：
做設計要經常用電腦，長時間維持同一個姿勢做野，令到個肩頸位又攰又痛🥺

做個按摩紓緩一下痛症同埋疲倦嘅肌肉好重要✨，Neomist L'institut 嘅按摩師好細心，會先了解我嘅需要去按摩做到排毒、舒痛、解酸等效果，手勢好又按到穴位，好啱放咗工之後或者週末黎到，放鬆一下自己，疲倦感盡消🥰

平時黎到做按摩前後都可以淋浴，走之前仲可以去梳妝枱化妝，成個環境好乾淨舒服，有輕柔嘅音樂加上天然嘅香薰香氣，令人安心解壓👍🏻
：
#ran_beauté #massage #france #natural #relax
#按摩 #法國品牌 #天然 #銅鑼灣好去處
#lifestyle #enjoy #life #happy #warm #hkig

[閱讀時間警告，長篇的，但認真］

尋晚約咗三個好耐冇見嘅大學同學食飯打麻雀, 難得的輕鬆, 雖然輸咗幾百蚊都開心. 今日星期日瞓晏咗，後來睇Facebook有幾位網友send左一條在自助餐放題集中討論區對牛角Buffet雅蘭分店的投訴俾我, 叫我睇睇乜嘢事. 網上世界天大地大, 有人喜歡有人批評都實屬正常，冇理由去干預或者回應，但係今次由於當事人都有發俾我，而且我見到點左我名要我回應的，加上調查結果確實係有重大蹺蹊，所以希望都講一講。

我爸爸到我公司做飲食超過40年，今天40間分店，每年服務數百萬人次，坦白講，點樣確保數百萬單交易每次都完美，我作為CEO每天都思考呢個問題。特別我本身係工程師出身，所以我比較希望通過建立制度（而唔係老闆每天自己巡舖人治），所以我哋有好多數據的。但係接觸客人又好緊要，40間分店點接觸？好彩有互聯網，所以每一張餐枱上邊都搵到我自己嘅電郵同埋Facebook. 不過所有呢啲都唔會保證每一單交易每一個客人都完全滿意, 因為飲食業其實係live演唱會，所有嘢即時發生冇得NG, 唔係工廠製品可以QC檢查一個星期先至交俾客人. 所以我作為老闆/CEO, 可以保證的是公司制度同文化：絕對唔會欺騙客人用假貨, “貨真價實童叟無欺”. 這是數十年來我們的價值觀、神聖而合情合理的基本商業道德，否則我們也不可能經營超過40年.

公司文化我作為老闆有責任建立同確保, 然後就係制度. 用返今次呢件事嘅例子，牛肉既然唔係工業製品，每一隻牛每一個部份每一件都可以唔同樣，咁點樣可以盡量確保唔會比錯客人呢? 呢啲就牽涉制度建立包括培訓. 每一個菜式我們都有「手順書」，有標準的製作方法、斤両大細。唔同嘅肉類我們會選擇使用唔同嘅器皿，上邊亦都有擺一張註明是什麼品種肉類的小卡，盡量減少犯錯的機會。 我強調，係一個現場live嘅環境，只可以盡量減少犯錯機會，但係確保唔到絕對冇錯的, 所以萬一真係犯錯我們會調查、補救、賠償、改進，然後做得更好。每日都有好多客人直接message我，他們都知道我們真的會認真處理的。 （當然亦有很多很多客人對員工讚賞，鼓勵他們）

講咗咁多我想講咩呢? 即係好似曼聯領隊蘇斯克查可以確保C朗真的是C朗(不是頂包的), 可以盡量做好球員訓練, 但係確保唔到每一場比賽C朗都會入波，都一定贏對方5:0, 確保唔到每一場都全取3分。但係肯定會盡力奪取聯賽冠軍，報答所有球迷。我們都一樣。

咁講返呢一個個案, 首先客人食得唔開心我必須要致歉的. 當然道歉冇用，我上面都講過會認真調查，所以今日好多管理層作出咗好多跟進, 包括調查電腦記錄同埋閉路電視, 相關員工的口供. 似乎客人一共有三個質疑: 1)和牛 2)雪糕 3)埋單。

