日本中伏經驗－東京鐵塔卡通餐廳

我係好鍾意日本，
鍾意到呢排無得去日本好身痕，
因為基本上武肺前每個月都去一兩次。

去過咁多次，基本上都好開心，
野食好岩食，日本人又好有禮貌，
對於唔識日文既我都會覺得唔好意思，
覺得應該學翻啲日文旁下身咁 (但我語言天份係0)。

但上得山多，總會遇上幾次伏，
日本基本上都無乜難食既野，
佢地最多係唔好食，但就等於我地香港食茶記，
你無希望，就唔會有失望，
不過我都係日本食過啲難食既野，
例如有一次我朋友同我講，個期Skytree有某隻好hit既黃色卡通擺pop up cafe，
咁我緊係要去湊熱鬧啦！
你要知道呢啲pop up cafe通常啲野都賣得唔慌平，
一杯melon soda可以擺個公仔紙係面就賣你500-600Yen，
咁我就order左個唔知乜野飯啦，係有隻公仔係面好得意，
但喂大佬，個飯臭嫁，結果食都無食就走左，
呢個飯賣左1300-1400Yen左右，
我去普通餐廳食個勁好食既炸豬扒飯都係呢個價啦。

所以我對呢啲卡通pop up cafe本身就無乜好感。

我有朋友好鐘意某卡通，我見Tokyo Tower有佢既主題樂園、主題餐廳，
於是我就plan左佢生日去呢個卡通樂園玩，
順便去主題餐廳去食野，仲可以去佢地主題商品去買卡通產品添，
諗落就happy。
我地先去個主題樂園玩，佢啲遊戲大多係啲好easy既小遊戲，
例如係簡單版既密室脫逃，搵下logo個啲，
不過去得既其實都係fans，都係去影個相checkin為主，
而且啲員工都好好，玩得幾happy！

係主題樂園玩完後，惡夢就開始啦，
我就打算同我朋友去卡通主題餐廳食野慶生。
係呢間卡通主題餐廳食嘢唔係貴，但其實一啲都唔平。
一入餐廳，眼前只有一對外籍couple，
舖頭入面有分好似俾細路仔坐既圓形枱，
同埋有長枱，長枱旁邊有卡通公仔。
對外籍couple就坐左係長枱，

店員一開始就帶我地去坐係近門口而且俾細佬仔坐既圓形台，
成間舖頭得佢地兩個人加我眼見既一個店員，
加上我哋去嘅時候唔係peak hour，
咁我就多口問我哋可唔可以坐長枱，
因為一嚟係朋友嘅生日飯，二來可以比朋友影相，
開心一日都好麻。
點知店員就開始發脾氣，揼低Menu就答我「no,no,no」，
（因為我用英文問店員）
然後佢仲走入廚房，唔見左人。

那我唔知佢又係心情唔好啊，定有冇歧視。
但揼低Menu呢一下，已經唔係一個正確服務業對客人既態度，
個一下我同我朋友已經覺得好唔開心，
所以就決定離開餐廳。
但行左兩步之後，我真心覺得好嬲，
大佬我係黎左日本喎，依家我係香港食緊澳牛咩。
所以我就決定攞佢名去投訴，
入到去我問佢叫名，佢立即遮住佢自己名牌講sorry sorry，
我同佢講你唔使講sorry我一定會投訴你，
當然最後我見到佢名牌上個名啦，
最後我就係Tokyo Tower同間餐廳facebook inbox都寫左封投訴信，
不過一如所料係無回覆。

自問我問問題既時候都有禮貌，
不過可能我唔係講日文啦，所以佢覺得唔happy。
經過呢單事後，我都依然好鍾意日本，
我相信每一度都有好人衰人，不過呢單事我有個諗法，
係咪Tokyo Tower請既人要特別留意呢？
話哂都係一個咁出名嘅旅遊景點，
而且呢套卡通係世界好出名嘅，咁樣嘅員工一定會俾人唔好嘅觀感，
自從個次之後，我對呢類卡通cafe更加無好感，
而呢次就成為左我係日本既其中一次伏。

