銅鑼灣性價比高味美泰國菜館

說起泰菜，大家都會想起泰國菜館雲集的九龍城，全因那邊算是泰國人在港的集散地，而且餐館大多都是由泰國人主理，風味較地道，質素亦有著一定的保證，但其實在其他地區偶爾也會發現一些隱世泰式食店，質素也都不俗，就像筆者最近造訪了銅鑼灣一間新開業的泰國餐廳，其出品質素一點也不會遜色於九龍城的泰菜館。

小店位於食肆臨立的百樂中心之内，設計走新派路線，沒有東南亞風情的裝潢，也沒有富宗教色彩的擺設，踏出電梯只見彩色繽紛、帶點Hiphop味的牆上噴畫，予人朝氣活力的感覺，內裡倘大的玻璃窗映照著街外光景，視野開揚之餘亦增多了空間感，加上整潔的環境和寬闊的座位，雖不是美輪美奐的裝修，但就是叫人坐得輕鬆自在。

打開餐牌，小店提供的食物選擇也不少，從沙律小食，到泰式咖喱、主菜粉麵，一應俱全，而筆者亦重啟了眼闊肚窄的弊病，點得一枱都是餸菜，最終還是打包收場。

泰式串燒(半打)，可選牛、豬或雞肉，筆者當晚只點選了牛肉，味道香濃惹味，蘸上滿有花生香的沙爹醬，更顯滋味，唯肉質燒得較乾身，略為欠缺鮮嫩多汁的口感，如能改善一下將會更好。

小食拼盤一客有齊5款小食，蝦片鬆脆富蝦香，蝦餅結實彈牙，魚餅Q爽滲着淡淡香茅清香，春卷酥脆餡料爽口，班蘭葉包雞件嫩滑濃香，整道拼盤份量十足，賣相震撼夠大堆頭，各有特色，味道亦不俗。

泰式海南雞半隻，份量足料，色澤粉嫩，薄薄的的雞皮下沒有多餘脂肪，皮爽肉滑，加上全部已去骨，可原件入口盡情享用，蘸上酸辣醬汁更是刺激開胃。

泰式滷水豬手，豬手滷得甜香入味不會過濃，而且還已起骨切件慳下了不少功夫，啖啖肉食得過癮，完全合乎筆者這種懶人的心水。豬手份量頗多，豬皮滑嫩入口溶化，沒有太多脂肪，骨膠原滿瀉；肉甫亦鬆軟滿有滷香，只是有些位置偏瘦入口較粗糙，但豬手就是這樣，有肥有瘦各有喜好。墊底還有爽脆的芥蘭條，添上嚼勁之餘亦多上了菜蔬的清爽，讓膩滯平衡下來，是種泰國家常菜的味道。

青咖哩軟殼蟹配蒜蓉包，炸脆了的軟殼蟹放在翠綠的青咖哩汁裡，底層還放有不同的菜蔬如西蘭花和蜜豆增加口感。這裡的青咖喱汁青綠得有點不自然，甚至感覺像油彩般的嚇人，但原來味道卻異常的出色，入口順滑Creamy，甜辣中滿有椰香，還帶有淡淡的香料味，而且濃稠度剛好，可以完全掛上覆蓋食材，佐上軟殼蟹更是鮮香惹味，唯蟹身炸得不夠香脆，感覺有點油膩，如能炸得乾身一點應會更加美味。隨盤還附上一籃蒜蓉包，用來蘸上醬汁同吃，吸滿咖喱外脆內鬆軟；筆者還另點了一客微脆煙韌的香煎薄餅，同樣用來沾醬來吃，實行一點醬汁也不浪費。值得一讚的是店家提供了小火爐為青咖喱保溫，客人就算先品嚐軟殼蟹再享用蒜蓉包，醬汁也不會因放凉了而影響味道，十分貼心。

鹽燒鰂魚，原條黑鰂魚以鹽燒手法燒製，魚身十分巨型，不要以為鰂魚會有很多骨，黑鰂魚肉多骨少，只有中間一條大骨，啖啖肉吃得安心，翻開魚皮，烤焗時間剛剛好，肉質嫩滑多汁，魚肚放了香料，辟去腥味泥味之餘，亦沒有蓋過魚鮮，沾上泰式酸辣汁添上開胃刺激，更顯鮮味。

飛天通菜，一道泰國街邊名店的炒菜，在泰國吃的話是真會飛天的，皆因大廚會將炒好的通菜拋起飛過對面街由店員接住，正宗有得睇又有得食，但在香港極其量只能品其味而已。這店的通菜炒得乾身，鹹香微辣的醬汁剛好掛滿菜身，爽脆惹味，跟飛天通菜的美味不遑多讓。

最後來一客菠蘿海鮮炒飯，金黄色的海鮮炒飯滿滿的放在開邊鮮菠蘿裡，用料除了蝦仁、帶子、魷魚、菠蘿粒和提子乾之外，面頭還鋪滿了肉鬆和腰果。飯粒炒得乾身，粒粒分明，帶著淡淡的香草清香，口感豐富，別具風味。