先睇返事情背景同埋一啲客觀事實：

根據電腦記錄, 客人一男一女於2021年9月18日21:09:06入座，客人為公司會員, 選用Level5放題餐. 期間一共在落單平台點選49次（每次1-4人份量），另外多次去自助區自選食物。期間曾表示軟雪糕溶解（這一點以下會詳細分析），去到23:19:49 (即係兩小時10分鐘之後) 客人舉手要求協助，首次表示牛肉質素欠佳. 客人於23:11:00 以信用卡支付$1756, 及後於00:05:21獲得$878現金, 00:07:06離開餐廳.

喺睇詳情之前我都好想爭取一下大家嘅諒解, 其實我們打開門口做生意, 都明白香港客人經常去日本旅行對食物質素相當有要求，香港人好精明俾幾多錢你你俾返幾多野我, 所以我攞住個宗旨就係Value for money, 特別係放題，真係無限量任食的，只要唔浪費你叫幾多我哋都咁開心歡迎, 出邊無論單點餐廳定係超級市場, 幾多錢一客和牛大家都睇到，我們做的就是量大，從日本進口大量和牛（餐廳嚟講我諗我哋都算香港數一數二的進口量，所有進口單據上市公司好清晰），由於比較大量就可以盡量做到壓低個入貨成本，然後就做到比較相宜的合理價錢做放題。 頭先我都講每年有數百萬客人幫襯我哋，其實香港人真係好合情合理，冇理由話要求食放題每一碟牛肉都好似拍廣告嗰種完美雪花狀態，我哋咁大量採購返嚟，每一隻牛有啲唔同每個部份都有啲唔同同一個部份前後都會唔同真係天然現象，因為牛肉不是工業製品。當然你可以鍾意或者唔鍾意，覺得下次再幫襯或者唔幫襯，呢個都係客人嘅選擇，我哋當然係努力做到最好去爭取每一位客人。 但係將心比心，如果你做老闆，客人食咗兩個鐘頭食咗100碟嘢食之後，然後到買單嘅時候同你講，頭先啲嘢食我唔滿意，我覺得你呃我，所以我唔俾錢，或者隨佢自己心意我鍾意俾一半，你覺得一間公司應該點處理？果一位負責埋單的前線同事，面對咁樣嘅客人佢係面對緊一種怎麼樣的壓力？喺接近凌晨12點嘅時候出現咁嘅狀況佢可以問邊個俾意見佢？ 我今天聽同事調查，最後我那一位充滿壓力的前線同事昨晚選擇退返一半現金，先唔好講點解會咁同埋是否合理，我們下邊一起了解深入啲分析一下，我只係想大家明白我這位員工當時的壓力。

