2016年大中小事回顧

二月辭職，五月離開工作八年半嘅一田，期間廣告演講出書專欄搵外快，八月加入康宏，兩個禮拜後，毫無預警下心臟病發，大話夾好彩，我死過翻生。

多姿多彩嘅一年，坐過山車嘅一年，由低到高，又由高到地底泥，由如日中天到歸於平淡，又由平淡到再起風雲，由工作三十年到退休，又由退休到差啲英年早唞，我感觸良多。

鏡花水月，過眼雲烟，心中淨係記得，擔驚受怕，捱更抵夜，任勞任怨，愛意爆棚嘅老婆大人，大恩大德，沒齒難忘，下世為勞為婢，受保護動物至可以報答於萬一，我心存感恩。

除此之外，唔知點寫2016年大中小事回顧，索性拋磚引玉，將今年睇嘅28本書，幾十年嚟睇得最少書嘅一年，但我好滿意好滿足，我諗你哋都唔會嫌棄，我心存謙卑。

練乙錚《博弈 : 練乙錚文集 VI》
鍾樂偉《韓瘋》
Paul Krugman《The Conscience of a Liberal》
Enich von Manstein《失去的勝利. 下冊》
池上良太《日本戰國武將》
王利民《極地狂Run》
Michael Lewis《The Flash Boy》
Michael Lewis《Liar's Poker》
司徒華《捨命陪君子》
林超英《天地變何處安心》
楊懷康《經濟大時代 : 巨變中的永恒》
陳雲《想得出 寫得到》
陳雲《廣東雅言》
Michael Lewis《The New New Thing》
莊偉忠《不開會的CEO》
莊偉忠《不離地的CEO》
鄧偉鈞《真假法治》
歐陽偉豪《母語夠港》
徐緣《關公災難》
徐緣《甜銷》
蕭若元《愛新覺羅皇帝》
張寶華《Brand U》
施永青《無為而治的威力》
蕭若元《邊緣回望》
盧峰《悼我城》
曾錦強《上位》
佐佐木典士《我決定簡單的生活》
蔣勲《破解梵谷》

2017年，新年新希望，洗牌再嚟過，天無絕人之路，既來之則安之，畀啲心機再砌過。祝大家年年月月都咁龍馬精神，時時刻刻都咁快樂，Happy New Year，我心存盼望。

知恥近乎勇

由八月中至𠵱家，即係入廠住院同埋休養期間，無偷懶呑噗，真真正正閉門讀書學做人，徹徹底底知恥近乎勇，總共睇咗六本半書，如下：

莊偉忠《不開會的CEO》、《不離地的CEO》
自出版以嚟，第一次睇莊偉忠嘅著作，書中有好多短評，又扺死、又肉麻、又扮哂「擲地有聲」嘅評論，如果我認識作者本人，我諗我都會欣賞佢，做人夠真夠誠實夠攪笑，誠意推介畀大家。

徐緣《甜銷》、《關公災難》
兩本書清楚表現，徐老弟係幾咁努力，用咗唔知幾多時間，花咗唔知幾多心機，至會寫成網上公關災難及咸濕廣告嘅大全，香港中國海外嘅例子個案都唔放過，以現時嚟講，係最資料齊存嘅有關著作，有買趁手。

歐陽偉豪《母語夠港》
Ben Sir講廣東話，你要聽；Ben Sir用廣東話寫文章點評香港政治現況，你梗係要睇。如果同佢一齊表演齋talk棟篤笑，我淨係擔擔擡擡，只要有我份，係幾咁令人期待。

鄧偉鈞《真假法治》
久仰David Tang大名，經常閱讀他在網上發表嘅評論，針砭時弊，有理有據，唔睇係你嘅損失，他首度處女下海出書，執筆為文，大談法治，梗係要先睹為快。

蕭若元《愛新覺羅皇帝》
自從出咗《香港的命運》上下、《香港大撕裂》上下、《成王敗寇》上下，再忽然轉攻滿清十三位皇帝，由開國皇帝努爾哈赤及皇太極，講到任人愚弄嘅光緖及溥儀，蕭大才子名不虛傳，莫講仲未睇完，就算睇哂，都唔夠膽不自量力寫短評。

點解推薦呢七本書？因為都係作者或出版商親手送畀我嘅，見好嘢，咪誠意推介畀大家，特別係《不開會的CEO》同《不離地的CEO》，前者可能已經寫盡咗偽管理嘅眾生相，後者講做人講政治講愛情，亦都有神來之筆，奉勸各位，一係科水買，一係去圖書館借，唔存在第三種可能。

買呀。

今日我去了醫院，我有兩件事想講。有一個教訓就是如果有何緊急的事，記得去瑪麗醫院。瑪麗醫院能夠提供的服務可算是全港第一。我可以肯定它絕對比養和好的。因為瑪麗駐院的醫生已經是教授。長期有醫生在那裏，但其他醫院未必有。即使貴得如養和也好，醫生也出了診所看症，而不是留在醫院。所以那要找他們回去，麻煩多很多。那是我的第一個教訓。

第二，我想講講吳明林。因為我在醫院遇到他。大家可以看看我和他一齊合照了。大家都看到我講史記和關閉人網，或者之前的很多事。我想大家也知道，我對執行決定的決心是不能質疑的。我一旦作了決定，是不會再作猶疑。我是三思而後行，百折不回。所以大家對我退休也不會懷疑。何況退休也只是小事。我現在把心中牽掛的事一件件地放下，整理我的bucket list。我再改多三本書，就出完我的書，就不再寫書。我將會整理《被消失的八大年》。可能會修正《愛新覺羅皇帝》和《成王敗寇》。那麼我的注述就完成。我提這件事，是因為我覺得做節目仍是於我心有戚戚然。謎米新聞已做得相當不錯，但是它也要靠網台支撐，而網台又要靠我支撐。這是我不太放心的事。為何講這件事，是因為我見到吳明林。吳明林是我做時事節目的最佳拍擋是吳明林。我和他一齊做節目是很高興的。他話因為對香港的環境覺得很悲觀，而意志消沉。他有聽我節目的，無論如何，我希望大家鼓勵一下他，希望他可以客串一下做節目。如果每個星期做節目太煩，也希望一個月可以做一次。我覺得那也是很好了。


即時聊天室：http://goo.gl/ToDqof
謎米香港 www.memehk.com
Facebook：www.facebook.com/memehkdotcom