另外這裏的飲品選擇也頗多，椰汁冰、菠蘿梳打、百香果梳打均有供應，冰凍解渴，而且採用了紙製飲管，支持環保，值得一讚！杯杯$28，價錢實惠，十分抵飲。

整頓飯質素不俗，細問下原來這店是泰國人大廚主理的，難怪頗有正宗的泰國風味，而且定價合理，對比起區內的泰國菜館價錢相對實惠，性價比算高，唯一挑剔的是可能店內人手不太夠，每次點餐或需要服務時，均要花上一點時間才能得到員工的注意，這點有待改善，雖然這樣說，但其實也不失為銅鑼灣區品嚐泰菜的一個好選擇。

餐廳資料

Milu Thai มิลู่ไทย (銅鑼灣)
地址：銅鑼灣耀華街3號百樂中心2樓

【平價高質凍肉尋寶記 - 九龍篇】
好多朋友問我，好想跟我買平靚正凍肉，但又唔想入到新界咁遠，有無其他好介紹呀。

今次我就偷偷地公開我嘅私藏凍肉筍貨店俾大家啦～🙊只此一次，記得好好收藏及tag埋朋友一齊掃貨啦

雖然真係好想自己私下收藏，但獨樂樂不如眾樂樂，都係同大家分享先係最開心🥳。想大家買多D平靚正食材，食材優質價錢卻經濟實惠，煮俾屋企人食，食得靚D健康D又唔會太肉赤，先係煮婦最希望既。

今次呢間凍肉舖係位於平民的深水埗區，亦係我經常光顧的小店之一，種類非常之多，價錢比一般大型超市都平最少1/3以上，有d品種亦係市面上少見既，每次去都好似如獲至寶一樣，睇下有咩新出既筍貨，揀揀下都買幾袋走架😂😂真係可以開心一整天。

最近又入左好多靚貨
同大家分享一下必入十大心水推介💖💖

1. 泰國無激素無骨雞翼1KG裝 $95
大愛呢個產品😍😍懶人最岩啊～唔洗拆骨可以做糯米釀雞翼、蝦膠或者墨魚滑釀雞翼，講起都流曬口水🤤大大包賣$95，出面賣開$110-$140呢個價位，真係全市最平

2. A5 和牛肉眼蓋/日本和牛火鍋片
雪花勁靚，價錢都係$150左右，已經有10幾件，凍凍地打邊爐或烤肉都正到爆，食得夠招積架

3. 丹麥無激素豬扒、豬鞍、豚肉火鍋片、豬腩片、日式叉燒等
呢期大家都好擔心食用豬肉的安全，呢度有丹麥直接入口的急凍豬肉產品，仲要無激素，知道來源真係食得好放心，價錢仲要同一般凍肉差不多，$20-$30已經有交易，非常抵食架！仲要成個凍櫃都係丹麥入口產品，無激素雞胸雞翼都有售，可以一次過入貨

4.美國安格斯西冷扒
$100已經有差不多一磅(16安士), 買定放冷藏格得閒煎個牛扒，同愛人響屋企撐枱腳也很方便

5. 長州大魚蛋(白魚蛋)/陳皮魚蛋/芝士獅子狗
呢度嘅急凍丸類有成兩個大冰櫃咁多，可以話真係咩丸都有😍😍，好似唐老鴨去左金幣池咁開心。第一次見有長洲大白魚蛋賣，成粒乒乓波咁大好誇張。芝士獅子狗都好好食，夠邪惡。仲好方便有陳皮魚蛋賣，可以跟我食譜做街邊風味魚蛋咯😙😙

6. 韓國急凍餃子
呢隻牌子嘅韓國餃子，響大型超市買， 20幾蚊得幾隻，仲要係已經特價價錢。呢度一大包500g先賣$20，真係超抵食

7. 3L特大北海道帆立貝
超大粒第一次見😱😱😱一粒有我8隻指頭咁大，大大包先賣$159，就咁簡單整個牛油蒜蓉焗帶子已經勁好食～～餓！

8. 加拿大白豚豬展 $30
煲湯最岩～又有質素保證

9. 美國牛板腱頂級火鍋片
呢個都係正野黎架，打邊爐必入

10. 日本油甘魚鮫$78
用來做日本晚餐夠哂好味～鹽燒最正

同場仲有好多西餐凍肉食材啦，又有好多唔同嘅醬料，真係可以一次過掃到勁多貨架，買得超開心。鋪入面仲有一隻非常可愛的旺財肥貓，大家買嘢嘅時候可以同佢打聲招呼架～

去完深水埗掃凍肉，附近仲有好多平民美食，一次過試埋，可以玩足半日，記得參考我之前嘅深水埗美食推介啦～～找不到既話記得話我知😌