依家詳細睇睇每一個指控，首先講最嚴重的指控 ：牛肉

我上面已經講咗好多次有關牛肉不可能每一碟都一模一樣，我相信大家都明白我就不再重複了。 問題是這個個案客人圖文並茂影出嚟啲牛肉真係好離譜嘅，睇起上嚟好肉酸好恐怖出晒血水的，由於我和你都不在現場只能夠從客人嘅描述以及員工給我的口供，加上電腦記錄同閉路電視去做分析，我留意到以下幾點重點。1）根據客人提供的3張照片，三張相見到牛肉好恐怖都係放在個白色圓碟上邊的。（見圖）如果大家心水清睇一睇wide angle嗰張相 (我Zoom in左用籃圈圈住) 大家睇到白色圓碟上邊嘅牛肉在未融雪之前睇落去都ok的，而且有一個關鍵線索，大家睇一睇上邊是沒有那一張 「A5和牛」嗰張紙牌的。但係後來去到客人刻意拍照比較的時候，大家可以見到圓碟還是那一個，但係肉類已經擺咗好長時間見得好恐怖出晒血水，關鍵關鍵關鍵，是在這些比較的相片中白色碟上邊出現了一張本來不應該在哪裏出現的「A5和牛」紙牌。點解呢一個白色圓碟上邊唔應該有呢一張紙牌呢？因為只要食過牛角Buffet的都知道我們為了客人盡快可以開始燒肉唔好浪費寶貴嘅用餐時間，會按照不同級數送上我們稱為的「頭盤」，頭盤內容係客人所叫嗰個Level可以選擇的不同肉類, 由於第一碟頭盤不需要客人花時間點選，所以快上枱； 有四款不同的肉類，係比客人體驗一下佢叫嗰一個Level可以點選的不同肉類有乜嘢唔同，Level5的頭盤是這樣安排的，而且Level5頭盤必定係用呢一隻專用碟(見圖), 客人之後就可以知道點選乜嘢食最符合自己心意(根據電腦記錄事實上客人後來一共點選左12碟鹿兒島A5）. （題外話，好多客人都真係會142品唔同嘅嘢食包括唔同嘅肉類都試吓，亦有個別客人明知自己唔鍾意其他牛肉所以一入座就同同事講唔要頭盤佢會自己點寧願等多陣花多少少時間等），但係點解一碟頭盤會放喺枱面超過2個小時完全唔食等佢出晒血水，然後嗰張唔應該出現嘅和牛小卡放咗上去然後同一碟新鮮拎出嚟嘅和牛擺在旁邊拍照? 然後就話唔俾錢跟住放上網公審我哋，咁樣嘅比較公唔公平呢？有冇任何意義嘅呢？ 大家自己可以判斷。

軟雪糕溶解:

根據閉路電視，人客是在21:40:32行出去攞雪糕的。即係話時間係入坐之後半小時。即係咁，雖然一般客人都鍾意食完燒肉先食甜品，但係呢位客人食食吓燒肉爭取時間食吓雪糕先都冇話唔得嘅。但係嗰杯係雪糕嚟，同時間你個火爐開到好猛燒緊肉，拎到返張枱之後又唔食擺喺個火爐邊幾分鐘熔晒變到好核突，然後搵我啲同事投訴。同事問頭先攞嘅時候係唔係咁，當時你都話唔系否則都唔會加朱古力豆上去個面。然後我同事仲特登去攞返兩杯俾你，交俾你嘅時候係好靚好正常, 後來客人仲食咗兩杯。 問題系，咁你將燒肉爐旁邊溶晒之後咁恐怖先影相放上網其實有咩意思？ 都係同一句說話，咁樣是否公平？大家可以自己判斷。

埋單：

其實睇咗以上嘅細節，去到呢一步個推理都已經好明顯。你係要食咗130分鐘近百碟之後，埋單嘅時候拎返碟特登保留兩個幾鐘唔食嘅牛肉出嚟投訴話牛肉質素唔好，仲要話我哋呃人，要求唔俾錢。最後搞到12點我個同事壓力之下俾返$878現金俾你。佢當時凌晨時分心理壓力超大沒有誰人可以詢問之下決定咁樣做，慌忙之間如果真係有同你講 「呢啲錢係要我自己出公司未必俾返我」之類可能只係期望你同情佢，當然你不單止冇同情佢攞完錢仲要上網寫。 但係公司絕對係唔會要佢代你找數的 ，所以放心呢筆錢係公司出唔係佢出。

最後補充，諗返起，客人明明在文章中講明自己是第一次幫襯牛角，但係居然又有會員卡，根本都係前言不對後語（我見到都有網民質疑，佢好似解釋係問朋友借卡）。 當然如果客人覺得被人欺騙，採取法律行動報海關或者去消費者委員會，都係客人嘅權利，我們完全尊重的。

無論如何多謝客人提醒，好明顯我們經過今天的調查之後會更加打醒十二分精神，做到比好更好。

#小編去開房 之 Edan都住過嘅隱世工業風酒店

酒店就住得多啦，設計都係咁上下🤔 為求新鮮感，小編就去試下啲精品酒店，真係有意外驚喜！🤩

🎊預訂網址🎊 https://flyagain.la/g6e1

🏨 酒店
今次小編嚟到位於天后嘅TUVE酒店，Edan都有喺「今晚瞓酒店」中介紹過㗎！🤗 酒店距離地鐵站同巴士總站只係3分鐘步程，更位於天后食坊範圍內，出入定搵食都勁方便😍

