊。」
我心猿意馬,但心底仍保持一絲冷靜。
食飯嗰陣,我老實同詩詩講,我屋企好窮,學費都係Grant loan。
詩詩依舊笑靨如花,對我好熱情,仲鼓勵我話我一定會成功。
以我嘅財貌,真係會有靚女主動追我?
我覺得呢個人相當有嫌疑,唔通想呃我買倫敦金?
我試探性咁講:「你平時鍾唔鍾意投資㗎?」
「投資,我唔識啊。」詩詩突然望住我:「你係咪想投資?」
我笑一笑:「講吓啫,都話我無錢。」
「我都儲咗幾萬蚊啊,不如我畀你,你拎去投資......你等等。」
詩詩居然轉身就走,跑去附近嘅櫃員機度,撳晒啲錢出嚟,然後塞畀我。
我完全反應唔到,詩詩仲安慰我:「蝕晒都唔緊要㗎,當練習吓囉。」
「我唔可以要你啲錢。」我當然拒絕。
詩詩神情委屈:「你係咪嫌太少啊?對唔住啊......」
我哋爭持咗好耐,詩詩先肯收番啲錢。
無幾耐,詩詩就向我表白。
女追男,隔層紗,喺佢嘅熱情攻勢下,我好快就淪陷咗,當然我心底都保持警惕。
但係,詩詩真係一個完美嘅女朋友,千依百順,從來唔用我嘅錢,食飯都爭住埋單。
我慢慢都無再懷疑,可能我命中注定,姻緣就係咁好呢。
我大學一畢業,詩詩就提出要結婚。
「我都好想娶你,但我仲未有經濟基礎,又買唔起樓。」我皺眉。
詩詩答:「駛乜買樓,租咪得囉。」
「租金都好貴。」
「你依加咪租緊間劏房,我搬入去同你一齊住。」
詩詩雙眼發光:「放心,我無咩行李,唔會佔你好多位。」
我仲有啲猶豫:「咁仲有婚禮嘅花費......」
「註冊就得啦,乜嘢擺酒婚紗都係身外物,最緊要有你。」詩詩捉實我隻手。
一個靚女,咩都唔要求,就係想嫁畀我,我點拒絕到?
婚後,初時詩詩都有返工,無幾耐佢就大咗肚,生咗個仔。
我努力賺錢,養妻活兒,但人工唔高,生活拮据。
好彩詩詩好體諒我,從來都唔埋怨我,亦唔會要求買咩貴嘢,同甘共苦。
我三十歲嗰年,有一日,我喺屋企搵嘢嗰陣,無意中發現咗一張紙。
紙質有啲舊,紙上有幾個人名,其中一個係我個名:「陳小凡,XX集團老闆......」
其他嘅人名後面,都係寫住咩公司老闆,坐擁邊個商場之類。
有幾個名我都認得,係城中聞名嘅富豪,而我個名上面畫咗個圈圈。
但我明明係一個窮職員,點解可以同呢堆富豪相提並論?
我拎住張紙問詩詩,詩詩神情慌亂,支支吾吾咗好耐,都諗唔出合適嘅大話。
詩詩嘆一口氣:「我講畀你知,你唔好離開我。」
詩詩話,佢自細就生得靚,覺得自己咁優秀,好應該嫁個有錢男人,富貴一生。
但佢由二十歲開始尋覓,一直到四十幾歲,都無一個超級富豪娶佢。
佢有同富豪拍過拖,但嗰啲富豪都係玩玩吓,唔係早就娶咗老婆,就係後來娶門當戶對嘅有錢女。
四十幾歲嘅詩詩一無所有,有一日佢精神恍惚,唔小心俾車撞到,然後佢穿越返去自己十八歲嗰陣。
佢好開心,佢決定搵一個未發跡嘅富豪,趁低吸納,第日富豪發達,就可以做闊太;
萬一富豪拋棄佢,都可以分一大筆身家。
我唔太明白:「你既然都穿越咗,點解唔利用穿越優勢,買吓六合彩、股票咁?」
「我係突然穿越嘅,都無記過六合彩號碼。」
詩詩嘆氣:「至於股票投資嗰啲,我前世掛住......尋找愛情,唔太留意時事金融。」
下集:http://bit.do/e54SB
將專頁設定為「搶先看」/ "See first",最新故仔馬上睇!
參加自己嘅喪禮:https://goo.gl/po2ZoL
我偷咗男朋友個腎:https://goo.gl/EvyS8X
#短故 #短篇 #小說 #陳美濤 #廣東話 #粵語 #tomatochan #突然間有個靚女追我