《多謝你～黑豆豆奶》

絕對冇廣告成份
我係真心想多謝佢

護士呢行要輪更
人人都知日日對腳都要裝摩打
忙起上黎冇得飲水食飯去廁所
好多姑娘都話想插住條尿喉返工唔駛煩🤷🏻‍♀️
加上三餐一定食無定時
所以十個姑娘一定超過一半有腸胃差同泌尿道差既問題

執媽就係腸胃差既其中一個
中醫所謂既脾虛濕重，脾失健運果類
由懷孕開始，雖則冇大嘔特嘔，
但全個孕期都胃酸倒流，
尤其返通宵更，🌚🌚
去到一兩點開始就成條食道好似比火燒，🔥🔥
個胃不斷有好焯熱既液體沖上喉嚨🗣
最嚴重果時喉嚨都沙埋🤦🏻‍♀️

我試過好多方法
食dry diet,疏打餅、消化餅、少食多餐、試唔同既野食、飲牛奶、豆奶、全部都冇用！！
有時食乳酸菌有少少幫助
但一到通宵更就冇得傾，焯熱足全晚！

好彩，比我係中期既時候發現左
黑豆豆奶幫到我架😍😍
雖則唔可以痊癒，但係飲完包凍既黑豆豆奶，十分鐘內就舒緩到焯熱感，起碼再有胃液湧出黎都冇咁拿喉！！
起碼舒緩到5-6個鐘，幫我頂到個通宵更，令我放工後都訓到教

試過唔同牌子，都冇呢個效果
真係好感激你😭😭😭

好多人話驚豆漿涼，唔適合孕婦飲會流產
但我真係冇辦法！又唔想食藥！
每人體質都唔同
適合我唔等於適合你
要自己慢慢試呀

你地用過咩方法黎治療胃酸倒流呀？
坐完個月有冇好返？分享下呀

#安全至上
#唔好試容易有細菌既食物呀
#最驚李斯特菌
#感激遇見你
#胃酸倒流
#孕婦通病
#孕期尾升好多感想

孕婦飲食及下廚需知

懷孕後，便著手看看懷孕的飲食注意事項。中西醫的角度不同。先說說西醫角度，他們主要從營養角度出發，需要戒口的食物亦不多。他們主張多吃不同種類的食物，以吸取不同營養。

碳水化合物可選些維他命及纖維較高的食物，例如糙米、麥片、蕃薯，都比白飯、飯麵、麵包的營養價值高。每天最好吃至少兩種不同顏色的疏菜。每天都需要吃水果及適量肉類。雞蛋可多吃，煮法以拾蛋營養最好。奶類製品亦需多喝，其中牛奶的鈣質比豆漿多很多，若不能喝牛奶，可選加了鈣的豆漿或食用鈣片。我因為我本身體型較瘦，所以我每天都會飲媽咪奶粉。在後期亦會飲鈣x寶。至於體型適中的媽媽，不一定要飲媽咪奶粉，因為當中的熱量和糖份都較高，若要飲，需選一些較低脂低糖的配方。另外我亦有吃福x福孕婦補充品，以免營養不足。後期我亦有飲鴻X堂的滴雞精。

在懷孕頭3個月，需多吸取葉酸，以助腦部發展。高葉酸的食物有西蘭花菠菜、蘆筍等。若怕吸引不夠，也可吃葉酸補充品。當時我亦有叫婦產科醫生開葉酸給我，以免日常吸收不足。 懷孕初期亦需多吸收維他命B，例如吃綠色蔬菜、堅果、奶類製品、雞蛋等。

懷孕中期需多吸取蛋白質， 例如白肉、雞蛋、牛奶等，以助寶寶器官發展。中期亦需多吸收維他命C，以助寶寶細胞發展。最好每天吃至少一份高維他命C的水果，例如奇異果、橙等。

懷孕後期需多吸收DHA、鐵質及鈣質，以促進腦部、血及骨骼發展，令寶寶正常生長。深海魚有豐富的DHA，若怕有重金屬，可吃藻油丸補充DHA。富鐵質食品有波菜、牛肉等。另外，最好每天吃至少三份奶類製品。我腸胃不太好，後期亦有吃life spxxx 益生菌，以促進腸臟健康。

懷孕期間，有些食物切記不要吃。包括未煮熟的食物，例如生肉、生蛋刺身等。一些食物亦很容易有李斯特菌，例如軟雪糕、未經清毒的芝士、沙律、煙三文魚等。其他食物有時嘴饞也可以吃，但這些就記得要避免！我曾在孕期到了西餐廳，吃了沙律，之後非常肚痛！幸好醫生說沒什麼大礙，不然便後悔莫及了。