酒店入口冇大大個名，唔太起眼🧐，好容易就miss，入大門已經要拍卡，保安嚴密，未有卡會有職員開門俾你～🤗 酒店大堂設計好有特色，好似喺星空下咁😂 櫃檯為開放式，冇平時酒店check in同職員個隔閡感，要稱讚一下所有職員都極為有禮🥰

大堂有一個細corner位，小編去時咁啱有香水展俾大家試唔同香水（但冇得買😂😂）另外有咖啡機同兩部電腦。而職員有特別介紹大堂另一邊嘅特色「打卡廁所」，幾有特色，就要大家去探索下啦😎

🛏 客房
每層唔大，只有兩間房，小編今次就入住酒店最貴嘅「瀰」房型 -「夜」🥳 房間面積幾大，為工業風設計，較為簡約，但頗有設計感（詳細見圖）大床正對大窗，幾好瞓！床頭就有插頭，同埋有張細枱仔，攤喺度hea一流！🥰 景觀就樓景，但望左都有少少海景睇，都叫做係海景房啦🤓（喂

最驚喜就係電視，有音響都不在話下，但有netflix、youtube同黃viu睇，係真smart tv啊！酒店罕有！😍 真係睇成日都得！但唔係個個房型都有，很想要就建議問定酒店先！🤓

床後面就有工作枱，面積夠哂大，有哂插頭位同枱燈😌 而另一面係一個大盒，一拆解就好似變型金剛，原來係mini bar，有哂茶、咖啡、水壺等，茶包同平時唔同，睇落幾高級！😛 另一邊牆上有全身鏡，可以摺埋，小編真心好鍾意呢個設計🙏

廁所面積都好大，一入去就馬桶同洗手盤，右邊就係一個勁大勁大嘅淋浴間，大到小編瞓喺度沖涼都得！😮 佢有花灑同雨淋式花灑，小編試完後完全推介用雨淋式，水力同冷熱都好校好多！💁🏻‍♂️ 企缸大到咁，如果係情侶一齊嚟……你懂的😏 不過如果成個係浴缸就真係不得了🤣

🍳 早餐
酒店本身冇餐廳，所以同樓下餐廳合作包大家食早餐，都幾有心！😇 餐廳行打卡cafe路線，包嘅早餐都幾多，有all day breakfast、布甸、沙律、burger等，小編就揀咗窩夫同egg benedict！🤤 不過餐廳唔大，小編費事等位就拎外賣上房食！

兩份早餐都質素好高！egg benedict醬料剛好，唔會太搶，一嘢擺入口咬爛隻蛋個感覺，係天堂呀！🥰 而窩夫就本身有tiramisu味，再淋個焙茶醬，食落有茶嘅澀味，慢慢會再回甘，一食上癮！🤤 兩個餐都包嘢飲，可揀咖啡或茶💁🏻‍♂️

💬 結論
小編嘅精品設計酒店初體驗，真係好驚喜！服務一流，有智能電視任睇，大大個企缸，高質早餐，全部都勁正！🥰 晚餐落樓下都好容易解決，反而選擇多到唔知食乜好😂 酒店價錢唔太貴，住慣哂典型酒店可以一試，一定有新鮮感！😎

完

我對電腦滑鼠Mouse一向都有要求，今日要介紹嘅Logitech MX Anywhere 3 就係近期嘅心水之選喇！

由於我要周圍去，除咗一般寫字枱之外，有時都要喺玻璃枱上面用mouse，成日拎住塊Mouse Pad就當然唔方便啦！MX Anywhere系列主打嘅就係可以喺絕大部份表面，包括玻璃，有同樣嘅體驗。唔係呃你㗎 ！我由第一代嘅MX Anywhere系列就用緊！睇吓！喺玻璃枱上面一樣流暢自如㗎！

