我個仔鬼上身（上）
.
今日，我個仔失蹤咗。
.
閉路電視顯示，朗仔係半夜喊住，偷偷開門跑出去。
.
報警之後，我老公怪我，話我逼得朗仔太緊。
.
咩叫逼得太緊？呢個年代充滿競爭，人人都要贏，我明明用咗好多資源培養朗仔，佢仲係一舊垃圾咁。 ， .
今次佢居然考全班第尾，幼稚園都考最尾，第時點會有出...
我個仔鬼上身（上）
.
今日，我個仔失蹤咗。
.
閉路電視顯示，朗仔係半夜喊住，偷偷開門跑出去。
.
報警之後，我老公怪我，話我逼得朗仔太緊。
.
咩叫逼得太緊？呢個年代充滿競爭，人人都要贏，我明明用咗好多資源培養朗仔，佢仲係一舊垃圾咁。 ， .
今次佢居然考全班第尾，幼稚園都考最尾，第時點會有出色？
.
隔離屋陳太問我朗仔考成點，我真係好尷尬囉，番到屋企就打咗朗仔一巴。
.
我都係為佢好啫，點估到朗仔會離家出走。
.
我當然好緊張，周圍搵佢，搵咗成日都無消息。
.
我阿媽都好擔心：「今晚係鬼節，朗仔仲喺條街度，會唔會俾啲污漕嘢搞㗎？」
.
我雖然唔信鬼神，但都好擔心， ， .
好彩，擔心咗一晚，第二日警察通知我，話喺條街度搵到朗仔。
.
朗仔番嚟之後，我有問佢去咗邊，朗仔答唔出，
.
我老公就話：「佢先得五歲，亂行咗成日，點知自己去咗邊。」
.
佢又講得啱，所以只係我打咗朗仔一次，懲罰佢離家出走，之後都無再深究。
， .
但係，朗仔變咗，佢本來好貪玩，成績又差。
.
自從嗰次離家出走後，佢嘅成績突飛猛進，由第尾變做第一，而且唔再搵同學玩。
.
朗仔變得懂事、聽話、沉默寡言，最鍾意去嘅地方係圖書館，我都好開心。
. ，
直到有一次，我帶佢去圖書館，咁啱公司有急事，我就擺低咗佢喺兒童區。
.
行到一半，老闆又打畀我，話急事已經處理好，唔使我番公司。
.
我番去兒童區，但唔見朗仔，搵晒成個圖書館，先喺成人區嘅書架見到朗仔。
.
佢好專心咁睇緊《射鵰英雄傳》，仲細細聲哼歌：「絕招，好武功，十八掌一出力可降龍......」
.
然後朗仔望到我，有一瞬間嘅慌亂，即刻換番天真無邪嘅笑容：「媽咪，呢度啲書書咁大本㗎？」 ， .
呢一刻，我無辦法再呃自己，一切正常。
.
一個五歲嘅細路，就算再有天份，都無可能對《射鵰英雄傳》有興趣，
仲要哼一首七十年代嘅主題曲，更何況朗仔本來就唔聰明。
.
我不動聲色，托阿媽幫我搵咗個法師。
.
法師一嚟到屋企，朗仔就喊住縮埋一角：「媽咪，我唔鍾意佢，快啲趕佢走。」 ， .
法師叫我捉實朗仔，用拂塵喺佢頭上拍咗三下，就有一個黑色嘅人影飄出嚟。 .
法師捏指一算：「鬼節陰氣重，呢隻鬼趁機上咗你個仔身，企圖奪舍。好彩發現得早，再遲嘅話，你個仔嘅魂魄長期得唔到滋養，會魂飛魄散。」
.
我好緊張：「朗仔依加點啊？救唔救得番？」
.
「只要消滅咗呢隻鬼，你個仔就會歸位。」
法師嘆氣：「你個仔嘅魂魄始終受咗傷害，以後智力會差啲。」
， .
咪住先，朗仔本來就唔聰明，智力再差啲，咪變咗弱智？
到時我點同老公交代？所有三姑六婆都會嘲笑我......
.
呢個時候，黑色人影大叫：「我只係想生存......我當年係會考狀元，我一定會好好做你個仔，光宗耀祖。」
.
就算佢唔係狀元，一個成年人嘅魂魄，入咗五歲細路嘅身體，都一定做到天才兒童。
.
佢會贏在起跑線，而真正嘅朗仔......只會輸在起跑線，老大徒傷悲。
.
至於呢隻鬼長大後會唔會孝順我，依加仲邊有養兒防老㗎，只要細個嗰陣畀父母威過就得。
.
我同自己講，朗仔天份唔高，讀書咁辛苦，佢都好唔開心，
如果唔使做人，對佢嚟講可能都係一種解脫？
， .
我同法師講：「我要考慮吓，法師您都係走先啦。」
.
「考慮乜嘢？」法師呆咗：「你個仔就嚟魂飛魄散。」
.
我支吾以對：「其實，呢隻鬼做咗我個仔一段時間，我哋都有感情......」
.
「你想任由鬼魂霸佔人身？傷天害理嘅嘢，我唔會做！」法師大怒，舉起拂塵就向黑色人影衝過去。
.
我一手扯甩自己件衫，衝上去攬住法師：「你唔走，我就叫『非禮』！」
.
法師反應唔切，我再加多句：「今日嘅事，你講一句出去，我就話你想呃我性交轉運。」
.
「你好嘢，以後有咩事唔好搵我。」法師拂袖而去。
， .
黑色人影入番朗仔嘅身體，跑過嚟攬住我：「媽咪，多謝你！從此你就係我阿媽。」
.
我攬住佢喊：「朗仔！朗仔！」
.
從此以後，真正嘅朗仔就去咗極樂世界，唔使再承受人生嘅痛苦。
.
眼前呢一個，係我絕頂聰明嘅天才仔仔。
.
待續... #短故 #短篇 #小說 #陳美濤 #廣東話 #粵語 #tomatochan #我個仔鬼上身