安德魯艾豬：https://www.instagram.com/a.drewy/

#個次搞到我勁唔開心因爲係慶生
#但基本上我遇過好多日本人都好好

通行證號碼（下）

文：薯伯伯

香港近來有兩個不太好的風氣，一是投訴文化過盛，事無大小都可以投訴。至於另一個不良的風氣，就是把一切的投訴，都當作是負面之事。但正正因為配備較為良好的投訴機制，才有推動社會前進的動力。如果你有機會生活在一個很多事情都不方便投訴的社會，就會忽然覺得，原來有得投訴，也是不錯。

在西藏近幾年推出了一個「市長信箱」（或「領導信箱」），凡是遇到任何雞毛蒜皮的小事，都可以反映意見。至於大事情呢，則不在此文討論範圍之內。那些可以投訴的芝蔴綠豆之事，例如公廁堵了，車子塞了，停水停電。也不一定是投訴，有些民生查詢，意見反映，心思思，有件事，遇疑難，都可以話給市長知。

我有個朋友在拉薩經營旅館，環衛局在外邊砍樹，樹倒之時把旅館的玻璃窗打碎。環衛局跟他們說是工人的問題，工人說是環衛局的問題，多番投訴無效，朋友便寫信給「市長」，最後環衛局三名領導過來道歉及賠償。

* * *

好了，說回我要投訴之事。我早前提到，去建設銀行時，職員不懂分辨香港人的通行證，先是敷衍地叫我走到 5 公里外的分行辦理，後來見我有意投訴，才願意幫我即場處理。簡單一個操作，最終花了 80 多分鐘。如果以後再有類似情況，我豈不又要浪費光陰？既然都浪費了 80 分鐘，那不如再添半小時寫個意見，反映一下情況，書寫長文，我也是在行的。其實類似情況以前也有發生，但這次促使我投訴的動力，是因為對方懶得查證，居然隨意一句，便要客人跑到 5 公里外的分行處理問題。他大概以為，只用一句話就能減省自己的麻煩。

我在中國生活多年，有四個經驗，很值得跟讀者分享：

一，事無大小，找你能力範圍裡面能夠找到的最高官員，如果直接向下級員工反映意見，對方往往得過且過。
二，多提法律文件的名堂，把簡單的事情說得官冕堂皇。
三，把國家、黨、法、合乎、指定之類的用語，經常掛在嘴邊，掛到對方都覺得煩。
四，還有，避免單獨提及「香港」二字，要經常把香港包裝在國家體制下。總之提到「香港」二字，必須把話說得密不透風。（最後這點，是很多香港人都沒有意識到的，但很重要，以後會再寫文做詳細解釋。）

總結以上四個經驗，我把建設銀行職員不懂分辨回鄉卡的號碼格式，寫信給了市長。如果有人覺得這是小題大造，我是不同意的，你只要想像一下，自己辦理小事情，都要花上一個多小時，就會知道這不是小題大造了。

意見信的內容如下：

＝＝＝

主題：中国建设银行对国家法定的身分证明文件不熟悉而造成困扰及不便

內文（原文為簡體中文）：

親愛的市長先生台鑒：

我在2018年4月3日下午17時02分，到了中國建設銀行位於拉薩市北京西路21號的分行，想更改戶口的手機號碼，但該行的員工周先生卻因為不清楚「港澳居民來往內地通行證」的號碼格式，並指我的證件號碼不符，拒絕幫我辦理業務。我當時對櫃台職員周先生說明了號碼格式的情況，但他只是敷衍地叫我跑到位於五公里外的宇拓路分行去辦理相關業務。

我是香港特區居民，使用的證件為「港澳居民來往內地通行證」，按照《中國公民因私事往來香港地區或澳門地區的暫行管理辦法》相關條文而簽發，是港澳居民來往內地時所使用的通行證件，該證件的簽發部門為廣東省公安部。

「港澳居民來往內地通行證」的號碼格式為九個位，一人一號，終身不變。第一位為英文字母，首次申請地在香港的為H，首次申請地在澳門的為M，第二位至第九位為阿拉伯數字。而根據我國公安部於2012年12月28日公佈的《公安部關於啓用新版港澳居民來往內地通行證的公告》規定：「如申請人曾持用舊版通行證，新版通行證使用舊版通行證號碼的前九位作為通行證號碼。」