而家隨身多device，又Laptop、又Desktop、又ipad，MX Anywhere 3 支援多機配對同埋快速切換功能，配對簡單到極，睇吓我無論係Windows 10定係iPad，只要喺藍牙功能頁面，搵返個裝置，喺滑鼠底揀翻裝置編號，幾秒之內配對就完成喇！之後只要揀返滑鼠底部相應嘅裝置編號，就可以快速切換喺唔同嘅裝置上面用！

另外，Logitech MX Anywhere 3 嘅 Scroll Wheel 亦有好大嘅改良，採用咗 MagSpeed 電磁捲動技術，大大提昇精準度，㩒一㩒下面嘅制，亦可以改為自由捲動，配合唔同嘅場景需要。

Logitech MX Anywhere 3 嘅充電位亦都抵讚！喺Mouse頂用咗USB-C插頭，充電快之餘，就算插着線充電，體驗其實同用緊有線Mouse一樣！而且官方表示，充電1分鐘就可以用到3小時，充滿隻mouse仲夠最多70日嘅正常使用！

MX Anywhere 3 旁邊兩粒細掣，除咗可以操作頁面上落之外，用緊唔同嘅App，亦都可以當做功能鍵咁用！ 好似用緊Chrome嘅時候，你就可以用呢兩粒掣控制Back同Forward功能，相當方便㗎！而且你仲可以透過Logitech Options軟件，自訂相關嘅功能、更新Mouse嘅軟件同埋其他設定！值得一讚嘅係，當我喺Windows平台配對完MX Anywhere 3之後，右下角就會提示我要唔要安裝 Logitech Options喇！相當貼心！

Logitech MX Anywhere 3 官方零售價賣緊HK$699，一隻好嘅滑鼠絕對係提昇生產力嘅重要元素，你又有無心動要買番隻用下？

#foodvlogger #hkfoodvlogger #一居 #燒雞翼 #youtubegiveaway #youtubegiveaway2020 #youtube送大禮 #youtube優惠碼 #優惠碼
#一居板燒外送 #在家燒肉 #速遞 #帆立貝 #阿豬媽

4人套餐包括：
安格斯牛小排 200G 及 安格斯西冷 250G
或 +$120升級為
安格斯肉眼 250G 及 西班牙黑毛豬鞍 250G
或 +$380升級為
澳洲M7和牛西冷 250G x 2件

安格斯牛肩胛 400G
安格斯一口牛200G
美國豬梅肉片 400G
鹽醬五花肉 150G
韓式辣醬五花肉 150G
鹽醬雞翼4隻
燒汁雞腿肉 200G
磯燒飽魚4隻
芝心蝦餅1塊
※食物圖片及克數重量只供參考,實際重量可能有所偏差 ±10%
※各款食品介紹可於單點項目瀏覽

蔬菜盛盒 2份
洋蔥圈、翠玉瓜、精選菇類、生菜、泡菜

調味料
牛油、燒汁、岩鹽、椒鹽、黑椒

餐具
食物夾、剪刀、油掃、筷子、碗、枱布
請支持環保,下單備註輸入「支持環保」,我們將不提供整套餐具組合

爐具組合
鐡板燒爐(大) 38cm x 19cm
燃料4個、滅火蓋、火槍、牛油紙、隔熱夾

!!使用爐具組合注意事項!!
-燃料 每罐燃燒時間約45分鐘
-遵守香港消防建議安全環境下使用
-防止兒童接近


電燒烤爐 適合4至6人用
※7天內非人為損壞包換新
※電線長約一米可能需自備拖板
※490 x 230 x 90mm


Hello大家好我叫阿Tsar, 大家都知我最近有幾忙呀

幾乎冇時間吃飯, 更加不好説約人出街食啦

正當我不知怎分配時間的時候, 就收到一居板燒外送網店的贊助

大家有看過我的影片都知道吧

但凡有贊助商找我拍影片, 我一定會要求有否優惠給我的網友和觀眾

有好西當然要跟人開心share啦, 我專誠叫了我弟和Angel上來

以前就我serve得人多, 現在就讓他兩輪流燒給我吃

我youtube頻道的會員都好喜歡這兩位嘉賓喎

大家如果喜歡兩位嘉賓上我的節目，

記得幫我分享影片兼留言叫他們多點上我節目

一居板燒外送是全港首創鐵板燒懶人包外送

説是懶人包，當然方便至上啦，這裏是一個四人套餐

套餐以外加了帆立貝和帶子都是來自北海道㗎

現在又限聚令、又不可以去旅行、下個月聖誕還可能天氣轉冷

懶人包調味料、工具、牛豬雞齊備

快call三五知己， 叫一居鐵板燒返屋企

獨食易肥， 個個食完encore因為勁好味!!!

