️ 《𝕃𝕠𝕧𝕖 𝕄𝕦𝕣𝕞𝕦𝕣》𝟛𝕣𝕕 𝕊𝕥𝕠𝕣𝕪: [bfmurmur1615] 可能有啲長🙇‍♂️不過我想一次過抒發晒出黎，然後就可以 我已經25歲, 但係上年先經歷人生第一次初戀。佢同我相差有成7年, 我地因緣際會認識。最後佢話一直都對我有好感, 然後同我表白, 。我本身個人都毒毒地唔太常社交, 所以我當時好開心接受咗，就算我當時唔係特別鐘意佢。 頭幾個月嘅熱戀期大家晚晚都會傾電話，不斷想約大家出街，好想見到對方。但可能我第一次拍拖唔識掌握比咗壓力佢，而且佢本身脾氣的確係比較暴躁，所以中間嗌過一次大交。但係我知道自己有錯，所以我最後成功氹返佢，而且我呢一刻就意識到自己已經愈來愈愛佢，同埋我已經認定佢係命中果個，同會帶佢返屋企見屋企人。 但之後問題就出現，因為佢都開始比較忙，所以就放慢咗。呢段時間我地都盡量講電話同見面，但係佢因為壓力大，所以開始會發脾氣，同埋會請啲情緒綁架嘅嘢 ：「我係咁架喇。唔滿意分手囉」 或者有時做錯少少嘢 「你咁蠢點解我當初會鐘意你」而且佢會開始嫌棄我呢樣果樣唔夠好唔醒目。我知佢可能無心，但其實每句我都好入心。不過我知佢壓力大，所以我聽完唔開心都好，我可能都係對唔住或者唔出聲，但係直頭唔出聲都會「唔想講嘢唔好講囉cut線囉」我本身無經驗，係呢啲情況真係唔知點算好，所以其實我一直都好唔開心，但我好愛佢，唔想呢段關係散，所以我一路都忍住。有幾次我真係忍唔住發脾氣同佢講我唔鐘意佢咁，但都只係換來「咁我錯囉我問題囉」我覺得佢認為自己只係發下脾氣想我氹返佢，唔知其實自己已經係情緒勒索緊我。 係呢個時候開始，我自己都會無意間開始情緒勒索佢，佢好耐唔覆機我會係咁問佢係咪出咗事，有時佢唔開心唔應機我會反過黎講啲「算啦係我無用安慰唔到你」嘅說話逼佢應我，佢都開始不滿同我講過唔鐘意我咁樣比壓力同情緒綁架佢。我好盡量改，但每次佢講果啲嘢嘅時候，我就忍唔住。雖然平時無乜事，但係我feel到段關係已經開始有分別。就算我一直想維持呢段關係，不斷約佢出街同埋傾電話，但我覺得佢已經好似變咗交貨咁。我不斷懷疑自己係咪太唔浪漫唔識拍拖，但我一直都好努力維持段關係。佢想要咩，覺得我有咩缺點我都盡量去滿足同改，希望佢開心。直至最後佢幾日唔覆機然後就話無咗感覺所以分手。 分咗手幾個禮拜到而家我知道佢到而家都覺得我成日綁架好有問題，覺得我一直都對佢唔好識錯咗人。我呢段時間心情一直都好複雜，因為仲掛住佢，所以成日忍唔到手碌佢story, 但係有時見到佢story暗地抱怨又會好嬲想同佢理論，一直輪迴搞到自己精神好差。 但去到呢幾日終於開始放低，諗通咗佢都只係一個好後生嘅女仔，點解我會期待同要強逼佢可以成熟同願意去陪我一齊去維持一段穩定嘅關係。我都領悟咗情感勒索係每段關係都好難避免，不論係男女都會，但最緊要大家衝動完可以肯冷靜傾返。如果你搵到一個肯同你冷靜慢慢傾嘅伴侶，已經好幸福。 雖然最後係好唔開心，但我真心好感謝佢比咗個機會同經歷我，令我有決心去改變自己同去嚮往拍拖呢樣我之前唔敢去諗嘅嘢。 一直都將呢段說話收咗係心底無同過佢或者朋友講，直到今日開始釋懷咗就想一次過寫低佢搵一個平台可以發洩一下，然後就可以將段回憶收埋佢展望將來。 Thanks for everything and good bye. • ♪ Song of the night: @saxyphil - 《#關於愛的碎念》 ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig #香港 #情侶 #香港情侶