至於中醫角度，則要視乎體質而定。在懷孕初期不要吃太涼的食物，例如冬瓜。也不要吃蝦蟹，因為會濕熱。不要吃木瓜、薏米、生渣、蘆薈等容易滑胎的食物。我個人覺得在懷孕初期要小心些，但到了中後期較穩定時，一段體質的孕婦，什麼也吃少少，只要不是餐餐吃，應該沒問題的。

下廚方面，有人建議孕婦不要下廚，因為吸入太多油煙不好，及擔心孕婦弄傷自己。不過因為沒有人有空幫我煮，所以我一直都有下廚。我每次下廚都會打開窗及抽氣扇，以保持空氣流通。自己煮較衛生及健康。

謝謝閱畢！

歡迎聯絡: jumpybeanmum@gmail.com
Facebook page: 小跳豆媽育兒記
Instagram: jumpybeanmum

Blogs 腳印
靚太club,My BB.com, Mamibuy

呢個肥仔又幾趣緻⋯⋯

【西醫都會叫大肚婆戒口】呢個概念相當重要：孕婦戒口，係有中西醫之分，「西醫戒口」一定要跟，因為會救到BB 一命！

喺我有BB 時，曾經有朋友同我講百無禁忌，戒口係多餘；亦有大肚fd 子俾人拉去食打冷，人地話怕咩唧你唔係信戒口果啲嘢啩？而家大家身邊都多咗呢類潮人朋友，覺得戒口係婆媽嘢，係睇中醫嘅人即係老一輩、老土嘅人先會信，而戒口都不過係「戒牛戒蝦去預防BB 生濕疹」果啲嘢。

的確「中醫戒口」比較似有殺錯冇放過，而且成日同坊間傳唔食得嘅食物撈亂，一信就乜都冇得食，容易造成孕婦營養唔均衡。但戒口其實唔一定係廢！其實信西醫都要「戒生冷嘢」，目標係針對會殺死肚中BB 嘅李斯特菌，同埋會令孕婦肚痛嘅其他病菌。西醫口吻雖然冇啲老人家咁煩，只係話「建議你唔好食」咁，但其實佢地係拿著多年嘅孕婦入院同埋BB 早產、流產、夭折數據，來勸孕婦短暫改變飲食習慣。幾乎每年都有孕婦由於食呢類嘢中招而入院，所以先話呢類食物係「極危險」級別。 (詳情請看以下新聞)

舉個例，一個孕婦去食自助餐，以下食物真係唔食得：

1. 生肉 (海鮮刺身，生蠔，煙三文魚)

2. 生菜 (沙律菜，沙律醬雜果沙律)

3. 半熟的肉 (有血水的牛或羊扒)

4. 半熟的蛋 (流心蛋)

5. 煮熟過但變凍無再加熱的食品 (頭盤凍肉，肝肉塗醫，中式涼菜，燒味，燒雞，湯羹)

6. 無殺菌的牛奶製品 (軟芝士)

7. 雪糕 (一大桶任人攞雪糕) (通常針對軟雪糕，保冷不足的雪糕及乳酪)

而以上食物主要出事在：無高溫殺菌，唔知處理嘅人對手係咪夠乾淨，同埋唔知佢貯存方式係咪正確。

知道背後原因後，聰明嘅孕婦就識分咩食得咩唔食得嘞。不過都係果句，無謂為口福而搵兩條人命搏，幾時都係喺屋企自己整自己食最安全，煮到熟透兼趁熱食就最放心。

請大家明白之後，幫手宣揚啲正確嘅大肚婆戒口訊息啦！

P. S. 感謝大B 示範「我唔食!」

更多資料：

一. 衞生署《懷孕及哺乳期的健康飲食》（大肚一定要睇晒）

http://www.fhs.gov.hk/tc_chi/health_info/woman/20036.pdf

二. 參考新聞：

1. 「李斯特菌常見於泥土及自然環境，可以通過進食受污染的食物傳播，也可以由母體經胎盤傳給胎兒或經受感染的產道傳給新生嬰兒，潛伏期大約為3至7日，病徵一般於感染後三星期出現，一般需要住院及接受抗生素治療。」

(2011年：孕婦染李斯特菌 早產嬰死亡 http://hk.apple.nextmedia.com/news/art/20111222/15915779)

2. 「李斯特菌對孕婦可謂防不勝防，只有小量屙嘔肚痛徵狀，至流產後再化驗夭折胎兒，才發現元兇是該菌。」

(2015 年：孕婦染李斯特菌流產 http://the-sun.on.cc/cnt/news/20151113/00407_032.html)

3.「胎兒可經母體受感染導致早產及夭折，若懷孕少於廿四周感染，夭折風險很高；至於妊娠中期，胎兒或會早產並有不同程度的併發症，例如腦膜炎等。」

(2014 年：染李斯特菌孕婦流產 http://orientaldaily.on.cc/cnt/news/20140905/00176_095.html)