單説調味料都有幾種，牛油、燒汁、岩鹽、椒鹽、黑椒

跟餐會有兩盒沙律 ，

裏面各自有 洋蔥圈 、翠玉瓜、菇類、生菜, 另外兩盒泡菜kimchi

在燒烤肉類過程中 ，放些蔬菜去燒烤， 可以吸收肉類的油份

除了吸油之外 ，蔬菜菇類吸取肉汁精華，令蔬菜都好味到飛起

至於餐具方面，有油掃，可以將肉類油份在鐵板上面掃得均勻

燒出來特別香特別靚特別好味

食物夾可以用作夾生的食物，放在燒烤盤上

衛生又方便，鉸剪可以剪細食物，再放落包生菜裏

不說，你還以為我去了韓國，以上講的餐具都可重用，안녕하세요，

你看這個鐵板燒爐幾靚，下次燒烤不用出去跟姐姐爭霸爐啦，

附送四個燃料、火槍、滅火蓋、 牛油紙，

這個隔熱夾是換燃料時，用來夾起個鐵板

當然你亦可以遲些用來夾起飯煲裏的蒸餸啦，

筷子、碗、枱布, 食完包去揼不用洗碗抹枱呀， 我覺得最厲害是個袋

我昨天去維修電腦 ，就把整部電腦放了入一個袋去維修

除了實用之外 ，我覺得它的設計好有東洋feel ，こんにちは

好過你用條麻繩紮住部電腦行出街啦, 大閘蟹咩

今集當然有我最擅長的十大必吃, are u ready?