我當初開戶之時，其實也是用同樣證件開戶，但我發覺建設銀行的員工，多次對非身份證的其他證件，使用情況極不了解。每次均要耗費大量時間來查證。就以這次更改電話的操作為例，前後花了接近80分鐘處理，造成極大的不便。

我想反映的意見是：

一，當時建設銀行的職員，缺乏對「港澳同胞來往內地通行證」的認知，在受到查詢時，也不願去做核實。

二，證件本身沒有問題，但銀行職員卻要求客戶跑到五公裡外的分行去處理業務，態度敷衍，也欠缺對客人的尊重。

三，當本人堅持要對方覈實證件，最後是可以在北京西路的分行得到辦理，但卻要花上80分鐘。

我希望該銀行可以改善之處：

一，加強員工對國家指定的法定身份證明文件的認識，就算其用戶人數較少，也應該有一定的了解。「港澳居民來往內地通行證」是我國根據《中國公民因私事往來香港地區或澳門地區的暫行管理辦法》而簽發的證件類別，該證件在全國各地均為有效合法的身份證明文件，雖然在西藏開銀行戶口的香港同胞人數不算多，但建設銀行屬於國家指定的金融機構，其員工理應對國家指定的證件類別有一定認識。

二，員工對於自己本身不清楚的情況，理應盡力去查證，而不應該敷衍要求客戶跑去另一分行處理。

這篇意見文章，也不是要針對周先生，而且說實在的，當時我聽到周先生想請求該分行的主管覈實，但不得要領。我花時間去寫這封信，是因為過去多年以來，一直受到類似問題困擾，每次都得花上大量時間來讓職員覈實（最終都是可以辦理，但很浪費時間）。

希望有關銀行認真對員工作出相關的指示，以免將來再出現類似的不愉快情況。

一直有讀市長信箱，看到政府關心民生。這次寫信來反映我對建設銀行的一點意見，希望能透過市長信箱來讓涉事銀行知悉相關情況。

即候惠覆，祇請
政安

＝＝＝

遞交投訴信後，西藏地方政府金融服務工作辦公室（簡稱金融辦，負責金融監督、協調、服務的辦事機構），就把我的情況轉介給建設銀行的西藏總行，總行又跟拉薩兩家建行分行了解相關情況，並打電話來跟我真誠（確是挺真誠的）道歉。

至於後來我再去建設銀行，職員對我的態度有何改變呢，本來就不是我關心的範圍，因為我只是不希望以後再浪費大量時間去做證件核實。但如果讀者真的很有興趣知道，那我就說吧，職員對我特別殷勤，保安也會主動倒杯熱水給我，簡直就是賓至如歸。

———

照片：我又找了一張 bank 的照片，這張是在山南一段的雅魯藏布江拍攝，剛好有人趕羊，感覺跟這個故事有一點關係，圖文不符也好，巧合也好，就用來做配圖了，攝於 2017 年 10 月底。

———

多謝閱讀此文！

如果喜歡我寫的文章，請踴躍按 Share 跟人分享，讓更多人看到故事，把想法分享出去，同時誠邀各位留言分享意見！

更多文章，請看薯伯伯的博客及臉書： http://pazu.me/ & http://fb.com/pazukong
更多照片，請看薯伯伯的 Instagram：http://instagram.com/pazu

長文慎入，同埋好嬲唔想睇下有冇錯別字

今日如果仲有未飲曬嘅Pepsi Blue，我會一嘢吹左佢😡😡😡😡😡😡😡😡😡😡😡😡😡
本來今日寫咗第二樣嘢，都要抽起佢個第日再Post。

～～～

話說上個禮拜，有個大陸女仔過黎打第三針，即係最後一針嘅子宮頸癌疫苗。打完之後，佢係咁Chur啲姑娘，問支針嘅成效Exactly有幾高，係唔係100%？點解你會打晒先至問，而唔係考慮開始打第一針之前去問呢個問題呢？

OK，當然個症睇左我，等我解答佢嘅疑難。我已經攞定個Product Information。呢張野係藥廠Officially出，上高有一大段係HPV針嘅Efficacy，因為HPV病毒能夠引起嘅病非常之多。人哋嗰張野有文字版，同埋整咗啲Chart，寫呢支針對各式各樣嘅病，能夠有幾高嘅保護性。