[gfmurmur9878] 我今年23 男朋友都一樣 一齊左8個月左右 男朋友係18歲個陣俾人呃錢 差緊人20萬 同左我一齊之後 一路都無坦白到有呢件事發生 係機緣巧合下佢同左我講 個陣我都覺得都無咩野既 咁咪慢慢還俾人囉 。 咁我男朋友一路都有賭開外圍 佢就唔想每個月都淨係還息又還唔到個本 就想靠賭可以還得清條數 點知越賭越大 搞到又差身邊人既錢 又再去搵財仔借錢 咁啱我個ex有fd係個到做 就同左我講 我男朋友上左去借錢 之後我問番男朋友個日去邊黎 佢都仲想瞞住我 去到我同佢講 唔好諗住呃我 佢先同我坦白埋 原來佢開埋個信用積分戶口 。 係走投無路既時候 我緊係叫佢搵佢親戚幫手 咁佢親戚幫左佢還一半既時候 佢親戚原來同左佢屋企人講 佢知道左之後 就好極端咁話唔番屋企訓 又話要訓街 咁我咪叫佢有無必要去到咁 總之係呢一個月既時間我就俾佢呢件事一路係到煩擾 佢親戚又走黎搵我 佢又一路係到同我講 宜家佢親戚肯幫佢還哂所有錢 但係又要佢做啲咩咁。 咁我一路都好想早啲結婚 但係佢宜家咁樣 唔係我唔想同佢捱 而係佢好似變左一個唔適合我既人咁 我知道如果繼續同佢一齊 係黎緊呢幾年 我地唔會成日出街 但係佢就想成日見我 覺得就算無錢 都唔介意洗錢落我身上 我就覺得你無錢咁不如唔好出街 我無咩所謂既 。 除左呢樣 佢仲係一個控制狂 我平時出街着T-shirt 可能個領鬆少少 佢又唔滿意 着短牛仔褲 又話會露到個屎忽出黎 每個禮拜見班fd一次都話太多 又成日情緒勒索我 一唔中意我做既野就會係咁唔開心 氹又唔得 錫又唔得 總之就要我屈服 係咁既情況加埋之下 我真係唔知我仲應唔應該同佢一齊。。 但係撇除呢幾樣 佢其實對我真係好好 好愛我 每次見完都一定會送我番屋企 我係佢第一個見哂佢屋企人同親戚既女朋友 試過為左我同佢屋企人嘈 每次嘈交都係佢低頭 比起我以前啲仆街ex 佢叫做正常人一個 希望大家可以俾啲意見我 我真係唔知仲應唔應該一齊好😞😞😞 ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig #香港 #情侶 #香港情侶

[gfmurmur9854] 尼度講返少少背景先。男朋友有個好熟嘅女閨蜜，簡稱S小姐。S小姐喺我男朋友個ex嚟嘅，佢地分手嘅原因係因為S小姐發現自己其實唔鐘意我男朋友，講咗句：算啦，我覺得自己對你冇乜feel，我都係專心讀書算，我地分手啦。而結束咗佢地一個禮拜嘅戀情（你冇睇錯，係一個禮拜）自然地，我男朋友俾佢hurt得好深，佢付出真心，S小姐喺果個禮拜想要咩，我男朋友都買俾佢，佢唔明點解S小姐唔要佢，然後過咗差唔多半年幾先overcome到。 而我追佢嘅時候係完全唔知佢俾人飛咗，只係覺得佢好唔開心，所以就盡量日日陪喺佢身邊（絕對冇乘虛而入）。最後，喺2月1號嘅時候就一齊咗 S小姐知道咗我男朋友同咗我一齊之後，就覺得自己個ex好似俾人[搶走咗]咁。佢開咗個細ig acc扮係S小姐嘅朋友（點解我知?因為我走去問咗佢朋友)dm 我男朋友 S小姐：其實你知唔知S小姐仲好鐘意你?佢只係一時衝動，同你講咗分手，佢而家日日以淚洗面。你仲鐘意佢嘅話，就快啲同佢表白，復合，佢好多人溝嘎。 （睇度尼度，我已經反曬白眼，心諗咁鐘意佢又分手?） 男朋友：我而家有女朋友啦窩，要表白都等分手之後先 （what???點解要咁答？好容易會令人誤會你！） S小姐：我期待你地分手 （^_^） 因為我男朋友嘅回答，令到S小姐以為我男朋友仲好鍾意佢，但因為我嘅威迫恐嚇最後同咗我一齊，再拒絕佢。當然，S小姐就開始用唔同手段想令到我地分手～ 2月到而家，都差唔多半年時間，佢就日日無間斷咁挑撥離間我地。試過以自己性命威脅男朋友同我分手；試過喺ig story post 啲失戀語錄：「往事只能回憶，卻不能回應」、「做人向前看吧，錯過了就是錯過了」；又試過周圍傳自己同我男朋友好有夫妻相。你諗到嘅方法，佢基本上都有做過 我男朋友都知佢咩事，同我講話唔想得罪佢，驚佢玩針對，唔俾我去鬧S。然後自己就同S傾計傾得好開心扮無野，仲做埋「男女閨蜜」男朋友越係咁，S就做得越過分，日日喺度同我講我男朋友鍾意佢，叫我放手⋯⋯ 點解想開開心心拍個拖，都要應付佢個ex⋯⋯我有朋友叫過我同我男朋友分手，離開咁複雜嘅關係，但係我真係好鍾意佢，我放唔低佢。 想問下要點樣令到佢個ex唔再挑撥離間？ 第一次投稿，sorry for1999🙇‍♀️🙇‍♀️ ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig #香港 #情侶 #香港情侶