第一必吃， 韓式辣醬五香肉

我弟所用一種燒法是學習韓國街市阿豬媽的

首先將肉燒到金黃，Yam 些燒汁，

才包住生菜吃， 入面仍然保持肉汁，맛있어요

韓式辣醬五香肉，細佬扮阿豬媽好純熟

Angel食到嘴喐喐 ，暖男細佬係我哋嘅男僕

燒完五花腩，即刻放些蔬菜落去，吸收油份，香噴噴

令到洋蔥更加甜, 這種食法的蔬菜就不會燒到乾爭爭啦

第二必吃，鹽燒雞翼

燒雞翼 ，燒到金香至食

但係你見到佢入面冇燶

肉嫩多汁認真好吃、快領啲拖馬齊齊來食

入面夠多汁，肉味又夠香

認真好吃，食過返尋味，

第三必吃 ，一口牛

燒的時候 ，技巧就是要每一面慢慢煎 ，不要常返來返去

這樣就可以做到外面脆香口 ，入面多汁juicy好鬆化

冇筋、冇渣，阿婆都食得，好好食、個個食、你食我又食

第四必吃，北海道帆立貝、帶子3L

什麼叫3L呢，其實就是刺身帶子尺碼

3L 即每公斤約 11至15隻,

嘩你看帶子幾大粒，還大過Angel 隻拳頭呀

顏色閲目，產自北海道的帆立貝和帶子厚實彈牙，

無論燒烤或刺身生食都一樣鮮甜美味，

北海道帶子帆立貝夠大粒，肉質鮮甜又結實

海水鹹香係我嘅favorite，咁識食冇人夠膽話我笨檸7

第五必吃，磯燒鮑魚

一早已經煮熟了，燒完之後都不會縮水呀

非常入味，我弟還將其剪得靚靚仔仔

放上鮑魚殼，磯燒鮑魚汁味濃、燒得啱啱好唔會燶

燒完剪埋請慢用, 溫馨友誼親情在心中

第六必吃,安格斯牛肩胛, 呈現大理石花紋，

脂肪分佈均勻，燒的時候要留意，因為好快熟，

入口濃郁、柔軟而且多汁，

入口細緻香甜多汁的肉質, 加上持久不散的回韻

滋味油香滴滴仔，入口即溶最盞鬼

四人套餐唔係貴，招朋喚友，先生幾多位

第七必吃 ,澳洲M7和牛西冷 250G x 2件，

澳洲和牛３大特點：帶有甜香的牛油味道。

口感嫩滑，牛肉結構肥瘦相間，沒有筋膜，入口即溶。

肉汁充足，簡單煎烤後油花開始融化，帶出香濃牛味。

牛扒厚切薄切也有學問。厚度這個剛剛好

燒烤的時候，高溫就將牛扒面煎封，能夠將肉汁鎖住

肉味濃郁 ，油花平均, 我三人都喜歡食敕生,

所以就將扒烤到三成熟

令到肉質更加豐富 , 入口更加juicy

工作忙碌做到殘，輕鬆自在食澳洲和牛西冷，

一居外送鐵板燒確係盞， 色香味齊食到個個眼眨眨

第八必吃，美國豬梅肉片

豬肉肥瘦均勻，由於豬肉是一定要熟透的，

豬肉切得比較薄片，這樣就比較容易燒熟

調味得非常之好，油香四射，

擔擔肉好滋味、入口唔覺肥膩

嫩滑肉汁好質地，家中燒烤日日holiday

第九必吃 ， 芝心蝦餅

第十必吃 ，沙律

生菜包豬腩夠好味 、姑類沾肉汁好味到出奇

翠玉瓜咁食唔怕肥， 洋蔥燒過突顯甜味

多謝一居板燒外送贊助，全港首創外賣鐵板燒係一哥

套餐、單叫款式多羅羅，食完個個要encore

家中燒烤抵食兼自助，阿Tsar介紹優惠碼咪錯過

預告下一集星期六晚上九點直播，

送出另外兩間公司三件禮物給網友

當中一件禮品過千元，費用全免，詳情請訂閱和按通知制

留意競猜遊戲詳情，免費得獎，記得留表情符號以示支持呀， 聽晚見 。


成為這個頻道的會員並獲得獎勵：
https://www.youtube.com/channel/UCIuNPxqDGG08p3EqCwY0XIg/join

請用片右下角調4K睇片。

「Price Gadget Show」特備節目Day 5
Price主持：Karen
嘉賓：數碼界KOL Van仔@ValorGears
Price.com.hk喺10月19至30日舉辦「Price Gadget Show」，而10月19至23日一連5晚每晚準時8:30會有精選Super Deal開賣。Price兩位主持Karen同Pinky，會聯同5位數碼界KOL（司徒夾帶，暴力@暴力Violencee生活誌，Anson Cheung，Mavis雞蛋妹，Van仔@ValorGears）每晚8點喺Price YouTube Channel首播介紹當晚Super Deal優惠。

Price Gadget Show Super Deal產品：https://bit.ly/31xo5EQ
活動期間Price網購 x PayMe優惠同步進行，單一商戶單一消費滿$700，使用PayMe結帳並輸入優惠碼「PAYME100」再減$100！

*詳情請參閱產品交易流程、優惠條款及細則
----------------------------------------------------------------------

Logitech G512 RGB 機械式遊戲鍵盤 + G502 HERO 遊戲滑鼠
$799 免運費 送加大滑鼠墊 (價值$69)
立即搶購：https://bit.ly/34h5RJF


Logitech MX ANYWHERE 2S 無線滑鼠 + K780多裝置無線鍵盤
$799 免運費 送文書滑鼠墊 (價值$49)
立即搶購：https://bit.ly/35e1AWI


AOC 24吋電競顯示器
$1,399
立即搶購：https://bit.ly/34iBhPG


SteelSeries Apex 3 防水靜音鍵盤 [TW Version] [中文輸入碼]
$419起 免運費
立即搶購：https://bit.ly/3dWAgAp


Razer DeathAdder V2 Pro 人體工學無線遊戲滑鼠
$1,029 免運費 送Razer Bandana 口罩 (價值$119)
立即搶購：https://bit.ly/37vA7Cz