好坦白講，係醫療界入邊冇野係100%。有邊一個醫生可以同你講，食呢隻藥你100%會好返。做呢個手術，會有100%成功率。疫苗一樣，唔會打咗有100%效力。今期都話流感疫苗得幾成效果啦。

我攞住張紙，指埋俾佢睇，話呢到有啲病話Efficacy係70%+，有D 係90%+。呢度再細分某個年齡階層嘅HPV保護程度等等。我叫佢自己返去睇吓，因為真係冇得喺度逐樣續約同佢講。睇唔明再返嚟。

佢又問可唔可以做啲化驗，睇吓打完晒3支針出唔出到抗體。講真，呢支針一世人只係需要打呢3支。（之後藥廠再研發勁啲嘅子宮頸癌針，能夠覆蓋多幾廿款病毒嘅Subtype再算。）佢打第一針之前，又唔係處女，點知你自己有冇Already惹到啲乜HPV菌返嚟，所以可能你已經有某D抗體。咁代表支針有效，定係代表你之前瀨過好多次嘢而好返呢？咁樣驗係冇意思。所以香港唔似大陸，唔會Routine Offer驗Antibody。打針跟足時間完晒一個療程就OK。唔需要再驗啲乜嘢抗體。當然你想嘥錢我實歡迎架。

好似乙型肝炎針咁，好多人明明打晒一個療程，但係抽血驗就出唔到抗體。以前就話會打加強針，但係最新嘅Guideline都已經唔打加強針。只要針卡證明你打晒3支就已經夠。我連呢個例子都解釋埋比佢聽。前前後後我睇咗佢十幾廿分鐘，用盡我畢生嘅力量去解釋俾一個Layman聽。

佢最後話大我話佢全家都係醫生。我話你返去睇吓你有咩唔明，唔明可以問埋佢地。佢話阿媽係兒科醫生咋，我話呢支針外國政府已經會幫九歲嘅兒童打，所以兒科醫生都會識。同埋唔使做專科都應該要識答呢啲問題。唔係點解你要問我，唔問專科？

之後答完佢就離開我間房，離開埋診所。嗱，我講得唔好，你可以叫我解釋到你明白為止。你唔鍾意我，你可以搵我隔離個同事再講一次。你覺得都係唔Gur，你又可以同護士反映。

通常最痴線嗰啲，唔會大吵大鬧嗰啲。係無聲無息嗰啲先至係計時炸彈。今日我被通知，佢寄左投訴信俾上頭嘅。佢封信好好笑。佢用超級爛嘅英文寫，但係中間夾雜一啲中文。點解你唔用Google Translate翻譯下呢（例如佢唔識寫街市係wet market）？

重點係佢封信全部Grammar都係唔啱/唔通。佢有時寫啲嘢仲喺度讚我，搞到我都唔知係讚美定係投訴信。佢話 I quickly get to see doctor (咁即係讚緊我俾佢比服務佢啦？)。又話我lady-like （可能漏咗個No字？）跟著又話我Illiterate （當然佢串錯）。我成個Consultation入面，幾時讀過野或者寫過野比你聽？其實你知唔知呢隻字點解？其實你係咪講緊自己？唔好咁啦，呢個唔係你錯！努力讀書咪得囉！唔好自己貶低自己！有病要食藥啊！

總之我Get到嘅佢想話我好冇禮貌，好似係街市同佢講野咁Rude。又話我冇解釋啲嘢俾佢聽 （大佬我對住你幾十分鐘，唔通鐘意又老又醜又肥，想見多你幾面咩？）。我好辛苦睇唔明佢寫咩。哦，所以我係Illiterate！或者佢用心良苦，特登寫到咁樣樣，咁大陸化等我睇得明係唔係？真係多謝你呀！

當然我經理就隨即打俾我問吓發生咩事。我講完之後佢問我病人態度點。我話佢無理取鬧，寸，唔係好態度囉，你諗下出面都搞佢唔掂。

但係事實就係，唔使講我經理都應該會出封道歉信俾佢。次次我哋護士/醫生俾人投訴，經理都係唔會幫我地。老細會打嚟話你冇做錯，但係身體很誠實，信係會照出。

返Hae工都要有Work Morale架呀老細。

～～～

我決定訂一箱藍可樂返嚟，我又好掛住佢啦⋯⋯😭