Dragon War GT-005 RGB 電競枱
$999 免運費 送 Dragon War GP-011 電競遊戲大型桌面鍵盤滑鼠墊 (價值$208)
立即搶購：https://bit.ly/2IIRR2W


Netgear RAX50入門雙頻Wifi 6 路由器
$969起 免運費
立即搶購：https://bit.ly/3oeWQsr


Arlo Pro 3 2K QHD 無線網絡攝影機
$3,094起 免運費
立即搶購：https://bit.ly/3m6po5v


Wacom Cintiq 16 繪圖顯示屏
$4,700起 免運費
立即搶購：https://bit.ly/2Hpg2mi


Philips PicoPix Nano 便攜投影機
$1,398 免運費
立即搶購：https://bit.ly/3dSwibW


ASUS Router RT-AX55 路由器
$899起 免運費 送ASUS ROG口罩套
立即搶購：https://bit.ly/3jj5bb4


Keychron K6 68鍵 RGB彩光藍牙無線機械鍵盤
$599 免運費 可以優惠價$185換購Zenox K2/K6特製胡桃木掌托
立即搶購：https://bit.ly/34fsga7
Keychron K6 68鍵 RGB彩光藍牙無線機械鍵盤 [光學機械軸]
$599起 免運費 可以優惠價$185換購Zenox K2/K6特製胡桃木掌托
立即搶購：https://bit.ly/2HsUxRy
Keychron K6 68鍵 RGB彩光藍牙無線機械鍵盤 [可換軸Hot-Swappable]
$599起 免運費 可以優惠價$185換購Zenox K2/K6特製胡桃木掌托
立即搶購：https://bit.ly/3ocdA3B
Keychron K8 87鍵 RGB彩光藍牙無線機械鍵盤 [可換軸Hot-Swappable]
$699 免運費 可以優惠價$185換購Zenox K8特製胡桃木掌托
立即搶購：https://bit.ly/3kjGFrs


Intehill 15.6" QLED便攜式顯示器
$1,799起 免運費 隨機附送保護貼、保護套、Type C PD火牛、Type C 線及HDMI線
立即搶購：https://bit.ly/3o9BLQd
Intehill 13.3" QLED輕觸控便攜式顯示器
$1,699起 免運費
立即搶購：https://bit.ly/3jiiMPJ


Linksys MAX-STREAM Mesh WiFi 6 路由器
$899 免運費 送 Belkin BOOST↑UP™ 無線直立充電座10W [黑色]
立即搶購：https://bit.ly/34jqvJj


GL.iNet GL-AR750S-Ext(Slate) 便攜 Dual Band VPN路由器
$419起
立即搶購：https://bit.ly/37qSY1D
GL.iNet GL-E750(Mudi) 4G LTE VPN 旅行路由器7000mAh
$1,199起 免運費
立即搶購：https://bit.ly/34h1FK1


Fantech MK852 電競鍵盤 + G10 電競滑鼠 電競套裝
$448
立即搶購：https://bit.ly/2HnlQNw


ROCCAT Skeltr Grey Smart Communication RGB 遊戲鍵盤
$399 免運費
立即搶購：https://bit.ly/31tAlX5
ROCCAT Vulcan 121 Aimo 泰坦全彩光 機械式鍵盤(紅軸)
$988 免運費 送ROCCAT ROC-13-010 Kanga Gaming Mouse Pad(價值$119)
立即搶購：https://bit.ly/34jruct


Creative Sound Blaster G6 膽管便攜耳擴
$999 免運費
立即搶購：https://bit.ly/31uNO0V
Creative Sound BlasterX Katana 電競 Soundbar
$1,799 免運費
立即搶購：https://bit.ly/31sRcsY


Verbatim Vx560 USB 3.1 Gen 2 外置SSD固態硬盤
128GB $198
256GB $308
512GB $468
1TB $798
立即搶購：https://bit.ly/3dIHt6X


#YouTuber集結 #2020 #PriceGadgetShow #數碼 #影音 #創意生活 #電腦 #電腦周邊 #Price